ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 622 ਸੁਭੇ ਰਾਜਿਸਥਲੀ ਠਾਂਢਿ ਐਸੇ ॥ सुभे राजिसथली ठांढि ऐसे ॥ ਮਨੋ ਚਿਤ੍ਰਕਾਰੀ ਲਿਖੀ ਚਿਤ੍ਰ ਜੈਸੇ ॥ मनो चित्रकारी लिखी चित्र जैसे ॥ ਬਧੇ ਸ੍ਵਰਣ ਕੀ ਕਿੰਕਣੀ ਲਾਲ ਮਾਲੰ ॥ बधे स्वरण की किंकणी लाल मालं ॥ ਸਿਖਾ ਜਾਨ ਸੋਭੇ ਨ੍ਰਿਪੰ ਜਗਿ ਜ੍ਵਾਲੰ ॥੫੦॥ सिखा जान सोभे न्रिपं जगि ज्वालं ॥५०॥ ਕਹੇ ਬੈਨ ਸਾਰਸ੍ਵਤੀ ਪੇਖਿ ਬਾਲਾ! ॥ कहे बैन सारस्वती पेखि बाला! ॥ ਲਖੋ ਨੈਨਿ ਠਾਢੇ ਸਭੈ ਭੂਪ ਆਲਾ ॥ लखो नैनि ठाढे सभै भूप आला ॥ ਰੁਚੈ ਚਿਤ ਜਉਨੈ ਸੁਈ ਨਾਥ ਕੀਜੈ ॥ रुचै चित जउनै सुई नाथ कीजै ॥ ਸੁਨੋ ਪ੍ਰਾਨ ਪਿਆਰੀ! ਇਹੈ ਮਾਨਿ ਲੀਜੈ ॥੫੧॥ सुनो प्रान पिआरी! इहै मानि लीजै ॥५१॥ ਬਡੀ ਬਾਹਨੀ ਸੰਗਿ ਜਾ ਕੇ ਬਿਰਾਜੈ ॥ बडी बाहनी संगि जा के बिराजै ॥ ਘੁਰੈ ਸੰਗ ਭੇਰੀ ਮਹਾ ਨਾਦ ਬਾਜੈ ॥ घुरै संग भेरी महा नाद बाजै ॥ ਲਖੋ ਰੂਪ ਬੇਸੰ ਨਰੇਸੰ ਮਹਾਨੰ ॥ लखो रूप बेसं नरेसं महानं ॥ ਦਿਨੰ ਰੈਣ ਜਾਪੈ ਸਹੰਸ੍ਰ ਭੁਜਾਨੰ ॥੫੨॥ दिनं रैण जापै सहंस्र भुजानं ॥५२॥ ਧੁਜਾ ਮਧਿ ਜਾ ਕੇ ਬਡੋ ਸਿੰਘ ਰਾਜੈ ॥ धुजा मधि जा के बडो सिंघ राजै ॥ ਸੁਨੇ ਨਾਦ ਤਾ ਕੋ ਮਹਾ ਪਾਪ ਭਾਜੈ ॥ सुने नाद ता को महा पाप भाजै ॥ ਲਖੋ ਪੂਰਬੀਸੰ ਛਿਤੀਸੰ ਮਹਾਨੰ ॥ लखो पूरबीसं छितीसं महानं ॥ ਸੁਨੋ ਬੈਨ ਬਾਲਾ! ਸੁਰੂਪੰ ਸੁ ਭਾਨੰ ॥੫੩॥ सुनो बैन बाला! सुरूपं सु भानं ॥५३॥ ਘੁਰੈ ਦੁੰਦਭੀ ਸੰਖ ਭੇਰੀ ਅਪਾਰੰ ॥ घुरै दुंदभी संख भेरी अपारं ॥ ਬਜੈ ਦਛਨੀ ਸਰਬ ਬਾਜੰਤ੍ਰ ਸਾਰੰ ॥ बजै दछनी सरब बाजंत्र सारं ॥ ਤੁਰੀ ਕਾਨਰੇ ਤੂਰ ਤਾਨੰ ਤਰੰਗੰ ॥ तुरी कानरे तूर तानं तरंगं ॥ ਮੁਚੰ ਝਾਝਰੰ ਨਾਇ ਨਾਦੰ ਮ੍ਰਿਦੰਗੰ ॥੫੪॥ मुचं झाझरं नाइ नादं म्रिदंगं ॥५४॥ ਬਧੇ ਹੀਰ ਚੀਰੰ ਸੁ ਬੀਰੰ ਸੁਬਾਹੰ ॥ बधे हीर चीरं सु बीरं सुबाहं ॥ ਬਡੋ ਛਤ੍ਰਧਾਰੀ ਸੋ ਸੋਭਿਓ ਸਿਪਾਹੰ ॥ बडो छत्रधारी सो सोभिओ सिपाहं ॥ ਨਹੇ ਪਿੰਗ ਬਾਜੀ ਰਥੰ ਜੇਣਿ ਜਾਨੋ ॥ नहे पिंग बाजी रथं जेणि जानो ॥ ਤਿਸੈ ਦਛਨੇਸੰ ਹੀਐ ਬਾਲ! ਮਾਨੋ ॥੫੫॥ तिसै दछनेसं हीऐ बाल! मानो ॥५५॥ ਮਹਾ ਬਾਹਨੀਸੰ ਨਗੀਸੰ ਨਰੇਸੰ ॥ महा बाहनीसं नगीसं नरेसं ॥ ਕਈ ਕੋਟਿ ਪਾਤੰ ਸੁਭੈ ਪਤ੍ਰ ਭੇਸੰ ॥ कई कोटि पातं सुभै पत्र भेसं ॥ ਧੁਜਾ ਬਧ ਉਧੰ ਗਜੰ ਗੂੜ ਬਾਂਕੋ ॥ धुजा बध उधं गजं गूड़ बांको ॥ ਲਖੋ ਉਤਰੀ ਰਾਜ ਕੈ ਨਾਮ ਤਾ ਕੋ ॥੫੬॥ लखो उतरी राज कै नाम ता को ॥५६॥ ਫਰੀ ਧੋਪ ਪਾਇਕ ਸੁ ਆਗੇ ਉਮੰਗੈ ॥ फरी धोप पाइक सु आगे उमंगै ॥ ਜਿਣੈ ਕੋਟਿ ਬੰਕੈ ਮੁਰੇ ਨਾਹਿ ਅੰਗੈ ॥ जिणै कोटि बंकै मुरे नाहि अंगै ॥ ਹਰੇ ਬਾਜ ਰਾਜੰ ਕਪੋਤੰ ਪ੍ਰਮਾਨੰ ॥ हरे बाज राजं कपोतं प्रमानं ॥ ਨਹੇ ਸ੍ਯੰਦਨੀ ਇੰਦ੍ਰ ਬਾਜੀ ਸਮਾਣੰ ॥੫੭॥ नहे स्यंदनी इंद्र बाजी समाणं ॥५७॥ ਬਡੇ ਸ੍ਰਿੰਗ ਜਾ ਕੇ ਧਰੇ ਸੂਰ ਸੋਭੈ ॥ बडे स्रिंग जा के धरे सूर सोभै ॥ ਲਖੇ ਦੈਤ ਕੰਨ੍ਯਾ ਜਿਨੈ ਚਿਤ ਲੋਭੈ ॥ लखे दैत कंन्या जिनै चित लोभै ॥ ਕਢੇ ਦੰਤ ਪਤੰ ਸਿਰੰ ਕੇਸ ਉਚੰ ॥ कढे दंत पतं सिरं केस उचं ॥ ਲਖੇ ਗਰਭਣੀ ਆਣਿ ਕੇ ਗਰਭ ਮੁਚੰ ॥੫੮॥ लखे गरभणी आणि के गरभ मुचं ॥५८॥ ਲਖੋ ਲੰਕ ਏਸੰ ਨਰੇਸੰ ਸੁ ਬਾਲੰ ॥ लखो लंक एसं नरेसं सु बालं ॥ ਸਬੈ ਸੰਗ ਜਾ ਕੈ ਸਬੈ ਲੋਕ ਪਾਲੰ ॥ सबै संग जा कै सबै लोक पालं ॥ ਲੁਟਿਓ ਏਕ ਬੇਰੰ ਕੁਬੇਰੰ ਭੰਡਾਰੀ ॥ लुटिओ एक बेरं कुबेरं भंडारी ॥ ਜਿਣਿਓ ਇੰਦ੍ਰ ਰਾਜਾ ਬਡੋ ਛਤ੍ਰਧਾਰੀ ॥੫੯॥ जिणिओ इंद्र राजा बडो छत्रधारी ॥५९॥ ਕਹੇ ਜਉਨ ਬਾਲੀ ਨ ਤੇ ਚਿਤ ਆਨੇ ॥ कहे जउन बाली न ते चित आने ॥ ਜਿਤੇ ਭੂਪ ਭਾਰੀ ਸੁ ਪਾਛੇ ਬਖਾਨੇ ॥ जिते भूप भारी सु पाछे बखाने ॥ ਚਹੂੰ ਓਰ ਰਾਜਾ ਕਹੋ ਨਾਮ ਸੋ ਭੀ ॥ चहूं ओर राजा कहो नाम सो भी ॥ ਤਜੇ ਭਾਂਤਿ ਜੈਸੀ ਸਬੈ ਰਾਜ ਓ ਭੀ ॥੬੦॥ तजे भांति जैसी सबै राज ओ भी ॥६०॥ ਲਖੋ ਦਈਤ ਸੈਨਾ ਬਡੀ ਸੰਗਿ ਤਾ ਕੇ ॥ लखो दईत सैना बडी संगि ता के ॥ ਸੁਭੈ ਛਤ੍ਰ ਧਾਰੀ ਬਡੇ ਸੰਗ ਜਾ ਕੇ ॥ सुभै छत्र धारी बडे संग जा के ॥ ਧੁਜਾ ਗਿਧ ਉਧੰ ਲਸੈ ਕਾਕ ਪੂਰੰ ॥ धुजा गिध उधं लसै काक पूरं ॥ ਤਿਸੈ ਪਿਆਲ ਰਾਜਾ ਬਲੀ ਬ੍ਰਿਧ ਨੂਰੰ ॥੬੧॥ तिसै पिआल राजा बली ब्रिध नूरं ॥६१॥ |
|
|
|
|
Dasam Granth |