ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 1197 ਪ੍ਰਥਮ, ਮੋਹਿ ਤੁਮ ਤਾਹਿ ਮਿਲਾਵਹੁ ॥ प्रथम, मोहि तुम ताहि मिलावहु ॥ ਬਹੁਰਿ, ਭੋਗ ਮੁਰਿ ਸੰਗ ਕਮਾਵਹੁ ॥ बहुरि, भोग मुरि संग कमावहु ॥ ਪਹਿਲੇ ਬਰੋ, ਵਹੈ ਬਰ ਨਾਰੀ ॥ पहिले बरो, वहै बर नारी ॥ ਵਹ ਇਸਤ੍ਰੀ, ਤੈ ਯਾਰ ਹਮਾਰੀ ॥੭੧॥ वह इसत्री, तै यार हमारी ॥७१॥ ਅੜਿਲ ॥ अड़िल ॥ ਕਰਿ ਹਾਰੀ ਬਹੁ ਜਤਨ; ਨ ਤਿਹ ਰਤਿ ਵਹਿ ਦਈ ॥ करि हारी बहु जतन; न तिह रति वहि दई ॥ ਜੁ ਕਛੁ ਬਖਾਨੀ ਕੁਅਰ; ਵਹੈ ਮਾਨਤ ਭਈ ॥ जु कछु बखानी कुअर; वहै मानत भई ॥ ਪਛਨ ਪਰ ਬੈਠਾਇ; ਤਾਹਿ ਲੈਗੀ ਤਹਾ ॥ पछन पर बैठाइ; ताहि लैगी तहा ॥ ਹੋ ਪਿਯ ਪਿਯ ਰਟਤ ਬਿਹੰਗ ਜ੍ਯੋਂ; ਕੁਅਰਿ ਪਰੀ ਜਹਾ ॥੭੨॥ हो पिय पिय रटत बिहंग ज्यों; कुअरि परी जहा ॥७२॥ ਚਿਤ੍ਰ ਜਵਨ ਕੋ ਹੇਰਿ; ਮੁਹਬਤਿ ਲਗਤ ਭੀ ॥ चित्र जवन को हेरि; मुहबति लगत भी ॥ ਤਾ ਕੋ ਦਰਸ ਪ੍ਰਤਛਿ; ਜਬੈ ਪਾਵਤ ਭਈ ॥ ता को दरस प्रतछि; जबै पावत भई ॥ ਕੁਅਰਿ ਚਹਤ ਜੋ ਹੁਤੀ; ਬਿਧਾਤੈ ਸੋ ਕਰੀ ॥ कुअरि चहत जो हुती; बिधातै सो करी ॥ ਹੋ ਬਨ ਬਸੰਤ ਕੀ ਭਾਂਤਿ; ਸੁ ਝਰਿ ਝਰਿ ਭੀ ਹਰੀ ॥੭੩॥ हो बन बसंत की भांति; सु झरि झरि भी हरी ॥७३॥ ਚੌਪਈ ॥ चौपई ॥ ਜਬ ਦਰਸਨ ਤ੍ਰਿਯ ਕਾ ਪਿਯ ਕਰਾ ॥ जब दरसन त्रिय का पिय करा ॥ ਖਾਨ ਪਾਨ ਆਗੇ ਲੈ ਧਰਾ ॥ खान पान आगे लै धरा ॥ ਬਿਬਿਧ ਬਿਧਨ ਕੇ ਅਮਲ ਮੰਗਾਏ ॥ बिबिध बिधन के अमल मंगाए ॥ ਬੈਠਿ ਕੁਅਰਿ ਕੇ ਤੀਰ ਚੜਾਏ ॥੭੪॥ बैठि कुअरि के तीर चड़ाए ॥७४॥ ਤਾਹੂ ਕੋ ਬਹੁ ਕੈਫ ਪਿਵਾਈ ॥ ताहू को बहु कैफ पिवाई ॥ ਬਹੁਰੋ ਲਯੋ ਗਰੇ ਸੋ ਲਾਈ ॥ बहुरो लयो गरे सो लाई ॥ ਆਸਨ ਚੁੰਬਨ ਬਹੁ ਬਿਧਿ ਕੀਏ ॥ आसन चु्मबन बहु बिधि कीए ॥ ਚਿਤ ਕੇ ਤਾਪ ਬਿਦਾ ਕਰਿ ਦੀਏ ॥੭੫॥ चित के ताप बिदा करि दीए ॥७५॥ ਦੋਹਰਾ ॥ दोहरा ॥ ਕੁਅਰਿ ਸਜਨ ਸੋ ਰਤਿ ਕਰਤ; ਰੀਝ ਰਹੀ ਮਨ ਮਾਹਿ ॥ कुअरि सजन सो रति करत; रीझ रही मन माहि ॥ ਵਹਿ ਦਿਨ ਪੂਜਾ ਰੁਦ੍ਰ ਕੀ; ਭੂਲਿ ਕਰੀ ਤਿਨ ਨਾਹਿ ॥੭੬॥ वहि दिन पूजा रुद्र की; भूलि करी तिन नाहि ॥७६॥ ਚੌਪਈ ॥ चौपई ॥ ਕੁਅਰਿ ਕੁਅਰ ਕੈ ਸੰਗ ਸਿਧਾਈ ॥ कुअरि कुअर कै संग सिधाई ॥ ਏਕ ਬਿਵਤ ਮਨ ਮਾਹਿ ਪਕਾਈ ॥ एक बिवत मन माहि पकाई ॥ ਇਕ ਦੁਰਬਲ ਤ੍ਰਿਯ ਨਿਕਟ ਬਲਾਇਸਿ ॥ इक दुरबल त्रिय निकट बलाइसि ॥ ਕਾਨ ਲਾਗਿ ਤਿਹ ਮੰਤ੍ਰ ਸਿਖਾਇਸਿ ॥੭੭॥ कान लागि तिह मंत्र सिखाइसि ॥७७॥ ਅਪਨੀ ਠੌਰ ਤਾਹਿ ਬੈਠਾਯੋ ॥ अपनी ठौर ताहि बैठायो ॥ ਤਾਹਿ ਭਲੀ ਬਿਧਿ ਚਰਿਤ ਸਿਖਾਯੋ ॥ ताहि भली बिधि चरित सिखायो ॥ ਸਭ ਸਖਿਯਨ ਜਬ ਤਾਹਿ ਨਿਹਾਰਾ ॥ सभ सखियन जब ताहि निहारा ॥ ਤਿਨ ਤ੍ਰਿਯ ਤਬ ਇਹ ਭਾਂਤਿ ਉਚਾਰਾ ॥੭੮॥ तिन त्रिय तब इह भांति उचारा ॥७८॥ ਮੈ ਸਿਵ ਪੂਜਨ ਕਾਲਿ ਨ ਗਈ ॥ मै सिव पूजन कालि न गई ॥ ਤਾ ਤੇ ਸ੍ਰਾਪ ਰੁਦ੍ਰ ਮੁਹਿ ਦਈ ॥ ता ते स्राप रुद्र मुहि दई ॥ ਯਾ ਤੇ ਅਵਰ ਬਰਨ ਹ੍ਵੈ ਗਯੋ ॥ या ते अवर बरन ह्वै गयो ॥ ਗੋਰ ਬਰਨ ਤੇ ਸਾਂਵਰ ਭਯੋ ॥੭੯॥ गोर बरन ते सांवर भयो ॥७९॥ ਸਭ ਸਖਿਯਨ ਇਹ ਭਾਂਤਿ ਸੁਨਾ ਜਬ ॥ सभ सखियन इह भांति सुना जब ॥ ਮਿਲਿ ਰਾਜਾ ਪਹਿ ਜਾਤ ਭਈ ਸਬ ॥ मिलि राजा पहि जात भई सब ॥ ਸਭ ਬ੍ਰਿਤਾਤ ਕਹਿ ਤਾਹਿ ਸੁਨਾਯੋ ॥ सभ ब्रितात कहि ताहि सुनायो ॥ ਦੁਹਿਤਹਿ ਤਾਤ ਬਿਲੋਕਨ ਆਯੋ ॥੮੦॥ दुहितहि तात बिलोकन आयो ॥८०॥ ਅਨਤ ਬਰਨ ਰਾਜੈ ਜਬ ਲਹਾ ॥ अनत बरन राजै जब लहा ॥ ਇਹ ਬਿਧਿ ਸੋ ਰਾਨੀ ਤਨ ਕਹਾ ॥ इह बिधि सो रानी तन कहा ॥ ਕਹਾ ਭਯੋ? ਇਹ ਰਾਜ ਦੁਲਾਰੀ ॥ कहा भयो? इह राज दुलारी ॥ ਗੋਰੀ ਹੁਤੀ, ਹ੍ਵੈ ਗਈ ਕਾਰੀ ॥੮੧॥ गोरी हुती, ह्वै गई कारी ॥८१॥ ਦੋਹਰਾ ॥ दोहरा ॥ ਬਿਰਧ ਤਰੁਨਿ ਤੇ ਹ੍ਵੈ ਗਈ; ਭਈ ਗੋਰਿ ਤੇ ਸ੍ਯਾਮ ॥ बिरध तरुनि ते ह्वै गई; भई गोरि ते स्याम ॥ ਸਤਿ ਸ੍ਰਾਪ ਸਿਵ ਐਸਈ; ਜਪੋ ਸਕਲ ਸਭ ਜਾਮ ॥੮੨॥ सति स्राप सिव ऐसई; जपो सकल सभ जाम ॥८२॥ ਚੌਪਈ ॥ चौपई ॥ ਮੂਰਖ ਰਾਜ ਬਾਤ ਨਹਿ ਜਾਨੀ ॥ मूरख राज बात नहि जानी ॥ ਔਰ ਨਾਰਿ ਦੁਹਿਤਾ ਪਹਿਚਾਨੀ ॥ और नारि दुहिता पहिचानी ॥ ਬਿਰਹ ਮਤੀ ਮਿਤਵਾ ਸੰਗ ਗਈ ॥ बिरह मती मितवा संग गई ॥ ਬਹੁ ਬਿਧਿ ਭੋਗ ਕਮਾਵਤ ਭਈ ॥੮੩॥ बहु बिधि भोग कमावत भई ॥८३॥ |
|
|
|
|
Dasam Granth |