ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 450 ਰੁਦ੍ਰ ਤੇ ਆਦਿ ਜਿਤੇ ਗਨ ਦੇਵ; ਤਿਤੇ ਮਿਲਿ ਕੈ ਨ੍ਰਿਪ ਊਪਰ ਧਾਏ ॥ रुद्र ते आदि जिते गन देव; तिते मिलि कै न्रिप ऊपर धाए ॥ ਤੇ ਸਬ ਆਵਤ ਦੇਖਿ ਬਲੀ; ਧਨੁ ਤਾਨ ਕੈ ਬਾਨ ਹਕਾਰਿ ਲਗਾਏ ॥ ते सब आवत देखि बली; धनु तान कै बान हकारि लगाए ॥ ਏਕ ਗਿਰੇ ਤਹ ਘਾਇਲ ਹ੍ਵੈ; ਇਕ ਤ੍ਰਾਸ ਭਰੇ ਤਜਿ ਜੁਧ ਪਰਾਏ ॥ एक गिरे तह घाइल ह्वै; इक त्रास भरे तजि जुध पराए ॥ ਏਕ ਲਰੇ ਨ ਡਰੇ ਬਲਵਾਨ; ਨਿਦਾਨ ਸੋਊ ਨ੍ਰਿਪ ਮਾਰਿ ਗਿਰਾਏ ॥੧੬੫੪॥ एक लरे न डरे बलवान; निदान सोऊ न्रिप मारि गिराए ॥१६५४॥ ਜੀਤਿ ਸੁਰੇਸ ਧਨੇਸ ਖਗੇਸ; ਗਨੇਸ ਕੋ ਘਾਇਲ ਕੈ ਮੁਰਛਾਯੋ ॥ जीति सुरेस धनेस खगेस; गनेस को घाइल कै मुरछायो ॥ ਭੂਮਿ ਪਰਿਯੋ ਬਿਸੰਭਾਰਿ ਨਿਹਾਰਿ; ਜਲੇਸ ਦਿਨੇਸ ਨਿਸੇਸ ਪਰਾਯੋ ॥ भूमि परियो बिस्मभारि निहारि; जलेस दिनेस निसेस परायो ॥ ਬੀਰ ਮਹੇਸ ਤੇ ਆਦਿਕ ਭਾਜ; ਗਏ, ਇਹ ਸਾਮੁਹੇ ਏਕ ਨ ਆਯੋ ॥ बीर महेस ते आदिक भाज; गए, इह सामुहे एक न आयो ॥ ਕੋਪ ਕ੍ਰਿਪਾਨਿਧਿ ਆਵਤ ਜੋ ਸੁ; ਚਪੇਟ ਸੋ ਮਾਰ ਕੈ ਭੂਮਿ ਗਿਰਾਯੋ ॥੧੬੫੫॥ कोप क्रिपानिधि आवत जो सु; चपेट सो मार कै भूमि गिरायो ॥१६५५॥ ਦੋਹਰਾ ॥ दोहरा ॥ ਸ੍ਰੀ ਹਰਿ ਸਿਉ ਹਰਿ ਏ ਕਹੀ; ਬਾਤ ਧਰਮ ਕੇ ਤਾਤ ॥ स्री हरि सिउ हरि ए कही; बात धरम के तात ॥ ਤਿਹੀ ਸਮੈ ਸਿਵ ਜੂ ਕਹਿਯੋ; ਬ੍ਰਹਮੇ ਸਿਉ ਮੁਸਕਾਤ ॥੧੬੫੬॥ तिही समै सिव जू कहियो; ब्रहमे सिउ मुसकात ॥१६५६॥ ਸਵੈਯਾ ॥ सवैया ॥ ਆਪਨ ਸੋ ਸਬ ਹੀ ਭਟ ਜੂਝਿ; ਰਹੈ ਕਰ ਕੈ, ਨ ਮਰੈ ਨ੍ਰਿਪ ਮਾਰਿਓ ॥ आपन सो सब ही भट जूझि; रहै कर कै, न मरै न्रिप मारिओ ॥ ਤਉ ਚਤੁਰਾਨਨ ਸਿਉ ਸਿਵ ਜੂ; ਕਬਿ ਸ੍ਯਾਮ ਕਹੈ ਇਹ ਭਾਂਤਿ ਉਚਾਰਿਓ ॥ तउ चतुरानन सिउ सिव जू; कबि स्याम कहै इह भांति उचारिओ ॥ ਸਕ੍ਰ ਜਮਾਦਿਕ ਬੀਰ ਜਿਤੇ ਹਮ; ਹੂੰ, ਇਨ ਸੋ ਅਤਿ ਹੀ ਰਨ ਪਾਰਿਓ ॥ सक्र जमादिक बीर जिते हम; हूं, इन सो अति ही रन पारिओ ॥ ਏ ਤੋ ਨਹੀ ਬਲ ਹਾਰਤ ਰੰਚਕ; ਚਉਦਹੂੰ ਲੋਕਨਿ ਕੋ ਦਲੁ ਹਾਰਿਓ ॥੧੬੫੭॥ ए तो नही बल हारत रंचक; चउदहूं लोकनि को दलु हारिओ ॥