ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 689 ਰਤਨ ਜਟਤ ਰਥ ਸੁਭਤ; ਖਚਿਤ ਬਜ੍ਰਨ ਮੁਕਤਾਫਲ ॥ रतन जटत रथ सुभत; खचित बज्रन मुकताफल ॥ ਹੀਰ ਚੀਰ ਆਭਰਣ; ਧਰੇ ਸਾਰਥੀ ਮਹਾਬਲ ॥ हीर चीर आभरण; धरे सारथी महाबल ॥ ਕਨਕ ਦੇਖ ਕੁਰਰਾਤ; ਕਠਨ ਕਾਮਿਨ ਬ੍ਰਿਤ ਹਾਰਤ ॥ कनक देख कुररात; कठन कामिन ब्रित हारत ॥ ਤਨਿ ਪਟੰਬਰ ਜਰਕਸੀ; ਪਰਮ ਭੂਖਨ ਤਨ ਧਾਰਤ ॥ तनि पट्मबर जरकसी; परम भूखन तन धारत ॥ ਇਹ ਛਬਿ ਅਨੰਦ ਮਦਨਜ ਨ੍ਰਿਪਤਿ; ਜਿਦਿਨ ਗਰਜ ਦਲ ਗਾਹਿ ਹੈ ॥ इह छबि अनंद मदनज न्रिपति; जिदिन गरज दल गाहि है ॥ ਬਿਨੁ ਇਕ ਧੀਰਜ ਸੁਨਿ ਰੇ ਨ੍ਰਿਪਤਿ! ਸੁ ਅਉਰ ਸਮੁਹ ਕੋ ਜਾਹਿ ਹੈ? ॥੧੭੫॥ बिनु इक धीरज सुनि रे न्रिपति! सु अउर समुह को जाहि है? ॥१७५॥ ਧੂਮ੍ਰ ਬਰਣ ਸਾਰਥੀ; ਧੂਮ੍ਰ ਬਾਜੀਰਥ ਛਾਜਤ ॥ धूम्र बरण सारथी; धूम्र बाजीरथ छाजत ॥ ਧੂਮ੍ਰ ਬਰਣ ਆਭਰਣ; ਨਿਰਖਿ ਸੁਰ ਨਰ ਮੁਨਿ ਲਾਜਤ ॥ धूम्र बरण आभरण; निरखि सुर नर मुनि लाजत ॥ ਧੂਮ੍ਰ ਨੈਨ ਧੂਮਰੋ ਗਾਤ; ਧੂਮਰ ਤਿਹ ਭੂਖਨ ॥ धूम्र नैन धूमरो गात; धूमर तिह भूखन ॥ ਧੂਮ੍ਰ ਬਦਨ ਤੇ ਬਮਤ ਸਰਬ; ਸਤ੍ਰੂ ਕੁਲ ਦੂਖਨ ॥ धूम्र बदन ते बमत सरब; सत्रू कुल दूखन ॥ ਅਸ ਭਰਮ ਮਦਨ ਚਤੁਰਥ ਸੁਵਨ; ਜਿਦਿਨ ਰੋਸ ਕਰਿ ਧਾਇ ਹੈ ॥ अस भरम मदन चतुरथ सुवन; जिदिन रोस करि धाइ है ॥ ਦਲ ਲੂਟ ਕੂਟ ਤੁਮਰੋ ਨ੍ਰਿਪਤਿ! ਸੁ ਸਰਬ ਛਿਨਕ ਮਹਿ ਜਾਇ ਹੈ ॥੧੭੬॥ दल लूट कूट तुमरो न्रिपति! सु सरब छिनक महि जाइ है ॥१७६॥ ਅਉਰ ਅਉਰ ਜੇ ਸੁਭਟਿ; ਗਨੋ ਤਿਹ ਨਾਮ ਬਿਚਛਨ ॥ अउर अउर जे सुभटि; गनो तिह नाम बिचछन ॥ ਬਡ ਜੋਧਾ ਬਡ ਸੂਰ; ਬਡੇ ਜਿਤਵਾਰ ਸੁਲੱਛਨ ॥ बड जोधा बड सूर; बडे जितवार सुलच्छन ॥ ਕਲਹਿ ਨਾਮ ਇਕ ਨਾਰਿ; ਮਹਾ ਕਲ ਰੂਪ ਕਲਹ ਕਰ ॥ कलहि नाम इक नारि; महा कल रूप कलह कर ॥ ਲੋਗ ਚਤੁਰਦਸ ਮਾਝਿ; ਜਾਸੁ ਛੋਰਾ ਨਹੀ ਸੁਰ ਨਰ ॥ लोग चतुरदस माझि; जासु छोरा नही सुर नर ॥ ਸਬ ਸਸਤ੍ਰ ਅਸਤ੍ਰ ਭੀਤਰ ਨਿਪੁਣ; ਅਤਿ ਪ੍ਰਭਾਵ ਤਿਹ ਜਾਨੀਐ ॥ सब ससत्र असत्र भीतर निपुण; अति प्रभाव तिह जानीऐ ॥ ਸਬ ਦੇਸ ਭੇਸ ਅਰੁ ਰਾਜ ਸਬ; ਤ੍ਰਾਸ ਜਵਨ ਕੋ ਮਾਨੀਐ ॥੧੭੭॥ सब देस भेस अरु राज सब; त्रास जवन को मानीऐ ॥१७७॥ ਬੈਰ ਨਾਮ ਇਕ ਬੀਰ; ਮਹਾ ਦੁਰ ਧਰਖ ਅਜੈ ਰਣਿ ॥ बैर नाम इक बीर; महा दुर धरख अजै रणि ॥ ਕਬਹੁ ਦੀਨ ਨਹੀ ਪੀਠਿ; ਅਨਿਕ ਜੀਤੇ ਜਿਹ ਨ੍ਰਿਪ ਗਣ ॥ कबहु दीन नही पीठि; अनिक जीते जिह न्रिप गण ॥ ਲੋਚਨ ਸ੍ਰੌਣਤ ਬਰਣ ਅਰੁਣ; ਸਬ ਸਸਤ੍ਰ ਅੰਗਿ ਤਿਹ ॥ लोचन स्रौणत बरण अरुण; सब ससत्र अंगि तिह ॥ ਰਵਿ ਪ੍ਰਕਾਸ ਸਰ ਧੁਜਾ; ਅਰੁਣ ਲਾਜਤ ਲਖਿ ਛਬਿ ਜਿਹ ॥ रवि प्रकास सर धुजा; अरुण लाजत लखि छबि जिह ॥ ਇਹ ਭਾਂਤਿ ਬੈਰ ਬੀਰਾ ਬਡੈ; ਜਿਦਿਨ ਕ੍ਰੁਧ ਕਰਿ ਗਰਜਿ ਹੈ ॥ इह भांति बैर बीरा बडै; जिदिन क्रुध करि गरजि है ॥ ਬਿਨੁ ਏਕ ਸਾਂਤਿ ਸੁਨ ਰੇ ਨ੍ਰਿਪਤਿ! ਸੁ ਅਉਰ ਨ ਦੂਸਰ ਬਰਜਿ ਹੈ? ॥੧੭੮॥ बिनु एक सांति सुन रे न्रिपति! सु अउर न दूसर बरजि है? ॥१७८॥ ਧੂਮ੍ਰ ਧੁਜਾ ਰਥ ਧੂਮ੍ਰ; ਧੂਮ੍ਰ ਸਾਰਥੀ ਬਿਰਾਜਤ ॥ धूम्र धुजा रथ धूम्र; धूम्र सारथी बिराजत ॥ ਧੂਮ੍ਰ ਬਸਤ੍ਰ ਤਨ ਧਰੇ; ਨਿਰਖਿ ਧੂਅਰੋ ਮਨਿ ਲਾਜਤ ॥ धूम्र बसत्र तन धरे; निरखि धूअरो मनि लाजत ॥ ਧੂਮ੍ਰ ਧਨੁਖ ਕਰ ਛਕ੍ਯੋ; ਬਾਨ ਧੂਮਰੇ ਸੁਹਾਏ ॥ धूम्र धनुख कर छक्यो; बान धूमरे सुहाए ॥ ਸੁਰ ਨਰ ਨਾਗ ਭੁਜੰਗ ਜਛ; ਅਰੁ ਅਸੁਰ ਲਜਾਏ ॥ सुर नर नाग भुजंग जछ; अरु असुर लजाए ॥ ਇਹ ਛਬਿ ਪ੍ਰਭਾਵ ਆਲਸ ਨ੍ਰਿਪਤਿ; ਜਿਦਿਨ ਜੁਧ ਕਹ ਜੁਟ ਹੈ ॥ इह छबि प्रभाव आलस न्रिपति; जिदिन जुध कह जुट है ॥ ਉਦਮ ਬਿਹੀਨ ਸੁਨ ਰੇ ਨ੍ਰਿਪਤਿ! ਅਉਰ ਸਕਲ ਦਲ ਫੁਟ ਹੈ ॥੧੭੯॥ उदम बिहीन सुन रे न्रिपति! अउर सकल दल फुट है ॥१७९॥ |
|
|
|
|
Dasam Granth |