ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 493 ਏਕ ਬਜਾਵਤ ਬੇਨੁ ਸਖੀ; ਇਕ ਹਾਥਿ ਲੀਏ ਸਖੀ ਤਾਲ ਬਜਾਵੈ ॥ एक बजावत बेनु सखी; इक हाथि लीए सखी ताल बजावै ॥ ਨਾਚਤ ਏਕ ਭਲੀ ਬਿਧਿ ਸੁੰਦਰਿ; ਸੁੰਦਰਿ ਏਕ ਭਲੀ ਬਿਧਿ ਗਾਵੈ ॥ नाचत एक भली बिधि सुंदरि; सुंदरि एक भली बिधि गावै ॥ ਝਾਜਰ ਏਕ ਮ੍ਰਿਦੰਗ ਕੇ ਬਾਜਤ; ਆਏ ਭਲੇ ਇਕ ਹਾਵ ਦਿਖਾਵੈ ॥ झाजर एक म्रिदंग के बाजत; आए भले इक हाव दिखावै ॥ ਭਾਇ ਕਰੈ ਇਕ ਆਇ ਤਬੈ; ਚਿਤ ਕੇ ਰਨਿਵਾਰਨ ਮੋਦ ਬਢਾਵੈ ॥੨੦੧੧॥ भाइ करै इक आइ तबै; चित के रनिवारन मोद बढावै ॥२०११॥ ਬਾਰੁਨੀ ਕੇ ਰਸ ਸੰਗ ਛਕੇ; ਜਹ ਬੈਠੇ ਹੈ ਕ੍ਰਿਸਨ, ਹੁਲਾਸ ਬਢੈ ਕੈ ॥ बारुनी के रस संग छके; जह बैठे है क्रिसन, हुलास बढै कै ॥ ਕੁੰਕਮ ਰੰਗ ਰੰਗੇ ਪਟਵਾ; ਭਟਵਾ ਅਪਨੇ ਅਤਿ ਆਨੰਦ ਕੈ ਕੈ ॥ कुंकम रंग रंगे पटवा; भटवा अपने अति आनंद कै कै ॥ ਮੰਗਨ ਲੋਗਨ ਦੇਤ ਘਨੋ ਧਨ; ਸ੍ਯਾਮ ਭਨੈ ਅਤਿ ਹੀ ਨਚਵੈ ਕੈ ॥ मंगन लोगन देत घनो धन; स्याम भनै अति ही नचवै कै ॥ ਰੀਝਿ ਰਹੇ ਮਨ ਮੈ ਸਭ ਹੀ; ਫੁਨਿ ਸ੍ਰੀ ਜਦੁਬੀਰ ਕੀ ਓਰਿ ਚਿਤੈ ਕੈ ॥੨੦੧੨॥ रीझि रहे मन मै सभ ही; फुनि स्री जदुबीर की ओरि चितै कै ॥२०१२॥ ਬੇਦ ਕੇ ਬੀਚ ਲਿਖੀ ਬਿਧਿ ਜਿਉ; ਜਦੁਬੀਰ ਬ੍ਯਾਹ ਤਿਹੀ ਬਿਧਿ ਕੀਨੋ ॥ बेद के बीच लिखी बिधि जिउ; जदुबीर ब्याह तिही बिधि कीनो ॥ ਜੋ ਰੁਕਮੀ ਤੇ ਭਲੀ ਬਿਧਿ ਕੈ; ਰੁਕਮਨਿਹਿ ਕੋ ਪੁਨਿ ਜੀਤ ਕੈ ਲੀਨੋ ॥ जो रुकमी ते भली बिधि कै; रुकमनिहि को पुनि जीत कै लीनो ॥ ਜੀਤਹਿ ਕੀ ਬਤੀਆ ਸੁਨਿ ਕੈ; ਅਤਿ ਭੀਤਰ ਮੋਦ ਬਢਿਓ ਪੁਰ ਤੀਨੋ ॥ जीतहि की बतीआ सुनि कै; अति भीतर मोद बढिओ पुर तीनो ॥ ਸ੍ਯਾਮ ਭਨੈ ਇਹ ਕਉਤਕ ਕੈ; ਸਭ ਹੀ ਜਦੁਬੀਰਨ ਕਉ ਸੁਖ ਦੀਨੋ ॥੨੦੧੩॥ स्याम भनै इह कउतक कै; सभ ही जदुबीरन कउ सुख दीनो ॥२०१३॥ ਸੁਖ ਮਾਨ ਕੈ ਮਾਇ ਪੀਯੋ ਜਲ ਵਾਰ ਕੈ; ਅਉ ਦ੍ਵਿਜ ਲੋਕਨ ਦਾਨ ਦੀਓ ਹੈ ॥ सुख मान कै माइ पीयो जल वार कै; अउ द्विज लोकन दान दीओ है ॥ ਐਸੇ ਕਹਿਯੋ ਸਭ ਹੀ ਭੂਅ ਕੋ; ਸੁਖ ਆਜ ਸਭੈ ਹਮ ਲੂਟਿ ਲੀਓ ਹੈ ॥ ऐसे कहियो सभ ही भूअ को; सुख आज सभै हम लूटि लीओ है ॥ ਆਜ ਹੁਲਾਸ ਭਯੋ ਸਜਨੀ; ਉਮਗਿਓ ਨ ਰਹੈ ਕਹਿਓ ਮੋਰ ਹੀਓ ਹੈ ॥ आज हुलास भयो सजनी; उमगिओ न रहै कहिओ मोर हीओ है ॥ ਆਜ ਕੇ ਦਿਵਸ ਹੂੰ ਪੈ ਬਲਿ ਜਾਉ; ਅਰੀ ! ਜਬ ਮੋ ਸੁਤ ਬ੍ਯਾਹ ਕੀਓ ਹੈ ॥੨੦੧੪॥ आज के दिवस हूं पै बलि जाउ; अरी ! जब मो सुत ब्याह कीओ है ॥२०१४॥ ਇਤਿ ਸ੍ਰੀ ਦਸਮ ਸਕੰਧੇ ਬਚਿਤ੍ਰ ਨਾਟਕੇ ਕ੍ਰਿਸਨਾਵਤਾਰੇ ਰੁਕਮਿਨੀ ਹਰਨ ਇਤ ਬ੍ਯਾਹ ਕਰਨ ਬਰਨਨੰ ਧਿਆਇ ਸਮਾਪਤੰ ॥ इति स्री दसम सकंधे बचित्र नाटके क्रिसनावतारे रुकमिनी हरन इत ब्याह करन बरननं धिआइ समापतं ॥ ਅਥ ਪ੍ਰਦੁਮਨ ਕਾ ਜਨਮ ਕਥਨੰ ॥ अथ प्रदुमन का जनम कथनं ॥ ਦੋਹਰਾ ॥ दोहरा ॥ ਪੁਰਖ ਤ੍ਰੀਆ ਆਨੰਦ ਸੋ; ਬਹੁ ਦਿਨ ਭਏ ਬਿਤੀਤ ॥ पुरख त्रीआ आनंद सो; बहु दिन भए बितीत ॥ ਗਰਭ ਭਯੋ ਤਬ ਰੁਕਮਨੀ; ਪ੍ਰਭ ਤੇ ਪਰਮ ਪੁਨੀਤ ॥੨੦੧੫॥ गरभ भयो तब रुकमनी; प्रभ ते परम पुनीत ॥२०१५॥ ਸੋਰਠਾ ॥ सोरठा ॥ ਉਪਜਿਯੋ ਬਾਲਕ ਬੀਰ; ਨਾਮ ਧਰਿਯੋ ਤਿਹ ਪਰਦੁਮਨ ॥ उपजियो बालक बीर; नाम धरियो तिह परदुमन ॥ ਮਹਾਰਥੀ ਰਨ ਧੀਰ; ਸਭ ਜਾਨਤ ਹੈ ਜਗਤਿ ਜਿਹ ॥੨੦੧੬॥ महारथी रन धीर; सभ जानत है जगति जिह ॥२०१६॥ ਸਵੈਯਾ ॥ सवैया ॥ ਦਸ ਦਿਉਸ ਕੋ ਬਾਲਕ ਭਯੋ ਜਬ ਹੀ; ਤਬ ਸੰਬਰ ਦੈਤ ਲੈ ਤਾਹਿ ਗਯੋ ਹੈ ॥ दस दिउस को बालक भयो जब ही; तब स्मबर दैत लै ताहि गयो है ॥ ਸਿੰਧ ਕੇ ਭੀਤਰ ਡਾਰਿ ਦਯੋ; ਇਕ ਮਛ ਹੁਤੋ ਤਿਹ ਲੀਲ ਲਯੋ ਹੈ ॥ सिंध के भीतर डारि दयो; इक मछ हुतो तिह लील लयो है ॥ ਮਛ ਸੋਊ ਗਹਿ ਝੀਵਰਿ ਏਕੁ; ਸੁ ਸੰਬਰ ਪੈ ਫਿਰਿ ਜਾਇ ਦਯੋ ਹੈ ॥ मछ सोऊ गहि झीवरि एकु; सु स्मबर पै फिरि जाइ दयो है ॥ ਭਛਨ ਕੋ ਫੁਨਿ ਤਾਹਿ ਰਸੋਇ ਮੈ; ਭੇਜਿ ਦਯੋ ਸੁ ਉਲਾਸ ਕਯੋ ਹੈ ॥੨੦੧੭॥ भछन को फुनि ताहि रसोइ मै; भेजि दयो सु उलास कयो है ॥२०१७॥ |
|
|
|
|
Dasam Granth |