ਦਸਮ ਗਰੰਥ । दसम ग्रंथ ।

Page 1283

ਬਹੁਰਿ ਸੁਤਾ ਇਮਿ ਬਚਨ ਉਚਾਰੇ ॥

बहुरि सुता इमि बचन उचारे ॥

ਯਹੈ ਪਿਤਾ! ਦੁਖ ਹ੍ਰਿਦੈ ਹਮਾਰੇ ॥

यहै पिता! दुख ह्रिदै हमारे ॥

ਆਪਨਿ ਗਏ ਕਾ, ਸੋਕ ਨ ਆਵਾ ॥

आपनि गए का, सोक न आवा ॥

ਯਾ ਕੋ ਲਗਤ, ਹਮੈ ਪਛਤਾਵਾ ॥੭॥

या को लगत, हमै पछतावा ॥७॥

ਪੁਨਿ ਸੁਤਾ ਕੌ ਅਸ ਸਾਹ ਉਚਾਰੇ ॥

पुनि सुता कौ अस साह उचारे ॥

ਸੋਈ ਭਯੋ, ਜੁ ਲਿਖਿਯੋ ਹਮਾਰੇ ॥

सोई भयो, जु लिखियो हमारे ॥

ਤੁਮ ਯਾ ਕੋ, ਕਛੁ ਸੋਕ ਕਰਹੁ ਜਿਨ ॥

तुम या को, कछु सोक करहु जिन ॥

ਦੈ ਹੋ ਦਰਬੁ ਜਰਿਯੋ ਜਿਤਨੋ ਇਨ ॥੮॥

दै हो दरबु जरियो जितनो इन ॥८॥

ਭੇਦ ਅਭੇਵ ਨ ਕਛੁ ਜੜ ਪਾਯੋ ॥

भेद अभेव न कछु जड़ पायो ॥

ਮੂੰਡ ਮੁੰਡਾਇ ਬਹੁਰਿ ਘਰ ਆਯੋ ॥

मूंड मुंडाइ बहुरि घर आयो ॥

ਕਰਮ ਰੇਖ ਅਪਨੀ ਪਹਿਚਾਨੀ ॥

करम रेख अपनी पहिचानी ॥

ਤ੍ਰਿਯ ਚਰਿਤ੍ਰ ਕੀ ਰੀਤਿ ਨ ਜਾਨੀ ॥੯॥

त्रिय चरित्र की रीति न जानी ॥९॥

ਸਾਹੁ ਸੁਤਾ ਇਹ ਛਲ ਧਨ ਹਰਾ ॥

साहु सुता इह छल धन हरा ॥

ਭੇਦ ਨ ਤਾ ਕੇ ਪਿਤੈ ਬਿਚਰਾ ॥

भेद न ता के पितै बिचरा ॥

ਸ੍ਯਾਨਾ ਹੁਤੋ ਭੇਦ ਨਹਿ ਪਾਯੋ ॥

स्याना हुतो भेद नहि पायो ॥

ਬਿਨੁ ਲਾਗੇ ਜਲ ਮੂੰਡ ਮੁੰਡਾਯੋ ॥੧੦॥

बिनु लागे जल मूंड मुंडायो ॥१०॥

ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਤੀਨ ਸੌ ਛਬੀਸ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੩੨੬॥੬੧੫੨॥ਅਫਜੂੰ॥

इति स्री चरित्र पख्याने त्रिया चरित्रे मंत्री भूप स्मबादे तीन सौ छबीस चरित्र समापतम सतु सुभम सतु ॥३२६॥६१५२॥अफजूं॥


