ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 832 ਅੜਿਲ ॥ अड़िल ॥ ਚੋਰ ਚੋਰ ਕਹਿ ਉਠੀ; ਸੁ ਆਂਗਨ ਜਾਇ ਕੈ ॥ चोर चोर कहि उठी; सु आंगन जाइ कै ॥ ਤ੍ਰਾਸ ਦਿਖਾਯੋ ਤਾਹਿ; ਮਿਲਨ ਹਿਤ ਰਾਇ ਕੈ ॥ त्रास दिखायो ताहि; मिलन हित राइ कै ॥ ਬਹੁਰਿ ਕਹੀ ਤ੍ਰਿਯ ਆਇ; ਬਾਤ ਸੁਨ ਲੀਜਿਯੈ ॥ बहुरि कही त्रिय आइ; बात सुन लीजियै ॥ ਹੋ ਅਬੈ ਬਧੈਹੌ ਤੋਹਿ; ਕਿ ਮੋਹਿ ਭਜੀਜਿਯੈ ॥੩੧॥ हो अबै बधैहौ तोहि; कि मोहि भजीजियै ॥३१॥ ਚੋਰ ਬਚਨ ਸੁਨਿ ਲੋਗ; ਪਹੁੰਚੇ ਆਇ ਕੈ ॥ चोर बचन सुनि लोग; पहुंचे आइ कै ॥ ਤਿਨ ਪ੍ਰਤਿ ਕਹਿਯੋ ਕਿ ਸੋਤ ਉਠੀ; ਬਰਰਾਇ ਕੈ ॥ तिन प्रति कहियो कि सोत उठी; बरराइ कै ॥ ਗਏ ਧਾਮ ਤੇ ਕਹਿਯੋ; ਮਿਤ੍ਰ ਕੌ ਕਰ ਪਕਰਿ ॥ गए धाम ते कहियो; मित्र कौ कर पकरि ॥ ਹੋ ਅਬੈ ਬਧੈਹੌ ਤੋਹਿ; ਕਿ ਮੋ ਸੌ ਭੋਗ ਕਰਿ ॥੩੨॥ हो अबै बधैहौ तोहि; कि मो सौ भोग करि ॥३२॥ ਦੋਹਰਾ ॥ दोहरा ॥ ਤਬੈ ਰਾਇ ਚਿਤ ਕੇ ਬਿਖੈ; ਐਸੇ ਕਿਯਾ ਬਿਚਾਰ ॥ तबै राइ चित के बिखै; ऐसे किया बिचार ॥ ਚਰਿਤ ਖੇਲਿ ਕਛੁ ਨਿਕਸਿਯੈ; ਇਹੇ ਮੰਤ੍ਰ ਕਾ ਸਾਰ ॥੩੩॥ चरित खेलि कछु निकसियै; इहे मंत्र का सार ॥३३॥ ਭਜੌ ਤੌ ਇਜਤ ਜਾਤ ਹੈ; ਭੋਗ ਕਿਯੋ ਧ੍ਰਮ ਜਾਇ ॥ भजौ तौ इजत जात है; भोग कियो ध्रम जाइ ॥ ਕਠਿਨ ਬਨੀ ਦੁਹੂੰ ਬਾਤ ਤਿਹ; ਕਰਤਾ ਕਰੈ ਸਹਾਇ ॥੩੪॥ कठिन बनी दुहूं बात तिह; करता करै सहाइ ॥३४॥ ਪੂਤ ਹੋਇ ਤੌ ਭਾਂਡ ਵਹ; ਸੁਤਾ ਤੌ ਬੇਸ੍ਯਾ ਹੋਇ ॥ पूत होइ तौ भांड वह; सुता तौ बेस्या होइ ॥ ਭੋਗ ਕਰੇ ਭਾਜਤ ਧਰਮ; ਭਜੇ ਬੰਧਾਵਤ ਸੋਇ ॥੩੫॥ भोग करे भाजत धरम; भजे बंधावत सोइ ॥३५॥ ਚੌਪਈ ॥ चौपई ॥ ਕਹਿਯੋ ਸੁਨਹੁ ਤੁਮ ਬਾਤ ਪਿਆਰੀ! ॥ कहियो सुनहु तुम बात पिआरी! ॥ ਦੇਖਤ ਥੋ ਮੈ ਪ੍ਰੀਤਿ ਤਿਹਾਰੀ ॥ देखत थो मै प्रीति तिहारी ॥ ਤੁਮ ਸੀ ਤ੍ਰਿਯਾ ਹਾਥ ਜੋ ਪਰੈ ॥ तुम सी त्रिया हाथ जो परै ॥ ਬਡੋ ਮੂੜ ਜੋ ਤਾਹਿ ਪ੍ਰਹਰੈ ॥੩੬॥ बडो मूड़ जो ताहि प्रहरै ॥३६॥ ਦੋਹਰਾ ॥ दोहरा ॥ ਰੂਪਵੰਤ ਤੋ ਸੀ ਤ੍ਰਿਯਾ; ਪਰੈ ਜੁ ਕਰ ਮੈ ਆਇ ॥ रूपवंत तो सी त्रिया; परै जु कर मै आइ ॥ ਤਾਹਿ ਤ੍ਯਾਗ ਮਨ ਮੈ ਕਰੈ; ਤਾ ਕੋ ਜਨਮ ਲਜਾਇ ॥੩੭॥ ताहि त्याग मन मै करै; ता को जनम लजाइ ॥