ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 839 ਚੌਪਈ ॥ चौपई ॥ ਲਖਿ ਤ੍ਰਿਯ ਤਾਹਿ ਸੁ ਭੇਖ ਬਨਾਯੋ ॥ लखि त्रिय ताहि सु भेख बनायो ॥ ਫੂਲ ਪਾਨ ਅਰੁ ਕੈਫ ਮੰਗਾਯੋ ॥ फूल पान अरु कैफ मंगायो ॥ ਆਗੇ ਟਰਿ ਤਾ ਕੋ ਤਿਨ ਲੀਨਾ ॥ आगे टरि ता को तिन लीना ॥ ਚਿਤ ਕਾ ਸੋਕ ਦੂਰਿ ਕਰਿ ਦੀਨਾ ॥੧੧॥ चित का सोक दूरि करि दीना ॥११॥ ਦੋਹਰਾ ॥ दोहरा ॥ ਬਸਤ੍ਰ ਪਹਿਰਿ ਬਹੁ ਮੋਲ ਕੇ; ਅਤਿਥ ਭੇਸ ਕੋ ਡਾਰਿ ॥ बसत्र पहिरि बहु मोल के; अतिथ भेस को डारि ॥ ਤਵਨ ਸੇਜ ਸੋਭਿਤ ਕਰੀ; ਉਤਮ ਭੇਖ ਸੁਧਾਰਿ ॥੧੨॥ तवन सेज सोभित करी; उतम भेख सुधारि ॥१२॥ ਤਬ ਤਾ ਸੋ ਤ੍ਰਿਯ ਯੌ ਕਹੀ; ਭੋਗ ਕਰਹੁ ਮੁਹਿ ਸਾਥ ॥ तब ता सो त्रिय यौ कही; भोग करहु मुहि साथ ॥ ਪਸੁ ਪਤਾਰਿ ਦੁਖ ਦੈ ਘਨੋ; ਮੈ ਬੇਚੀ ਤਵ ਹਾਥ ॥੧੩॥ पसु पतारि दुख दै घनो; मै बेची तव हाथ ॥१३॥ ਰਾਇ ਚਿਤ ਚਿੰਤਾ ਕਰੀ; ਬੈਠੇ ਤਾਹੀ ਠੌਰ ॥ राइ चित चिंता करी; बैठे ताही ठौर ॥ ਮੰਤ੍ਰ ਲੈਨ ਆਯੋ ਹੁਤੋ; ਭਈ ਔਰ ਕੀ ਔਰ ॥੧੪॥ मंत्र लैन आयो हुतो; भई और की और ॥१४॥ ਅੜਿਲ ॥ अड़िल ॥ ਭਏ ਪੂਜ ਤੋ ਕਹਾ? ਗੁਮਾਨ ਨ ਕੀਜਿਯੈ ॥ भए पूज तो कहा? गुमान न कीजियै ॥ ਧਨੀ ਭਏ ਤੋ ਦੁਖ੍ਯਨ; ਨਿਧਨ ਨ ਦੀਜਿਯੈ ॥ धनी भए तो दुख्यन; निधन न दीजियै ॥ ਰੂਪ ਭਯੋ ਤੋ ਕਹਾ? ਐਂਠ ਨਹਿ ਠਾਨਿਯੈ ॥ रूप भयो तो कहा? ऐंठ नहि ठानियै ॥ ਹੋ ਧਨ ਜੋਬਨ; ਦਿਨ ਚਾਰਿ ਪਾਹੁਨੋ ਜਾਨਿਯੈ ॥੧੫॥ हो धन जोबन; दिन चारि पाहुनो जानियै ॥१५॥ ਛੰਦ ॥ छंद ॥ ਧਰਮ ਕਰੇ ਸੁਭ ਜਨਮ; ਧਰਮ ਤੇ ਰੂਪਹਿ ਪੈਯੈ ॥ धरम करे सुभ जनम; धरम ते रूपहि पैयै ॥ ਧਰਮ ਕਰੇ ਧਨ ਧਾਮ; ਧਰਮ ਤੇ ਰਾਜ ਸੁਹੈਯੈ ॥ धरम करे धन धाम; धरम ते राज सुहैयै ॥ ਕਹਿਯੋ ਤੁਹਾਰੋ ਮਾਨਿ; ਧਰਮ ਕੈਸੇ ਕੈ ਛੋਰੋ? ॥ कहियो तुहारो मानि; धरम कैसे कै छोरो? ॥ ਮਹਾ ਨਰਕ ਕੇ ਬੀਚ; ਦੇਹ ਅਪਨੀ ਕ੍ਯੋ ਬੋਰੋ? ॥੧੬॥ महा नरक के बीच; देह अपनी क्यो बोरो? ॥१६॥ ਕਹਿਯੋ ਤੁਮਾਰੋ ਮਾਨਿ; ਭੋਗ ਤੋਸੋ ਨਹਿ ਕਰਿਹੋ ॥ कहियो तुमारो मानि; भोग तोसो नहि करिहो ॥ ਕੁਲਿ ਕਲੰਕ ਕੇ ਹੇਤ; ਅਧਿਕ ਮਨ ਭੀਤਰ ਡਰਿਹੋ ॥ कुलि कलंक के हेत; अधिक मन भीतर डरिहो ॥ ਛੋਰਿ ਬ੍ਯਾਹਿਤਾ ਨਾਰਿ; ਕੇਲ ਤੋ ਸੋ ਨ ਕਮਾਊ ॥ छोरि ब्याहिता नारि; केल तो सो न कमाऊ ॥ ਧਰਮਰਾਜ ਕੀ ਸਭਾ; ਠੌਰ ਕੈਸੇ ਕਰਿ ਪਾਊ? ॥੧੭॥ धरमराज की सभा; ठौर कैसे करि पाऊ? ॥१७॥ ਦੋਹਰਾ ॥ दोहरा ॥ ਕਾਮਾਤੁਰ ਹ੍ਵੈ ਜੋ ਤ੍ਰਿਯਾ; ਆਵਤ ਨਰ ਕੇ ਪਾਸ ॥ कामातुर ह्वै जो त्रिया; आवत नर के पास ॥ ਮਹਾ ਨਰਕ ਸੋ ਡਾਰਿਯੈ; ਦੈ ਜੋ ਜਾਨ ਨਿਰਾਸ ॥੧੮॥ महा नरक सो डारियै; दै जो जान निरास ॥१८॥ ਪਾਇ ਪਰਤ ਮੋਰੋ ਸਦਾ; ਪੂਜ ਕਹਤ ਹੈ ਮੋਹਿ ॥ पाइ परत मोरो सदा; पूज कहत है मोहि ॥ ਤਾ ਸੋ ਰੀਝ ਰਮ੍ਯੋ ਚਹਤ; ਲਾਜ ਨ ਆਵਤ ਤੋਹਿ? ॥੧੯॥ ता सो रीझ रम्यो चहत; लाज न आवत तोहि? ॥१९॥ ਭੁਜੰਗ ਛੰਦ ॥ भुजंग छंद ॥ ਕ੍ਰਿਸਨ ਪੂਜ ਜਗ ਕੇ ਭਏ; ਕੀਨੀ ਰਾਸਿ ਬਨਾਇ ॥ क्रिसन पूज जग के भए; कीनी रासि बनाइ ॥ ਭੋਗ ਰਾਧਿਕਾ ਸੋ ਕਰੇ; ਪਰੇ ਨਰਕ ਨਹਿ ਜਾਇ ॥੨੦॥ भोग राधिका सो करे; परे नरक नहि जाइ ॥२०॥ ਪੰਚ ਤਤ ਲੈ ਬ੍ਰਹਮ ਕਰ; ਕੀਨੀ ਨਰ ਕੀ ਦੇਹ ॥ पंच तत लै ब्रहम कर; कीनी नर की देह ॥ ਕੀਯਾ ਆਪ ਹੀ ਤਿਨ ਬਿਖੈ; ਇਸਤ੍ਰੀ ਪੁਰਖ ਸਨੇਹ ॥੨੧॥ कीया आप ही तिन बिखै; इसत्री पुरख सनेह ॥२१॥ ਚੌਪਈ ॥ चौपई ॥ ਤਾ ਤੇ ਆਨ ਰਮੋ ਮੋਹਿ ਸੰਗਾ ॥ ता ते आन रमो मोहि संगा ॥ ਬ੍ਯਾਪਤ ਮੁਰ ਤਨ ਅਧਿਕ ਅਨੰਗਾ ॥ ब्यापत मुर तन अधिक अनंगा ॥ ਆਜ ਮਿਲੇ ਤੁਮਰੇ ਬਿਨੁ, ਮਰਿਹੋ ॥ आज मिले तुमरे बिनु, मरिहो ॥ ਬਿਰਹਾਨਲ ਕੇ ਭੀਤਰਿ ਜਰਿਹੋ ॥੨੨॥ बिरहानल के भीतरि जरिहो ॥२२॥ ਦੋਹਰਾ ॥ दोहरा ॥ ਅੰਗ ਤੇ ਭਯੋ ਅਨੰਗ ਤੌ; ਦੇਤ ਮੋਹਿ ਦੁਖ ਆਇ ॥ अंग ते भयो अनंग तौ; देत मोहि दुख आइ ॥ ਮਹਾ ਰੁਦ੍ਰ ਜੂ ਕੋ ਪਕਰਿ; ਤਾਹਿ ਨ ਦਯੋ ਜਰਾਇ ॥੨੩॥ महा रुद्र जू को पकरि; ताहि न दयो जराइ ॥२३॥ ਛੰਦ ॥ छंद ॥ ਧਰਹੁ ਧੀਰਜ ਮਨ ਬਾਲ! ਮਦਨ ਤੁਮਰੋ ਕਸ ਕਰਿ ਹੈ ॥ धरहु धीरज मन बाल! मदन तुमरो कस करि है ॥ ਮਹਾ ਰੁਦ੍ਰ ਕੋ ਧ੍ਯਾਨ ਧਰੋ; ਮਨ ਬੀਚ ਸੁ ਡਰਿ ਹੈ ॥ महा रुद्र को ध्यान धरो; मन बीच सु डरि है ॥ ਹਮ ਨ ਤੁਮਾਰੇ ਸੰਗ; ਭੋਗ ਰੁਚਿ ਮਾਨਿ ਕਰੈਗੇ ॥ हम न तुमारे संग; भोग रुचि मानि करैगे ॥ ਤ੍ਯਾਗਿ ਧਰਮ ਕੀ ਨਾਰਿ; ਤੋਹਿ ਕਬਹੂੰ ਨ ਬਰੈਗੇ ॥੨੪॥ त्यागि धरम की नारि; तोहि कबहूं न बरैगे ॥२४॥ |
|
|
|
|
Dasam Granth |