ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 1023 ਦੋਹਰਾ ॥ दोहरा ॥ ਭਾਂਤਿ ਭਾਂਤਿ ਕੇ ਸਸਤ੍ਰ ਲੈ; ਸੂਰਾ ਸਭੈ ਬੁਲਾਇ ॥ भांति भांति के ससत्र लै; सूरा सभै बुलाइ ॥ ਸਿਵ ਕੋ ਬਚਨ ਸੰਭਾਰਿ ਕੈ; ਤਹਾ ਪਹੂਚਿਯੋ ਆਇ ॥੩੯॥ सिव को बचन स्मभारि कै; तहा पहूचियो आइ ॥३९॥ ਚੌਪਈ ॥ चौपई ॥ ਜੋਰ ਅਨੀ ਰਾਜਾ ਇਤਿ ਆਯੋ ॥ जोर अनी राजा इति आयो ॥ ਉਤ ਇਨ ਮਿਲਿ ਕੈ ਕੇਲ ਮਚਾਯੋ ॥ उत इन मिलि कै केल मचायो ॥ ਚੌਰਾਸਿਨ ਆਸਨ ਕਹ ਲੇਹੀ ॥ चौरासिन आसन कह लेही ॥ ਹਸਿ ਹਸਿ ਦੋਊ ਅਲਿੰਗਨ ਦੇਹੀ ॥੪੦॥ हसि हसि दोऊ अलिंगन देही ॥४०॥ ਕੇਲ ਕਰਤ ਦੁਹਿਤਾ ਲਖਿ ਪਾਈ ॥ केल करत दुहिता लखि पाई ॥ ਜਾਗ੍ਯੋ ਕ੍ਰੋਧ ਨ੍ਰਿਪਨ ਕੇ ਰਾਈ ॥ जाग्यो क्रोध न्रिपन के राई ॥ ਅਬ ਹੀ ਇਨ ਦੁਹੂੰਅਨ ਗਹਿ ਲੈਹੈਂ ॥ अब ही इन दुहूंअन गहि लैहैं ॥ ਮਾਰਿ ਕੂਟਿ ਜਮ ਲੋਕ ਪਠੈਹੈਂ ॥੪੧॥ मारि कूटि जम लोक पठैहैं ॥४१॥ ਦੋਹਰਾ ॥ दोहरा ॥ ਊਖਾ ਨਿਜੁ ਪਿਤੁ ਕੇ ਨਿਰਖਿ; ਨੈਨ ਰਹੀ ਨਿਹੁਰਾਇ ॥ ऊखा निजु पितु के निरखि; नैन रही निहुराइ ॥ ਕਰਿਯੈ ਕਛੂ ਉਪਾਇ ਅਬ; ਲੀਜੈ ਮੀਤ ਬਚਾਇ ॥੪੨॥ करियै कछू उपाइ अब; लीजै मीत बचाइ ॥४२॥ ਉਠਿ ਅਨਰੁਧ ਠਾਂਢੋ ਭਯੋ; ਧਨੁਖ ਬਾਨ ਲੈ ਹਾਥ ॥ उठि अनरुध ठांढो भयो; धनुख बान लै हाथ ॥ ਪ੍ਰਗਟ ਸੁਭਟ ਝਟਪਟ ਕਟੇ; ਅਮਿਤ ਬਿਕਟ ਬਲ ਸਾਥ ॥੪੩॥ प्रगट सुभट झटपट कटे; अमित बिकट बल साथ ॥४३॥ ਭੁਜੰਦ ਛੰਦ ॥ भुजंद छंद ॥ ਪਰਿਯੋ ਲੋਹ ਗਾੜੋ, ਮਹਾ ਜੁਧ ਮਚਿਯੋ ॥ परियो लोह गाड़ो, महा जुध मचियो ॥ ਲਏ ਪਾਰਬਤੀ, ਪਾਰਬਤੀ ਨਾਥ ਨਚਿਯੋ ॥ लए पारबती, पारबती नाथ नचियो ॥ ਗਹੇ ਸੂਲ ਸੈਥੀ, ਸਭੈ ਸੂਰ ਧਾਏ ॥ गहे सूल सैथी, सभै सूर धाए ॥ ਮਹਾਕੋਪ ਕੈ, ਤੁੰਦ ਬਾਜੀ ਨਚਾਏ ॥੪੪॥ महाकोप कै, तुंद बाजी नचाए ॥४४॥ ਚੌਪਈ ॥ चौपई ॥ ਕੇਤੇ ਪ੍ਰਬਲ ਨਿਬਲ ਤਹ ਕੀਨੇ ॥ केते प्रबल निबल तह कीने ॥ ਜੀਤਿ ਜੀਤਿ ਕੇਤੇ ਰਿਪੁ ਲੀਨੇ ॥ जीति जीति केते रिपु लीने ॥ ਕੇਤੇ ਬਿਨੁ ਪ੍ਰਾਨਨ ਭਟ ਭਏ ॥ केते बिनु प्रानन भट भए ॥ ਰਹਿ ਰਹਿ ਸਸਤ੍ਰ ਸਾਥ ਹੀ ਗਏ ॥