ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 1206 ਦਿਜ ਬਾਚ ॥ दिज बाच ॥ ਸੁਨੁ ਪੁਤ੍ਰੀ! ਤੈ ਬਾਤ ਨ ਜਾਨੈ ॥ सुनु पुत्री! तै बात न जानै ॥ ਸਿਵ ਕਹ ਕਰਿ ਪਾਹਨ ਪਹਿਚਾਨੈ ॥ सिव कह करि पाहन पहिचानै ॥ ਬਿਪ੍ਰਨ ਕੌ ਸਭ ਹੀ ਸਿਰ ਨ੍ਯਾਵੈ ॥ बिप्रन कौ सभ ही सिर न्यावै ॥ ਚਰਨੋਦਕ ਲੈ ਮਾਥ ਚੜਾਵੈ ॥੭੧॥ चरनोदक लै माथ चड़ावै ॥७१॥ ਪੂਜਾ ਕਰਤ ਸਗਲ ਜਗ ਇਨ ਕੀ ॥ पूजा करत सगल जग इन की ॥ ਨਿੰਦ੍ਯਾ ਕਰਤ ਮੂੜ! ਤੈ ਜਿਨ ਕੀ ॥ निंद्या करत मूड़! तै जिन की ॥ ਏ ਹੈ ਪਰਮ ਪੁਰਾਤਨ ਦਿਜਬਰ ॥ ए है परम पुरातन दिजबर ॥ ਸਦਾ ਸਰਾਹਤ ਜਿਨ ਕਹ ਨ੍ਰਿਪ ਬਰ ॥੭੨॥ सदा सराहत जिन कह न्रिप बर ॥७२॥ ਕੁਅਰਿ ਬਾਚ ॥ कुअरि बाच ॥ ਸੁਨ ਮੂਰਖ ਦਿਜ! ਤੈ ਨਹਿ ਜਾਨੀ ॥ सुन मूरख दिज! तै नहि जानी ॥ ਪਰਮ ਜੋਤਿ ਪਾਹਨ ਪਹਿਚਾਨੀ ॥ परम जोति पाहन पहिचानी ॥ ਇਨ ਮਹਿ ਪਰਮ ਪੁਰਖ ਤੈ ਜਾਨਾ ॥ इन महि परम पुरख तै जाना ॥ ਤਜਿ ਸ੍ਯਾਨਪ ਹ੍ਵੈ ਗਯੋ ਅਯਾਨਾ ॥੭੩॥ तजि स्यानप ह्वै गयो अयाना ॥७३॥ ਅੜਿਲ ॥ अड़िल ॥ ਲੈਨੌ ਹੋਇ ਸੁ ਲੈ ਦਿਜ! ਮੁਹਿ ਨ ਝੁਠਾਇਯੈ ॥ लैनौ होइ सु लै दिज! मुहि न झुठाइयै ॥ ਪਾਹਨ ਮੈ ਪਰਮੇਸ੍ਵਰ; ਨ ਭਾਖਿ ਸੁਨਾਇਯੈ ॥ पाहन मै परमेस्वर; न भाखि सुनाइयै ॥ ਇਨ ਲੋਗਨ ਪਾਹਨ ਮਹਿ; ਸਿਵ ਠਹਰਾਇ ਕੈ ॥ इन लोगन पाहन महि; सिव ठहराइ कै ॥ ਹੋ ਮੂੜਨ ਲੀਜਹੁ ਲੂਟ; ਹਰਖ ਉਪਜਾਇ ਕੈ ॥੭੪॥ हो मूड़न लीजहु लूट; हरख उपजाइ कै ॥७४॥ ਕਾਹੂ ਕਹ ਪਾਹਨ ਮਹਿ; ਬ੍ਰਹਮ ਬਤਾਤ ਹੈ ॥ काहू कह पाहन महि; ब्रहम बतात है ॥ ਜਲ ਡੂਬਨ ਹਿਤ ਕਿਸਹੂੰ; ਤੀਰਥ ਪਠਾਤ ਹੈ ॥ जल डूबन हित किसहूं; तीरथ पठात है ॥ ਜ੍ਯੋਂ ਤ੍ਯੋਂ ਧਨ ਹਰ ਲੇਤ; ਜਤਨ ਅਨਗਨਿਤ ਕਰ ॥ ज्यों त्यों धन हर लेत; जतन अनगनित कर ॥ ਹੋ ਟਕਾ ਗਾਠਿ ਮਹਿ ਲਏ; ਨ ਦੇਹੀ ਜਾਨ ਘਰ ॥੭੫॥ हो टका गाठि महि लए; न देही जान घर ॥७५॥ ਧਨੀ ਪੁਰਖ ਕਹ ਲਖਿ; ਦਿਜ ਦੋਖ ਲਗਾਵਹੀ ॥ धनी पुरख कह लखि; दिज दोख लगावही ॥ ਹੋਮ ਜਗ੍ਯ ਤਾ ਤੇ; ਬਹੁ ਭਾਂਤ ਕਰਾਵਹੀ ॥ होम जग्य ता ते; बहु भांत करावही ॥ ਧਨਿਯਹਿ ਕਰਿ ਨਿਰਧਨੀ ਜਾਤ; ਧਨ ਖਾਇ ਕੈ ॥ धनियहि करि निरधनी जात; धन खाइ कै ॥ ਹੋ ਬਹੁਰਿ ਨ ਤਾ ਕੌ ਬਦਨ; ਦਿਖਾਵਤ ਆਇ ਕੈ ॥੭੬॥ हो बहुरि न ता कौ बदन; दिखावत आइ कै ॥७६॥ ਚੌਪਈ ॥ चौपई ॥ ਕਾਹੂ ਲੌ ਤੀਰਥਨ ਸਿਧਾਵੈ ॥ काहू लौ तीरथन सिधावै ॥ ਕਾਹੂ ਅਫਲ ਪ੍ਰਯੋਗ ਬਤਾਵੈ ॥ काहू अफल प्रयोग बतावै ॥ ਕਾਕਨ ਜ੍ਯੋਂ ਮੰਡਰਾਤ ਧਨੂ ਪਰ ॥ काकन ज्यों मंडरात धनू पर ॥ ਜ੍ਯੋਂ ਕਿਲਕਿਲਾ ਮਛਰੀਯੈ ਦੂ ਪਰ ॥੭੭॥ ज्यों किलकिला मछरीयै दू पर ॥७७॥ ਜ੍ਯੋ ਦ੍ਵੈ ਸ੍ਵਾਨ ਏਕ ਹਡਿਯਾ ਪਰ ॥ ज्यो द्वै स्वान एक हडिया पर ॥ ਭੂਸਤ ਮਨੋ ਬਾਦਿ ਬਿਦ੍ਯਾਧਰ ॥ भूसत मनो बादि बिद्याधर ॥ ਬਾਹਰ ਕਰਤ ਬੇਦ ਕੀ ਚਰਚਾ ॥ बाहर करत बेद की चरचा ॥ ਤਨ ਅਰੁ ਮਨ ਧਨ ਹੀ ਕੀ ਅਰਚਾ ॥੭੮॥ तन अरु मन धन ही की अरचा ॥७८॥ ਦੋਹਰਾ ॥ दोहरा ॥ ਧਨ ਕੀ ਆਸਾ ਮਨ ਰਹੇ; ਬਾਹਰ ਪੂਜਤ ਦੇਵ ॥ धन की आसा मन रहे; बाहर पूजत देव ॥ ਨ ਹਰਿ ਮਿਲਾ, ਨ ਧਨ ਭਯੋ; ਬ੍ਰਿਥਾ ਭਈ ਸਭ ਸੇਵ ॥੭੯॥ न हरि मिला, न धन भयो; ब्रिथा भई सभ सेव ॥७९॥ ਅੜਿਲ ॥ अड़िल ॥ ਏ ਬਿਦ੍ਯਾ ਬਲ ਕਰਹਿ; ਜੋਗ ਕੀ ਬਾਤ ਨ ਜਾਨੈ ॥ ए बिद्या बल करहि; जोग की बात न जानै ॥ ਏ ਸੁਚੇਤ ਕਰਿ ਰਹਹਿ; ਹਮਨਿ ਆਚੇਤ ਪ੍ਰਮਾਨੈ ॥ ए सुचेत करि रहहि; हमनि आचेत प्रमानै ॥ ਕਹਾ ਭਯੌ? ਜੌ ਭਾਂਗ; ਭੂਲਿ ਭੌਂਦੂ ਨਹਿ ਖਾਈ ॥ कहा भयौ? जौ भांग; भूलि भौंदू नहि खाई ॥ ਹੋ ਨਿਜੁ ਤਨ ਤੇ ਬਿਸੰਭਾਰ ਰਹਤ; ਸਭ ਲਖਤ ਲੁਕਾਈ ॥੮੦॥ हो निजु तन ते बिस्मभार रहत; सभ लखत लुकाई ॥८०॥ ਭਾਂਗ ਖਾਇ ਭਟ ਭਿੜਹਿ; ਗਜਨ ਕੇ ਦਾਂਤ ਉਪਾਰਹਿ ॥ भांग खाइ भट भिड़हि; गजन के दांत उपारहि ॥ ਸਿਮਟਿ ਸਾਂਗ ਸੰਗ੍ਰਹਹਿ; ਸਾਰ ਸਨਮੁਖ ਹ੍ਵੈ ਝਾਰਹਿ ॥ सिमटि सांग संग्रहहि; सार सनमुख ह्वै झारहि ॥ ਤੈ ਮੂਜੀ! ਪੀ ਭਾਂਗ; ਕਹੋ ਕਾ ਕਾਜ ਸਵਰਿ ਹੈਂ? ॥ तै मूजी! पी भांग; कहो का काज सवरि हैं? ॥ ਹੋ ਹ੍ਵੈ ਕੈ ਮ੍ਰਿਤਕ ਸਮਾਨ; ਜਾਇ ਔਧੇ ਮੁਖ ਪਰਿ ਹੈਂ ॥੮੧॥ हो ह्वै कै म्रितक समान; जाइ औधे मुख परि हैं ॥८१॥ |
|
|
|
|
Dasam Granth |