ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 724 ਜਿਸਨ ਧਨੰਜੈ ਕ੍ਰਿਸਨ ਭਨਿ; ਸ੍ਵੇਤਵਾਹ ਲੈ ਨਾਇ ॥ जिसन धनंजै क्रिसन भनि; स्वेतवाह लै नाइ ॥ ਆਯੁਧ ਬਹੁਰਿ ਬਖਾਨੀਅਹੁ; ਸਬੈ ਬਾਨ ਹੁਇ ਜਾਇ ॥੧੧੭॥ आयुध बहुरि बखानीअहु; सबै बान हुइ जाइ ॥११७॥ ਅਰਜੁਨ ਪਾਰਥ ਕੇਸਗੁੜ; ਸਾਚੀ ਸਬਯ ਬਖਾਨ ॥ अरजुन पारथ केसगुड़; साची सबय बखान ॥ ਆਯੁਧ ਬਹੁਰਿ ਬਖਾਨੀਐ; ਨਾਮ ਬਾਨ ਕੇ ਜਾਨ ॥੧੧੮॥ आयुध बहुरि बखानीऐ; नाम बान के जान ॥११८॥ ਬਿਜੈ ਕਪੀਧੁਜ ਜੈਦ੍ਰਥਰਿ; ਸੂਰਜ ਜਾਰਿ ਫੁਨਿ ਭਾਖੁ ॥ बिजै कपीधुज जैद्रथरि; सूरज जारि फुनि भाखु ॥ ਆਯੁਧ ਬਹੁਰਿ ਬਖਾਨੀਐ; ਨਾਮ ਬਾਨ ਲਖਿ ਰਾਖੁ ॥੧੧੯॥ आयुध बहुरि बखानीऐ; नाम बान लखि राखु ॥११९॥ ਤਿਮਰਰਿ ਬਲ ਬ੍ਰਤ ਨਿਸਚ ਹਾ; ਕਹਿ ਸੁਤ ਬਹੁਰਿ ਉਚਾਰ ॥ तिमररि बल ब्रत निसच हा; कहि सुत बहुरि उचार ॥ ਆਯੁਧ ਉਚਰਿ ਸ੍ਰੀ ਬਾਨ ਕੇ; ਨਿਕਸਹਿ ਨਾਮ ਅਪਾਰ ॥੧੨੦॥ आयुध उचरि स्री बान के; निकसहि नाम अपार ॥१२०॥ ਸਹਸ੍ਰ ਬਿਸਨ ਕੇ ਨਾਮ ਲੈ; ਅਨੁਜ ਸਬਦ ਕੌ ਦੇਹੁ ॥ सहस्र बिसन के नाम लै; अनुज सबद कौ देहु ॥ ਤਨੁਜ ਉਚਰਿ ਪੁਨਿ ਸਸਤ੍ਰ ਕਹਿ; ਨਾਮੁ ਬਾਨੁ ਲਖਿ ਲੇਹੁ ॥੧੨੧॥ तनुज उचरि पुनि ससत्र कहि; नामु बानु लखि लेहु ॥१२१॥ ਨਰਕਿ ਨਿਵਾਰਨ ਅਘ ਹਰਨ; ਕ੍ਰਿਪਾ ਸਿੰਧ ਕੌ ਭਾਖੁ ॥ नरकि निवारन अघ हरन; क्रिपा सिंध कौ भाखु ॥ ਅਨੁਜ ਤਨੁਜ ਕਹਿ ਸਸਤ੍ਰ ਕਹੁ; ਨਾਮ ਬਾਨ ਲਖਿ ਰਾਖੁ ॥੧੨੨॥ अनुज तनुज कहि ससत्र कहु; नाम बान लखि राखु ॥१२२॥ ਬਿਘਨ ਹਰਨ ਬਿਆਧਨਿ ਦਰਨ; ਪ੍ਰਿਥਮਯ ਸਬਦ ਬਖਾਨ ॥ बिघन हरन बिआधनि दरन; प्रिथमय सबद बखान ॥ ਅਨੁਜ ਤਨੁਜ ਕਹਿ ਸਸਤ੍ਰ ਕਹੁ; ਨਾਮ ਬਾਨ ਜੀਅ ਜਾਨ ॥੧੨੩॥ अनुज तनुज कहि ससत्र कहु; नाम बान जीअ जान ॥