ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 551 ਮਤ ਕੇ ਦਿਜ ਇਕ ਥੋ ਤਹਾ; ਬਿਨੁ ਹਰਿ ਨਾਮ ਨ ਲੇਇ ॥ मत के दिज इक थो तहा; बिनु हरि नाम न लेइ ॥ ਜੋ ਹਰਿ ਕੀ ਬਾਤੈ ਕਰੈ; ਤਾਹੀ ਮੈ ਚਿਤ ਦੇਇ ॥੨੪੪੨॥ जो हरि की बातै करै; ताही मै चित देइ ॥२४४२॥ ਸਵੈਯਾ ॥ सवैया ॥ ਭੂਪਤਿ ਜਾਇ ਦਿਜੋਤਮ ਕੇ; ਗ੍ਰਿਹਿ ਹੇਰਹਿ ਸ੍ਰੀ ਬ੍ਰਿਜਨਾਥ ਬਿਚਾਰੈ ॥ भूपति जाइ दिजोतम के; ग्रिहि हेरहि स्री ब्रिजनाथ बिचारै ॥ ਅਉਰ ਕਛੂ ਨਹਿ ਬਾਤ ਕਰੈ; ਕਬਿ ਸ੍ਯਾਮ ਕਹੈ ਦੋਊ ਸਾਂਝ ਸਵਾਰੈ ॥ अउर कछू नहि बात करै; कबि स्याम कहै दोऊ सांझ सवारै ॥ ਬਿਪ੍ਰ ਕਹੈ ਘਨਿ ਸ੍ਯਾਮ ਹੀ ਆਇ ਹੈ; ਸ੍ਯਾਮ ਹੀ ਆਇ ਹੈ ਭੂਪ ਉਚਾਰੈ ॥ बिप्र कहै घनि स्याम ही आइ है; स्याम ही आइ है भूप उचारै ॥ ਸ੍ਰੀ ਬ੍ਰਿਜ ਨਾਇਕ ਕੀ ਚਰਚਾ ਸੰਗ; ਸਾਸ ਘਰੀ ਪੁਨਿ ਜਾਮਨ ਟਾਰੈ ॥੨੪੪੩॥ स्री ब्रिज नाइक की चरचा संग; सास घरी पुनि जामन टारै ॥२४४३॥ ਭੂਪ ਦਿਜੋਤਮ ਕੀ ਅਤਿ ਹੀ; ਹਰਿ ਜੂ ਮਨ ਮੈ ਜਬ ਪ੍ਰੀਤਿ ਬਿਚਾਰੀ ॥ भूप दिजोतम की अति ही; हरि जू मन मै जब प्रीति बिचारी ॥ ਮੇਰੇ ਹੈ ਧਿਆਨ ਕੇ ਬੀਚ ਪਰੇ; ਇਹ ਅਉਰ ਕਥਾ ਗ੍ਰਿਹ ਕੀ ਜੁ ਬਿਸਾਰੀ ॥ मेरे है धिआन के बीच परे; इह अउर कथा ग्रिह की जु बिसारी ॥ ਦਾਰੁਕ ਕਉ ਕਹਿ ਸ੍ਯੰਦਨ ਪੈ; ਜੁ ਕਰੀ ਪ੍ਰਭ ਜੀ ਤਿਹ ਓਰਿ ਸਵਾਰੀ ॥ दारुक कउ कहि स्यंदन पै; जु करी प्रभ जी तिह ओरि सवारी ॥ ਸਾਧਨ ਜਾਇ ਸਨਾਥ ਕਰੋ ਅਬ; ਸ੍ਰੀ ਬ੍ਰਿਜਨਾਥ ਇਹੈ ਜੀਅ ਧਾਰੀ ॥੨੪੪੪॥ साधन जाइ सनाथ करो अब; स्री ब्रिजनाथ इहै जीअ धारी ॥२४४४॥ ਚੌਪਈ ॥ चौपई ॥ ਤਬ ਜਦੁਪਤਿ ਦੁਇ ਰੂਪ ਬਨਾਯੋ ॥ तब जदुपति दुइ रूप बनायो ॥ ਇਕ ਦਿਜ ਕੈ, ਇਕ ਨ੍ਰਿਪ ਕੇ ਆਯੋ ॥ इक दिज कै, इक न्रिप के आयो ॥ ਦਿਜ ਨ੍ਰਿਪ ਅਤਿ ਸੇਵਾ ਤਿਹ ਕਰੀ ॥ दिज न्रिप अति सेवा तिह करी ॥ ਚਿਤ ਕੀ ਸਭ ਚਿੰਤਾ ਪਰਹਰੀ ॥੨੪੪੫॥ चित की सभ चिंता परहरी ॥२४४५॥ ਦੋਹਰਾ ॥ दोहरा ॥ ਚਾਰ ਮਾਸ ਹਰਿ ਜੂ ਤਹਾ; ਰਹੇ ਬਹੁਤੁ ਸੁਖ ਪਾਇ ॥ चार मास हरि जू तहा; रहे बहुतु सुख पाइ ॥ ਬਹੁਰੁ ਆਪੁਨੇ ਗ੍ਰਿਹ ਗਏ; ਜਸ ਕੀ ਬੰਬ ਬਜਾਇ ॥੨੪੪੬॥ बहुरु आपुने ग्रिह गए; जस की ब्मब बजाइ ॥२४४६॥ ਇਕ ਕਹਿ ਗੇ ਦਿਜ ਭੂਪ ਕਉ; ਬ੍ਰਿਜਪਤਿ ਕਰਿ ਇਸ ਨੇਹੁ ॥ इक कहि गे दिज भूप कउ; ब्रिजपति करि इस नेहु ॥ ਬੇਦ ਚਾਰਿ ਜਿਉ ਮੁਹਿ ਜਪੈ; ਤਿਉ ਮੁਹਿ ਜਪੁ ਸੁਨਿ ਲੇਹੁ ॥੨੪੪੭॥ बेद चारि जिउ मुहि जपै; तिउ मुहि जपु सुनि लेहु ॥२४४७॥ ਇਤਿ ਸ੍ਰੀ ਦਸਮ ਸਿਕੰਧ ਪੁਰਾਣੇ ਬਚਿਤ੍ਰ ਨਾਟਕੇ ਗ੍ਰੰਥੇ ਕ੍ਰਿਸਨਾਵਤਾਰੇ ਕਾਨ੍ਹ ਜੂ ਰਾਜਾ ਤਥਾ ਦਿਜ ਕੋ ਦਰਸਨ ਦੇ ਕਰਿ ਗ੍ਰਿਹ ਕੋ ਜਾਤ ਭਏ ਧਿਆਇ ਸਮਾਪਤੰ ॥ इति स्री दसम सिकंध पुराणे बचित्र नाटके ग्रंथे क्रिसनावतारे कान्ह जू राजा तथा दिज को दरसन दे करि ग्रिह को जात भए धिआइ समापतं ॥ ਅਥ ਰਾਜਾ ਪਰੀਛਿਤ ਜੀ ਤਥਾ ਸੁਕਦੇਵ ਪਰਸਪਰ ਬਾਚ ॥ अथ राजा परीछित जी तथा सुकदेव परसपर बाच ॥ ਸਵੈਯਾ ॥ सवैया ॥ ਕਾ ਬਿਧਿ ਗਾਵਤ ਹੈ ਗੁਨ ਬੇਦ; ਸੁਨੋ ਤੁਮ ਤੇ ਸੁਕ ਇਉ ਜੀਯ ਆਈ ॥ का बिधि गावत है गुन बेद; सुनो तुम ते सुक इउ जीय आई ॥ ਤਿਆਗਿ ਸਭੈ ਫੁਨਿ ਧਾਮ ਕੇ ਲਾਲਚ; ਸ੍ਯਾਮ ਭਨੈ ਪ੍ਰਭ ਕੀ ਜਸਤਾਈ ॥ तिआगि सभै फुनि धाम के लालच; स्याम भनै प्रभ की जसताई ॥ ਇਉ ਗੁਨ ਗਾਵਤ ਬੇਦ, ਸੁਨੋ ਤੁਮ; ਰੰਗ ਨ ਰੂਪ ਲਖਿਯੋ ਕਛੂ ਜਾਈ ॥ इउ गुन गावत बेद, सुनो तुम; रंग न रूप लखियो कछू जाई ॥ ਇਉ ਸੁਕ ਬੈਨ ਕਹੈ ਨ੍ਰਿਪ ਸੋ; ਨ੍ਰਿਪ ਸਾਚ ਰਿਦੇ ਅਪੁਨੇ ਠਹਰਾਈ ॥੨੪੪੮॥ इउ सुक बैन कहै न्रिप सो; न्रिप साच रिदे अपुने ठहराई ॥२४४८॥ |
|
|
|
|
Dasam Granth |