ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 457 ਖੜਗ ਸਿੰਘ ਸੋ ਸੂਰੋ ਨਾਹੀ ॥ खड़ग सिंघ सो सूरो नाही ॥ ਤਿਹ ਸਮ ਜਾਇ ਲਰੈ ਰਨ ਮਾਹੀ ॥ तिह सम जाइ लरै रन माही ॥ ਅਬ ਤੁਮ ਕਹੋ ਕਉਨ ਬਿਧਿ ਕੀਜੈ? ॥ अब तुम कहो कउन बिधि कीजै? ॥ ਕਉਨ ਸੁਭਟ ਕੋ ਆਇਸ ਦੀਜੈ ॥੧੭੨੧॥ कउन सुभट को आइस दीजै ॥१७२१॥ ਜਰਾਸੰਧਿ ਨ੍ਰਿਪ ਸੋ ਮੰਤ੍ਰੀ ਬਾਚ ॥ जरासंधि न्रिप सो मंत्री बाच ॥ ਦੋਹਰਾ ॥ दोहरा ॥ ਤਬ ਬੋਲਿਓ ਮੰਤ੍ਰੀ ਸੁਮਤਿ; ਜਰਾਸੰਧਿ ਕੇ ਤੀਰ ॥ तब बोलिओ मंत्री सुमति; जरासंधि के तीर ॥ ਸਾਂਝ ਪਰੀ ਹੈ ਅਬ ਨ੍ਰਿਪਤਿ ! ਕਉਨ ਲਰੈ ਰਨਿ ਬੀਰ ॥੧੭੨੨॥ सांझ परी है अब न्रिपति ! कउन लरै रनि बीर ॥१७२२॥ ਉਤ ਰਾਜਾ ਚੁਪ ਹੋਇ ਰਹਿਓ; ਮੰਤ੍ਰਿ ਕਹੀ ਜਬ ਗਾਥ ॥ उत राजा चुप होइ रहिओ; मंत्रि कही जब गाथ ॥ ਇਤ ਮੁਸਲੀਧਰ ਤਹ ਗਯੋ; ਜਹਾ ਹੁਤੇ ਬ੍ਰਿਜਨਾਥ ॥੧੭੨੩॥ इत मुसलीधर तह गयो; जहा हुते ब्रिजनाथ ॥१७२३॥ ਮੁਸਲੀ ਬਾਚ ਕਾਨ੍ਹ ਸੋ ॥ मुसली बाच कान्ह सो ॥ ਦੋਹਰਾ ॥ दोहरा ॥ ਕ੍ਰਿਪਾਸਿੰਧ ! ਇਹ ਕਉਨ ਸੁਤ? ਖੜਗ ਸਿੰਘ ਜਿਹ ਨਾਮ ॥ क्रिपासिंध ! इह कउन सुत? खड़ग सिंघ जिह नाम ॥ ਐਸੋ ਅਪੁਨੀ ਬੈਸ ਮੈ; ਨਹਿ ਦੇਖਿਓ ਬਲ ਧਾਮ ॥੧੭੨੪॥ ऐसो अपुनी बैस मै; नहि देखिओ बल धाम ॥१७२४॥ ਚੌਪਈ ॥ चौपई ॥ ਤਾ ਤੇ ਯਾ ਕੀ ਕਥਾ ਪ੍ਰਕਾਸੋ ॥ ता ते या की कथा प्रकासो ॥ ਮੇਰੇ ਮਨ ਕੋ ਭਰਮੁ ਬਿਨਾਸੋ ॥ मेरे मन को भरमु बिनासो ॥ ਐਸੀ ਬਿਧਿ ਸੋ ਬਲਿ ਜਬ ਕਹਿਓ ॥ ऐसी बिधि सो बलि जब कहिओ ॥ ਸੁਨਿ ਸ੍ਰੀ ਕ੍ਰਿਸਨਿ ਮੋਨ ਹ੍ਵੈ ਰਹਿਓ ॥੧੭੨੫॥ सुनि स्री क्रिसनि मोन ह्वै रहिओ ॥१७२५॥ ਕਾਨ੍ਹ ਬਾਚ ॥ कान्ह बाच ॥ ਸੋਰਠਾ ॥ सोरठा ॥ ਪੁਨਿ ਬੋਲਿਓ ਬ੍ਰਿਜਨਾਥ; ਕ੍ਰਿਪਾਵੰਤ ਹ੍ਵੈ ਬੰਧੁ ਸਿਉ ॥ पुनि बोलिओ ब्रिजनाथ; क्रिपावंत ह्वै बंधु सिउ ॥ ਸੁਨਿ ਬਲਿ ! ਯਾ ਕੀ ਗਾਥ; ਜਨਮ ਕਥਾ ਭੂਪਤਿ ਕਹੋ ॥੧੭੨੬॥ सुनि बलि ! या की गाथ; जनम कथा भूपति कहो ॥१७२६॥ ਦੋਹਰਾ ॥ दोहरा ॥ ਖਟਮੁਖ ਰਮਾ ਗਨੇਸ ਪੁਨਿ; ਸਿੰਗੀ ਰਿਖਿ ਘਨ ਸ੍ਯਾਮ ॥ खटमुख रमा गनेस पुनि; सिंगी रिखि घन स्याम ॥ ਆਦਿ ਬਰਨ ਬਿਧਿ ਪੰਚ ਲੈ; ਧਰਿਓ ਖੜਗ ਸਿੰਘ ਨਾਮ ॥੧੭੨੭॥ आदि बरन बिधि पंच लै; धरिओ खड़ग सिंघ नाम ॥१७२७॥ ਖੜਗ ਰਮਯ ਤਨ ਗਰਮਿਤਾ; ਸਿੰਘ ਨਾਦ ਘਮਸਾਨ ॥ खड़ग रमय तन गरमिता; सिंघ नाद घमसान ॥ ਪੰਚ ਬਰਨ ਕੋ ਗੁਨ ਲੀਓ; ਇਹ ਭੂਪਤਿ ਬਲਵਾਨ ॥੧੭੨੮॥ पंच बरन को गुन लीओ; इह भूपति बलवान ॥१७२८॥ ਛਪੈ ਛੰਦ ॥ छपै छंद ॥ ਖਰਗ ਸਕਤਿ ਸਵਿਤਾਤ ਦਈ; ਤਿਹ ਹੇਤ ਜੀਤ ਅਤਿ ॥ खरग सकति सवितात दई; तिह हेत जीत अति ॥ ਬਹੁ ਸੁੰਦਰਤਾ ਰਮਾ ਦਈ; ਤਿਨ ਬਿਮਲ ਅਮਲ ਮਤਿ ॥ बहु सुंदरता रमा दई; तिन बिमल अमल मति ॥ ਗਰਮਾ ਸਿਧਿ ਗਨੇਸ; ਸ੍ਰਿੰਗ ਰਿਖਿ ਸਿੰਘਨਾਦ ਦੀਯ ॥ गरमा सिधि गनेस; स्रिंग रिखि सिंघनाद दीय ॥ ਕਰਤ ਅਧਿਕ ਘਮਸਾਨ ਇਹੈ; ਘਨ ਸ੍ਯਾਮ ਹੇਤ ਕੀਯ ॥ करत अधिक घमसान इहै; घन स्याम हेत कीय ॥ ਇਹ ਬਿਧਿ ਪ੍ਰਕਾਸ ਭੂਪਤਿ ਕੀਯੋ; ਸੁਨਿ ਹਲਧਰ ਇਮ ਭਾਖਿਯੋ ॥ इह बिधि प्रकास भूपति कीयो; सुनि हलधर इम भाखियो ॥ ਬ੍ਰਿਜਨਾਥ ! ਅਨਾਥ ਸਨਾਥ ਤੁਮ; ਬਡੋ ਸਤ੍ਰੁ ਰਨ ਮਧਿ ਹਯੋ ॥੧੭੨੯॥ ब्रिजनाथ ! अनाथ सनाथ तुम; बडो सत्रु रन मधि हयो ॥१७२९॥ ਸੋਰਠਾ ॥ सोरठा ॥ ਪੁਨਿ ਬੋਲਿਓ ਬ੍ਰਿਜਚੰਦ; ਸੰਕਰਖਨ ਸੋ ਕ੍ਰਿਪਾ ਕਰਿ ॥ पुनि बोलिओ ब्रिजचंद; संकरखन सो क्रिपा करि ॥ ਜਾਦਵ ਇਕ ਮਤਿ ਮੰਦ; ਗਰਬ ਕਰੈ ਬਹੁ ਭੁਜਾ ਕੋ ॥੧੭੩੦॥ जादव इक मति मंद; गरब करै बहु भुजा को ॥१७३०॥ ਚੌਪਈ ॥ चौपई ॥ ਜਾਦਵ ਬੰਸ ਮਾਨ ਭਯੋ ਭਾਰੀ ॥ जादव बंस मान भयो भारी ॥ ਰਾਮ ਸ੍ਯਾਮ ਹਮਰੇ ਰਖਵਾਰੀ ॥ राम स्याम हमरे रखवारी ॥ ਡੀਠ ਆਨ ਕੋ ਆਨਤ ਨਾਹੀ ॥ डीठ आन को आनत नाही ॥ ਤਾ ਕੋ ਫਲੁ ਪਾਯੋ ਜਗ ਮਾਹੀ ॥੧੭੩੧॥ ता को फलु पायो जग माही ॥१७३१॥ ਗਰਬ ਪ੍ਰਹਾਰੀ ਸ੍ਰੀ ਧਰਿ ਜਾਨੋ ॥ गरब प्रहारी स्री धरि जानो ॥ ਮੇਰੋ ਕਹਿਯੋ ਸਾਚੁ ਕਰਿ ਮਾਨੋ ॥ मेरो कहियो साचु करि मानो ॥ ਤਿਹ ਕੇ ਹੇਤ ਭੂਪ ਅਉਤਰਿਯੋ ॥ तिह के हेत भूप अउतरियो ॥ ਇਹ ਬਿਧਿ ਜਾਨ ਬਿਧਾਤਾ ਕਰਿਯੋ ॥੧੭੩੨॥ इह बिधि जान बिधाता करियो ॥१७३२॥ ਦੋਹਰਾ ॥ दोहरा ॥ ਕਹਾ ਰੰਕ ਭੂਪਾਲ ਏ? ਕਰਿਓ ਇਤੋ ਸੰਗ੍ਰਾਮ ॥ कहा रंक भूपाल ए? करिओ इतो संग्राम ॥ ਜਾਦਵ ਗਰਬ ਬਿਨਾਸ ਹਿਤ; ਉਪਜਾਯੋ ਸ੍ਰੀ ਰਾਮ ॥੧੭੩੩॥ जादव गरब बिनास हित; उपजायो स्री राम ॥१७३३॥ |
|
|
|
|
Dasam Granth |