३७॥ ਪੋਸਤ ਭਾਂਗ ਅਫੀਮ ਬਹੁਤ; ਲੀਜੈ ਤੁਰਤ ਮੰਗਾਇ ॥ पोसत भांग अफीम बहुत; लीजै तुरत मंगाइ ॥ ਨਿਜੁ ਕਰ ਮੋਹਿ ਪਿਵਾਇਯੈ; ਹ੍ਰਿਦੈ ਹਰਖ ਉਪਜਾਇ ॥੩੮॥ निजु कर मोहि पिवाइयै; ह्रिदै हरख उपजाइ ॥३८॥ ਤੁਮ ਮਦਰਾ ਪੀਵਹੁ ਘਨੋ; ਹਮੈ ਪਿਵਾਵਹੁ ਭੰਗ ॥ तुम मदरा पीवहु घनो; हमै पिवावहु भंग ॥ ਚਾਰਿ ਪਹਰ ਕੌ ਮਾਨਿਹੌ; ਭੋਗਿ ਤਿਹਾਰੇ ਸੰਗ ॥੩੯॥ चारि पहर कौ मानिहौ; भोगि तिहारे संग ॥३९॥ ਚੌਪਈ ॥ चौपई ॥ ਫੂਲਿ ਗਈ ਸੁਨ ਬਾਤ ਅਯਾਨੀ ॥ फूलि गई सुन बात अयानी ॥ ਭੇਦ ਅਭੇਦ ਕੀ ਬਾਤ ਨ ਜਾਨੀ ॥ भेद अभेद की बात न जानी ॥ ਅਧਿਕ ਹ੍ਰਿਦੇ ਮੈ ਸੁਖ ਉਪਜਾਯੋ ॥ अधिक ह्रिदे मै सुख उपजायो ॥ ਅਮਲ ਕਹਿਯੋ ਸੋ ਤੁਰਤ ਮੰਗਾਯੋ ॥੪੦॥ अमल कहियो सो तुरत मंगायो ॥४०॥ ਦੋਹਰਾ ॥ दोहरा ॥ ਪੋਸਤ ਭਾਂਗ ਅਫੀਮ ਬਹੁ; ਗਹਿਰੀ ਭਾਂਗ ਘੁਟਾਇ ॥ पोसत भांग अफीम बहु; गहिरी भांग घुटाइ ॥ ਤੁਰਤ ਤਰਨਿ ਲ੍ਯਾਵਤ ਭਈ; ਮਦ ਸਤ ਬਾਰ ਚੁਆਇ ॥੪੧॥ तुरत तरनि ल्यावत भई; मद सत बार चुआइ ॥४१॥ ਅੜਿਲ ॥ अड़िल ॥ ਰਾਇ ਤਬੈ ਚਿਤ ਭੀਤਰ; ਕਿਯਾ ਬਿਚਾਰ ਹੈ ॥ राइ तबै चित भीतर; किया बिचार है ॥ ਯਾਹਿ ਨ ਭਜਿਹੌ ਆਜੁ; ਮੰਤ੍ਰ ਕਾ ਸਾਰ ਹੈ ॥ याहि न भजिहौ आजु; मंत्र का सार है ॥ ਅਧਿਕ ਮਤ ਕਰਿ ਯਾਹਿ; ਖਾਟ ਪਰ ਡਾਰਿ ਕੈ ॥ अधिक मत करि याहि; खाट पर डारि कै ॥ ਹੋ ਸਾਠਿ ਮੁਹਰ ਦੈ ਭਜਿਹੋਂ; ਧਰਮ ਸੰਭਾਰਿ ਕੈ ॥੪੨॥ हो साठि मुहर दै भजिहों; धरम स्मभारि कै ॥४२॥ ਦੋਹਰਾ ॥ दोहरा ॥ ਰੀਤਿ ਨ ਜਾਨਤ ਪ੍ਰੀਤ ਕੀ; ਪੈਸਨ ਕੀ ਪਰਤੀਤ ॥ रीति न जानत प्रीत की; पैसन की परतीत ॥ ਬਿਛੂ ਬਿਸੀਅਰੁ ਬੇਸਯਾ; ਕਹੋ, ਕਵਨ ਕੇ ਮੀਤ? ॥੪੩॥ बिछू बिसीअरु बेसया; कहो, कवन के मीत? ॥४३॥ ਤਾ ਕੋ ਮਦ ਪ੍ਯਾਯੋ ਘਨੋ; ਅਤਿ ਚਿਤ ਮੋਦ ਬਢਾਇ ॥ ता को मद प्यायो घनो; अति चित मोद बढाइ ॥ ਮਤ ਸਵਾਈ ਖਾਟ ਪਰ; ਆਪਿ ਭਜਨ ਕੇ ਭਾਇ ॥੪੪॥ मत सवाई खाट पर; आपि भजन के भाइ ॥४४॥ ਮਦਰਾ ਪ੍ਯਾਯੋ ਤਰੁਨਿ ਕੋ; ਨਿਜੁ ਕਰ ਪ੍ਯਾਲੇ ਡਾਰਿ ॥ मदरा प्यायो तरुनि को; निजु कर प्याले डारि ॥ ਇਹ ਛਲ ਸੌ ਤਿਹ ਮਤ ਕਰਿ; ਰਾਖੀ ਖਾਟ ਸੁਵਾਰਿ ॥੪੫॥ इह छल सौ तिह मत करि; राखी खाट सुवारि ॥४५॥ |
|
|
|
|
Dasam Granth |