ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 988 ਯਹ ਸੁਨਿ ਬਚਨ ਮਾਨਿ ਤੇ ਗਏ ॥ यह सुनि बचन मानि ते गए ॥ ਭੇਦ ਅਭੇਦ ਨ ਚੀਨਤ ਭਏ ॥ भेद अभेद न चीनत भए ॥ ਜਾਇ ਰਾਵ ਪ੍ਰਤਿ ਯਹੈ ਉਚਾਰੋ ॥ जाइ राव प्रति यहै उचारो ॥ ਤਵ ਦੇਖਨ ਕੌ ਹਿਯੋ ਹਮਾਰੋ ॥੪॥ तव देखन कौ हियो हमारो ॥४॥ ਯੌ ਸੁਨਿ ਬਚਨ ਰਾਵ ਤਿਹ ਆਯੋ ॥ यौ सुनि बचन राव तिह आयो ॥ ਚਾਰਿ ਚਾਰਿ ਭੀਤਰਿ ਬੈਠਾਯੋ ॥ चारि चारि भीतरि बैठायो ॥ ਤਿਨ ਆਯੁਧ ਦੇਖਨ ਕੌ ਲਏ ॥ तिन आयुध देखन कौ लए ॥ ਹਾਥੋ ਹਾਥ ਕਾਢਿ ਕੈ ਦਏ ॥੫॥ हाथो हाथ काढि कै दए ॥५॥ ਆਯੁਧੁ ਕਾਢਿ ਐਸ ਬਿਧਿ ਦਏ ॥ आयुधु काढि ऐस बिधि दए ॥ ਜੋਰੇ ਏਕ ਬਨਾਵਤ ਭਏ ॥ जोरे एक बनावत भए ॥ ਜਾ ਕੀ ਬਾਂਹ ਸੀਵਿ ਦੋਊ ਲੀਨੀ ॥ जा की बांह सीवि दोऊ लीनी ॥ ਬਿਨੁ ਬਾਂਧੋ ਮੁਸਕੈ ਜਨ ਦੀਨੀ ॥੬॥ बिनु बांधो मुसकै जन दीनी ॥६॥ ਏਕ ਭਾਟ ਕੌ ਭੇਦ ਬਤਾਯੋ ॥ एक भाट कौ भेद बतायो ॥ ਰਾਜਾ ਕੇ ਮੁਖ ਪੈ ਕਹਾਯੋ ॥ राजा के मुख पै कहायो ॥ ਜੋ ਸਭ ਸਸਤ੍ਰ ਦੈ ਮੁਝ ਡਾਰੇ ॥ जो सभ ससत्र दै मुझ डारे ॥ ਤੌ ਦਾਤਾ ਤੂ ਜਾਨ ਹਮਾਰੈ ॥੭॥ तौ दाता तू जान हमारै ॥७॥ ਯਹ ਸੁਨਿ ਨ੍ਰਿਪਤਿ ਸਸਤ੍ਰ ਦੈ ਡਾਰੇ ॥ यह सुनि न्रिपति ससत्र दै डारे ॥ ਹੋਰ ਰਹੇ ਮੰਤ੍ਰੀਨ ਨਿਵਾਰੇ ॥ होर रहे मंत्रीन निवारे ॥ ਜਾਨ੍ਯੋ ਨ੍ਰਿਪਤਿ ਨਿਰਾਯੁਧ ਭਯੋ ॥ जान्यो न्रिपति निरायुध भयो ॥ ਬਾਗੋ ਆਨਿ ਤਾਹਿ ਪਹਿਰਯੋ ॥੮॥ बागो आनि ताहि पहिरयो ॥८॥ ਦੋਹਰਾ ॥ दोहरा ॥ ਸੋ ਬਾਗੋ ਪਹਿਰਿਯੋ ਨ੍ਰਿਪਤਿ; ਬਾਹ ਕਢੀ ਨਹਿ ਜਾਹਿ ॥ सो बागो पहिरियो न्रिपति; बाह कढी नहि जाहि ॥ ਤੀਰ ਖਾਨ ਠਾਂਢੋ ਹੁਤੋ; ਮੁਸਕੈ ਲਈ ਚਰਾਇ ॥੯॥ तीर खान ठांढो हुतो; मुसकै लई चराइ ॥९॥ ਚੌਪਈ ॥ चौपई ॥ ਸੁੰਦਰ ਰਾਜ ਪੁਤ੍ਰ ਤਹ ਭਾਰੋ ॥ सुंदर राज पुत्र तह भारो ॥ ਤੁਰਤ ਤੇਗ ਕਹ ਤਾਹਿ ਸੰਭਾਰੋ ॥ तुरत तेग कह ताहि स्मभारो ॥ ਤਮਕਿ ਵਾਰ ਤਾ ਤੁਰਕਹਿ ਕਿਯੋ ॥ तमकि वार ता तुरकहि कियो ॥ ਬਾਹਨ ਦੁਹੂੰ ਦੁਧਾ ਕਰਿ ਦਿਯੋ ॥੧੦॥ बाहन दुहूं दुधा करि दियो ॥१०॥ ਦੋਹਰਾ ॥ दोहरा ॥ ਏਕ ਰਾਵ ਅਗਨਿਤ ਤੁਰਕ; ਕਹ ਲਗਿ ਲਰੈ ਰਸਾਇ? ॥ एक राव अगनित तुरक; कह लगि लरै रसाइ? ॥ ਸੁੰਦਰ ਕੌ ਰਾਜਾ ਭਏ; ਮਾਰਤ ਭਏ ਬਜਾਇ ॥੧੧॥ सुंदर कौ राजा भए; मारत भए बजाइ ॥११॥ ਚੌਪਈ ॥ चौपई ॥ ਜਲ ਕੇ ਅਸ੍ਵ ਅਸ੍ਵ ਇਕ ਜਾਯੋ ॥ जल के अस्व अस्व इक जायो ॥ ਸੋ ਬਾਗਾ ਰਾਜੇ ਕੇ ਆਯੋ ॥ सो बागा राजे के आयो ॥ ਚਰਵੇਦਾਰ ਤਾਹਿ ਲੈ ਗਯੋ ॥ चरवेदार ताहि लै गयो ॥ ਭੇਦ ਰਾਨਿਯਨ ਕੌ ਲੈ ਦਯੋ ॥੧੨॥ भेद रानियन कौ लै दयो ॥१२॥ ਦੋਹਰਾ ॥ दोहरा ॥ ਕੁੰਕਮ ਦੇ ਘਨਸਾਰ ਦੇ; ਯੌ ਸ੍ਰਵਨਨ ਸੁਨਿ ਪਾਇ ॥ कुंकम दे घनसार दे; यौ स्रवनन सुनि पाइ ॥ ਮਤੋ ਬੈਠਿ ਦੁਹੂੰਅਨ ਕਿਯੋ; ਜੂਝਿ ਮਰਨ ਕੇ ਭਾਇ ॥੧੩॥ मतो बैठि दुहूंअन कियो; जूझि मरन के भाइ ॥१३॥ ਜੌ ਹਮਰੇ ਪਤਿ ਲਰਿ ਮਰੇ; ਸਮੁਹ ਬਦਨ ਬ੍ਰਿਣ ਖਾਇ ॥ जौ हमरे पति लरि मरे; समुह बदन ब्रिण खाइ ॥ ਤੌ ਹਮ ਹੂੰ ਸਭ ਲਰਿ ਮਰੈ; ਨਰ ਕੋ ਭੇਖ ਬਨਾਇ ॥੧੪॥ तौ हम हूं सभ लरि मरै; नर को भेख बनाइ ॥१४॥ ਚੌਪਈ ॥ चौपई ॥ ਯਹੈ ਮੰਤ੍ਰ ਸਭਹੂੰਨ ਬਿਚਾਰਿਯੋ ॥ यहै मंत्र सभहूंन बिचारियो ॥ ਸਭ ਹੂੰ ਭੇਖ ਪੁਰਖ ਕੋ ਧਾਰਿਯੋ ॥ सभ हूं भेख पुरख को धारियो ॥ ਏਕ ਦਿਸਾ ਕੁੰਕਮ ਦੇ ਗਈ ॥ एक दिसा कुंकम दे गई ॥ ਦੇ ਘਨਸਾਰ ਦੂਜ ਦਿਸਿ ਭਈ ॥੧੫॥ दे घनसार दूज दिसि भई ॥१५॥ ਦੋਹਰਾ ॥ दोहरा ॥ ਕੁੰਕਮ ਦੇ ਘਨਸਾਰ ਦੇ; ਦੋਊ ਅਨੀ ਬਨਾਇ ॥ कुंकम दे घनसार दे; दोऊ अनी बनाइ ॥ ਦੁਹੂੰ ਓਰ ਠਾਢੀ ਭਈ; ਜੁਧ ਕਰਨ ਕੇ ਭਾਇ ॥੧੬॥ दुहूं ओर ठाढी भई; जुध करन के भाइ ॥१६॥ ਚੌਪਈ ॥ चौपई ॥ ਦੁਹੂੰ ਓਰ ਤੇ ਸਸਤ੍ਰ ਚਲਾਏ ॥ दुहूं ओर ते ससत्र चलाए ॥ ਦੁਹੂੰ ਓਰ ਬਾਦਿਤ੍ਰ ਬਜਾਏ ॥ दुहूं ओर बादित्र बजाए ॥ ਐਸੀ ਮਾਰਿ ਕ੍ਰਿਪਾਨਨ ਡਾਰੀ ॥ ऐसी मारि क्रिपानन डारी ॥ ਏਕ ਨ ਉਬਰੀ ਜੀਵਤ ਨਾਰੀ ॥੧੭॥ एक न उबरी जीवत नारी ॥१७॥ ਦੋਹਰਾ ॥ दोहरा ॥ ਬਜ੍ਰ ਬਾਨ ਬਿਛੂਆ ਬਿਸਿਖ; ਬਰਖਿਯੋ ਲੋਹ ਅਪਾਰ ॥ बज्र बान बिछूआ बिसिख; बरखियो लोह अपार ॥ ਸਭ ਅਬਲਾ ਜੂਝਤ ਭਈ; ਏਕ ਨ ਉਬਰੀ ਨਾਰਿ ॥੧੮॥ सभ अबला जूझत भई; एक न उबरी नारि ॥१८॥ |
|
|
|
|
Dasam Granth |