ਚੌਪਈ ॥

चौपई ॥

ਅਚਲਾਵਤੀ ਨਗਰ ਇਕ ਸੋਹੈ ॥

अचलावती नगर इक सोहै ॥

ਅਚਲ ਸੈਨ ਰਾਜਾ ਤਹ ਕੋਹੈ ॥

अचल सैन राजा तह कोहै ॥

ਅਚਲ ਦੇਇ ਤਾ ਕੇ ਘਰ ਰਾਨੀ ॥

अचल देइ ता के घर रानी ॥

ਸੁੰਦਰਿ ਭਵਨ ਚਤ੍ਰਦਸ ਜਾਨੀ ॥੧॥

सुंदरि भवन चत्रदस जानी ॥१॥

ਅਚਲ ਮਤੀ ਦੂਸਰ ਤਿਹ ਦਾਰਾ ॥

अचल मती दूसर तिह दारा ॥

ਤਾ ਤੇ ਸੁੰਦਰਿ ਹੁਤੀ ਅਪਾਰਾ ॥

ता ते सुंदरि हुती अपारा ॥

ਤਾ ਸੌ ਨ੍ਰਿਪ ਕੋ ਨੇਹ ਅਪਾਰਾ ॥

ता सौ न्रिप को नेह अपारा ॥

ਜਾਨਤ ਊਚ ਨੀਚ ਤਿਹ ਪ੍ਯਾਰਾ ॥੨॥

जानत ऊच नीच तिह प्यारा ॥२॥

ਦੁਤਿਯ ਨਾਰਿ ਅਸ ਚਰਿਤ ਬਿਚਾਰਿਯੋ ॥

दुतिय नारि अस चरित बिचारियो ॥

ਏਕ ਨਾਰਿ ਕੇ ਸਾਥ ਸਿਖਾਰਿਯੋ ॥

एक नारि के साथ सिखारियो ॥

ਤਾ ਕੋ ਭਰਿਯੋ ਦਰਬ ਸੌ ਧਾਮਾ ॥

ता को भरियो दरब सौ धामा ॥

ਜਾਨਤ ਅਵਰ ਨ ਦੂਜੀ ਬਾਮਾ ॥੩॥

जानत अवर न दूजी बामा ॥३॥

ਜਬ ਸਭ ਅਰਧ ਰਾਤ੍ਰਿ ਸ੍ਵੈ ਜਾਹਿ ॥

जब सभ अरध रात्रि स्वै जाहि ॥

ਜਾਗਤ ਰਹੈ ਏਕ ਜਨ ਨਾਹਿ ॥

जागत रहै एक जन नाहि ॥

ਦੀਪ ਜਰਿਯੋ ਧੌਲਰ ਜਬ ਲਹਿਯਹੁ ॥

दीप जरियो धौलर जब लहियहु ॥

ਤਬ ਤੁਮ ਅਸ ਰਾਜਾ ਸੌ ਕਹਿਯਹੁ ॥੪॥

तब तुम अस राजा सौ कहियहु ॥४॥

ਮਾਯਾ ਗਡੀ ਮੋਹਿ ਨ੍ਰਿਪ ਜਾਨੋ ॥

माया गडी मोहि न्रिप जानो ॥

ਏਕ ਬਾਤ ਮੈ ਤੁਮੈ ਬਖਾਨੋ ॥

एक बात मै तुमै बखानो ॥

ਅਛਲਾ ਦੇ ਤ੍ਰਿਯ ਕੌ ਬਲਿ ਦੈ ਕੈ ॥

अछला दे त्रिय कौ बलि दै कै ॥

ਗ੍ਰਿਹ ਲੈ ਜਾਹਿ ਕਾਢਿ ਮੁਹਿ ਲੈ ਕੈ ॥੫॥

ग्रिह लै जाहि काढि मुहि लै कै ॥५॥

ਅਛਲਾ ਦੇ ਜਬ ਹੀ ਸੁਨਿ ਪਾਯੋ ॥

अछला दे जब ही सुनि पायो ॥

ਉਲਟਿ ਭੇਦ ਤਿਹ ਤ੍ਰਿਯਹਿ ਸਿਖਾਯੋ ॥

उलटि भेद तिह त्रियहि सिखायो ॥

ਏਕ ਬਾਤ ਮਾਂਗੇ ਮੁਹਿ ਦੇਹੁ ॥

एक बात मांगे मुहि देहु ॥

ਨ੍ਰਿਪ ਪਹਿ ਨਾਮ ਤਿਸੀ ਕਾ ਲੇਹੁ ॥੬॥

न्रिप पहि नाम तिसी का लेहु ॥६॥

ਪ੍ਰਥਮੈ ਅਧਿਕ ਦਰਬੁ ਤਿਹ ਦਿਯਾ ॥

प्रथमै अधिक दरबु तिह दिया ॥

ਦੁਗਨੋ ਦਰਬ ਦੇਨ ਤਿਹ ਕਿਯਾ ॥

दुगनो दरब देन तिह किया ॥

ਤਿਨ ਸਹੇਟ ਉਤ ਦੀਪ ਜਗਾਯੋ ॥

तिन सहेट उत दीप जगायो ॥

ਇਤਿ ਇਸਤ੍ਰੀ ਇਮਿ ਭਾਖਿ ਸੁਨਾਯੋ ॥੭॥

इति इसत्री इमि भाखि सुनायो ॥७॥

ਹੇ ਨ੍ਰਿਪ! ਮੁਹਿ ਮਾਯਾ ਤੁਮ ਜਾਨੋ ॥

हे न्रिप! मुहि माया तुम जानो ॥

ਬਿਕਟ ਕੇਤੁ ਕੀ ਗਡੀ ਪਛਾਨੋ ॥

बिकट केतु की गडी पछानो ॥

ਅਪਨੀ ਇਸਤ੍ਰੀ ਕਹ ਬਲਿ ਦੈ ਕੈ ॥

अपनी इसत्री कह बलि दै कै ॥

ਯਾ ਤੇ ਭਖਹੁ ਕਾਢਿ ਧਨ ਲੈ ਕੈ ॥੮॥

या ते भखहु काढि धन लै कै ॥८॥

ਰਾਨੀ ਸਾਥ ਜਹਾ ਨ੍ਰਿਪ ਸੋਯੋ ॥

रानी साथ जहा न्रिप सोयो ॥

ਅਰਧਿਕ ਰਾਤ੍ਰਿ ਬਚਨ ਤਹ ਹੋਯੋ ॥

अरधिक रात्रि बचन तह होयो ॥

ਮੁਹਿ ਮਾਯਾ ਕੌ ਘਰ ਹੀ ਰਾਖਹੁ ॥

मुहि माया कौ घर ही राखहु ॥

ਇਸਤ੍ਰੀ ਦੈ ਅਪਨੀ ਬਲਿ ਭਾਖਹੁ ॥੯॥

इसत्री दै अपनी बलि भाखहु ॥९॥

TOP OF PAGE

Dasam Granth