ਦਸਮ ਗਰੰਥ । दसम ग्रंथ ।

Page 881

ਸਵੈਯਾ ॥

सवैया ॥

ਕੋਪ ਅਨੇਕ ਭਰੇ ਅਮਰਾਰਦਨ; ਆਨਿ ਪਰੈ ਕਰਵਾਰਿ ਉਘਾਰੇ ॥

कोप अनेक भरे अमरारदन; आनि परै करवारि उघारे ॥

ਪਟਿਸ ਲੋਹਹਥੀ ਪਰਸੇ; ਅਮਿਤਾਯੁਧ ਲੈ ਕਰਿ ਕੋਪ ਪ੍ਰਹਾਰੇ ॥

पटिस लोहहथी परसे; अमितायुध लै करि कोप प्रहारे ॥

ਨਾਰਿ ਸੰਭਾਰਿ ਹਥਯਾਰ ਸੁਰਾਰਿ; ਹਕਾਰਿ ਹਨੇ ਨਹਿ ਜਾਤ ਬਿਚਾਰੇ ॥

नारि स्मभारि हथयार सुरारि; हकारि हने नहि जात बिचारे ॥

ਖੇਲਿ ਬਸੰਤ ਬਡੇ ਖਿਲਵਾਰ; ਮਨੋ ਮਦ ਚਾਖਿ ਗਿਰੇ ਮਤਵਾਰੇ ॥੭੯॥

खेलि बसंत बडे खिलवार; मनो मद चाखि गिरे मतवारे ॥७९॥

ਦੋਹਰਾ ॥

दोहरा ॥

ਹੈ ਗੈ ਰਥੀ ਬਾਜੀ ਘਨੇ; ਜੋਧਾ ਹਨੇ ਅਨੇਕ ॥

है गै रथी बाजी घने; जोधा हने अनेक ॥

ਜੀਤਿ ਸੁਯੰਬਰ ਰਨ ਰਹੀ; ਭੂਪਤਿ ਬਚਾ ਨ ਏਕ ॥੮੦॥

जीति सुय्मबर रन रही; भूपति बचा न एक ॥८०॥

ਬਾਜਨ ਕੀ ਬਾਜੀ ਪਰੀ; ਬਾਜਨ ਬਜੇ ਅਨੇਕ ॥

बाजन की बाजी परी; बाजन बजे अनेक ॥

ਬਿਸਿਖ ਬਹੁਤ ਬਰਸੇ ਤਹਾ; ਬਚਾ ਨ ਬਾਜੀ ਏਕ ॥੮੧॥

बिसिख बहुत बरसे तहा; बचा न बाजी एक ॥८१॥

ਚੌਪਈ ॥

चौपई ॥

ਦੈਤ ਦਏ ਜਮ ਧਾਮ ਪਠਾਈ ॥

दैत दए जम धाम पठाई ॥

ਬਾਰੀ ਸੁਭਟ ਸਿੰਘ ਕੀ ਆਈ ॥

बारी सुभट सिंघ की आई ॥

ਤਿਹ ਤ੍ਰਿਯ ਕਹਾ, ਆਇ ਤੁਮ ਲਰੋ ॥

तिह त्रिय कहा, आइ तुम लरो ॥

ਕੈ ਅਬ ਹਾਰਿ ਮਾਨ ਮੁਹਿ ਬਰੋ ॥੮੨॥

कै अब हारि मान मुहि बरो ॥८२॥

ਸੁਭਟ ਸਿੰਘ ਜਬ ਯੌ ਸੁਨਿ ਪਾਯੋ ॥

सुभट सिंघ जब यौ सुनि पायो ॥

ਅਧਿਕ ਚਿਤ ਮੈ ਕੋਪ ਬਢਾਯੋ ॥

अधिक चित मै कोप बढायो ॥

ਮੈ ਕਾ ਜੁਧ ਤ੍ਰਿਯਾ ਤੇ ਡਰਿਹੋ ॥

मै का जुध त्रिया ते डरिहो ॥

ਯਾ ਕੋ ਤ੍ਰਾਸ ਮਾਨਿ ਯਹ ਬਰਿਹੋ ॥੮੩॥

या को त्रास मानि यह बरिहो ॥८३॥

ਕਹੂੰ ਮਤਿ ਗੈਵਰ ਗਰਜਾਹੀ ॥

कहूं मति गैवर गरजाही ॥

ਕਹੂੰ ਪਾਖਰੇ ਹੈ ਹਿਂਹਨਾਹੀ ॥

कहूं पाखरे है हिंहनाही ॥

ਸਸਤ੍ਰ ਕਵਚ ਸੂਰਾ ਕਹੂੰ ਕਸੈ ॥

ससत्र कवच सूरा कहूं कसै ॥

ਜੁਗਿਨ ਰੁਧਿਰ ਖਪਰ ਭਰ ਹਸੈ ॥੮੪॥

जुगिन रुधिर खपर भर हसै ॥८४॥

ਸਵੈਯਾ ॥

सवैया ॥

ਸ੍ਰੀ ਸੁਭਟੇਸ ਬਡੋ ਦਲੁ ਲੈ; ਉਮਡਿਯੋ ਗਹਿ ਕੈ ਕਰਿ ਆਯੁਧ ਬਾਕੇ ॥

स्री सुभटेस बडो दलु लै; उमडियो गहि कै करि आयुध बाके ॥

ਬੀਰ ਹਠੀ ਕਵਚੀ ਖੜਗੀ; ਪਰਸੀਸ ਭਈ ਸਰਦਾਰ ਨਿਸਾਕੇ ॥

