ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 430 ਸਵੈਯਾ ॥ सवैया ॥ ਆਯੁਧ ਲੈ ਸਬ ਹੀ ਆਪਣੇ; ਜਬ ਹੀ ਵਹ ਭੂਪਤਿ ਸੰਗ ਅਰਿਓ ਹੈ ॥ आयुध लै सब ही आपणे; जब ही वह भूपति संग अरिओ है ॥ ਜੁਧ ਅਨੇਕ ਪ੍ਰਕਾਰ ਕੀਯੋ, ਰਨ ਕੀ; ਛਿਤ ਤੇ, ਕੋਊ ਨਹਿ ਟਰਿਓ ਹੈ ॥ जुध अनेक प्रकार कीयो, रन की; छित ते, कोऊ नहि टरिओ है ॥ ਤੌ ਨ੍ਰਿਪ ਲੈ ਕਰ ਮੈ ਅਸਿ ਕੋ; ਰਿਪੁ ਮੂੰਡ ਕਟਿਓ ਗਿਰ ਭੂਮਿ ਪਰਿਓ ਹੈ ॥ तौ न्रिप लै कर मै असि को; रिपु मूंड कटिओ गिर भूमि परिओ है ॥ ਦੇਹ ਛੁਟਿਯੋ ਨਹੀ ਕੋਪ ਹਟਿਓ; ਨਿਜ ਓਠ ਕੇ ਦਾਂਤਨ ਸੋ ਪਕਰਿਓ ਹੈ ॥੧੪੭੨॥ देह छुटियो नही कोप हटिओ; निज ओठ के दांतन सो पकरिओ है ॥१४७२॥ ਦੋਹਰਾ ॥ दोहरा ॥ ਕ੍ਰੂਰ ਕਰਮ ਕੋ ਖੜਗ ਸਿੰਘ; ਜਬ ਮਾਰਿਓ ਰਨ ਠੌਰ ॥ क्रूर करम को खड़ग सिंघ; जब मारिओ रन ठौर ॥ ਅਸੁਰਨ ਕੀ ਸੈਨਾ ਹੁਤੀ; ਦਾਨਵ ਨਿਕਸਿਓ ਔਰ ॥੧੪੭੩॥ असुरन की सैना हुती; दानव निकसिओ और ॥१४७३॥ ਸੋਰਠਾ ॥ सोरठा ॥ ਕ੍ਰੂਰ ਦੈਤ ਜਿਹ ਨਾਮ; ਵਡੋ ਦੈਤ ਬਲਵੰਡ ਅਤਿ ॥ क्रूर दैत जिह नाम; वडो दैत बलवंड अति ॥ ਆਗੇ ਬਹੁ ਸੰਗ੍ਰਾਮ; ਲਰਿਓ ਅਰਿਓ ਨਾਹਿਨ ਡਰਿਓ ॥੧੪੭੪॥ आगे बहु संग्राम; लरिओ अरिओ नाहिन डरिओ ॥१४७४॥ ਚੌਪਈ ॥ चौपई ॥ ਕ੍ਰੂਰ ਕਰਮ ਬਧ ਨੈਨ ਨਿਹਾਰਿਓ ॥ क्रूर करम बध नैन निहारिओ ॥ ਤਬ ਹੀ ਅਪਨੋ ਖੜਗ ਸੰਭਾਰਿਓ ॥ तब ही अपनो खड़ग स्मभारिओ ॥ ਕ੍ਰੂਰ ਦੈਤ ਰਿਸਿ ਨ੍ਰਿਪ ਪਰ ਧਾਯੋ ॥ क्रूर दैत रिसि न्रिप पर धायो ॥ ਮਾਨੋ ਕਾਲ ਮੇਘ ਉਮਡਾਯੋ ॥੧੪੭੫॥ मानो काल मेघ उमडायो ॥१४७५॥ ਆਵਤ ਹੀ ਤਿਹ ਭੂਪ ਪਚਾਰਿਓ ॥ आवत ही तिह भूप पचारिओ ॥ ਜਾਹੁ ਕਹਾ? ਮੁਝ ਬੰਧੁ ਪਛਾਰਿਓ ॥ जाहु कहा? मुझ बंधु पछारिओ ॥ ਹਉ ਤੁਮ ਸੋ ਅਬ ਜੁਧ ਮਚੈ ਹੋ ॥ हउ तुम सो अब जुध मचै हो ॥ ਭ੍ਰਾਤ ਗਯੋ ਜਹਿ ਤੋਹਿ ਪਠੈ ਹੋ ॥੧੪੭੬॥ भ्रात गयो जहि तोहि पठै हो ॥१४७६॥ ਯੌ ਕਹਿ ਕੈ ਤਬ ਖੜਗ ਸੰਭਾਰਿਓ ॥ यौ कहि कै तब खड़ग स्मभारिओ ॥ ਅਤਿ ਪ੍ਰਚੰਡ ਬਲ ਕੋਪਿ ਪ੍ਰਹਾਰਿਓ ॥ अति प्रचंड बल कोपि प्रहारिओ ॥ ਭੂਪਤਿ ਲਖਿਓ ਕਾਟਿ ਅਸਿ ਦੀਨੋ ॥ भूपति लखिओ काटि असि दीनो ॥ ਸੋਊ ਮਾਰਿ ਰਨ ਭੀਤਰਿ ਲੀਨੋ ॥੧੪੭੭॥ सोऊ मारि रन भीतरि लीनो ॥१४७७॥ ਦੋਹਰਾ ॥ दोहरा ॥ ਕ੍ਰੂਰ ਕਰਮ ਅਰੁ ਕ੍ਰੂਰ ਦੈਤ; ਦੋਊ ਗਏ ਜਮ ਧਾਮਿ ॥ क्रूर करम अरु क्रूर दैत; दोऊ गए जम धामि ॥ ਸੈਨਾ ਤਿਨ ਕੀ ਸਸਤ੍ਰ ਲੈ; ਘੇਰਿਓ ਨ੍ਰਿਪ ਸੰਗ੍ਰਾਮਿ ॥੧੪੭੮॥ सैना तिन की ससत्र लै; घेरिओ न्रिप संग्रामि ॥१४७८॥ ਸਵੈਯਾ ॥ सवैया ॥ ਰੋਸ ਕੀਓ ਤਿਨ ਹੂੰ ਮਨ ਮੈ; ਜੋਉ ਦੈਤ ਬਚੇ ਨ੍ਰਿਪ ਊਪਰ ਧਾਏ ॥ रोस कीओ तिन हूं मन मै; जोउ दैत बचे न्रिप ऊपर धाए ॥ ਬਾਨ ਕਮਾਨ ਗਦਾ ਬਰਛੀ; ਅਗਨਾਯੁਧ ਲੈ ਕਰਿ ਕੋਪ ਬਢਾਏ ॥ बान कमान गदा बरछी; अगनायुध लै करि कोप बढाए ॥ ਤੌ ਨ੍ਰਿਪ ਤੀਰ ਸਰਾਸਨੁ ਲੈ; ਸਭ ਆਵਤ ਬਾਟ ਮੈ ਕਾਟਿ ਗਿਰਾਏ ॥ तौ न्रिप तीर सरासनु लै; सभ आवत बाट मै काटि गिराए ॥ ਆਪਨੇ ਕਾਢਿ ਨਿਖੰਗਹੁ ਤੇ ਸਰ; ਸਤ੍ਰਨ ਕੇ ਉਰ ਬੀਚ ਲਗਾਏ ॥੧੪੭੯॥ आपने काढि निखंगहु ते सर; सत्रन के उर बीच लगाए ॥१४७९॥ ਚੌਪਈ ॥ चौपई ॥ ਤਬ ਸਭ ਸਤ੍ਰ ਭਾਜ ਕੈ ਗਏ ॥ तब सभ सत्र भाज कै गए ॥ ਕੋਊ ਸਨਮੁਖ ਹੋਤ ਨ ਪਏ ॥ कोऊ सनमुख होत न पए ॥ ਅਧਿਕ ਦੈਤ ਜਮਲੋਕਿ ਪਠਾਏ ॥ अधिक दैत जमलोकि पठाए ॥ ਜੀਅਤਿ ਰਹੇ ਰਨ ਤ੍ਯਾਗਿ ਪਰਾਏ ॥੧੪੮੦॥ जीअति रहे रन त्यागि पराए ॥१४८०॥ ਸਵੈਯਾ ॥ सवैया ॥ ਭਾਜ ਗਏ ਸਬ ਦੈਤ ਜਬੈ; ਤਬ ਭੂਪ ਰਿਸਿਓ ਹਰਿ ਕੋ ਸਰ ਮਾਰੇ ॥ भाज गए सब दैत जबै; तब भूप रिसिओ हरि को सर मारे ॥ ਲਾਗਤ ਹੀ ਕਵਿ ਸ੍ਯਾਮ ਕਹੈ; ਤਨ ਸ੍ਰੀ ਜਦੁਬੀਰ ਕੋ ਚੀਰ ਪਧਾਰੇ ॥ लागत ही कवि स्याम कहै; तन स्री जदुबीर को चीर पधारे ॥ ਬੇਧਿ ਕੈ ਔਰਨ ਕੇ ਤਨ ਕੋ; ਪੁਨਿ ਔਰਨ ਜਾਇ ਲਗੇ ਸੁ ਸੰਘਾਰੇ ॥ बेधि कै औरन के तन को; पुनि औरन जाइ लगे सु संघारे ॥ ਦੇਖਹੁ ਪਉਰਖ ਭੂਪਤਿ ਕੋ; ਅਬ ਆਪ ਹੈ ਏਕ ਅਨੇਕ ਬਿਦਾਰੇ ॥੧੪੮੧॥ देखहु पउरख भूपति को; अब आप है एक अनेक बिदारे ॥१४८१॥ ਚੌਪਈ ॥ चौपई ॥ ਸ੍ਰੀ ਹਰਿ ਜਲ ਕੋ ਅਸਤ੍ਰ ਚਲਾਯੋ ॥ स्री हरि जल को असत्र चलायो ॥ ਸੋ ਛੁਟ ਕੈ ਨ੍ਰਿਪ ਊਪਰ ਆਯੋ ॥ सो छुट कै न्रिप ऊपर आयो ॥ ਬਰੁਨ ਸਿੰਘ ਮੂਰਤਿ ਧਰਿ ਆਏ ॥ बरुन सिंघ मूरति धरि आए ॥ ਸਰਿਤਨ ਕੀ ਸੈਨਾ ਸੰਗਿ ਲਿਯਾਏ ॥੧੪੮੨॥ सरितन की सैना संगि लियाए ॥१४८२॥ ਆਵਤ ਸਿੰਘਨ ਸਬਦ ਸੁਨਾਯੋ ॥ आवत सिंघन सबद सुनायो ॥ ਬਾਰਿ ਰਾਜ ਅਤਿ ਰਿਸ ਕਰਿ ਧਾਯੋ ॥ बारि राज अति रिस करि धायो ॥ ਸੁਨਤ ਸਬਦ ਕਾਂਪੇ ਪੁਰ ਤੀਨੋ ॥ सुनत सबद कांपे पुर तीनो ॥ ਇਨ ਨ੍ਰਿਪ ਮਨ ਮੈ ਤ੍ਰਾਸ ਨ ਕੀਨੋ ॥੧੪੮੩॥ इन न्रिप मन मै त्रास न कीनो ॥१४८३॥ |
|
|
|
|
Dasam Granth |