१६५७॥ ਦੋਹਰਾ ॥ दोहरा ॥ ਦੋਊ ਕਰਤ ਬਿਚਾਰ ਇਤ; ਪੰਕਜ ਪੂਤ ਤ੍ਰਿਨੈਨ ॥ दोऊ करत बिचार इत; पंकज पूत त्रिनैन ॥ ਉਤ ਰਵਿ ਅਸਤਾਚਲਿ ਗਯੋ; ਸਸਿ ਪ੍ਰਗਟਿਯੋ ਭਈ ਰੈਨ ॥੧੬੫੮॥ उत रवि असताचलि गयो; ससि प्रगटियो भई रैन ॥१६५८॥ ਚੌਪਈ ॥ चौपई ॥ ਦੋਊ ਦਲ ਅਤਿ ਹੀ ਅਕੁਲਾਨੇ ॥ दोऊ दल अति ही अकुलाने ॥ ਭੂਖ ਪਿਆਸ ਸੋ ਤਨ ਮੁਰਝਾਨੇ ॥ भूख पिआस सो तन मुरझाने ॥ ਅਰ ਤੇ ਲਰਤੇ ਹ੍ਵੈ ਗਈ ਸਾਂਝ ॥ अर ते लरते ह्वै गई सांझ ॥ ਰਹਿ ਗਏ ਤਾ ਹੀ ਰਨ ਕੇ ਮਾਂਝ ॥੧੬੫੯॥ रहि गए ता ही रन के मांझ ॥१६५९॥ ਭੋਰ ਭਯੋ ਸਭ ਸੁਭਟ ਸੁ ਜਾਗੇ ॥ भोर भयो सभ सुभट सु जागे ॥ ਦੁਹ ਦਿਸ ਮਾਰੂ ਬਾਜਨ ਲਾਗੇ ॥ दुह दिस मारू बाजन लागे ॥ ਸਾਜੇ ਕਵਚ ਸਸਤ੍ਰ ਕਰਿ ਧਾਰੇ ॥ साजे कवच ससत्र करि धारे ॥ ਬਹੁਰ ਜੁਧ ਕੇ ਹੇਤ ਸਿਧਾਰੇ ॥੧੬੬੦॥ बहुर जुध के हेत सिधारे ॥१६६०॥ ਸਵੈਯਾ ॥ सवैया ॥ ਸਿਵ ਕੌ ਜਮ ਕੌ ਰਵਿ ਕੌ ਸੰਗਿ ਲੈ; ਬਸੁਦੇਵ ਕੋ ਨੰਦ ਚਲਿਯੋ ਰਨ ਧਾਨੀ ॥ सिव कौ जम कौ रवि कौ संगि लै; बसुदेव को नंद चलियो रन धानी ॥ ਮਾਰਤ ਹੋ ਅਰਿ ਕੈ ਅਰਿ ਕੋ; ਹਰ ਕੋ ਹਰਿ ਭਾਖਤ ਯੌ ਮੁਖ ਬਾਨੀ ॥ मारत हो अरि कै अरि को; हर को हरि भाखत यौ मुख बानी ॥ ਸ੍ਯਾਮ ਕੇ ਸੰਗਿ ਘਨੇ ਉਮਡੇ ਭਟ; ਪਾਨਨ ਬਾਨ ਕਮਾਨਨਿ ਤਾਨੀ ॥ स्याम के संगि घने उमडे भट; पानन बान कमाननि तानी ॥ ਆਇ ਭਿਰੇ ਖੜਗੇਸ ਕੇ ਸੰਗਿ; ਅਸੰਕ ਭਏ, ਕਛੁ ਸੰਕ ਨ ਮਾਨੀ ॥੧੬੬੧॥ आइ भिरे खड़गेस के संगि; असंक भए, कछु संक न मानी ॥१६६१॥ ਗਿਆਰਹ ਘਾਇਲ ਕੈ ਸਿਵ ਕੇ ਗਨ; ਦ੍ਵਾਦਸ ਸੂਰਨਿ ਕੇ ਰਥ ਕਾਟੇ ॥ गिआरह घाइल कै सिव के गन; द्वादस सूरनि के रथ काटे ॥ ਘਾਇ ਕੀਯੋ ਜਮ ਕੋ ਬਿਰਥੀ; ਬਸੁ ਆਠਨ ਕਉ ਲਲਕਾਰ ਕੇ ਡਾਟੈ ॥ घाइ कीयो जम को बिरथी; बसु आठन कउ ललकार के डाटै ॥ ਸਤ੍ਰ ਬਿਮੁੰਡਤ ਕੀਨੇ ਘਨੇ; ਜੁ ਰਹੇ ਰਨ ਤੇ; ਤਿਨ ਕੇ ਪਗ ਹਾਟੇ ॥ सत्र बिमुंडत कीने घने; जु रहे रन ते; तिन के पग हाटे ॥ ਪਉਣ ਸਮਾਨ ਛੁਟੇ ਨ੍ਰਿਪ ਬਾਨ; ਸਬੈ ਦਲ ਬਾਦਲ ਜਿਉ ਚਲਿ ਫਾਟੇ ॥੧੬੬੨॥ पउण समान छुटे न्रिप बान; सबै दल बादल जिउ चलि फाटे ॥१६६२॥ |
|
|
|
|
Dasam Granth |