ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 895 ਚੌਪਈ ॥ चौपई ॥ ਪਾਨ ਖਾਇ ਕਰ ਪੁਰੀ ਬਨਈ ॥ पान खाइ कर पुरी बनई ॥ ਪੀਕ ਡਾਰਿ ਨ੍ਰਿਪ ਸੁਤ ਪਰ ਦਈ ॥ पीक डारि न्रिप सुत पर दई ॥ ਸੁਮਤਿ ਸੈਨ ਮੁਰਿ ਤਾਹਿ ਨਿਹਾਰਿਯੋ ॥ सुमति सैन मुरि ताहि निहारियो ॥ ਤਾ ਕੋ ਸੋਕ ਦੂਰਿ ਕਰਿ ਡਾਰਿਯੋ ॥੯॥ ता को सोक दूरि करि डारियो ॥९॥ ਮੰਦਰ ਪੈ ਨ੍ਰਿਪ ਸੁਤਹਿ ਬੁਲਾਯੋ ॥ मंदर पै न्रिप सुतहि बुलायो ॥ ਮਨ ਭਾਵਤ ਕੋ ਭੋਗ ਕਮਾਯੋ ॥ मन भावत को भोग कमायो ॥ ਹਰਿਨ ਹਨਨ ਯੌ ਹੁਤੌ ਸੁ ਭਾਖ੍ਯੋ ॥ हरिन हनन यौ हुतौ सु भाख्यो ॥ ਕਾਮਕੇਲ ਦੁਹੂੰਅਨ ਰਸ ਚਾਖ੍ਯੋ ॥੧੦॥ कामकेल दुहूंअन रस चाख्यो ॥१०॥ ਚਾਰਿ ਪਹਰ ਰਜਨੀ ਸੁਖ ਪਾਯੋ ॥ चारि पहर रजनी सुख पायो ॥ ਕਾਮਕੇਲ ਦੁਹੂੰਅਨ ਕੋ ਭਾਯੋ ॥ कामकेल दुहूंअन को भायो ॥ ਅਤਿ ਪ੍ਰਮੁਦਿਤ ਮਨ ਭੀਤਰ ਭਏ ॥ अति प्रमुदित मन भीतर भए ॥ ਭਾਂਤਿ ਭਾਂਤਿ ਕੇ ਆਸਨ ਲਏ ॥੧੧॥ भांति भांति के आसन लए ॥११॥ ਦੋਹਰਾ ॥ दोहरा ॥ ਕੋਕ ਸਾਸਤ੍ਰ ਕੋ ਉਚਰੈ; ਰਮਤ ਦੋਊ ਸੁਖ ਪਾਇ ॥ कोक सासत्र को उचरै; रमत दोऊ सुख पाइ ॥ ਭਾਂਤਿ ਭਾਂਤਿ ਆਸਨ ਕਰੈ; ਗਨਨਾ ਗਨੀ ਜਾਇ ॥੧੨॥ भांति भांति आसन करै; गनना गनी जाइ ॥१२॥ ਪ੍ਰਾਤ ਹੋਤ ਨਿਸਿ ਬਸਿ ਚਲਿਯੋ; ਗਹਿਯੋ ਪਯਾਦਨ ਆਇ ॥ प्रात होत निसि बसि चलियो; गहियो पयादन आइ ॥ ਬਾਧਿ ਹਨਨ ਕੌ ਲੈ ਚਲੇ; ਰਹਿਯੋ ਨ ਕਛੂ ਉਪਾਇ ॥੧੩॥ बाधि हनन कौ लै चले; रहियो न कछू उपाइ ॥१३॥ ਚੌਪਈ ॥ चौपई ॥ ਨ੍ਰਿਪ ਸੁਤ ਬਾਧਿ ਪਯਾਦਨ ਲਯੋ ॥ न्रिप सुत बाधि पयादन लयो ॥ ਦੇਖਨ ਲੋਗ ਨਗਰ ਕੋ ਗਯੋ ॥ देखन लोग नगर को गयो ॥ ਰਾਜਾ ਜੂ ਕੇ ਧਾਮ ਤੇ ਨੇਰਿਯੋ ॥ राजा जू के धाम ते नेरियो ॥ ਮਹਲਨ ਚਰੇ ਰਾਵ ਜੂ ਹੇਰਿਯੋ ॥੧੪॥ महलन चरे राव जू हेरियो ॥१४॥ ਰੋਸਨਿ ਤੁਰਕੀ ਤੁਰਾ ਬੁਲਾਯੋ ॥ रोसनि तुरकी तुरा बुलायो ॥ ਆਪੁ ਪੁਰਖ ਕੋ ਭੇਖ ਬਨਾਯੋ ॥ आपु पुरख को भेख बनायो ॥ ਸਵਾ ਲਾਖ ਕੋ ਅਭਰਨ ਕਰਿਯੋ ॥ सवा लाख को अभरन करियो ॥ ਸ੍ਯਾਮ ਬਰਨ ਕੋ ਬਾਨਾ ਧਰਿਯੋ ॥੧੫॥ स्याम बरन को बाना धरियो ॥१५॥ ਦੋਹਰਾ ॥ दोहरा ॥ ਤਿਹ ਕੋ ਰੂਪ ਨਿਹਾਰਿ ਕੈ; ਭੂਪ ਰਹਿਯੋ ਮੁਰਛਾਇ ॥ तिह को रूप निहारि कै; भूप रहियो मुरछाइ ॥ ਕੌਨ ਨ੍ਰਿਪਤਿ ਕੋ ਪੁਤ੍ਰ ਯਹ? ਤਾ ਕੋ ਲੇਹੁ ਬੁਲਾਇ ॥੧੬॥ कौन न्रिपति को पुत्र यह? ता को लेहु बुलाइ ॥१६॥ ਚੌਪਈ ॥ चौपई ॥ ਨ੍ਰਿਪ ਕੋ ਬਚਨ ਭ੍ਰਿਤ ਸੁਨਿ ਧਾਏ ॥ न्रिप को बचन भ्रित सुनि धाए ॥ ਮੰਤ੍ਰੀ ਕੀ ਦੁਹਿਤਾ ਢਿਗ ਆਏ ॥ मंत्री की दुहिता ढिग आए ॥ ਕੌਨ ਦੇਸ ਏਸ੍ਵਰ ਤੁਹਿ ਜਾਯੋ? ॥ कौन देस एस्वर तुहि जायो? ॥ ਚਲੋ ਰਾਵ ਜੂ ਬੋਲਿ ਪਠਾਯੋ ॥੧੭॥ चलो राव जू बोलि पठायो ॥१७॥ ਦੋਹਰਾ ॥ दोहरा ॥ ਕੌਨ ਨ੍ਰਿਪਤਿ ਕੋ ਪੁਤ੍ਰ ਤੈ? ਕ੍ਯੋ ਆਯੋ ਇਹ ਦੇਸ? ॥ कौन न्रिपति को पुत्र तै? क्यो आयो इह देस? ॥ ਕ੍ਯੋ ਮੁਸਕੀ ਘੋਰਾ ਚਰਿਯੋ? ਧਰਿਯੋ ਅਸਿਤ ਕ੍ਯੋ ਭੇਸ ॥੧੮॥ क्यो मुसकी घोरा चरियो? धरियो असित क्यो भेस ॥१८॥ ਛਪੈ ਛੰਦ ॥ छपै छंद ॥ ਨ ਹੈ ਨ੍ਰਿਪਤਿ ਕੋ ਪੁਤ੍ਰ; ਨ ਹੈ ਦੇਸਨ ਕੋ ਰਾਈ ॥ न है न्रिपति को पुत्र; न है देसन को राई ॥ ਤਵ ਮੰਤ੍ਰੀ ਕੀ ਸੁਤਾ; ਲਖਨ ਕੌਤਕ ਕੌ ਆਈ ॥ तव मंत्री की सुता; लखन कौतक कौ आई ॥ ਸਾਸਤ੍ਰ ਸਿਮ੍ਰਿਤਨ ਮਾਹਿ ਸਦਾ; ਸ੍ਰਵਨਨ ਸੁਨਿ ਪਾਯੋ ॥ सासत्र सिम्रितन माहि सदा; स्रवनन सुनि पायो ॥ ਤਤੁ ਲਖਨ ਕੇ ਹੇਤ; ਮੋਰ ਹਿਯਰਾ ਉਮਗਾਯੋ ॥ ततु लखन के हेत; मोर हियरा उमगायो ॥ ਤਬੈ ਉਚਰਿਹੌ ਬੈਨ; ਜਬੈ ਨੇਤ੍ਰਨ ਸੋ ਲਹਿਹੋ ॥ तबै उचरिहौ बैन; जबै नेत्रन सो लहिहो ॥ ਬਿਨੁ ਨੇਤ੍ਰਨ ਕੇ ਲਹੇ; ਭੇਦ ਨ੍ਰਿਪ! ਤੁਮੈ ਨ ਕਹਿਹੋ ॥੧੯॥ बिनु नेत्रन के लहे; भेद न्रिप! तुमै न कहिहो ॥१९॥ ਚੌਪਈ ॥ चौपई ॥ ਕਹਿਯੋ ਨ੍ਰਿਪਤਿ ਮੁਹਿ ਭੇਦ ਬਤਾਵਹੁ ॥ कहियो न्रिपति मुहि भेद बतावहु ॥ ਰੋਸਨ ਰਾਇ! ਨ ਹ੍ਰਿਦੈ ਲਜਾਵਹੁ ॥ रोसन राइ! न ह्रिदै लजावहु ॥ ਤੁਮਰੀ ਕਹੀ ਹ੍ਰਿਦੈ ਮੈ ਰਾਖੋ ॥ तुमरी कही ह्रिदै मै राखो ॥ ਭੇਦ ਔਰ ਤਨ ਕਛੂ ਨ ਭਾਖੋ ॥੨੦॥ भेद और तन कछू न भाखो ॥२०॥ ਦੋਹਰਾ ॥ दोहरा ॥ ਸੁਨ ਰਾਜਾ ਜੂ! ਮੈ ਕਹੋਂ; ਕਿਸੂ ਨ ਦੀਜਹੁ ਭੇਦ ॥ सुन राजा जू! मै कहों; किसू न दीजहु भेद ॥ ਜੁ ਕਛੁ ਸਾਸਤ੍ਰ ਸਿਮ੍ਰਿਤਿ ਕਹਤ; ਔਰ ਉਚਾਰਤ ਬੇਦ ॥੨੧॥ जु कछु सासत्र सिम्रिति कहत; और उचारत बेद ॥२१॥ |
|
|
|
|
Dasam Granth |