ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 1110 ਬਾਰ ਬਾਰ ਗਜ ਮੁਤਿਯਨ; ਗੁਹੌ ਬਨਾਇ ਕੈ ॥ बार बार गज मुतियन; गुहौ बनाइ कै ॥ ਅਪਨੇ ਲਲਾ ਕੋ ਛਿਨ ਮੈ; ਲੇਉ ਰਿਝਾਇ ਕੈ ॥ अपने लला को छिन मै; लेउ रिझाइ कै ॥ ਟੂਕ ਟੂਕ ਤਨ ਹੋਇ; ਨ ਮੇਰੋ ਨੈਕ ਮਨ ॥ टूक टूक तन होइ; न मेरो नैक मन ॥ ਹੋ ਕਾਸੀ ਕਰਵਤ ਲਿਯੋ; ਪ੍ਰਿਯਾ ਕੀ ਪ੍ਰੀਤ ਤਨ ॥੨੧॥ हो कासी करवत लियो; प्रिया की प्रीत तन ॥२१॥ ਬਿਹਸਿ ਬਿਹਸਿ; ਕਬ ਗਰੇ ਹਮਾਰੇ ਲਾਗਿ ਹੈ? ॥ बिहसि बिहसि; कब गरे हमारे लागि है? ॥ ਤਬ ਹੀ ਸਭ ਹੀ ਸੋਕ; ਹਮਾਰੇ ਭਾਗਿ ਹੈ ॥ तब ही सभ ही सोक; हमारे भागि है ॥ ਚਟਕ ਚਟਕ ਦੈ ਬਾਤੈ; ਮਟਕਿ ਬਤਾਇ ਹੈ ॥ चटक चटक दै बातै; मटकि बताइ है ॥ ਹੋ ਤਾ ਦਿਨ ਸਖੀ ਸਹਿਤ; ਹਮ ਬਲਿ ਬਲਿ ਜਾਇ ਹੈ ॥੨੨॥ हो ता दिन सखी सहित; हम बलि बलि जाइ है ॥२२॥ ਜੌ ਐਸੇ ਝਰਿ ਮਿਲੈ; ਸਜਨ ਸਖਿ! ਆਇ ਕੈ ॥ जौ ऐसे झरि मिलै; सजन सखि! आइ कै ॥ ਮੋ ਮਨ ਕੌ ਲੈ; ਤਬ ਹੀ ਜਾਇ ਚੁਰਾਇ ਕੈ ॥ मो मन कौ लै; तब ही जाइ चुराइ कै ॥ ਭਾਂਤਿ ਭਾਂਤਿ ਰਤਿ ਕਰੌ; ਨ ਛੋਰੋ ਏਕ ਛਿਨ ॥ भांति भांति रति करौ; न छोरो एक छिन ॥ ਹੋ ਬੀਤੈ ਮਾਸ ਪਚਾਸਨ; ਜਾਨੌ ਏਕ ਦਿਨ ॥੨੩॥ हो बीतै मास पचासन; जानौ एक दिन ॥२३॥ ਮਚਕਿ ਮਚਕਿ ਕਬ ਕਹਿ ਹੈ? ਬਚਨ ਬਨਾਇ ਕੈ ॥ मचकि मचकि कब कहि है? बचन बनाइ कै ॥ ਲਚਕਿ ਲਚਕਿ ਉਰ ਸਾਥ; ਚਿਮਟਿ ਹੈ ਆਇ ਕੈ ॥ लचकि लचकि उर साथ; चिमटि है आइ कै ॥ ਲਪਟਿ ਲਪਟਿ ਮੈ ਜਾਉ; ਪ੍ਰਿਯ ਕੈ ਅੰਗ ਤਨ ॥ लपटि लपटि मै जाउ; प्रिय कै अंग तन ॥ ਹੋ ਮੇਲ ਮੇਲ ਕਰਿ ਰਾਖੋ; ਭੀਤਰ ਤਾਹਿ ਮਨ ॥੨੪॥ हो मेल मेल करि राखो; भीतर ताहि मन ॥२४॥ ਸਵੈਯਾ ॥ सवैया ॥ ਖੰਜਨ ਹੂੰ ਨ ਬਦ੍ਯੋ ਕਛੁ ਕੈ ਕਰਿ; ਕੰਜੁ ਕੁਰੰਗ ਕਹਾ ਕਰਿ ਡਾਰੇ ॥ खंजन हूं न बद्यो कछु कै करि; कंजु कुरंग कहा करि डारे ॥ ਚਾਰੁ ਚਕੋਰ ਨ ਆਨੇ ਹ੍ਰਿਦੈ ਪਰ; ਝੁੰਡ ਝਖੀਨਹੁ ਕੋ ਝਝਕਾਰੇ ॥ चारु चकोर न आने ह्रिदै पर; झुंड झखीनहु को झझकारे ॥ ਮੈਨ ਰਹਿਯੋ ਮੁਰਛਾਇ ਪ੍ਰਭਾ ਲਖਿ; ਸਾਰਸ ਭੇ ਸਭ ਦਾਸ ਬਿਚਾਰੇ ॥ मैन रहियो मुरछाइ प्रभा लखि; सारस भे सभ दास बिचारे ॥ ਅੰਤਕ ਸੋਚਨ ਧੀਰਜ ਮੋਚਨ; ਲਾਲਚੀ ਲੋਚਨ ਲਾਲ ਤਿਹਾਰੇ ॥