ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 878 ਦੋਹਰਾ ॥ दोहरा ॥ ਮੋੜਤੇਸ ਅੰਬੇਰ ਪਤਿ; ਅਮਿਤ ਸੈਨ ਲੈ ਸਾਥ ॥ मोड़तेस अ्मबेर पति; अमित सैन लै साथ ॥ ਬਾਲ ਨਿਮਿਤਿ ਆਵਤ ਭਏ; ਗਹੇ ਬਰਛਿਯੈ ਹਾਥ ॥੩੭॥ बाल निमिति आवत भए; गहे बरछियै हाथ ॥३७॥ ਬਿਕਟ ਸਿੰਘ ਅੰਬੇਰ ਪਤਿ; ਅਮਿਟ ਸਿੰਘ ਤਿਹ ਨਾਮ ॥ बिकट सिंघ अ्मबेर पति; अमिट सिंघ तिह नाम ॥ ਕਬਹੂੰ ਦਈ ਨ ਪੀਠ ਰਨ; ਜੀਤੇ ਬਹੁ ਸੰਗ੍ਰਾਮ ॥੩੮॥ कबहूं दई न पीठ रन; जीते बहु संग्राम ॥३८॥ ਚੌਪਈ ॥ चौपई ॥ ਤੇ ਨ੍ਰਿਪ ਜੋਰਿ ਸੈਨ ਦ੍ਵੈ ਧਾਏ ॥ ते न्रिप जोरि सैन द्वै धाए ॥ ਭਾਂਤਿ ਭਾਂਤਿ ਬਾਜਿਤ੍ਰ ਬਜਾਏ ॥ भांति भांति बाजित्र बजाए ॥ ਰਾਜ ਸੁਤਾ ਜਬ ਨੈਨ ਨਿਹਾਰੇ ॥ राज सुता जब नैन निहारे ॥ ਸੈਨਾ ਸਹਿਤ ਮਾਰ ਹੀ ਡਾਰੇ ॥੩੯॥ सैना सहित मार ही डारे ॥३९॥ ਜਬ ਅਬਲਾ ਨ੍ਰਿਪ ਦੋਊ ਸੰਘਾਰੇ ॥ जब अबला न्रिप दोऊ संघारे ॥ ਠਟਕੇ ਸੁਭਟ ਸਕਲ ਤਬ ਭਾਰੇ ॥ ठटके सुभट सकल तब भारे ॥ ਖੇਤ ਛਾਡਿ ਯਹ ਤਰੁਨਿ ਨ ਟਰਿਹੈ ॥ खेत छाडि यह तरुनि न टरिहै ॥ ਸਭਹਿਨ ਕੋ ਪ੍ਰਾਨਨ ਬਿਨੁ ਕਰਿ ਹੈ ॥੪੦॥ सभहिन को प्रानन बिनु करि है ॥४०॥ ਬੂੰਦੀ ਨਾਥ ਰਣੁਤ ਕਟ ਧਾਯੋ ॥ बूंदी नाथ रणुत कट धायो ॥ ਅਧਿਕ ਮਦੁਤ ਕਟ ਸਿੰਘ ਰਿਸਾਯੋ ॥ अधिक मदुत कट सिंघ रिसायो ॥ ਨਾਥ ਉਜੈਨ ਜਿਸੇ ਜਗ ਕਹਈ ॥ नाथ उजैन जिसे जग कहई ॥ ਵਾ ਕਹਿ ਜੀਤੈ ਜਗ ਕੋ ਰਹਈ ॥੪੧॥ वा कहि जीतै जग को रहई ॥४१॥ ਜਬ ਅਬਲਾ ਆਵਤ ਵਹੁ ਲਹੇ ॥ जब अबला आवत वहु लहे ॥ ਹਾਥ ਹਥਯਾਰ ਆਪਨੇ ਗਹੇ ॥ हाथ हथयार आपने गहे ॥ ਅਧਿਕ ਕੋਪ ਕਰਿ ਕੁਵਤਿ ਪ੍ਰਹਾਰੇ ॥ अधिक कोप करि कुवति प्रहारे ॥ ਛਿਨਿਕ ਬਿਖੈ ਦਲ ਸਹਿਤ ਸੰਘਾਰੇ ॥੪੨॥ छिनिक बिखै दल सहित संघारे ॥४२॥ ਗੰਗਾਂਦ੍ਰੀ ਜਮੁਨਾਂਦ੍ਰੀ ਹਠੇ ॥ गंगांद्री जमुनांद्री हठे ॥ ਸਾਰਸ੍ਵਤੀ ਹ੍ਵੈ ਚਲੇ ਇਕਠੇ ॥ सारस्वती ह्वै चले इकठे ॥ ਸਤੁਦ੍ਰਵਾਦਿ ਅਤਿ ਦ੍ਰਿੜ ਪਗ ਰੋਪੇ ॥ सतुद्रवादि अति द्रिड़ पग रोपे ॥ ਬ੍ਯਾਹਾਦ੍ਰੀ ਸਿਗਰੇ ਮਿਲਿ ਕੋਪੇ ॥੪੩॥ ब्याहाद्री सिगरे मिलि कोपे ॥४३॥ ਦੋਹਰਾ ॥ दोहरा ॥ ਪਰਮ ਸਿੰਘ ਪੂਰੋ ਪੁਰਖ; ਕਰਮ ਸਿੰਘ ਸੁਰ ਗ੍ਯਾਨ ॥ परम सिंघ पूरो पुरख; करम सिंघ सुर ग्यान ॥ ਧਰਮ ਸਿੰਘ ਹਾਠੋ ਹਠੀ; ਅਮਿਤ ਜੁਧ ਕੀ ਖਾਨ ॥੪੪॥ धरम सिंघ हाठो हठी; अमित जुध की खान ॥४४॥ ਅਮਰ ਸਿੰਘ ਅਰੁ ਅਚਲ ਸਿੰਘ; ਮਨ ਮੈ ਕੋਪ ਬਢਾਇ ॥ अमर सिंघ अरु अचल सिंघ; मन मै कोप बढाइ ॥ ਪਾਚੌ ਭੂਪ ਪਹਾਰਿਯੈ; ਸਨਮੁਖਿ ਪਹੁਚੇ ਆਇ ॥੪੫॥ पाचौ भूप पहारियै; सनमुखि पहुचे आइ ॥४५॥ ਚੌਪਈ ॥ चौपई ॥ ਪਰਬਤੀਸ ਪਾਚੋ ਨ੍ਰਿਪ ਧਾਏ ॥ परबतीस पाचो न्रिप धाए ॥ ਖਸੀਯਾ ਅਧਿਕ ਸੰਗ ਲੈ ਆਏ ॥ खसीया अधिक संग लै आए ॥ ਪਾਹਨ ਬ੍ਰਿਸਟਿ ਕੋਪ ਕਰਿ ਕਰੀ ॥ पाहन ब्रिसटि कोप करि करी ॥ ਮਾਰਿ ਮਾਰਿ ਮੁਖ ਤੇ ਉਚਰੀ ॥੪੬॥ मारि मारि मुख ते उचरी ॥४६॥ ਦੁੰਦਭ ਢੋਲ ਦੁਹੂੰ ਦਿਸਿ ਬਾਜੇ ॥ दुंदभ ढोल दुहूं दिसि बाजे ॥ ਸਾਜੇ ਸਸਤ੍ਰ ਸੂਰਮਾ ਗਾਜੇ ॥ साजे ससत्र सूरमा गाजे ॥ ਕੁਪਿ ਕੁਪਿ ਅਧਿਕ ਹ੍ਰਿਦਨ ਮੈ ਲਰੇ ॥ कुपि कुपि अधिक ह्रिदन मै लरे ॥ ਕਟਿ ਕਟਿ ਮਰੇ ਬਰੰਗਨਿ ਬਰੇ ॥੪੭॥ कटि कटि मरे बरंगनि बरे ॥४७॥ ਭੂਪ ਪਾਂਚਉ ਬਾਨ ਚਲਾਵੈਂ ॥ भूप पांचउ बान चलावैं ॥ ਬਾਧੇ ਗੋਲ ਸਾਮੁਹੇ ਆਵੈਂ ॥ बाधे गोल सामुहे आवैं ॥ ਤਬ ਬਚਿਤ੍ਰ ਦੇ ਸਸਤ੍ਰ ਪ੍ਰਹਾਰੇ ॥ तब बचित्र दे ससत्र प्रहारे ॥ ਛਿਨਿਕ ਬਿਖੈ ਸਕਲੇ ਹਨਿ ਡਾਰੇ ॥੪੮॥ छिनिक बिखै सकले हनि डारे ॥४८॥ ਦੇਇ ਬਚਿਤ੍ਰ ਪਾਂਚ ਨ੍ਰਿਪ ਮਾਰੇ ॥ देइ बचित्र पांच न्रिप मारे ॥ ਔਰ ਸੁਭਟ ਚੁਨਿ ਚੁਨਿ ਹਨਿ ਡਾਰੇ ॥ और सुभट चुनि चुनि हनि डारे ॥ ਸਾਤ ਨ੍ਰਿਪਤਿ ਅਵਰੈ ਤਬ ਚਲੇ ॥ सात न्रिपति अवरै तब चले ॥ ਜੋਧਾ ਜੋਰ ਜੁਧ ਕਰਿ ਭਲੇ ॥੪੯॥ जोधा जोर जुध करि भले ॥४९॥ ਕਾਸਿ ਰਾਜ ਮਘਧੇਸ੍ਵਰ ਕੋਪੇ ॥ कासि राज मघधेस्वर कोपे ॥ ਅੰਗ ਬੰਗ ਰਾਜਨ ਪਗ ਰੋਪੇ ॥ अंग बंग राजन पग रोपे ॥ ਔਰ ਕੁਲਿੰਗ ਦੇਸ ਪਤਿ ਧਾਯੋ ॥ और कुलिंग देस पति धायो ॥ ਤ੍ਰਿਗਤਿ ਦੇਸ ਏਸ੍ਵਰ ਹੂੰ ਆਯੋ ॥੫੦॥ त्रिगति देस एस्वर हूं आयो ॥५०॥ ਰਾਜਾ ਕਾਮਰੂਪ ਕੋ ਧਾਯੋ ॥ राजा कामरूप को धायो ॥ ਅਮਿਤ ਕਟਕ ਲੀਨੇ ਸੰਗ ਆਯੋ ॥ अमित कटक लीने संग आयो ॥ ਦਾਰੁਣ ਰਣ ਸੂਰਣ ਤਹ ਕਰਿਯੋ ॥ दारुण रण सूरण तह करियो ॥ ਰਵਿ ਸਸਿ ਚਕ੍ਯੋ ਇੰਦ੍ਰ ਥਰਹਰਿਯੋ ॥੫੧॥ रवि ससि चक्यो इंद्र थरहरियो ॥५१॥ |
|
|
|
|
Dasam Granth |