१२३॥ ਮਕਰ ਕੇਤੁ ਕਹਿ ਮਕਰ ਧੁਜ; ਪੁਨਿ ਆਯੁਧ ਪਦੁ ਦੇਹੁ ॥ मकर केतु कहि मकर धुज; पुनि आयुध पदु देहु ॥ ਸਭੈ ਨਾਮ ਸ੍ਰੀ ਬਾਨ ਕੇ; ਚੀਨ ਚਤੁਰ ਚਿਤਿ ਲੇਹੁ ॥੧੨੪॥ सभै नाम स्री बान के; चीन चतुर चिति लेहु ॥१२४॥ ਪੁਹਪ ਧਨੁਖ ਅਲਿ ਪਨਚ ਕੇ; ਪ੍ਰਿਥਮੈ ਨਾਮ ਬਖਾਨ ॥ पुहप धनुख अलि पनच के; प्रिथमै नाम बखान ॥ ਆਯੁਧ ਬਹੁਰਿ ਬਖਾਨੀਐ; ਜਾਨੁ ਨਾਮ ਸਭ ਬਾਨ ॥੧੨੫॥ आयुध बहुरि बखानीऐ; जानु नाम सभ बान ॥१२५॥ ਸੰਬਰਾਰਿ ਤ੍ਰਿਪੁਰਾਰਿ ਅਰਿ; ਪ੍ਰਿਥਮੈ ਸਬਦ ਬਖਾਨ ॥ स्मबरारि त्रिपुरारि अरि; प्रिथमै सबद बखान ॥ ਆਯੁਧ ਬਹੁਰਿ ਬਖਾਨੀਐ; ਨਾਮ ਬਾਨ ਕੇ ਮਾਨ ॥੧੨੬॥ आयुध बहुरि बखानीऐ; नाम बान के मान ॥१२६॥ ਸ੍ਰੀ ਸਾਰੰਗਗ੍ਰਾ ਬੀਰਹਾ; ਬਲਹਾ ਬਾਨ ਬਖਾਨ ॥ स्री सारंगग्रा बीरहा; बलहा बान बखान ॥ ਬਿਸਿਖ ਬਿਸੀ ਬਾਸੀ ਧਰਨ; ਬਾਨ ਨਾਮ ਜੀਅ ਜਾਨ ॥੧੨੭॥ बिसिख बिसी बासी धरन; बान नाम जीअ जान ॥१२७॥ ਬਿਖ ਕੇ ਪ੍ਰਿਥਮੇ ਨਾਮ ਕਹਿ; ਧਰ ਪਦ ਬਹੁਰੌ ਦੇਹੁ ॥ बिख के प्रिथमे नाम कहि; धर पद बहुरौ देहु ॥ ਨਾਮ ਸਕਲ ਸ੍ਰੀ ਬਾਨ ਕੇ; ਚਤੁਰ! ਚਿਤਿ ਲਖਿ ਲੇਹੁ ॥੧੨੮॥ नाम सकल स्री बान के; चतुर! चिति लखि लेहु ॥१२८॥ ਸਕਲ ਸਿੰਧੁ ਕੇ ਨਾਮ ਲੈ; ਤਨੈ ਸਬਦ ਕੌ ਦੇਹੁ ॥ सकल सिंधु के नाम लै; तनै सबद कौ देहु ॥ ਧਰ ਪਦ ਬਹੁਰ ਬਖਾਨੀਐ; ਨਾਮ ਬਾਨ ਲਖਿ ਲੇਹੁ ॥੧੨੯॥ धर पद बहुर बखानीऐ; नाम बान लखि लेहु ॥१२९॥ ਉਦਧਿ ਸਿੰਧੁ ਸਰਿਤੇਸ ਜਾ; ਕਹਿ ਧਰ ਬਹੁਰਿ ਬਖਾਨ ॥ उदधि सिंधु सरितेस जा; कहि धर बहुरि बखान ॥ ਬੰਸੀਧਰ ਕੇ ਨਾਮ ਸਭ; ਲੀਜਹੁ ਚਤੁਰ ਪਛਾਨ ॥੧੩੦॥ बंसीधर के नाम सभ; लीजहु चतुर पछान ॥१३०॥ ਬਧ ਨਾਸਨੀ ਬੀਰਹਾ; ਬਿਖ ਬਿਸਖਾਗ੍ਰਜ ਬਖਾਨ ॥ बध नासनी बीरहा; बिख बिसखाग्रज बखान ॥ ਧਰ ਪਦ ਬਹੁਰਿ ਬਖਾਨੀਐ; ਨਾਮ ਬਾਨ ਕੇ ਮਾਨ ॥੧੩੧॥ धर पद बहुरि बखानीऐ; नाम बान के मान ॥१३१॥ ਸਭ ਮਨੁਖਨ ਕੇ ਨਾਮ ਕਹਿ; ਹਾ ਪਦ ਬਹੁਰੋ ਦੇਹੁ ॥ सभ मनुखन के नाम कहि; हा पद बहुरो देहु ॥ ਸਕਲ ਨਾਮ ਸ੍ਰੀ ਬਾਨ ਕੇ; ਚਤੁਰ ਚਿਤਿ ਲਖਿ ਲੇਹੁ ॥੧੩੨॥ सकल नाम स्री बान के; चतुर चिति लखि लेहु ॥१३२॥ ਕਾਲਕੂਟ ਕਹਿ ਕਸਟਕਰਿ; ਸਿਵਕੰਠੀ ਅਹਿ ਉਚਾਰਿ ॥ कालकूट कहि कसटकरि; सिवकंठी अहि उचारि ॥ ਧਰ ਪਦ ਬਹੁਰਿ ਬਖਾਨੀਐ; ਜਾਨੁ ਬਾਨ ਨਿਰਧਾਰ ॥੧੩੩॥ धर पद बहुरि बखानीऐ; जानु बान निरधार ॥१३३॥ ਸਿਵ ਕੇ ਨਾਮ ਉਚਾਰਿ ਕੈ; ਕੰਠੀ ਪਦ ਪੁਨਿ ਦੇਹੁ ॥ सिव के नाम उचारि कै; कंठी पद पुनि देहु ॥ ਪੁਨਿ ਧਰ ਸਬਦ ਬਖਾਨੀਐ; ਨਾਮ ਬਾਨ ਲਖਿ ਲੇਹੁ ॥੧੩੪॥ पुनि धर सबद बखानीऐ; नाम बान लखि लेहु ॥१३४॥ ਬਿਆਧਿ ਬਿਖੀ ਮੁਖਿ ਪ੍ਰਿਥਮ ਕਹਿ; ਧਰ ਪਦ ਬਹੁਰਿ ਬਖਾਨ ॥ बिआधि बिखी मुखि प्रिथम कहि; धर पद बहुरि बखान ॥ ਨਾਮ ਸਭੈ ਏ ਬਾਨ ਕੇ; ਲੀਜੋ ਚਤੁਰ ਪਛਾਨ ॥੧੩੫॥ नाम सभै ए बान के; लीजो चतुर पछान ॥१३५॥ ਖਪਰਾ ਨਾਲਿਕ ਧਨੁਖ ਸੁਤ; ਲੈ ਸੁ ਕਮਾਨਜ ਨਾਉ ॥ खपरा नालिक धनुख सुत; लै सु कमानज नाउ ॥ ਸਕਰ ਕਾਨ ਨਰਾਂਚ ਭਨਿ; ਧਰ ਸਭ ਸਰ ਕੇ ਗਾਂਉ ॥੧੩੬॥ सकर कान नरांच भनि; धर सभ सर के गांउ ॥१३६॥ ਬਾਰਿਦ ਜਿਉ ਬਰਸਤ ਰਹੈ; ਜਸੁ ਅੰਕੁਰ ਜਿਹ ਹੋਇ ॥ बारिद जिउ बरसत रहै; जसु अंकुर जिह होइ ॥ ਬਾਰਿਦ ਸੋ ਬਾਰਿਦ ਨਹੀ; ਤਾਹਿ ਬਤਾਵਹੁ ਕੋਇ ॥੧੩੭॥ बारिद सो बारिद नही; ताहि बतावहु कोइ ॥१३७॥ ਬਿਖਧਰ ਬਿਸੀ ਬਿਸੋਕਕਰ; ਬਾਰਣਾਰਿ ਜਿਹ ਨਾਮ ॥ बिखधर बिसी बिसोककर; बारणारि जिह नाम ॥ ਨਾਮ ਸਬੈ ਸ੍ਰੀ ਬਾਨ ਕੇ; ਲੀਨੇ ਹੋਵਹਿ ਕਾਮ ॥੧੩੮॥ नाम सबै स्री बान के; लीने होवहि काम ॥१३८॥ |
|
|
|
|
Dasam Granth |