ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 439 ਬ੍ਰਹਮ ਕਰੀਟ, ਤਵੀਤ ਲਯੋ ਹਰਿ; ਗਾਜਿ ਉਠੇ ਤਬ ਹੀ ਸਬ ਸੂਰੇ ॥ ब्रहम करीट, तवीत लयो हरि; गाजि उठे तब ही सब सूरे ॥ ਧਾਇ ਪਰੇ ਨ੍ਰਿਪ ਪੈ ਮਿਲਿ ਕੈ; ਚਿਤਿ ਮੈ ਚਪਿ ਰੋਸਿ ਕੈ ਮਾਰਿ ਮਰੂਰੈ ॥ धाइ परे न्रिप पै मिलि कै; चिति मै चपि रोसि कै मारि मरूरै ॥ ਭੂਪਿ ਹਨੇ ਬਰ ਬੀਰ ਘਨੇ; ਸੁ ਪਰੇ ਧਰਿ ਊਪਰਿ ਲਾਗਤਿ ਰੂਰੇ ॥ भूपि हने बर बीर घने; सु परे धरि ऊपरि लागति रूरे ॥ ਛਾਰ ਲਗਾਇ ਕੈ ਅੰਗ ਮਲੰਗ; ਰਹੇ ਮਨੋ ਸੋਇ ਕੈ ਖਾਇ ਧਤੂਰੇ ॥੧੫੬੧॥ छार लगाइ कै अंग मलंग; रहे मनो सोइ कै खाइ धतूरे ॥१५६१॥ ਹੇਰਿ ਸਬੈ ਮਿਲਿ ਘੇਰਿ ਲਯੋ ਸੁ; ਭਯੋ ਮਨ ਭੂਪਤਿ ਕੋਪਮਈ ਹੈ ॥ हेरि सबै मिलि घेरि लयो सु; भयो मन भूपति कोपमई है ॥ ਰਾਮ ਅਯੋਧਨ ਮੈ ਫਿਰ ਕੈ; ਕਰਰੀ ਕਰ ਬੀਚ ਕਮਾਨ ਲਈ ਹੈ ॥ राम अयोधन मै फिर कै; कररी कर बीच कमान लई है ॥ ਸੂਰਜ ਕੀ, ਸਸਿ ਕੀ, ਜਮ ਕੀ; ਹਰਿ ਕੀ ਬਹੁ ਸੈਨ ਗਿਰਾਇ ਦਈ ਹੈ ॥ सूरज की, ससि की, जम की; हरि की बहु सैन गिराइ दई है ॥ ਮਾਨਹੁ ਫਾਗੁਨ ਮਾਸ ਕੇ ਭੀਤਰ; ਪਉਨ ਬਹਿਓ ਪਤ ਝਾਰ ਭਈ ਹੈ ॥੧੫੬੨॥ मानहु फागुन मास के भीतर; पउन बहिओ पत झार भई है ॥१५६२॥ ਪਾਨਿ ਸੰਭਾਰਿ ਬਡੋ ਧਨੁ ਭੂਪਤਿ; ਰੁਦ੍ਰ ਲਿਲਾਟ ਮੈ ਬਾਨੁ ਲਗਾਯੋ ॥ पानि स्मभारि बडो धनु भूपति; रुद्र लिलाट मै बानु लगायो ॥ ਏਕ ਕੁਬੇਰ ਕੇ ਮਾਰਿਓ ਰਿਦੈ; ਸਰ ਲਾਗਤਿ ਡਾਰਿ ਹਥਿਆਰ ਪਰਾਯੋ ॥ एक कुबेर के मारिओ रिदै; सर लागति डारि हथिआर परायो ॥ ਦੇਖਿ ਜਲਾਧਿਪ ਤਾਹਿ ਦਸਾ; ਰਨ ਛਾਡਿ ਭਜਿਯੋ ਮਨ ਮੈ ਡਰ ਪਾਯੋ ॥ देखि जलाधिप ताहि दसा; रन छाडि भजियो मन मै डर पायो ॥ ਧਾਇ ਪਰਿਯੋ ਰਿਸ ਕੈ ਜਮੁ ਯਾ ਪਰ; ਸੋ ਨ੍ਰਿਪ ਬਾਨ ਸੋ ਭੂਮਿ ਗਿਰਾਯੋ ॥੧੫੬੩॥ धाइ परियो रिस कै जमु या पर; सो न्रिप बान सो भूमि गिरायो ॥१५६३॥ ਯੌ ਜਮਰਾਜ ਗਿਰਾਇ ਦਯੋ; ਤਬ ਹੀ ਰਿਸ ਕੈ ਹਰਿ ਕੋ ਦਲ ਧਾਯੋ ॥ यौ जमराज गिराइ दयो; तब ही रिस कै हरि को दल धायो ॥ ਆਏ ਹੈ ਕੋਪ ਭਰੈ ਪਟ ਦੁਇ; ਬਿਬਿਧਾਯੁਧ ਲੈ ਤਿਨ ਜੁਧੁ ਮਚਾਯੋ ॥ आए है कोप भरै पट दुइ; बिबिधायुध लै तिन जुधु मचायो ॥ ਸਿੰਘ ਹੁਤੋ ਬਲਵੰਡ ਸੋ ਜਾਦਵ; ਸੋ ਰਿਸ ਸੋ ਨ੍ਰਿਪ ਮਾਰਿ ਗਿਰਾਯੋ ॥ सिंघ हुतो बलवंड सो जादव; सो रिस सो न्रिप मारि गिरायो ॥ ਬਾਹੁ ਬਲੀ ਬਰਮਾਕ੍ਰਿਤ ਬੰਧੁ; ਸੋਊ ਰਨ ਤੇ ਜਮਲੋਕਿ ਪਠਾਯੋ ॥੧੫੬੪॥ बाहु बली बरमाक्रित बंधु; सोऊ रन ते जमलोकि पठायो ॥१५६४॥ ਅਉਰ ਮਹਾਬਲੀ ਸਿੰਘ ਹੁਤੋ; ਸੰਗ ਤੇ ਜਸ ਸਿੰਘ ਕੋ ਮਾਰਿ ਲਯੋ ॥ अउर महाबली सिंघ हुतो; संग ते जस सिंघ को मारि लयो ॥ ਪੁਨਿ ਬੀਰ ਮਹਾ ਜਸ ਸਿੰਘ ਹੁਤੋ; ਰਿਸ ਕੈ ਇਹ ਸਾਮੁਹੇ ਆਇ ਗਯੋ ॥ पुनि बीर महा जस सिंघ हुतो; रिस कै इह सामुहे आइ गयो ॥ ਸੋਊ ਖਗ ਸੰਭਾਰ ਕੈ ਕੋਪ ਭਰੇ; ਤਿਹ ਕੌ ਨ੍ਰਿਪ ਨੈ ਲਲਕਾਰ ਲਯੋ ॥ सोऊ खग स्मभार कै कोप भरे; तिह कौ न्रिप नै ललकार लयो ॥ ਕੀਯੋ ਏਕ ਹੀ ਬਾਰ ਪ੍ਰਹਾਰ ਕ੍ਰਿਪਾਨ ਕੋ; ਅੰਤ ਕੇ ਧਾਮਿ ਪਠਾਇ ਦਯੋ ॥੧੫੬੫॥ कीयो एक ही बार प्रहार क्रिपान को; अंत के धामि पठाइ दयो ॥१५६५॥ ਚੌਪਈ ॥ चौपई ॥ ਉਤਮ ਸਿੰਘ ਪ੍ਰਲੈ ਸਿੰਘ ਧਾਏ ॥ उतम सिंघ प्रलै सिंघ धाए ॥ ਪਰਮ ਸਿੰਘ ਅਸਿ ਲੈ ਕਰਿ ਆਏ ॥ परम सिंघ असि लै करि आए ॥ ਅਤਿ ਪਵਿਤ੍ਰ ਸਿੰਘ ਸ੍ਰੀ ਸਿੰਘ ਗਏ ॥ अति पवित्र सिंघ स्री सिंघ गए ॥ ਪਾਂਚੋ ਭੂਪ ਮਾਰਿ ਤਿਹ ਲਏ ॥੧੫੬੬॥ पांचो भूप मारि तिह लए ॥१५६६॥ ਦੋਹਰਾ ॥ दोहरा ॥ ਫਤੇ ਸਿੰਘ ਅਰੁ ਫਉਜ ਸਿੰਘ; ਚਿਤਿ ਅਤਿ ਕੋਪ ਬਢਾਇ ॥ फते सिंघ अरु फउज सिंघ; चिति अति कोप बढाइ ॥ ਏ ਦੋਊ ਭਟ ਆਵਤ ਹੁਤੇ; ਭੂਪਤਿ ਹਨੇ ਬਜਾਇ ॥੧੫੬੭॥ ए दोऊ भट आवत हुते; भूपति हने बजाइ ॥१५६७॥ ਅੜਿਲ ॥ अड़िल ॥ ਭੀਮ ਸਿੰਘ ਭੁਜ ਸਿੰਘ; ਸੁ ਕੋਪ ਬਢਾਇਓ ॥ भीम सिंघ भुज सिंघ; सु कोप बढाइओ ॥ ਮਹਾ ਸਿੰਘ ਸਿੰਘ ਮਾਨ; ਮਦਨ ਸਿੰਘ ਧਾਇਓ ॥ महा सिंघ सिंघ मान; मदन सिंघ धाइओ ॥ ਅਉਰ ਮਹਾ ਭਟ ਧਾਏ; ਸਸਤ੍ਰ ਸੰਭਾਰ ਕੈ ॥ अउर महा भट धाए; ससत्र स्मभार कै ॥ ਹੋ ਤੇ ਛਿਨ ਮੈ ਤਿਹ ਭੂਪਤਿ; ਦਏ ਸੰਘਾਰ ਕੈ ॥੧੫੬੮॥ हो ते छिन मै तिह भूपति; दए संघार कै ॥१५६८॥ ਸੋਰਠਾ ॥ सोरठा ॥ ਬਿਕਟਿ ਸਿੰਘ ਜਿਹ ਨਾਮ; ਬਿਕਟਿ ਬੀਰ ਜਦੁਬੀਰ ਕੋ ॥ बिकटि सिंघ जिह नाम; बिकटि बीर जदुबीर को ॥ ਅਪੁਨੇ ਪ੍ਰਭ ਕੇ ਕਾਮ; ਧਾਇ ਪਰਿਯੋ ਅਰਿ ਬਧ ਨਿਮਿਤ ॥੧੫੬੯॥ अपुने प्रभ के काम; धाइ परियो अरि बध निमित ॥१५६९॥ ਦੋਹਰਾ ॥ दोहरा ॥ ਬਿਕਟ ਸਿੰਘ ਆਵਤ ਲਖਿਯੋ; ਖੜਗ ਸਿੰਘ ਧਨੁ ਤਾਨਿ ॥ बिकट सिंघ आवत लखियो; खड़ग सिंघ धनु तानि ॥ ਮਾਰਿਓ ਸਰ ਉਰਿ ਸਤ੍ਰ ਕੇ; ਲਾਗਤ ਤਜੇ ਪਰਾਨ ॥੧੫੭੦॥ मारिओ सर उरि सत्र के; लागत तजे परान ॥१५७०॥ |
|
|
|
|
Dasam Granth |