ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 492 ਦੋਹਰਾ ॥ दोहरा ॥ ਭ੍ਰਾਤ ਦਸਾ ਪਿਖਿ ਰੁਕਮਿਨੀ; ਪ੍ਰਭ ਜੂ ਕੇ ਗਹਿ ਪਾਇ ॥ भ्रात दसा पिखि रुकमिनी; प्रभ जू के गहि पाइ ॥ ਅਨਿਕ ਭਾਂਤਿ ਸੋ ਸ੍ਯਾਮ ਕਬਿ; ਭ੍ਰਾਤ ਲਯੋ ਛੁਟਕਾਇ ॥੨੦੦੩॥ अनिक भांति सो स्याम कबि; भ्रात लयो छुटकाइ ॥२००३॥ ਸਵੈਯਾ ॥ सवैया ॥ ਜੋਊ ਤਾਹਿ ਸਹਾਇ ਕਉ ਆਵਤ ਭੇ ਸੁ; ਹਨੇ ਸਭ ਹੀ ਚਿਤ ਮੈ ਚਹਿ ਕੈ ॥ जोऊ ताहि सहाइ कउ आवत भे सु; हने सभ ही चित मै चहि कै ॥ ਜੋਊ ਸੂਰ ਹਨਿਯੋ ਨ ਹਨਿਯੋ ਛਲ ਸੋ; ਅਰੇ ! ਮਾਰਤ ਹਉ ਤੁਹਿ, ਯੌ ਕਹਿ ਕੈ ॥ जोऊ सूर हनियो न हनियो छल सो; अरे ! मारत हउ तुहि, यौ कहि कै ॥ ਬਹੁ ਭੂਪ ਹਨੇ ਗਜਬਾਜ ਰਥੀ; ਸਰਤਾ ਬਹੁ ਸ੍ਰੋਨ ਚਲੀ ਬਹਿ ਕੈ ॥ बहु भूप हने गजबाज रथी; सरता बहु स्रोन चली बहि कै ॥ ਫਿਰਿ ਤ੍ਰੀਯ ਕੋ ਕਹੇ ਪੀਯ ਛੋਡ ਦਯੋ; ਰੁਕਮੀ ਰਨਿ ਜੀਤਿ ਭਲੇ ਗਹਿ ਕੈ ॥੨੦੦੪॥ फिरि त्रीय को कहे पीय छोड दयो; रुकमी रनि जीति भले गहि कै ॥२००४॥ ਤਉ ਲਉ ਗਦਾ ਗਹਿ ਕੈ ਬਲਿਭਦ੍ਰ; ਪਰਿਓ ਤਿਨ ਮੈ ਚਿਤਿ ਰੋਸ ਬਢਾਯੋ ॥ तउ लउ गदा गहि कै बलिभद्र; परिओ तिन मै चिति रोस बढायो ॥ ਸਤ੍ਰਨ ਸੈਨ ਭਜਿਯੋ ਜੋਊ ਜਾਤ ਹੋ; ਸ੍ਯਾਮ ਭਨੈ ਸਭ ਕਉ ਮਿਲਿ ਘਾਯੋ ॥ सत्रन सैन भजियो जोऊ जात हो; स्याम भनै सभ कउ मिलि घायो ॥ ਘਾਇ ਕੈ ਸੈਨ ਭਲੀ ਬਿਧਿ ਸੋ; ਫਿਰਿ ਕੇ ਬ੍ਰਿਜ ਨਾਇਕ ਕੀ ਢਿਗ ਆਯੋ ॥ घाइ कै सैन भली बिधि सो; फिरि के ब्रिज नाइक की ढिग आयो ॥ ਸੀਸ ਮੁੰਡਿਓ ਰੁਕਮੀ ਕੋ ਸੁਨਿਯੋ; ਜਬ ਤੋ ਹਰਿ ਸਿਉ ਇਹ ਬੈਨ ਸੁਨਾਯੋ ॥੨੦੦੫॥ सीस मुंडिओ रुकमी को सुनियो; जब तो हरि सिउ इह बैन सुनायो ॥२००५॥ ਬਲਭਦ੍ਰ ਬਾਚ ਕਾਨ੍ਹ ਜੂ ਸੋ ॥ बलभद्र बाच कान्ह जू सो ॥ ਦੋਹਰਾ ॥ दोहरा ॥ ਭ੍ਰਾਤ ਤ੍ਰੀਆ ਕੋ ਰਨ ਬਿਖੈ; ਕਾਨ੍ਹ ਜੀਤ ਜੋ ਲੀਨ ॥ भ्रात त्रीआ को रन बिखै; कान्ह जीत जो लीन ॥ ਸੀਸ ਮੂੰਡ ਤਾ ਕੋ ਦਯੋ; ਕਹਿਯੋ ਕਾਜ ਘਟ ਕੀਨ ॥੨੦੦੬॥ सीस मूंड ता को दयो; कहियो काज घट कीन ॥२००६॥ ਸਵੈਯਾ ॥ सवैया ॥ ਅਨਿ ਤੇ ਪੁਰ ਬਾਧਿ ਰਹੋ ਰੁਕਮੀ; ਉਤ ਦ੍ਵਾਰਵਤੀ ਪ੍ਰਭ ਜੂ ਇਤ ਆਏ ॥ अनि ते पुर बाधि रहो रुकमी; उत द्वारवती प्रभ जू इत आए ॥ ਆਇ ਹੈ ਕਾਨ੍ਹ ਜੂ ਜੀਤਿ ਤ੍ਰੀਆ; ਸਭ ਯੌ ਸੁਨਿ ਕੈ ਜਨ ਦੇਖਨ ਧਾਏ ॥ आइ है कान्ह जू जीति त्रीआ; सभ यौ सुनि कै जन देखन धाए ॥ ਬ੍ਯਾਹ ਕੇ ਕਾਜ ਕਉ ਜੇ ਥੇ ਦਿਜੋਤਮ; ਤੇ ਸਭ ਹੀ ਮਿਲਿ ਕੈ ਸੁ ਬੁਲਾਏ ॥ ब्याह के काज कउ जे थे दिजोतम; ते सभ ही मिलि कै सु बुलाए ॥ ਅਉਰ ਜਿਤੋ ਬਲਵੰਤ ਬਡੇ; ਕਬਿ ਸ੍ਯਾਮ ਕਹੈ ਸਭ ਬੋਲਿ ਪਠਾਏ ॥੨੦੦੭॥ अउर जितो बलवंत बडे; कबि स्याम कहै सभ बोलि पठाए ॥२००७॥ ਕਾਨ੍ਹ ਕੋ ਬ੍ਯਾਹ ਸੁਨਿਯੋ ਪੁਰ ਨਾਰਿਨ; ਆਵਤ ਭੀ ਸਭ ਹੀ ਮਿਲ ਗਾਵਤ ॥ कान्ह को ब्याह सुनियो पुर नारिन; आवत भी सभ ही मिल गावत ॥ ਨਾਚਤ ਡੋਲਤ ਭਾਂਤਿ ਭਲੀ; ਕਬਿ ਸ੍ਯਾਮ ਭਨੈ ਮਿਲਿ ਤਾਲ ਬਜਾਵਤ ॥ नाचत डोलत भांति भली; कबि स्याम भनै मिलि ताल बजावत ॥ ਆਪਸਿ ਮੈ ਮਿਲਿ ਕੈ ਤਰੁਨੀ; ਸਭ ਖੇਲਨ ਕਉ ਅਤਿ ਹੀ ਠਟ ਪਾਵਤ ॥ आपसि मै मिलि कै तरुनी; सभ खेलन कउ अति ही ठट पावत ॥ ਅਉਰ ਕੀ ਬਾਤ ਕਹਾ ਕਹੀਐ? ਪਿਖਿਬੇ ਕਹੁ ਦੇਵ ਬਧੂ ਮਿਲਿ ਆਵਤ ॥੨੦੦੮॥ अउर की बात कहा कहीऐ? पिखिबे कहु देव बधू मिलि आवत ॥२००८॥ ਸੁੰਦਰਿ ਨਾਰਿ ਨਿਹਾਰਨ ਕਉ; ਤਜਿ ਕੈ ਗ੍ਰਿਹ ਜੋ ਇਹ ਕਉਤਕ ਆਵੈ ॥ सुंदरि नारि निहारन कउ; तजि कै ग्रिह जो इह कउतक आवै ॥ ਨਾਚਤ ਕੂਦਤ ਭਾਂਤਿ ਭਲੀ; ਗ੍ਰਿਹ ਕੀ ਸੁਧਿ ਅਉਰ ਸਭੈ ਬਿਸਰਾਵੈ ॥ नाचत कूदत भांति भली; ग्रिह की सुधि अउर सभै बिसरावै ॥ ਦੇਖ ਕੈ ਬ੍ਯਾਹਹਿ ਕੀ ਰਚਨਾ; ਸਭ ਹੀ ਅਪਨੋ ਮਨ ਮੈ ਸੁਖੁ ਪਾਵੈ ॥ देख कै ब्याहहि की रचना; सभ ही अपनो मन मै सुखु पावै ॥ ਐਸੇ ਕਹੈ ਬਲਿ ਜਾਹਿ ਸਭੈ; ਜਬ ਕਾਨ੍ਹ ਕਉ ਦੇਖਿ ਸਭੈ ਲਲਚਾਵੈ ॥੨੦੦੯॥ ऐसे कहै बलि जाहि सभै; जब कान्ह कउ देखि सभै ललचावै ॥२००९॥ ਜਬ ਕਾਨ੍ਹ ਕੇ ਬ੍ਯਾਹ ਕਉ ਬੇਦੀ ਰਚੀ; ਪੁਰ ਨਾਰਿ ਸਭੈ ਮਿਲ ਮੰਗਲ ਗਾਯੋ ॥ जब कान्ह के ब्याह कउ बेदी रची; पुर नारि सभै मिल मंगल गायो ॥ ਨਾਚਤ ਭੇ ਨਟੂਆ ਤਿਹ ਠਉਰ; ਮ੍ਰਿਦੰਗਨ ਤਾਲ ਭਲੀ ਬਿਧਿ ਦ੍ਯਾਯੋ ॥ नाचत भे नटूआ तिह ठउर; म्रिदंगन ताल भली बिधि द्यायो ॥ ਕੋਟਿ ਕਤੂਹਲ ਹੋਤ ਭਏ; ਅਰੁ ਬੇਸਿਯਨ ਕੋ ਕਛੁ ਅੰਤ ਨ ਆਯੋ ॥ कोटि कतूहल होत भए; अरु बेसियन को कछु अंत न आयो ॥ ਜੋ ਇਹ ਕਉਤੁਕ ਦੇਖਨ ਕਉ; ਚਲਿ ਆਯੋ ਹੁਤੋ, ਸਭ ਹੀ ਸੁਖੁ ਪਾਯੋ ॥੨੦੧੦॥ जो इह कउतुक देखन कउ; चलि आयो हुतो, सभ ही सुखु पायो ॥२०१०॥ |
|
|
|
|
Dasam Granth |