ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 451 ਭਾਜ ਗਏ ਰਨ ਤੇ ਡਰ ਕੈ ਭਟ; ਤਉ ਸਿਵ ਏਕ ਉਪਾਇ ਬਿਚਾਰਿਓ ॥ भाज गए रन ते डर कै भट; तउ सिव एक उपाइ बिचारिओ ॥ ਮਾਟੀ ਕੋ ਮਾਨਸ ਏਕ ਕੀਯੋ; ਤਿਹ ਪ੍ਰਾਨ ਪਰੇ ਜਬ ਸ੍ਯਾਮ ਨਿਹਾਰਿਓ ॥ माटी को मानस एक कीयो; तिह प्रान परे जब स्याम निहारिओ ॥ ਸਿੰਘ ਅਜੀਤ ਧਰਿਓ ਤਿਹ ਨਾਮੁ; ਦੀਓ ਬਰ ਰੁਦ੍ਰ ਮਰੈ ਨਹੀ ਮਾਰਿਓ ॥ सिंघ अजीत धरिओ तिह नामु; दीओ बर रुद्र मरै नही मारिओ ॥ ਸਸਤ੍ਰ ਸੰਭਾਰਿ ਸੋਊ ਕਰ ਮੈ; ਖੜਗੇਸ ਕੇ ਮਾਰਨ ਹੇਤ ਸਿਧਾਰਓ ॥੧੬੬੩॥ ससत्र स्मभारि सोऊ कर मै; खड़गेस के मारन हेत सिधारओ ॥१६६३॥ ਅੜਿਲ ॥ अड़िल ॥ ਅਤਿ ਪ੍ਰਚੰਡ ਬਲਵੰਡ ਬਹੁਰ; ਮਿਲ ਕੈ ਭਟ ਧਾਏ ॥ अति प्रचंड बलवंड बहुर; मिल कै भट धाए ॥ ਅਪਨੇ ਸਸਤ੍ਰ ਸੰਭਾਰਿ ਲੀਏ; ਕਰਿ ਸੰਖ ਬਜਾਏ ॥ अपने ससत्र स्मभारि लीए; करि संख बजाए ॥ ਦ੍ਵਾਦਸ ਭਾਨਨ ਤਾਨਿ; ਕਮਾਨਨਿ ਬਾਨ ਚਲਾਏ ॥ द्वादस भानन तानि; कमाननि बान चलाए ॥ ਯੌ ਬਰਖੈ ਸਰ ਜਾਲ; ਮਨੋ ਪਰਲੇ ਘਨ ਆਏ ॥੧੬੬੪॥ यौ बरखै सर जाल; मनो परले घन आए ॥१६६४॥ ਦੋਹਰਾ ॥ दोहरा ॥ ਬਾਨਨ ਸੋ ਬਾਨਨ ਕਟੇ; ਕੋਪ ਤਚੇ ਜੁਗ ਨੈਨ ॥ बानन सो बानन कटे; कोप तचे जुग नैन ॥ ਸ੍ਰੀ ਹਰਿ ਸੋ ਖੜਗੇਸ ਤਬ; ਰਿਸ ਕਰਿ ਬੋਲਿਯੋ ਬੈਨ ॥੧੬੬੫॥ स्री हरि सो खड़गेस तब; रिस करि बोलियो बैन ॥१६६५॥ ਸਵੈਯਾ ॥ सवैया ॥ ਕਿਉ ਰੇ ਗੁਮਾਨ ਕਰੈ? ਘਨ ਸ੍ਯਾਮ ! ਅਬੈ ਰਨ ਤੇ ਪੁਨਿ ਤੋਹਿ ਭਜੈਹੋ ॥ किउ रे गुमान करै? घन स्याम ! अबै रन ते पुनि तोहि भजैहो ॥ ਕਾਹੇ ਕੌ ਆਨਿ ਅਰਿਯੋ? ਸੁਨ ਰੇ ! ਸਿਰ ਕੇਸਨਿ ਤੇ ਬਹੁਰੋ ਗਹਿ ਲੈਹੋ ॥ काहे कौ आनि अरियो? सुन रे ! सिर केसनि ते बहुरो गहि लैहो ॥ ਐ ਰੇ ਅਹੀਰ ! ਅਧੀਰ ਡਰੇ ਨਹਿ; ਤੋ ਕਹਿ ਜੀਵਤ ਜਾਨ ਨ ਦੈਹੋ ॥ ऐ रे अहीर ! अधीर डरे नहि; तो कहि जीवत जान न दैहो ॥ ਇੰਦ੍ਰ ਬਿਰੰਚ ਕੁਬੇਰ ਜਲਾਧਿਪ; ਕੋ, ਸਸਿ ਕੋ, ਸਿਵ ਕੋ, ਹਤ ਕੈ ਹੋ ॥੧੬੬੬॥ इंद्र बिरंच कुबेर जलाधिप; को, ससि को, सिव को, हत कै हो ॥१६६६॥ ਤਉ ਹੀ ਲਉ ਬੀਰ ਮਹੋਤ ਕਟ ਸਿੰਘ; ਹੁਤੋ ਰਨ ਮੈ ਮਨਿ ਕੋਪ ਭਰਿਓ ॥ तउ ही लउ बीर महोत कट सिंघ; हुतो रन मै मनि कोप भरिओ ॥ ਕਰ ਮੈ ਕਰਵਾਰਿ ਲੈ ਧਾਇ ਚਲਿਓ; ਕਬਿ ਸ੍ਯਾਮ ਕਹੈ ਨਹੀ ਨੈਕੁ ਡਰਿਓ ॥ कर मै करवारि लै धाइ चलिओ; कबि स्याम कहै नही नैकु डरिओ ॥ ਅਸਿ ਜੁਧ ਦੁਹੂੰ ਨ੍ਰਿਪ ਕੀਨ ਬਡੋ; ਨ ਕੋਊ ਰਨ ਤੇ ਪਗ ਏਕ ਟਰਿਓ ॥ असि जुध दुहूं न्रिप कीन बडो; न कोऊ रन ते पग एक टरिओ ॥ ਖੜਗੇਸ ਕ੍ਰਿਪਾਨ ਕੀ ਤਾਨਿ ਦਈ; ਬਿਨੁ ਪ੍ਰਾਨ ਕਰਿਓ ਗਿਰ ਭੂਮਿ ਪਰਿਓ ॥੧੬੬੭॥ खड़गेस क्रिपान की तानि दई; बिनु प्रान करिओ गिर भूमि परिओ ॥१६६७॥ ਦੇਖਿ ਦਸਾ ਤਿਹ ਸਿੰਘ ਬਚਿਤ੍ਰ; ਸੁ ਠਾਂਢੋ ਹੁਤੋ ਰਿਸ ਕੈ ਵਹ ਧਾਯੋ ॥ देखि दसा तिह सिंघ बचित्र; सु ठांढो हुतो रिस कै वह धायो ॥ ਸ੍ਯਾਮ ਭਨੈ ਧਨੁ ਬਾਨਨ ਲੈ; ਤਿਹ ਭੂਪਤਿ ਸਿਉ ਅਤਿ ਜੁਧ ਮਚਾਯੋ ॥ स्याम भनै धनु बानन लै; तिह भूपति सिउ अति जुध मचायो ॥ ਸ੍ਰੀ ਖੜਗੇਸ ਬਲੀ ਧਨ ਤਾਨਿ; ਮਹਾ ਬਰ ਬਾਨ ਪ੍ਰਕੋਪ ਚਲਾਯੋ ॥ स्री खड़गेस बली धन तानि; महा बर बान प्रकोप चलायो ॥ ਲਾਗਿ ਗਯੋ ਤਿਹ ਕੇ ਉਰ ਮੈ ਸਰ; ਘੂਮਿ ਗਿਰਿਓ ਧਰਿ, ਇਉ ਅਰਿ ਘਾਯੋ ॥੧੬੬੮॥ लागि गयो तिह के उर मै सर; घूमि गिरिओ धरि, इउ अरि घायो ॥१६६८॥ ਚੌਪਈ ॥ चौपई ॥ ਤਬ ਅਜੀਤ ਸਿੰਘ ਆਪ ਹੀ ਧਾਯੋ ॥ तब अजीत सिंघ आप ही धायो ॥ ਧਨੁਖ ਬਾਨ ਲੈ ਰਨ ਮਧਿ ਆਯੋ ॥ धनुख बान लै रन मधि आयो ॥ ਭੂਪਤਿ ਕੋ ਤਿਨ ਬਚਨ ਸੁਨਾਯੋ ॥ भूपति को तिन बचन सुनायो ॥ ਤੋ ਬਧ ਹਿਤ ਸਿਵ ਮੁਹਿ ਉਪਜਾਯੋ ॥੧੬੬੯॥ तो बध हित सिव मुहि उपजायो ॥१६६९॥ ਅਜੀਤ ਸਿੰਘ ਯੌ ਬਚਨ ਉਚਾਰਿਓ ॥ अजीत सिंघ यौ बचन उचारिओ ॥ ਖੜਗ ਸਿੰਘ ਰਨ ਮਾਹਿ ਹਕਾਰਿਓ ॥ खड़ग सिंघ रन माहि हकारिओ ॥ ਨ੍ਰਿਪ ਏ ਬੈਨ ਸੁਨਤ ਨਹੀ ਡਰਿਓ ॥ न्रिप ए बैन सुनत नही डरिओ ॥ ਮਹਾਬੀਰ ਪਗੁ ਆਗੈ ਧਰਿਓ ॥੧੬੭੦॥ महाबीर पगु आगै धरिओ ॥१६७०॥ ਅਜੀਤ ਸਿੰਘ ਰਛਾ ਹਿਤ ਧਾਏ ॥ अजीत सिंघ रछा हित धाए ॥ ਗ੍ਯਾਰਹ ਰੁਦ੍ਰ ਭਾਨ ਸਭ ਆਏ ॥ ग्यारह रुद्र भान सभ आए ॥ ਇੰਦ੍ਰ ਕ੍ਰਿਸਨ ਜਮ ਬਸੁ ਰਿਸ ਭਰੇ ॥ इंद्र क्रिसन जम बसु रिस भरे ॥ ਬਰੁਨ ਕੁਬੇਰ ਘੇਰਿ ਸਭ ਖਰੇ ॥੧੬੭੧॥ बरुन कुबेर घेरि सभ खरे ॥१६७१॥ |
|
|
|
|
Dasam Granth |