ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 1126 ਚੌਪਈ ॥ चौपई ॥ ਬੀਰਜ ਸੈਨ ਰੂਸ ਕੋ ਰਾਜਾ ॥ बीरज सैन रूस को राजा ॥ ਜਾ ਤੇ ਮਹਾ ਰੁਦ੍ਰ ਸੋ ਭਾਜਾ ॥ जा ते महा रुद्र सो भाजा ॥ ਜਬ ਤਿਨ ਸੁਨ੍ਯੋ ਸਿਕੰਦਰ ਆਯੋ ॥ जब तिन सुन्यो सिकंदर आयो ॥ ਆਨਿ ਅਗਮਨੈ ਜੁਧ ਮਚਾਯੋ ॥੨੦॥ आनि अगमनै जुध मचायो ॥२०॥ ਤਹਾ ਯੁਧ ਗਾੜੋ ਅਤਿ ਮਾਚਿਯੋ ॥ तहा युध गाड़ो अति माचियो ॥ ਬਿਨੁ ਬ੍ਰਿਣ ਏਕ ਸੁਭਟ ਨਹਿ ਬਾਚਿਯੋ ॥ बिनु ब्रिण एक सुभट नहि बाचियो ॥ ਹਾਰਿ ਪਰੇ ਇਕ ਜਤਨ ਬਨਾਯੋ ॥ हारि परे इक जतन बनायो ॥ ਦੈਤ ਹੁਤੋ ਇਕ ਤਾਹਿ ਬੁਲਾਯੋ ॥੨੧॥ दैत हुतो इक ताहि बुलायो ॥२१॥ ਦੋਹਰਾ ॥ दोहरा ॥ ਕੁਹਨ ਪੋਸਤੀ ਤਨ ਧਰੇ; ਆਵਤ ਭਯੋ ਬਜੰਗ ॥ कुहन पोसती तन धरे; आवत भयो बजंग ॥ ਜਨੁਕ ਲਹਿਰ ਦਰਿਯਾਵ ਤੇ; ਨਿਕਸਿਯੋ ਬਡੋ ਨਿਹੰਗ ॥੨੨॥ जनुक लहिर दरियाव ते; निकसियो बडो निहंग ॥२२॥ ਚੌਪਈ ॥ चौपई ॥ ਜੋ ਕਬਹੂੰ ਕਰ ਕੋ ਬਲ ਕਰੈ ॥ जो कबहूं कर को बल करै ॥ ਹਾਥ ਭਏ ਹੀਰਾ ਮਲਿ ਡਰੈ ॥ हाथ भए हीरा मलि डरै ॥ ਜਹਾ ਕੂਦਿ ਕਰਿ ਕੋਪ ਦਿਖਾਵੈ ॥ जहा कूदि करि कोप दिखावै ॥ ਤੌਨੈ ਠੌਰ ਕੂਪ ਪਰਿ ਜਾਵੈ ॥੨੩॥ तौनै ठौर कूप परि जावै ॥२३॥ ਦੋਹਰਾ ॥ दोहरा ॥ ਏਕ ਗਦਾ ਕਰ ਮੈ ਧਰੈ; ਔਰਨ ਫਾਸੀ ਪ੍ਰਾਸ ॥ एक गदा कर मै धरै; औरन फासी प्रास ॥ ਪਾਂਚ ਸਹਸ੍ਰ ਸ੍ਵਾਰ ਤੇ; ਮਾਰਤ ਤਾ ਕੌ ਤ੍ਰਾਸੁ ॥੨੪॥ पांच सहस्र स्वार ते; मारत ता कौ त्रासु ॥२४॥ ਚੌਪਈ ॥ चौपई ॥ ਜਾ ਕੌ ਐਂਚ ਗਦਾ ਕੀ ਮਾਰੈ ॥ जा कौ ऐंच गदा की मारै ॥ ਤਾ ਕੋ ਮੂੰਡ ਫੋਰ ਹੀ ਡਾਰੈ ॥ ता को मूंड फोर ही डारै ॥ ਰਿਸ ਭਰਿ ਪਵਨ ਬੇਗਿ ਜ੍ਯੋਂ ਧਾਵੈ ॥ रिस भरि पवन बेगि ज्यों धावै ॥ ਪਤ੍ਰਨ ਜ੍ਯੋਂ ਛਤ੍ਰਿਯਨ ਭਜਾਵੈ ॥੨੫॥ पत्रन ज्यों छत्रियन भजावै ॥२५॥ ਭਾਂਤਿ ਭਾਂਤਿ ਤਿਨ ਬੀਰ ਖਪਾਏ ॥ भांति भांति तिन बीर खपाए ॥ ਮੋ ਪਹਿ ਤੇ ਨਹਿ ਜਾਤ ਗਨਾਏ ॥ मो पहि ते नहि जात गनाए ॥ ਜੌ ਤਿਨ ਕੇ ਨਾਮਨ ਹ੍ਯਾ ਧਰਿਯੈ ॥ जौ तिन के नामन ह्या धरियै ॥ ਏਕ ਗ੍ਰੰਥ ਇਨਹੀ ਕੋ ਭਰਿਯੈ ॥੨੬॥ एक ग्रंथ इनही को भरियै ॥२६॥ ਮਤ ਕਰੀ ਤਾ ਕੇ ਪਰ ਡਾਰਿਯੋ ॥ मत करी ता के पर डारियो ॥ ਸੋ ਤਿਨ ਐਂਚ ਗਦਾ ਸੋ ਮਾਰਿਯੋ ॥ सो तिन ऐंच गदा सो मारियो ॥ ਜੋ ਕੋਊ ਸੁਭਟ ਤਵਨ ਪਰ ਧਾਵੈ ॥ जो कोऊ सुभट तवन पर धावै ॥ ਏਕ ਚੋਟ ਜਮ ਲੋਕ ਪਠਾਵੈ ॥੨੭॥ एक चोट जम लोक पठावै ॥२७॥ ਰਨ ਤੇ ਏਕ ਪੈਗ ਨਹਿ ਭਾਜੈ ॥ रन ते एक पैग नहि भाजै ॥ ਠਾਂਢੋ ਬੀਰ ਖੇਤ ਮੈ ਗਾਜੈ ॥ ठांढो बीर खेत मै गाजै ॥ ਅਧਿਕ ਰਾਵ ਰਾਜਨ ਕੌ ਮਾਰਿਯੋ ॥ अधिक राव राजन कौ मारियो ॥ ਕਾਪਿ ਸਿਕੰਦਰ ਮੰਤ੍ਰ ਬਿਚਾਰਿਯੋ ॥੨੮॥ कापि सिकंदर मंत्र बिचारियो ॥२८॥ ਦੋਹਰਾ ॥ दोहरा ॥ ਸ੍ਰੀ ਦਿਨਨਾਥ ਮਤੀ ਤਰੁਨਿ; ਸਾਹ ਚੀਨ ਕੇ ਦੀਨ ॥ स्री दिननाथ मती तरुनि; साह चीन के दीन ॥ ਸੋ ਤਾ ਪਰ ਧਾਵਤ ਭਈ; ਭੇਸ ਪੁਰਖ ਕੋ ਕੀਨ ॥੨੯॥ सो ता पर धावत भई; भेस पुरख को कीन ॥२९॥ ਚੌਪਈ ॥ चौपई ॥ ਪਹਿਲੇ ਤੀਰ ਤਵਨ ਕੌ ਮਾਰੈ ॥ पहिले तीर तवन कौ मारै ॥ ਬਰਛਾ ਬਹੁਰਿ ਕੋਪ ਤਨ ਝਾਰੈ ॥ बरछा बहुरि कोप तन झारै ॥ ਤਮਕਿ ਤੇਗ ਕੋ ਘਾਇ ਪ੍ਰਹਾਰਿਯੋ ॥ तमकि तेग को घाइ प्रहारियो ॥ ਗਿਰਿਯੋ ਭੂਮਿ ਜਾਨੁ ਹਨਿ ਡਾਰਿਯੋ ॥੩੦॥ गिरियो भूमि जानु हनि डारियो ॥३०॥ ਭੂ ਪਰ ਗਿਰਿਯੋ ਠਾਂਢਿ ਉਠਿ ਭਯੋ ॥ भू पर गिरियो ठांढि उठि भयो ॥ ਤਾ ਕੌ ਪਕਰਿ ਕੰਠ ਤੇ ਲਯੋ ॥ ता कौ पकरि कंठ ते लयो ॥ ਸੁੰਦਰ ਬਦਨ ਅਧਿਕ ਤਿਹ ਚੀਨੋ ॥ सुंदर बदन अधिक तिह चीनो ॥ ਮਾਰਿ ਨ ਦਈ ਰਾਖਿ ਤਿਹ ਲੀਨੋ ॥੩੧॥ मारि न दई राखि तिह लीनो ॥३१॥ ਤਾ ਕਹ ਪਕਰਿ ਰੂਸਿਯਨ ਦਯੋ ॥ ता कह पकरि रूसियन दयो ॥ ਆਪੁ ਉਦਿਤ ਰਨ ਕੋ ਪੁਨਿ ਭਯੋ ॥ आपु उदित रन को पुनि भयो ॥ ਭਾਂਤਿ ਭਾਂਤਿ ਅਰਿ ਅਮਿਤ ਸੰਘਾਰੈ ॥ भांति भांति अरि अमित संघारै ॥ ਜਨੁ ਦ੍ਰੁਮ ਪਵਨ ਪ੍ਰਚੰਡ ਉਖਾਰੈ ॥੩੨॥ जनु द्रुम पवन प्रचंड उखारै ॥३२॥ ਸਵੈਯਾ ॥ सवैया ॥ ਕਾਤੀ ਕ੍ਰਿਪਾਨ ਕਸੇ ਕਟਿ ਮੈ; ਭਟ ਭਾਰੀ ਭੁਜਾਨ ਕੌ ਭਾਰ ਭਰੇ ਹੈ ॥ काती क्रिपान कसे कटि मै; भट भारी भुजान कौ भार भरे है ॥ ਭੂਤ ਭਵਿਖ੍ਯ ਭਵਾਨ ਸਦਾ; ਕਬਹੂੰ ਰਨ ਮੰਡਲ ਤੇ ਨ ਟਰੇ ਹੈ ॥ भूत भविख्य भवान सदा; कबहूं रन मंडल ते न टरे है ॥ ਭੀਰ ਪਰੇ ਨਹਿ ਭੀਰ ਭੇ ਭੂਪਤਿ; ਲੈ ਲੈ ਭਲਾ ਭਲੀ ਭਾਂਤਿ ਅਰੇ ਹੈ ॥ भीर परे नहि भीर भे भूपति; लै लै भला भली भांति अरे है ॥ ਤੇ ਇਨ ਬੀਰ ਮਹਾ ਰਨਧੀਰ; ਸੁ ਹਾਕਿ ਹਜਾਰ ਅਨੇਕ ਹਰੇ ਹੈ ॥੩੩॥ ते इन बीर महा रनधीर; सु हाकि हजार अनेक हरे है ॥३३॥ |
|
|
|
|
Dasam Granth |