ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 692 ਪਵਨ ਬੇਗ ਰਥ ਚਲਤ; ਸੁ ਛਬਿ ਸਾਵਜ ਤੜਤਾ ਕ੍ਰਿਤ ॥ पवन बेग रथ चलत; सु छबि सावज तड़ता क्रित ॥ ਗਿਰਤ ਧਰਨ ਸੁੰਦਰੀ; ਨੈਕ ਜਿਹ ਦਿਸਿ ਫਿਰਿ ਝਾਕਤ ॥ गिरत धरन सुंदरी; नैक जिह दिसि फिरि झाकत ॥ ਮਦਨ ਮੋਹ ਮਨ ਰਹਤ; ਮਨੁਛ ਦੇਖਿ ਛਬਿ ਲਾਜਤ ॥ मदन मोह मन रहत; मनुछ देखि छबि लाजत ॥ ਉਪਜਤ ਹੀਯ ਹੁਲਾਸ; ਨਿਰਖਿ ਦੁਤਿ ਕਹ ਦੁਖ ਭਾਜਤ ॥ उपजत हीय हुलास; निरखि दुति कह दुख भाजत ॥ ਇਮਿ ਕਪਟ ਦੇਵ ਅਨਜੇਵ ਨ੍ਰਿਪੁ; ਜਿਦਿਨ ਝਟਕ ਦੈ ਧਾਇ ਹੈ ॥ इमि कपट देव अनजेव न्रिपु; जिदिन झटक दै धाइ है ॥ ਬਿਨੁ ਏਕ ਸਾਂਤਿ ਸੁਨਹੋ ਨ੍ਰਿਪਤਿ! ਸੁ ਅਉਰ ਕਵਨ ਸਮੁਹਾਇ ਹੈ ॥੧੯੦॥ बिनु एक सांति सुनहो न्रिपति! सु अउर कवन समुहाइ है ॥१९०॥ ਚਖਨ ਚਾਰੁ ਚੰਚਲ ਪ੍ਰਭਾਵ; ਖੰਜਨ ਲਖਿ ਲਾਜਤ ॥ चखन चारु चंचल प्रभाव; खंजन लखि लाजत ॥ ਗਾਵਤ ਰਾਗ ਬਸੰਤ; ਬੇਣ ਬੀਨਾ ਧੁਨਿ ਬਾਜਤ ॥ गावत राग बसंत; बेण बीना धुनि बाजत ॥ ਧਧਕਤ ਧ੍ਰਿਕਟ ਮ੍ਰਿਦੰਗ; ਝਾਂਝ ਝਾਲਰ ਸੁਭ ਸੋਹਤ ॥ धधकत ध्रिकट म्रिदंग; झांझ झालर सुभ सोहत ॥ ਖਗ ਮ੍ਰਿਗ ਜਛ ਭੁਜੰਗ; ਅਸੁਰ ਸੁਰ ਨਰ ਮਨ ਮੋਹਤ ॥ खग म्रिग जछ भुजंग; असुर सुर नर मन मोहत ॥ ਅਸ ਲੋਭ ਨਾਮ ਜੋਧਾ ਬਡੋ; ਜਿਦਿਨ ਜੁਧ ਕਹ ਜੁਟਿ ਹੈ ॥ अस लोभ नाम जोधा बडो; जिदिन जुध कह जुटि है ॥ ਜਸ ਪਵਨ ਬੇਗ ਤੇ ਮੇਘ ਗਣ; ਸੁ ਅਸ ਤਵ ਸਬ ਦਲ ਫੁਟਿ ਹੈ ॥੧੯੧॥ जस पवन बेग ते मेघ गण; सु अस तव सब दल फुटि है ॥१९१॥ ਧੁਜ ਪ੍ਰਮਾਣ ਬੀਜੁਰੀ; ਭੁਜਾ ਭਾਰੀ ਜਿਹ ਰਾਜਤ ॥ धुज प्रमाण बीजुरी; भुजा भारी जिह राजत ॥ ਅਤਿ ਚੰਚਲ ਰਥ ਚਲਤ; ਨਿਰਖ ਸੁਰ ਨਰ ਮੁਨਿ ਭਾਜਤ ॥ अति चंचल रथ चलत; निरख सुर नर मुनि भाजत ॥ ਅਧਿਕ ਰੂਪ ਅਮਿਤੋਜ; ਅਮਿਟ ਜੋਧਾ ਰਣ ਦੁਹ ਕਰ ॥ अधिक रूप अमितोज; अमिट जोधा रण दुह कर ॥ ਅਤਿ ਪ੍ਰਤਾਪ ਬਲਵੰਤ; ਲਗਤ ਸਤ੍ਰਨ ਕਹ ਰਿਪੁ ਹਰ ॥ अति प्रताप बलवंत; लगत सत्रन कह रिपु हर ॥ ਅਸ ਮੋਹ ਨਾਮ ਜੋਧਾ ਜਸ; ਜਿਦਿਨ ਜੁਧ ਕਹ ਜੁਟਿ ਹੈ ॥ अस मोह नाम जोधा जस; जिदिन जुध कह जुटि है ॥ ਬਿਨ ਇਕ ਬਿਚਾਰ ਅਬਿਚਾਰ ਨ੍ਰਿਪ! ਅਉਰ ਸਕਲ ਦਲ ਫੁਟਿ ਹੈ ॥੧੯੨॥ बिन इक बिचार अबिचार न्रिप! अउर सकल दल फुटि है ॥१९२॥ ਪਵਨ ਬੇਗ ਰਥ ਚਲਤ; ਗਵਨ ਲਖਿ ਮੋਹਿਤ ਨਾਗਰ ॥ पवन बेग रथ चलत; गवन लखि मोहित नागर ॥ ਅਤਿ ਪ੍ਰਤਾਪ ਅਮਿਤੋਜ; ਅਜੈ ਪ੍ਰਤਮਾਨ ਪ੍ਰਭਾਧਰ ॥ अति प्रताप अमितोज; अजै प्रतमान प्रभाधर ॥ ਅਤਿ ਬਲਿਸਟ ਅਧਿਸਟ; ਸਕਲ ਸੈਨਾ ਕਹੁ ਜਾਨਹੁ ॥ अति बलिसट अधिसट; सकल सैना कहु जानहु ॥ ਕ੍ਰੋਧ ਨਾਮ ਬਢਿਯਾਛ; ਬਡੋ ਜੋਧਾ ਜੀਅ ਮਾਨਹੁ ॥ क्रोध नाम बढियाछ; बडो जोधा जीअ मानहु ॥ ਧਰਿ ਅੰਗਿ ਕਵਚ ਧਰ ਪਨਚ ਕਰਿ; ਜਿਦਿਨ ਤੁਰੰਗ ਮਟਕ ਹੈ ॥ धरि अंगि कवच धर पनच करि; जिदिन तुरंग मटक है ॥ ਬਿਨੁ ਏਕ ਸਾਂਤਿ ਸੁਨ ਸਤਿ; ਨ੍ਰਿਪ! ਸੁ ਅਉਰ ਨ ਕੋਊ ਹਟਕਿ ਹੈ ॥੧੯੩॥ बिनु एक सांति सुन सति; न्रिप! सु अउर न कोऊ हटकि है ॥१९३॥ ਗਲਿਤ ਦੁਰਦ ਮਦਿ ਚੜ੍ਯੋ; ਕਢਿ ਕਰਵਾਰ ਭਯੰਕਰ ॥ गलित दुरद मदि चड़्यो; कढि करवार भयंकर ॥ ਸ੍ਯਾਮ ਬਰਣ ਆਭਰਣ; ਖਚਿਤ ਸਬ ਨੀਲ ਮਣਿਣ ਬਰ ॥ स्याम बरण आभरण; खचित सब नील मणिण बर ॥ ਸ੍ਵਰਨ ਕਿੰਕਣੀ ਜਾਲ; ਬਧੇ ਬਾਨੈਤ ਗਜੋਤਮ ॥ स्वरन किंकणी जाल; बधे बानैत गजोतम ॥ ਅਤਿ ਪ੍ਰਭਾਵ ਜੁਤਿ ਬੀਰ; ਸਿਧ ਸਾਵੰਤ ਨਰੋਤਮ ॥ अति प्रभाव जुति बीर; सिध सावंत नरोतम ॥ ਇਹ ਛਬਿ ਹੰਕਾਰ ਨਾਮਾ ਸੁਭਟ; ਅਤਿ ਬਲਿਸਟ ਤਿਹ ਮਾਨੀਐ ॥ इह छबि हंकार नामा सुभट; अति बलिसट तिह मानीऐ ॥ ਜਿਹ ਜਗਤ ਜੀਵ ਜੀਤੇ ਸਬੈ; ਆਪ ਅਜੀਤ ਤਿਹ ਜਾਨੀਐ ॥੧੯੪॥ जिह जगत जीव जीते सबै; आप अजीत तिह जानीऐ ॥१९४॥ |
|
|
|
|
Dasam Granth |