ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 680 ਦੇਵ ਗੰਧਾਰੀ ॥ देव गंधारी ॥ ਦੂਜੀ ਤਰਹ ॥ दूजी तरह ॥ ਦੁਹ ਦਿਸ ਪਰੇ ਬੀਰ ਹਕਾਰਿ ॥ दुह दिस परे बीर हकारि ॥ ਕਾਢਿ ਕਾਢਿ ਕ੍ਰਿਪਾਣ ਧਾਵਤ; ਮਾਰੁ ਮਾਰੁ ਉਚਾਰਿ ॥ काढि काढि क्रिपाण धावत; मारु मारु उचारि ॥ ਪਾਨ ਰੋਕਿ ਸਰੋਖ ਰਾਵਤ; ਕ੍ਰੁਧ ਜੁਧ ਫਿਰੇ ॥ पान रोकि सरोख रावत; क्रुध जुध फिरे ॥ ਗਾਹਿ ਗਾਹਿ ਗਜੀ ਰਥੀ; ਰਣਿ ਅੰਤਿ ਭੂਮਿ ਗਿਰੇ ॥ गाहि गाहि गजी रथी; रणि अंति भूमि गिरे ॥ ਤਾਨਿ ਤਾਨਿ ਸੰਧਾਨ ਬਾਨ; ਪ੍ਰਮਾਨ ਕਾਨ ਸੁਬਾਹਿ ॥ तानि तानि संधान बान; प्रमान कान सुबाहि ॥ ਬਾਹਿ ਬਾਹਿ ਫਿਰੇ ਸੁਬਾਹਨ; ਛਤ੍ਰ ਧਰਮ ਨਿਬਾਹਿ ॥ बाहि बाहि फिरे सुबाहन; छत्र धरम निबाहि ॥ ਬੇਧਿ ਬੇਧਿ ਸੁ ਬਾਨ ਅੰਗ; ਜੁਆਨ ਜੁਝੇ ਐਸ ॥ बेधि बेधि सु बान अंग; जुआन जुझे ऐस ॥ ਭੂਰਿ ਭਾਰਥ ਕੇ ਸਮੇ; ਸਰ ਸੇਜ ਭੀਖਮ ਜੈਸ ॥੧੧੧॥ भूरि भारथ के समे; सर सेज भीखम जैस ॥१११॥ ਬਿਸਨਪਦ ॥ ਸਾਰੰਗ ॥ बिसनपद ॥ सारंग ॥ ਇਹ ਬਿਧਿ ਬਹੁਤੁ ਸੰਨਿਆਸੀ ਮਾਰੇ ॥ इह बिधि बहुतु संनिआसी मारे ॥ ਕੇਤਿਕ ਬਾਂਧਿ ਬਾਰਿ ਮੋ ਬੋਰੇ; ਕਿਤੇ ਅਗਨਿ ਮੋ ਸਾਰੇ ॥ केतिक बांधि बारि मो बोरे; किते अगनि मो सारे ॥ ਕੇਤਨ ਏਕ ਹਾਥ ਕਟਿ ਡਾਰੇ; ਕੇਤਿਨ ਕੇ ਦ੍ਵੈ ਹਾਥ ॥ केतन एक हाथ कटि डारे; केतिन के द्वै हाथ ॥ ਤਿਲ ਤਿਲ ਪਾਇ ਰਥੀ ਕਟਿ ਡਾਰੇ; ਕਟੇ ਕਿਤਨ ਕੇ ਮਾਥ ॥ तिल तिल पाइ रथी कटि डारे; कटे कितन के माथ ॥ ਛਤ੍ਰ ਚਮ੍ਰ ਰਥ ਬਾਜ ਕਿਤਨੇ ਕੇ; ਕਾਟਿ ਕਾਟਿ ਰਣਿ ਡਾਰੇ ॥ छत्र चम्र रथ बाज कितने के; काटि काटि रणि डारे ॥ ਕੇਤਨ ਮੁਕਟ ਲਕੁਟ ਲੈ ਤੋਰੇ; ਕੇਤਨ ਜੂਟ ਉਪਾਰੇ ॥ केतन मुकट लकुट लै तोरे; केतन जूट उपारे ॥ ਭਕਿ ਭਕਿ ਗਿਰੇ ਭਿੰਭਰ ਬਸੁਧਾ ਪਰ; ਘਾਇ ਅੰਗ ਭਿਭਰਾਰੇ ॥ भकि भकि गिरे भि्मभर बसुधा पर; घाइ अंग भिभरारे ॥ ਜਾਨੁਕ ਅੰਤ ਬਸੰਤ ਸਮੈ ਮਿਲਿ; ਚਾਚਰ ਖੇਲ ਸਿਧਾਰੇ ॥੧੧੨॥ जानुक अंत बसंत समै मिलि; चाचर खेल सिधारे ॥११२॥ ਬਿਸਨਪਦ ॥ ਅਡਾਨ ॥ बिसनपद ॥ अडान ॥ ਚੁਪਰੇ ਚਾਰੁ ਚਿਕਨੇ ਕੇਸ ॥ चुपरे चारु चिकने केस ॥ ਆਨਿ ਆਨਿ ਫਿਰੀ ਚਹੂੰ ਦਿਸਿ; ਨਾਰਿ ਨਾਗਰਿ ਭੇਸ ॥ आनि आनि फिरी चहूं दिसि; नारि नागरि भेस ॥ ਚਿਬਕ ਚਾਰੁ ਸੁ ਧਾਰ ਬੇਸਰ; ਡਾਰਿ ਕਾਜਰ ਨੈਨ ॥ चिबक चारु सु धार बेसर; डारि काजर नैन ॥ ਜੀਵ ਜੰਤਨ ਕਾ ਚਲੀ? ਚਿਤ ਲੇਤ ਚੋਰ ਸੁ ਮੈਨ ॥ जीव जंतन का चली? चित लेत चोर सु मैन ॥ ਦੇਖ ਰੀ ਸੁਕੁਮਾਰ ਸੁੰਦਰ; ਆਜੁ ਬਰ ਹੈ ਬੀਰ ॥ देख री सुकुमार सुंदर; आजु बर है बीर ॥ ਬੀਨ ਬੀਨ ਧਰੋ ਸਬੰਗਨ; ਸੁਧ ਕੇਸਰਿ ਚੀਰ ॥ बीन बीन धरो सबंगन; सुध केसरि चीर ॥ ਚੀਨ ਚੀਨ ਬਰਿ ਹੈ ਸੁਬਾਹ; ਸੁ ਮਧ ਜੁਧ ਉਛਾਹ ॥ चीन चीन बरि है सुबाह; सु मध जुध उछाह ॥ ਤੇਗ ਤੀਰਨ ਬਾਨ ਬਰਛਨ; ਜੀਤ ਕਰਿ ਹੈ ਬਯਾਹ ॥੧੧੩॥ तेग तीरन बान बरछन; जीत करि है बयाह ॥११३॥ ਬਿਸਨਪਦ ॥ ਸੋਰਠਿ ॥ बिसनपद ॥ सोरठि ॥ ਕਹਾ ਲੌ ਉਪਮਾ ਇਤੀ ਕਰੌ? ॥ कहा लौ उपमा इती करौ? ॥ ਗ੍ਰੰਥ ਬਢਨ ਕੇ ਕਾਜ ਸੁਨਹੁ ਜੂ! ਚਿਤ ਮੈ ਅਧਿਕ ਡਰੌ ॥ ग्रंथ बढन के काज सुनहु जू! चित मै अधिक डरौ ॥ ਤਉ ਸੁਧਾਰਿ ਬਿਚਾਰ ਕਥਾ; ਕਹਿ ਕਹਿ ਸੰਛੇਪ ਬਖਾਨੋ ॥ तउ सुधारि बिचार कथा; कहि कहि संछेप बखानो ॥ ਜੈਸੇ ਤਵ ਪ੍ਰਤਾਪ ਕੇ ਬਲ ਤੇ; ਜਥਾ ਸਕਤਿ ਅਨੁਮਾਨੋ ॥ जैसे तव प्रताप के बल ते; जथा सकति अनुमानो ॥ ਜਬ ਪਾਰਸ ਇਹ ਬਿਧਿ ਰਨ ਮੰਡ੍ਯੋ; ਨਾਨਾ ਸਸਤ੍ਰ ਚਲਾਏ ॥ जब पारस इह बिधि रन मंड्यो; नाना ससत्र चलाए ॥ ਹਤੇ ਸੁ ਹਤੇ ਜੀਅ ਲੈ ਭਾਜੇ; ਚਹੁੰ ਦਿਸ ਗਏ ਪਰਾਏ ॥ हते सु हते जीअ लै भाजे; चहुं दिस गए पराए ॥ ਜੇ ਹਠ ਤਿਆਗਿ ਆਨਿ ਪਗ ਲਾਗੇ; ਤੇ ਸਬ ਲਏ ਬਚਾਈ ॥ जे हठ तिआगि आनि पग लागे; ते सब लए बचाई ॥ ਭੂਖਨ ਬਸਨ ਬਹੁਤੁ ਬਿਧਿ ਦੀਨੇ; ਦੈ ਦੈ ਬਹੁਤ ਬਡਾਈ ॥੧੧੪॥ भूखन बसन बहुतु बिधि दीने; दै दै बहुत बडाई ॥११४॥ |
|
|
|
|
Dasam Granth |