ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 688 ਪੁਹਪ ਧਨੁਖ ਅਲਿ ਪਨਚ; ਮਤਸ ਜਿਹ ਧੁਜਾ ਬਿਰਾਜੈ ॥ पुहप धनुख अलि पनच; मतस जिह धुजा बिराजै ॥ ਬਾਜਤ ਝਾਝਰ ਤੂਰ; ਮਧੁਰ ਬੀਨਾ ਧੁਨਿ ਬਾਜੈ ॥ बाजत झाझर तूर; मधुर बीना धुनि बाजै ॥ ਸਬ ਬਜੰਤ੍ਰ ਜਿਹ ਸੰਗ ਬਜਤ; ਸੁੰਦਰ ਛਬ ਸੋਹਤ ॥ सब बजंत्र जिह संग बजत; सुंदर छब सोहत ॥ ਸੰਗ ਸੈਨ ਅਬਲਾ ਸੰਬੂਹ; ਸੁਰ ਨਰ ਮੁਨਿ ਮੋਹਤ ॥ संग सैन अबला स्मबूह; सुर नर मुनि मोहत ॥ ਅਸ ਮਦਨ ਰਾਜ ਰਾਜਾ ਨ੍ਰਿਪਤਿ; ਜਿਦਿਨ ਕ੍ਰੁਧ ਕਰਿ ਧਾਇ ਹੈ ॥ अस मदन राज राजा न्रिपति; जिदिन क्रुध करि धाइ है ॥ ਬਿਨੁ ਇਕ ਬਿਬੇਕ ਤਾ ਕੇ ਸਮੁਹਿ; ਅਉਰ ਦੂਸਰ ਕੋ ਜਾਇ ਹੈ? ॥੧੭੦॥ बिनु इक बिबेक ता के समुहि; अउर दूसर को जाइ है? ॥१७०॥ ਕਰਤ ਨ੍ਰਿਤ ਸੁੰਦਰੀ; ਬਜਤ ਬੀਨਾ ਧੁਨਿ ਮੰਗਲ ॥ करत न्रित सुंदरी; बजत बीना धुनि मंगल ॥ ਉਪਜਤ ਰਾਗ ਸੰਬੂਹ; ਬਜਤ ਬੈਰਾਰੀ ਬੰਗਲਿ ॥ उपजत राग स्मबूह; बजत बैरारी बंगलि ॥ ਭੈਰਵ ਰਾਗ ਬਸੰਤ ਦੀਪ; ਹਿੰਡੋਲ ਮਹਾ ਸੁਰ ॥ भैरव राग बसंत दीप; हिंडोल महा सुर ॥ ਉਘਟਤ ਤਾਨ ਤਰੰਗ; ਸੁਨਤ ਰੀਝਤ ਧੁਨਿ ਸੁਰ ਨਰ ॥ उघटत तान तरंग; सुनत रीझत धुनि सुर नर ॥ ਇਹ ਛਬਿ ਪ੍ਰਭਾਵ ਰਿਤੁ ਰਾਜ ਨ੍ਰਿਪ; ਜਿਦਿਨ ਰੋਸ ਕਰਿ ਧਾਇ ਹੈ ॥ इह छबि प्रभाव रितु राज न्रिप; जिदिन रोस करि धाइ है ॥ ਬਿਨੁ ਇਕ ਬਿਬੇਕ ਤਾ ਕੇ ਨ੍ਰਿਪਤਿ! ਅਉਰ ਸਮੁਹਿ ਕੋ ਜਾਇ ਹੈ? ॥੧੭੧॥ बिनु इक बिबेक ता के न्रिपति! अउर समुहि को जाइ है? ॥१७१॥ ਸੋਰਠਿ ਸਾਰੰਗ ਸੁਧ ਮਲਾਰ; ਬਿਭਾਸ ਸਰਬਿ ਗਨਿ ॥ सोरठि सारंग सुध मलार; बिभास सरबि गनि ॥ ਰਾਮਕਲੀ ਹਿੰਡੋਲ ਗੌਡ; ਗੂਜਰੀ ਮਹਾ ਧੁਨਿ ॥ रामकली हिंडोल गौड; गूजरी महा धुनि ॥ ਲਲਤ ਪਰਜ ਗਵਰੀ ਮਲਾਰ; ਕਾਨੜਾ ਮਹਾ ਛਬਿ ॥ ललत परज गवरी मलार; कानड़ा महा छबि ॥ ਜਾਹਿ ਬਿਲੋਕਤ ਬੀਰ ਸਰਬ; ਤੁਮਰੇ ਜੈ ਹੈ ਦਬਿ ॥ जाहि बिलोकत बीर सरब; तुमरे जै है दबि ॥ ਇਹ ਬਿਧਿ ਨਰੇਸ ਰਿਤੁ ਰਾਜ ਨ੍ਰਿਪ; ਮਦਨ ਸੂਅਨ ਜਬ ਗਰਜ ਹੈ ॥ इह बिधि नरेस रितु राज न्रिप; मदन सूअन जब गरज है ॥ ਬਿਨੁ ਇਕ ਗ੍ਯਾਨ ਸੁਨ ਹੋ ਨ੍ਰਿਪਤਿ! ਸੁ ਅਉਰ ਦੂਸਰ ਕੋ ਬਰਜਿ ਹੈ? ॥੧੭੨॥ बिनु इक ग्यान सुन हो न्रिपति! सु अउर दूसर को बरजि है? ॥१७२॥ ਕਊਧਤ ਦਾਮਨਿ ਸਘਨ ਸਘਨ; ਘੋਰਤ ਚਹੁਦਿਸ ਘਨ ॥ कऊधत दामनि सघन सघन; घोरत चहुदिस घन ॥ ਮੋਹਿਤ ਭਾਮਿਨ ਸਘਨ; ਡਰਤ ਬਿਰਹਨਿ ਤ੍ਰਿਯ ਲਖਿ ਮਨਿ ॥ मोहित भामिन सघन; डरत बिरहनि त्रिय लखि मनि ॥ ਬੋਲਤ ਦਾਦੁਰ ਮੋਰ; ਸਘਨ ਝਿਲੀ ਝਿੰਕਾਰਤ ॥ बोलत दादुर मोर; सघन झिली झिंकारत ॥ ਦੇਖਤ ਦ੍ਰਿਗਨ ਪ੍ਰਭਾਵ ਅਮਿਤ; ਮੁਨਿ ਮਨ ਬ੍ਰਿਤ ਹਾਰਤ ॥ देखत द्रिगन प्रभाव अमित; मुनि मन ब्रित हारत ॥ ਇਹ ਬਿਧਿ ਹੁਲਾਸ ਮਦਨਜ ਦੂਸਰ; ਜਿਦਿਨ ਚਟਕ ਦੈ ਸਟਕ ਹੈ ॥ इह बिधि हुलास मदनज दूसर; जिदिन चटक दै सटक है ॥ ਬਿਨੁ ਇਕ ਬਿਬੇਕ ਸੁਨਹੋ ਨ੍ਰਿਪਤਿ! ਅਉਰ ਦੂਸਰ ਕੋ ਹਟਕ ਹੈ? ॥੧੭੩॥ बिनु इक बिबेक सुनहो न्रिपति! अउर दूसर को हटक है? ॥१७३॥ ਤ੍ਰਿਤੀਆ ਪੁਤ੍ਰ ਅਨੰਦ; ਜਿਦਿਨ ਸਸਤ੍ਰਨ ਕਹੁ ਧਰਿ ਹੈ ॥ त्रितीआ पुत्र अनंद; जिदिन ससत्रन कहु धरि है ॥ ਕਰਿ ਹੈ ਚਿਤ੍ਰ ਬਚਿਤ੍ਰ ਸੁ ਰਣ; ਸੁਰ ਨਰ ਮੁਨਿ ਡਰਿ ਹੈ ॥ करि है चित्र बचित्र सु रण; सुर नर मुनि डरि है ॥ ਕੋ ਭਟ ਧਰਿ ਹੈ ਧੀਰ? ਜਿਦਿਨ ਸਾਮੁਹਿ ਵਹ ਐ ਹੈ ॥ को भट धरि है धीर? जिदिन सामुहि वह ऐ है ॥ ਸਭ ਕੋ ਤੇਜ ਪ੍ਰਤਾਪ; ਛਿਨਕ ਭੀਤਰ ਹਰ ਲੈ ਹੈ ॥ सभ को तेज प्रताप; छिनक भीतर हर लै है ॥ ਇਹ ਬਿਧਿ ਅਨੰਦ ਦੁਰ ਧਰਖ ਭਟ; ਜਿਦਿਨ ਸਸਤ੍ਰ ਗਹ ਮਿਕ ਹੈ ॥ इह बिधि अनंद दुर धरख भट; जिदिन ससत्र गह मिक है ॥ ਬਿਨੁ ਇਕ ਧੀਰਜ ਸੁਨਿ ਰੇ ਨ੍ਰਿਪਤਿ! ਸੁ ਅਉਰ ਨ ਦੂਸਰਿ ਟਿਕ ਹੈ ॥੧੭੪॥ बिनु इक धीरज सुनि रे न्रिपति! सु अउर न दूसरि टिक है ॥१७४॥ |
|
|
|
|
Dasam Granth |