ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 456 ਦੋਹਰਾ ॥ दोहरा ॥ ਧਨੁਖ ਬਾਨ ਲੈ ਪਾਨ ਮੈ; ਆਨਿ ਪਰਿਓ ਰਨ ਬੀਚ ॥ धनुख बान लै पान मै; आनि परिओ रन बीच ॥ ਸੂਰਬੀਰ ਬਹੁ ਬਿਧਿ ਹਨੇ; ਲਲਕਾਰਿਯੋ ਤਬ ਮੀਚ ॥੧੭੧੧॥ सूरबीर बहु बिधि हने; ललकारियो तब मीच ॥१७११॥ ਚੌਪਈ ॥ चौपई ॥ ਅੰਤਕ ਜਮ ਜਬ ਲੈਨੇ ਆਵੈ ॥ अंतक जम जब लैने आवै ॥ ਲਖਿ ਤਿਹ ਕੋ ਤਬ ਬਾਨ ਚਲਾਵੈ ॥ लखि तिह को तब बान चलावै ॥ ਮ੍ਰਿਤੁ ਪੇਖ ਕੈ ਇਤ ਉਤ ਟਰੈ ॥ म्रितु पेख कै इत उत टरै ॥ ਮਾਰਿਓ ਕਾਲ ਹੂੰ ਕੋ ਨਹੀ ਮਰੈ ॥੧੭੧੨॥ मारिओ काल हूं को नही मरै ॥१७१२॥ ਪੁਨਿ ਸਤ੍ਰਨਿ ਦਿਸਿ ਰਿਸਿ ਕਰਿ ਧਾਯੋ ॥ पुनि सत्रनि दिसि रिसि करि धायो ॥ ਮਾਨਹੁ ਜਮ ਮੂਰਤਿ ਧਰਿ ਆਯੋ ॥ मानहु जम मूरति धरि आयो ॥ ਇਉ ਸੁ ਜੁਧੁ ਬੈਰਿਨ ਸੰਗਿ ਕਰਿਓ ॥ इउ सु जुधु बैरिन संगि करिओ ॥ ਹਰਿ ਹਰ ਬਿਧਿ ਸੁਭਟਨਿ ਮਨੁ ਡਰਿਓ ॥੧੭੧੩॥ हरि हर बिधि सुभटनि मनु डरिओ ॥१७१३॥ ਸਵੈਯਾ ॥ सवैया ॥ ਹਾਰਿ ਪਰੈ ਮਨੁਹਾਰਿ ਕਰੈ; ਕਹੈ ਇਉ ਨ੍ਰਿਪ ! ਜੁਧ ਬ੍ਰਿਥਾ ਨ ਕਰਈਯੈ ॥ हारि परै मनुहारि करै; कहै इउ न्रिप ! जुध ब्रिथा न करईयै ॥ ਡਾਰਿ ਦੈ ਹਾਥਨ ਤੇ ਹਥੀਆਰਨ; ਕੋਪ ਤਜੋ ਸੁਖ ਸਾਤਿ ਸਮਈਯੈ ॥ डारि दै हाथन ते हथीआरन; कोप तजो सुख साति समईयै ॥ ਸੂਰ ਨ ਕੋਊ ਭਯੋ ਤੁਮਰੇ ਸਮ; ਤੇਰੋ ਪ੍ਰਤਾਪ ਤਿਹੂੰ ਪੁਰਿ ਗਈਯੈ ॥ सूर न कोऊ भयो तुमरे सम; तेरो प्रताप तिहूं पुरि गईयै ॥ ਛਾਡਤਿ ਹੈ ਹਮ ਸਸਤ੍ਰ ਸਬੈ; ਸੁ ਬਿਵਾਨ ਚਢੋ ਸੁਰ ਧਾਮਿ ਸਿਧਈਯੈ ॥੧੭੧੪॥ छाडति है हम ससत्र सबै; सु बिवान चढो सुर धामि सिधईयै ॥१७१४॥ ਅੜਿਲ ॥ अड़िल ॥ ਸਬ ਦੇਵਨ ਅਰੁ ਕ੍ਰਿਸਨ; ਦੀਨ ਹ੍ਵੈ ਜਬ ਕਹਿਓ ॥ सब देवन अरु क्रिसन; दीन ह्वै जब कहिओ ॥ ਹਟੋ ਜੁਧ ਤੇ ਭੂਪ ! ਹਮੋ ਮੁਖਿ ਤ੍ਰਿਨ ਗਹਿਓ ॥ हटो जुध ते भूप ! हमो मुखि त्रिन गहिओ ॥ ਨ੍ਰਿਪ ਸੁਨਿ ਆਤੁਰ ਬੈਨ; ਸੁ ਕੋਪੁ ਨਿਵਾਰਿਓ ॥ न्रिप सुनि आतुर बैन; सु कोपु निवारिओ ॥ ਹੋ ਧਨੁਖ ਬਾਨ ਦਿਓ ਡਾਰਿ; ਰਾਮ ਮਨੁ ਧਾਰਿਓ ॥੧੭੧੫॥ हो धनुख बान दिओ डारि; राम मनु धारिओ ॥१७१५॥ ਦੋਹਰਾ ॥ दोहरा ॥ ਕਿੰਨਰ ਜਛ ਅਪਛਰਨਿ; ਲਯੋ ਬਿਵਾਨ ਚਢਾਇ ॥ किंनर जछ अपछरनि; लयो बिवान चढाइ ॥ ਜੈ ਜੈ ਕਾਰ ਅਪਾਰ ਸੁਨਿ; ਹਰਖੇ ਮੁਨਿ ਸੁਰ ਰਾਇ ॥੧੭੧੬॥ जै जै कार अपार सुनि; हरखे मुनि सुर राइ ॥१७१६॥ ਸਵੈਯਾ ॥ सवैया ॥ ਭੂਪ ਗਯੋ ਸੁਰ ਲੋਕਿ ਜਬੈ; ਤਬ ਸੂਰ ਪ੍ਰਸੰਨਿ ਭਏ ਸਬ ਹੀ ॥ भूप गयो सुर लोकि जबै; तब सूर प्रसंनि भए सब ही ॥ ਇਹ ਭਾਤ ਕਹੈ ਰਨੁ ਮੈ ਸਿਗਰੇ; ਮੁਖਿ ਕਾਲ ਕੇ ਜਾਇ ਬਚੇ ਅਬ ਹੀ ॥ इह भात कहै रनु मै सिगरे; मुखि काल के जाइ बचे अब ही ॥ ਸਸਿ ਭਾਨੁ ਧਨਾਧਿਪ ਰੁਦ੍ਰ ਬਿਰੰਚ; ਸਬੈ ਹਰਿ ਤੀਰ ਗਏ ਜਬ ਹੀ ॥ ससि भानु धनाधिप रुद्र बिरंच; सबै हरि तीर गए जब ही ॥ ਹਰਖੇ ਬਰਖੇ ਨਭ ਤੇ ਸੁਰ ਫੂਲ; ਸੁ ਜੀਤ ਕੀ ਬੰਬ ਬਜੀ ਤਬ ਹੀ ॥੧੭੧੭॥ हरखे बरखे नभ ते सुर फूल; सु जीत की ब्मब बजी तब ही ॥१७१७॥ ਇਤਿ ਸ੍ਰੀ ਬਚਿਤ੍ਰ ਨਾਟਕ ਗ੍ਰੰਥੇ ਕ੍ਰਿਸਨਾਵਤਾਰੇ ਜੁਧ ਪ੍ਰਬੰਧੇ ਖੜਗ ਸਿੰਘ ਬਧਹਿ ਧਿਆਇ ਸਮਾਪਤੰ ॥ इति स्री बचित्र नाटक ग्रंथे क्रिसनावतारे जुध प्रबंधे खड़ग सिंघ बधहि धिआइ समापतं ॥ ਸਵੈਯਾ ॥ सवैया ॥ ਤਉ ਹੀ ਲਉ ਕੋਪ ਕੀਓ ਮੁਸਲੀ; ਅਰਿ ਬੀਰ ਤਬੈ ਸੰਗ ਤੀਰ ਪ੍ਰਹਾਰੇ ॥ तउ ही लउ कोप कीओ मुसली; अरि बीर तबै संग तीर प्रहारे ॥ ਐਚਿ ਲੀਏ ਇਕ ਬਾਰ ਹੀ ਬੈਰਨ; ਪ੍ਰਾਨ ਬਿਨਾ ਕਰਿ ਭੂ ਪਰ ਡਾਰੇ ॥ ऐचि लीए इक बार ही बैरन; प्रान बिना करि भू पर डारे ॥ ਏਕ ਬਲੀ ਗਹਿ ਹਾਥਨ ਸੋ; ਛਿਤ ਪੈ ਕਰਿ ਕੋਪ ਫਿਰਾਇ ਪਛਾਰੇ ॥ एक बली गहि हाथन सो; छित पै करि कोप फिराइ पछारे ॥ ਜੀਵਤ ਜੋਊ ਬਚੇ ਬਲ ਤੇ; ਰਨ ਤ੍ਯਾਗ ਸੋਊ ਨ੍ਰਿਪ ਤੀਰ ਸਿਧਾਰੇ ॥੧੭੧੮॥ जीवत जोऊ बचे बल ते; रन त्याग सोऊ न्रिप तीर सिधारे ॥१७१८॥ ਚੌਪਈ ॥ चौपई ॥ ਜਰਾਸੰਧਿ ਪੈ ਜਾਇ ਪੁਕਾਰੇ ॥ जरासंधि पै जाइ पुकारे ॥ ਖੜਗ ਸਿੰਘ ਰਨ ਭੀਤਰ ਮਾਰੇ ॥ खड़ग सिंघ रन भीतर मारे ॥ ਇਉ ਸੁਨਿ ਕੈ ਤਿਨ ਕੇ ਮੁਖ ਬੈਨਾ ॥ इउ सुनि कै तिन के मुख बैना ॥ ਰਿਸਿ ਕੇ ਸੰਗ ਅਰੁਨ ਭਏ ਨੈਨਾ ॥੧੭੧੯॥ रिसि के संग अरुन भए नैना ॥१७१९॥ ਅਪੁਨੇ ਮੰਤ੍ਰੀ ਸਬੈ ਬੁਲਾਏ ॥ अपुने मंत्री सबै बुलाए ॥ ਤਿਨ ਪ੍ਰਤਿ ਭੂਪਤਿ ਬਚਨ ਸੁਨਾਏ ॥ तिन प्रति भूपति बचन सुनाए ॥ ਖੜਗ ਸਿੰਘ ਜੂਝੇ ਰਨ ਮਾਹੀ ॥ खड़ग सिंघ जूझे रन माही ॥ ਅਉਰ ਸੁਭਟ ਕੋ ਤਿਹ ਸਮ ਨਾਹੀ ॥੧੭੨੦॥ अउर सुभट को तिह सम नाही ॥१७२०॥ |
|
|
|
|
Dasam Granth |