ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 1273 ਆਘਾਸੁਰ ਕੋ ਅਘ ਨਿਵਰਤ ਕਰਿ ॥ आघासुर को अघ निवरत करि ॥ ਪੁਨਿ ਕੇਸੀ ਮਾਰਿਯੋ ਚਰਨਨ ਧਰਿ ॥ पुनि केसी मारियो चरनन धरि ॥ ਬਹੁਰਿ ਬ੍ਰਹਮ ਕਹ ਚਰਿਤ ਦਿਖਾਯੋ ॥ बहुरि ब्रहम कह चरित दिखायो ॥ ਧਰਿ ਕਰਿ ਪਰ ਗਿਰ ਇੰਦ੍ਰ ਹਰਾਯੋ ॥੪॥ धरि करि पर गिर इंद्र हरायो ॥४॥ ਨੰਦਹਿ ਛੀਨ ਬਰਨ ਤੇ ਲ੍ਯਾਯੋ ॥ नंदहि छीन बरन ते ल्यायो ॥ ਸੰਦੀਪਨ ਕੇ ਸੁਤਹਿ ਮਿਲਾਯੋ ॥ संदीपन के सुतहि मिलायो ॥ ਦਾਵਾਨਲ ਤੇ ਗੋਪ ਉਬਾਰੇ ॥ दावानल ते गोप उबारे ॥ ਗੋਪਨ ਸੌ ਬ੍ਰਿਜ ਕਰੇ ਅਖਾਰੇ ॥੫॥ गोपन सौ ब्रिज करे अखारे ॥५॥ ਕੁਬਲਯਾ ਗਜ ਕੋ ਦਾਂਤ ਲਯੋ ਹਰਿ ॥ कुबलया गज को दांत लयो हरि ॥ ਚਾਡੂਰਹਿ ਮੁਸਟਕਹਿ ਪ੍ਰਹਰਿ ਕਰਿ ॥ चाडूरहि मुसटकहि प्रहरि करि ॥ ਪਕਰਿ ਕੇਸ ਤੇ ਕੰਸ ਪਛਾਰਾ ॥ पकरि केस ते कंस पछारा ॥ ਉਪ੍ਰਸੈਨ ਸਿਰ ਛਤ੍ਰਹਿ ਢਾਰਾ ॥੬॥ उप्रसैन सिर छत्रहि ढारा ॥६॥ ਜਰਾਸਿੰਧੁ ਕੀ ਚਮੂੰ ਸੰਘਾਰੀ ॥ जरासिंधु की चमूं संघारी ॥ ਸੰਖ ਲਯੋ ਸੰਖਾਸੁਰ ਮਾਰੀ ॥ संख लयो संखासुर मारी ॥ ਨਗਰ ਦ੍ਵਾਰਿਕਾ ਕੀਯਾ ਪ੍ਰਵੇਸਾ ॥ नगर द्वारिका कीया प्रवेसा ॥ ਦੇਸ ਦੇਸ ਕੇ ਜੀਤਿ ਨਰੇਸਾ ॥੭॥ देस देस के जीति नरेसा ॥७॥ ਦੰਤਬਕ੍ਰ ਨਰਕਾਸੁਰ ਘਾਯੋ ॥ दंतबक्र नरकासुर घायो ॥ ਸੋਰਹ ਸਹਸ ਬਧੂ ਬਰਿ ਲ੍ਯਾਯੋ ॥ सोरह सहस बधू बरि ल्यायो ॥ ਪਾਰਜਾਤ ਸੁਰ ਪੁਰ ਤੇ ਲ੍ਯਾਯਾ ॥ पारजात सुर पुर ते ल्याया ॥ ਬਿੰਦ੍ਰਾਬਨ ਮਹਿ ਖੇਲ ਦਿਖਾਯਾ ॥੮॥ बिंद्राबन महि खेल दिखाया ॥८॥ ਪੰਡ੍ਵਨ ਕੀ ਜਿਨ ਕਰੀ ਜਿਤਾਰੀ ॥ पंड्वन की जिन करी जितारी ॥ ਦ੍ਰੁਪਦ ਸੁਤਾ ਕੀ ਲਾਜ ਉਬਾਰੀ ॥ द्रुपद सुता की लाज उबारी ॥ ਸਭ ਕੌਰਵ ਕੇ ਦਲਹਿ ਖਪਾਈ ॥ सभ कौरव के दलहि खपाई ॥ ਸੰਤਹਿ ਆਂਚ ਨ ਲਾਗਨ ਪਾਈ ॥੯॥ संतहि आंच न लागन पाई ॥९॥ ਸਭ ਸੂਚਨਤਾ ਜੌ ਕਰਿ ਜੈਯੈ ॥ सभ सूचनता जौ करि जैयै ॥ ਗ੍ਰੰਥ ਬਢਨ ਤੇ ਅਧਿਕ ਡਰੈਯੈ ॥ ग्रंथ बढन ते अधिक डरैयै ॥ ਤਾ ਤੇ ਥੋਰੀ ਕਥਾ ਉਚਾਰੀ ॥ ता ते थोरी कथा उचारी ॥ ਚੂਕ ਹੋਇ ਕਬਿ ਲੇਹੁ ਸੁਧਾਰੀ ॥੧੦॥ चूक होइ कबि लेहु सुधारी ॥१०॥ ਅਬ ਮੈ ਕਹਤ ਕਥਾ ਰੁਕਮਨੀ ॥ अब मै कहत कथा रुकमनी ॥ ਜਿਹ ਛਲ ਬਰਿਯੋ ਕ੍ਰਿਸਨ ਸੋ ਧਨੀ ॥ जिह छल बरियो क्रिसन सो धनी ॥ ਲਿਖਿ ਪਤਿਯਾ ਦਿਜ ਹਾਥ ਪਠਾਈ ॥ लिखि पतिया दिज हाथ पठाई ॥ ਕਹਿਯਹੁ ਮਹਾਰਾਜ ਤਨ ਜਾਈ ॥੧੧॥ कहियहु महाराज तन जाई ॥११॥ ਸਵੈਯਾ ॥ सवैया ॥ ਬ੍ਯਾਹ ਬਦ੍ਯੋ ਸਿਸਪਾਲ ਭਏ; ਸੁਈ ਜੋਰਿ ਬਰਾਤ ਬਿਯਾਹਨ ਆਏ ॥ ब्याह बद्यो सिसपाल भए; सुई जोरि बरात बियाहन आए ॥ ਹੌ ਅਟਕੀ ਮਧਸੂਦਨ ਸੌ; ਜਿਨ ਕੀ ਛਬਿ ਹਾਟਕ ਹੇਰਿ ਹਿਰਾਏ ॥ हौ अटकी मधसूदन सौ; जिन की छबि हाटक हेरि हिराए ॥ ਚਾਤ੍ਰਿਕ ਕੀ ਜਿਮਿ ਪ੍ਯਾਸ ਘਟੇ ਨ; ਬਿਨਾ ਘਨ ਸੇ ਘਨ ਸ੍ਯਾਮ ਸੁਹਾਏ ॥ चात्रिक की जिमि प्यास घटे न; बिना घन से घन स्याम सुहाए ॥ ਹਾਰੀ ਗਿਰੀ ਨ ਹਿਰਿਯੋ ਹਿਯ ਕੋ; ਦੁਖ ਹੇਰਿ ਰਹੀ ਨ ਹਹਾ! ਹਰਿ ਆਏ ॥੧੨॥ हारी गिरी न हिरियो हिय को; दुख हेरि रही न हहा! हरि आए ॥१२॥ ਚੌਪਈ ॥ चौपई ॥ ਪਤਿਯਾ ਬਾਚਿ ਚੜੇ ਹਰਿ ਰਥੈ ॥ पतिया बाचि चड़े हरि रथै ॥ ਮਾਨਹੁ ਲੂਟ ਲਯੋ ਮਨਮਥੈ ॥ मानहु लूट लयो मनमथै ॥ ਉਤ ਸਿਸੁਪਾਲ ਜੋਰਿ ਦਲ ਆਯੋ ॥ उत सिसुपाल जोरि दल आयो ॥ ਕੁੰਦਨ ਪੁਰੀ ਨਗਰ ਨਿਯਰਾਯੋ ॥੧੩॥ कुंदन पुरी नगर नियरायो ॥१३॥ ਭੇਦ ਕਹਾ ਰੁਕਮਿਨੀ ਬਿਪ੍ਰ ਸ੍ਯੋਂ ॥ भेद कहा रुकमिनी बिप्र स्यों ॥ ਪ੍ਰਾਨ ਨਾਥ ਸੇਤੀ ਕਹਿਯਹੁ ਯੌ ॥ प्रान नाथ सेती कहियहु यौ ॥ ਜਬ ਮੈ ਗੌਰਿ ਪੂਜਬੈ ਐਹੌਂ ॥ जब मै गौरि पूजबै ऐहौं ॥ ਤਬ ਤਵ ਦਰਸ ਚੰਦ੍ਰ ਸੋ ਪੈਹੌਂ ॥੧੪॥ तब तव दरस चंद्र सो पैहौं ॥१४॥ ਦੋਹਰਾ ॥ दोहरा ॥ ਤਬ ਤੁਮ ਹਮ ਕੌ ਭੁਜਾ ਭਰਿ; ਲੀਜਹੁ ਰਥਹਿ ਚੜਾਇ ॥ तब तुम हम कौ भुजा भरि; लीजहु रथहि चड़ाइ ॥ ਨਿਜੁ ਨਾਰੀ ਲੈ ਕੀਜਿਯਹੁ; ਦੁਸਟ ਸਭਨ ਕੋ ਘਾਇ ॥੧੫॥ निजु नारी लै कीजियहु; दुसट सभन को घाइ ॥१५॥ ਚੌਪਈ ॥ चौपई ॥ ਰੁਕਮ ਬ੍ਯਾਹ ਕੀ ਸੌਜ ਬਨਾਈ ॥ रुकम ब्याह की सौज बनाई ॥ ਭਾਂਤਿ ਭਾਂਤਿ ਪਕਵਾਨ ਮਿਠਾਈ ॥ भांति भांति पकवान मिठाई ॥ ਫੂਲਿਯੋ ਫਿਰਤ ਤ੍ਰਿਯਨ ਕੇ ਗਨ ਮੈ ॥ फूलियो फिरत त्रियन के गन मै ॥ ਮੂੰਡ ਮੁੰਡੇ ਕੀ ਖਬਰਿ ਨ ਮਨ ਮੈ ॥੧੬॥ मूंड मुंडे की खबरि न मन मै ॥१६॥ |
|
|
|
|
Dasam Granth |