ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 1101 ਅੜਿਲ ॥ अड़िल ॥ ਜਬ ਹੀ ਦੂਜੋ ਦਿਵਸ; ਪਹੂਚ੍ਯੋ ਆਇ ਕੈ ॥ जब ही दूजो दिवस; पहूच्यो आइ कै ॥ ਭਰਿ ਗੋਨੈ ਪਨਿਯਨ ਕੀ; ਦਈ ਚਲਾਇ ਕੈ ॥ भरि गोनै पनियन की; दई चलाइ कै ॥ ਲੋਗ ਖਜਾਨੌ ਜਾਨਿ; ਟੂਟਿ ਤਾ ਪੈ ਪਰੇ ॥ लोग खजानौ जानि; टूटि ता पै परे ॥ ਹੋ ਉਹਿ ਦਿਸਿ ਤੇ ਉਨ ਬਾਲ; ਨ੍ਰਿਪਤਿ ਧਨ ਜੁਤ ਹਰੇ ॥੧੨॥ हो उहि दिसि ते उन बाल; न्रिपति धन जुत हरे ॥१२॥ ਦਿਨ ਦੂਜੋ ਗਯੋ; ਦਿਵਸ ਤੀਸਰੋ ਆਇਯੋ ॥ दिन दूजो गयो; दिवस तीसरो आइयो ॥ ਤਬ ਰਾਨੀ ਦੁੰਦਭਿ; ਇਕ ਠੌਰ ਬਜਾਇਯੋ ॥ तब रानी दुंदभि; इक ठौर बजाइयो ॥ ਲੋਗ ਦਰਬੁ ਲੈ ਭਜੈ; ਜੁ ਤਿਹ ਮਗੁ ਆਇਯੋ ॥ लोग दरबु लै भजै; जु तिह मगु आइयो ॥ ਹੋ ਲੂਟਿ ਧਨੀ ਸਭ ਲੀਏ; ਨ ਜਾਨਿਕ ਪਾਇਯੋ ॥੧੩॥ हो लूटि धनी सभ लीए; न जानिक पाइयो ॥१३॥ ਦਿਵਸ ਚਤ੍ਰਥੇ ਦੀਨੀ; ਆਗਿ ਲਗਾਇ ਕੈ ॥ दिवस चत्रथे दीनी; आगि लगाइ कै ॥ ਆਪੁ ਏਕ ਠਾਂ ਥਿਰ ਭਈ; ਦਲਹਿ ਦੁਰਾਇ ਕੈ ॥ आपु एक ठां थिर भई; दलहि दुराइ कै ॥ ਸਭ ਰਾਜਨ ਕੇ ਲੋਗ; ਬੁਝਾਵਨ ਲਾਗਏ ॥ सभ राजन के लोग; बुझावन लागए ॥ ਹੋ ਜੋ ਪਾਏ ਨ੍ਰਿਪ ਰਹੇ; ਮਾਰਿ ਅਬਲਾ ਦਏ ॥੧੪॥ हो जो पाए न्रिप रहे; मारि अबला दए ॥१४॥ ਦਿਵਸ ਪਾਚਵੇ ਅਪਨੀ; ਅਨੀ ਸੁਧਾਰਿ ਕੈ ॥ दिवस पाचवे अपनी; अनी सुधारि कै ॥ ਮਧਿ ਸੈਨ ਕੇ ਪਰੀ; ਮਸਾਲੇ ਜਾਰਿ ਕੈ ॥ मधि सैन के परी; मसाले जारि कै ॥ ਮਾਰਿ ਕੂਟਿ ਨ੍ਰਿਪ ਸੈਨ; ਨਿਕਸਿ ਆਪੁਨ ਗਈ ॥ मारि कूटि न्रिप सैन; निकसि आपुन गई ॥ ਹੋ ਪਿਤਾ ਪੂਤ ਸਿਰ ਤੇਗ; ਪੂਤ ਪਿਤੁ ਕੇ ਦਈ ॥੧੫॥ हो पिता पूत सिर तेग; पूत पितु के दई ॥१५॥ ਦੋਹਰਾ ॥ दोहरा ॥ ਰੈਨ ਸਮੇ ਤਿਨ ਹੀ ਬਿਖੈ; ਮਾਚਿਯੋ ਲੋਹ ਅਪਾਰ ॥ रैन समे तिन ही बिखै; माचियो लोह अपार ॥ ਭਟ ਜੂਝੇ ਪਿਤੁ ਪੂਤ ਹਨਿ; ਪੂਤ ਪਿਤਾ ਕੋ ਮਾਰ ॥੧੬॥ भट जूझे पितु पूत हनि; पूत पिता को मार ॥१६॥ ਰੈਨ ਸਮੈ ਤਵਨੈ ਕਟਕ; ਲੋਹ ਪਰਿਯੋ ਬਿਕਰਾਰ ॥ रैन समै तवनै कटक; लोह परियो बिकरार ॥ ਊਚ ਨੀਚ ਰਾਜਾ ਪ੍ਰਜਾ; ਘਾਯਲ ਭਏ ਸੁਮਾਰ ॥੧੭॥ ऊच नीच राजा प्रजा; घायल भए सुमार ॥१७॥ ਚੌਪਈ ॥ चौपई ॥ ਪਿਤੁ ਲੈ ਖੜਗੁ, ਪੂਤ ਕੋ ਮਾਰਿਯੋ ॥ पितु लै खड़गु, पूत को मारियो ॥ ਪੂਤ, ਪਿਤਾ ਕੇ ਸਿਰ ਪਰ ਝਾਰਿਯੋ ॥ पूत, पिता के सिर पर झारियो ॥ ਐਸੇ ਲੋਹ ਪਰਿਯੋ ਬਿਕਰਾਰਾ ॥ ऐसे लोह परियो बिकरारा ॥ ਸਭ ਘਾਯਲ ਭੇ ਭੂਪ ਸਮਾਰਾ ॥੧੮॥ सभ घायल भे भूप समारा ॥१८॥ ਅੜਿਲ ॥ अड़िल ॥ ਦਿਵਸ ਖਸਟਮੋ ਜਬੈ; ਪਹੂਚ੍ਯੋ ਆਇ ਕੈ ॥ दिवस खसटमो जबै; पहूच्यो आइ कै ॥ ਦੋ ਦੋ ਮਰਦ ਲੌ ਖਾਈ; ਗਈ ਖੁਦਾਇ ਕੈ ॥ दो दो मरद लौ खाई; गई खुदाइ कै ॥ ਗਡਿ ਸੂਰੀ ਜਲ ਊਪਰ; ਦਏ ਬਹਾਇ ਕੈ ॥ गडि सूरी जल ऊपर; दए बहाइ कै ॥ ਹੋ ਬਦ੍ਯੋ ਖਲਨ ਸੋ ਜੁਧ; ਖਿੰਗ ਖੁਨਸਾਇ ਕੈ ॥੧੯॥ हो बद्यो खलन सो जुध; खिंग खुनसाइ कै ॥१९॥ ਪਰਾ ਬੰਧਿ ਕਰਿ ਫੌਜ; ਦੋਊ ਠਾਢੀ ਭਈ ॥ परा बंधि करि फौज; दोऊ ठाढी भई ॥ ਤੀਰ ਤੁਪਕ ਤਰਵਾਰਿ; ਮਾਰਿ ਚਿਰ ਲੌ ਦਈ ॥ तीर तुपक तरवारि; मारि चिर लौ दई ॥ ਭਾਜਿ ਚਲੀ ਤ੍ਰਿਯ ਪਾਛੇ; ਕਟਕ ਲਗਾਇ ਕੈ ॥ भाजि चली त्रिय पाछे; कटक लगाइ कै ॥ ਹੋ ਪਛੇ ਪਖਰਿਯਾ ਪਰੈ; ਤੁਰੰਗ ਨਚਾਇ ਕੈ ॥੨੦॥ हो पछे पखरिया परै; तुरंग नचाइ कै ॥२०॥ ਦੋਹਰਾ ॥ दोहरा ॥ ਏਕ ਬਾਰ ਸੋਰਹ ਸਹਸ; ਸ੍ਵਾਰ ਜੁਝੇ ਬਰਬੀਰ ॥ एक बार सोरह सहस; स्वार जुझे बरबीर ॥ ਬਹੁਰਿ ਆਨਿ ਅਬਲਾ ਪਰੀ; ਹਨੇ ਤੁਪਕ ਕੈ ਤੀਰ ॥੨੧॥ बहुरि आनि अबला परी; हने तुपक कै तीर ॥२१॥ ਅੜਿਲ ॥ अड़िल ॥ ਜਬੈ ਸਪਤਵੌ ਦਿਵਸ; ਪਹੂਚਿਯੋ ਆਇ ਕਰਿ ॥ जबै सपतवौ दिवस; पहूचियो आइ करि ॥ ਸਭ ਪਕਵਾਨਨ ਮੌ ਦਈ; ਜਹਰ ਡਰਾਇ ਕਰਿ ॥ सभ पकवानन मौ दई; जहर डराइ करि ॥ ਖਲਨ ਖੰਡ ਕਛੁ ਚਿਰ ਲੌ; ਲੋਹ ਬਜਾਇ ਕੈ ॥ खलन खंड कछु चिर लौ; लोह बजाइ कै ॥ ਹੋ ਔਰ ਠੌਰ ਚਲਿ ਗਈ; ਨਿਸਾਨੁ ਦਿਵਾਇ ਕੈ ॥੨੨॥ हो और ठौर चलि गई; निसानु दिवाइ कै ॥२२॥ ਮਾਰਿ ਪਰਨਿ ਤੇ ਰਹੀ; ਸਿਪਾਹਿਨ ਯੌ ਕਿਯੋ ॥ मारि परनि ते रही; सिपाहिन यौ कियो ॥ ਸਰਕਿ ਸਰਕਿ ਕਰ ਸਕਤਿ; ਨਿਕਰ ਤਿਹ ਕੋ ਲਿਯੋ ॥ सरकि सरकि कर सकति; निकर तिह को लियो ॥ ਝੂਮਿ ਪਰੇ ਚਹੂੰ ਓਰ; ਦੁਰਗ ਕੇ ਦੁਆਰ ਪਰ ॥ झूमि परे चहूं ओर; दुरग के दुआर पर ॥ ਹੋ ਲਈ ਮਿਠਾਈ ਛੀਨਿ; ਗਠਰਿਯੈ ਬਾਧਿ ਕਰਿ ॥੨੩॥ हो लई मिठाई छीनि; गठरियै बाधि करि ॥२३॥ |
|
|
|
|
Dasam Granth |