੪੫॥ रहि रहि ससत्र साथ ही गए ॥४५॥ ਭੁਜੰਗ ਛੰਦ ॥ भुजंग छंद ॥ ਕਰੀ ਕ੍ਰੋਰਿ ਮਾਰੇ, ਰਥੀ ਕੋਟਿ ਕੂਟੇ ॥ करी क्रोरि मारे, रथी कोटि कूटे ॥ ਕਿਤੇ ਸ੍ਵਾਰ ਘਾਏ, ਫਿਰੈ ਬਾਜ ਛੂਟੇ ॥ किते स्वार घाए, फिरै बाज छूटे ॥ ਕਿਤੇ ਛਤ੍ਰ ਛੇਕੇ, ਕਿਤੇ ਛਤ੍ਰ ਤੋਰੇ ॥ किते छत्र छेके, किते छत्र तोरे ॥ ਕਿਤੇ ਬਾਧਿ ਲੀਨੇ, ਕਿਤੇ ਛੈਲ ਛੋਰੇ ॥੪੬॥ किते बाधि लीने, किते छैल छोरे ॥४६॥ ਕਿਤੇ ਭੀਰੁ ਭਾਜੇ, ਕਿਤੇ ਕੋਪਿ ਢੂਕੇ ॥ किते भीरु भाजे, किते कोपि ढूके ॥ ਚਹੂੰ ਓਰ ਤੇ, ਮਾਰ ਹੀ ਮਾਰਿ ਕੂਕੇ ॥ चहूं ओर ते, मार ही मारि कूके ॥ ਲਏ ਬਾਹੁ ਸਾਹੰਸ੍ਰ, ਸੋ ਸਸਤ੍ਰ ਭਾਰੇ ॥ लए बाहु साहंस्र, सो ससत्र भारे ॥ ਚਲਿਯੋ ਕੋਪਿ ਕੈ, ਰਾਜ ਬਾਜੇ ਨਗਾਰੇ ॥੪੭॥ चलियो कोपि कै, राज बाजे नगारे ॥४७॥ ਦੋਹਰਾ ॥ दोहरा ॥ ਜੁਧ ਭਯੇ ਕਹ ਲੌ ਗਨੋ; ਇਤੀ ਨ ਆਵਤ ਸੁਧਿ ॥ जुध भये कह लौ गनो; इती न आवत सुधि ॥ ਘਾਇਨ ਕੈ ਘਾਇਲ ਭਏ; ਬਾਧਿ ਲਯੋ ਅਨਰੁਧ ॥੪੮॥ घाइन कै घाइल भए; बाधि लयो अनरुध ॥४८॥ ਚੌਪਈ ॥ चौपई ॥ ਜਬ ਊਖਾ ਐਸੇ ਸੁਨਿ ਪਾਈ ॥ जब ऊखा ऐसे सुनि पाई ॥ ਲੀਨੇ ਮੋਰ ਬਾਧਿ ਸੁਖਦਾਈ ॥ लीने मोर बाधि सुखदाई ॥ ਤਬ ਰੇਖਾ ਕਹ ਬੋਲਿ ਪਠਾਇਸ ॥ तब रेखा कह बोलि पठाइस ॥ ਨਗਰ ਦ੍ਵਾਰਿਕਾ ਬਹੁਰਿ ਪਠਾਇਸ ॥੪੯॥ नगर द्वारिका बहुरि पठाइस ॥४९॥ ਚਲੀ ਚਲੀ ਜੈਯਹੁ ਤੁਮ ਤਹਾ ॥ चली चली जैयहु तुम तहा ॥ ਬੈਠੇ ਕ੍ਰਿਸਨ ਸ੍ਯਾਮ ਘਨ ਜਹਾ ॥ बैठे क्रिसन स्याम घन जहा ॥ ਦੈ ਪਤਿਯਾ ਪਾਇਨ ਪਰਿ ਰਹਿਯਹੁ ॥ दै पतिया पाइन परि रहियहु ॥ ਹਮਰੀ ਕਥਾ ਛੋਰਿ ਤੇ ਕਹਿਯਹੁ ॥੫੦॥ हमरी कथा छोरि ते कहियहु ॥५०॥ ਅੜਿਲ ॥ अड़िल ॥ ਦੀਨਾ ਨਾਥ! ਹਮਾਰੀ ਰਛਾ ਕੀਜਿਯੈ ॥ दीना नाथ! हमारी रछा कीजियै ॥ ਯਾ ਸੰਕਟ ਕੋ ਕਾਟਿ; ਆਇ ਕਰਿ ਦੀਜਿਯੈ ॥ या संकट को काटि; आइ करि दीजियै ॥ ਪਰਿਯੋ ਬੰਦ ਤੇ ਪੌਤ੍ਰਹਿ; ਅਬੈ ਛੁਰਾਇਯੈ ॥ परियो बंद ते पौत्रहि; अबै छुराइयै ॥ ਹੋ ਤਬ ਆਪਨ ਕਹ; ਦੀਨੁ ਧਰਨ ਕਹਾਇਯੈ ॥੫੧॥ हो तब आपन कह; दीनु धरन कहाइयै ॥५१॥ |
|
|
|
|
Dasam Granth |