बीर हठी कवची खड़गी; परसीस भई सरदार निसाके ॥

ਏਕ ਟਰੇ, ਇਕ ਆਨ ਅਰੇ; ਇਕ ਜੂਝਿ ਗਿਰੇ, ਬ੍ਰਿਣ ਖਾਇ ਤ੍ਰਿਯਾ ਕੇ ॥

एक टरे, इक आन अरे; इक जूझि गिरे, ब्रिण खाइ त्रिया के ॥

ਛਾਰ ਚੜਾਇ ਕੈ ਅੰਗ ਮਲੰਗ; ਰਹੇ ਮਨੌ ਸੋਇ ਪਿਯੇ ਬਿਜਯਾ ਕੇ ॥੮੫॥

छार चड़ाइ कै अंग मलंग; रहे मनौ सोइ पिये बिजया के ॥८५॥

ਚੌਪਈ ॥

चौपई ॥

ਐਸੋ ਬੀਰ ਖੇਤ ਤਹ ਪਰਿਯੋ ॥

ऐसो बीर खेत तह परियो ॥

ਏਕ ਸੁਭਟ ਜੀਵਤ ਨ ਉਬਰਿਯੋ ॥

एक सुभट जीवत न उबरियो ॥

ਦਸ ਹਜਾਰ ਮਾਤੇ ਗਜ ਮਾਰੇ ॥

दस हजार माते गज मारे ॥

ਬੀਸ ਹਜਾਰ ਬਰ ਬਾਜ ਬਿਦਾਰੇ ॥੮੬॥

बीस हजार बर बाज बिदारे ॥८६॥

ਤੀਸ ਐਤ ਪੈਦਲ ਕਹ ਮਾਰਿਯੋ ॥

तीस ऐत पैदल कह मारियो ॥

ਤੇਇਸ ਲਛ ਰਥ ਹਨਿ ਡਾਰਿਯੋ ॥

तेइस लछ रथ हनि डारियो ॥

ਦ੍ਵਾਦਸ ਲਛ ਰਥੀ ਅਤਿ ਮਾਰਿਸ ॥

द्वादस लछ रथी अति मारिस ॥

ਮਹਾਰਥੀ ਅਨਗਨਤ ਸੰਘਾਰਸਿ ॥੮੭॥

महारथी अनगनत संघारसि ॥८७॥

ਦੋਹਰਾ ॥

दोहरा ॥

ਸੁਭਟ ਸਿੰਘ ਤਨਹਾ ਬਚਾ; ਸਾਥੀ ਰਹਾ ਨ ਏਕ ॥

सुभट सिंघ तनहा बचा; साथी रहा न एक ॥

ਹੈ ਗੈ ਰਥ ਬਾਜੀ ਘਨੇ; ਰਥ ਕਟਿ ਗਏ ਅਨੇਕ ॥੮੮॥

है गै रथ बाजी घने; रथ कटि गए अनेक ॥८८॥

ਚੌਪਈ ॥

चौपई ॥

ਦੁੰਦ ਜੁਧ ਤ੍ਰਿਯ ਪਤਿਹ ਮਚਾਯੋ ॥

दुंद जुध त्रिय पतिह मचायो ॥

ਨਿਰਖਨ ਦਿਨਿਸ ਨਿਸਿਸ ਰਨ ਆਯੋ ॥

निरखन दिनिस निसिस रन आयो ॥

ਬ੍ਰਹਮਾ ਚੜੇ ਹੰਸ ਪਰ ਆਏ ॥

ब्रहमा चड़े हंस पर आए ॥

ਪੰਚ ਬਦਨ ਹੂੰ ਤਹਾ ਸੁਹਾਏ ॥੮੯॥

पंच बदन हूं तहा सुहाए ॥८९॥

ਤ੍ਰਿਯ ਕੋਮਲ ਪਿਯ ਬਾਨ ਪ੍ਰਹਾਰੈ ॥

त्रिय कोमल पिय बान प्रहारै ॥

ਜਿਯ ਤੇ ਤਾਹਿ ਮਾਰਿ ਨਹਿ ਡਾਰੈ ॥

जिय ते ताहि मारि नहि डारै ॥

ਲਗੇ ਬਿਸਿਖ ਕੇ ਜਿਨ ਪਤਿ ਮਰੈ ॥

लगे बिसिख के जिन पति मरै ॥

ਮੁਹਿ ਪੈਠਬ ਪਾਵਕ ਮਹਿ ਪਰੈ ॥੯੦॥

मुहि पैठब पावक महि परै ॥९०॥

ਚਾਰ ਪਹਰ ਨਿਜ ਪਤਿ ਸੋ ਲਰੀ ॥

चार पहर निज पति सो लरी ॥

ਦੁਹੂੰਅਨ ਬਿਸਿਖ ਬ੍ਰਿਸਟਿ ਬਹੁ ਕਰੀ ॥

दुहूंअन बिसिख ब्रिसटि बहु करी ॥

ਤਬ ਲੋ ਸੂਰ ਅਸਤ ਹ੍ਵੈ ਗਯੋ ॥

तब लो सूर असत ह्वै गयो ॥

ਪ੍ਰਾਚੀ ਦਿਸਾ ਚੰਦ੍ਰ ਪ੍ਰਗਟ੍ਯੋ ॥੯੧॥

प्राची दिसा चंद्र प्रगट्यो ॥९१॥

TOP OF PAGE

Dasam Granth