੨੫॥ अंतक सोचन धीरज मोचन; लालची लोचन लाल तिहारे ॥२५॥ ਅੜਿਲ ॥ अड़िल ॥ ਸੁਨਤ ਸਹਚਰੀ ਬਚਨ; ਤਹਾ ਤੇ ਤਹ ਗਈ ॥ सुनत सहचरी बचन; तहा ते तह गई ॥ ਚਾਤੁਰਤਾ ਬਹੁ ਭਾਂਤਿ; ਸਿਖਾਵਤ ਇਹ ਭਈ ॥ चातुरता बहु भांति; सिखावत इह भई ॥ ਬਸਤ੍ਰ ਮਲੀਨ ਉਤਾਰਿ; ਭਲੇ ਪਹਿਰਾਇ ਕੈ ॥ बसत्र मलीन उतारि; भले पहिराइ कै ॥ ਹੋ ਤਹ ਲ੍ਯਾਵਤ ਤਿਹ ਭਈ; ਸੁ ਭੇਸ ਬਨਾਇ ਕੈ ॥੨੬॥ हो तह ल्यावत तिह भई; सु भेस बनाइ कै ॥२६॥ ਮਨ ਭਾਵਤ ਜਬ ਮੀਤ; ਤਰੁਨਿ ਤਿਨ ਪਾਇਯੋ ॥ मन भावत जब मीत; तरुनि तिन पाइयो ॥ ਭਾਂਤਿ ਭਾਂਤਿ ਤਾ ਕੌ ਗਹਿ; ਗਰੇ ਲਗਾਇਯੋ ॥ भांति भांति ता कौ गहि; गरे लगाइयो ॥ ਆਸਨ ਚੁੰਬਨ ਕਰੇ; ਹਰਖ ਉਪਜਾਇ ਕੈ ॥ आसन चु्मबन करे; हरख उपजाइ कै ॥ ਹੋ ਤਵਨ ਸਖੀ ਕੋ ਦਾਰਿਦ; ਸਕਲ ਮਿਟਾਇ ਕੈ ॥੨੭॥ हो तवन सखी को दारिद; सकल मिटाइ कै ॥२७॥ ਦਿਜਿਕ ਦ੍ਰੁਗਾ ਕੀ ਪੂਜਾ; ਕਰੀ ਰਿਝਾਇਯੋ ॥ दिजिक द्रुगा की पूजा; करी रिझाइयो ॥ ਤਾ ਕੈ ਕਰ ਤੇ ਏਕ; ਅਮਰ ਫਲ ਪਾਇਯੋ ॥ ता कै कर ते एक; अमर फल पाइयो ॥ ਤਿਨਿ ਲੈ ਕੈ; ਭਰਥਰਿ ਰਾਜਾ ਜੂ ਕੋ ਦਿਯੋ ॥ तिनि लै कै; भरथरि राजा जू को दियो ॥ ਹੋ ਜਬ ਲੌ ਪ੍ਰਿਥੀ ਅਕਾਸ; ਨ੍ਰਿਪਤ ਤਬ ਲੌ ਜਿਯੋ ॥੨੮॥ हो जब लौ प्रिथी अकास; न्रिपत तब लौ जियो ॥२८॥ ਦੁਰਗ ਦਤ ਫਲ ਅਮਰ; ਜਬੈ ਨ੍ਰਿਪ ਕਰ ਪਰਿਯੋ ॥ दुरग दत फल अमर; जबै न्रिप कर परियो ॥ ਭਾਨ ਮਤੀ ਕੋ ਦੇਉ; ਇਹੈ ਚਿਤ ਮੈ ਕਰਿਯੋ ॥ भान मती को देउ; इहै चित मै करियो ॥ ਤ੍ਰਿਯ ਕਿਯ ਮਨਹਿ ਬਿਚਾਰ; ਕਿ ਮਿਤ੍ਰਹਿ ਦੀਜੀਯੈ ॥ त्रिय किय मनहि बिचार; कि मित्रहि दीजीयै ॥ ਹੋ ਸਦਾ ਤਰੁਨ ਸੋ ਰਹੈ; ਕੇਲ ਅਤਿ ਕੀਜੀਯੈ ॥੨੯॥ हो सदा तरुन सो रहै; केल अति कीजीयै ॥२९॥ ਮਨ ਭਾਵੰਤ ਮੀਤ; ਜਦਿਨ ਸਖਿ! ਪਾਈਯੈ ॥ मन भावंत मीत; जदिन सखि! पाईयै ॥ ਤਨ ਮਨ ਧਨ ਸਭ ਵਾਰਿ; ਬਹੁਰੁ ਬਲਿ ਜਾਈਯੈ ॥ तन मन धन सभ वारि; बहुरु बलि जाईयै ॥ ਮੋ ਮਨ ਲਯੋ ਚੁਰਾਇ; ਪ੍ਰੀਤਮਹਿ ਆਜੁ ਸਭ ॥ मो मन लयो चुराइ; प्रीतमहि आजु सभ ॥ ਹੋ ਰਹੈ ਤਰੁਨ ਚਿਰੁ ਜਿਯੈ; ਦਿਯੌ ਫਲ ਤਾਹਿ ਲਭ ॥੩੦॥ हो रहै तरुन चिरु जियै; दियौ फल ताहि लभ ॥३०॥ |
|
|
|
|
Dasam Granth |