ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 429 ਤਬ ਹਰਿ ਰਿਸਿ ਕੈ ਕਰਿ ਲਯੋ; ਰਾਛਸ ਅਸਤ੍ਰ ਸੰਧਾਨ ॥ तब हरि रिसि कै करि लयो; राछस असत्र संधान ॥ ਮੰਤ੍ਰਨ ਸਿਉ ਅਭਿਮੰਤ੍ਰ ਕਰਿ; ਛਾਡਿਓ ਅਦਭੁਤ ਬਾਨ ॥੧੪੬੨॥ मंत्रन सिउ अभिमंत्र करि; छाडिओ अदभुत बान ॥१४६२॥ ਸਵੈਯਾ ॥ सवैया ॥ ਦੈਤ ਅਨੇਕ ਭਏ ਤਿਹ ਤੇ; ਬਲਵੰਡ ਕੁਰੂਪ ਭਯਾਨਕ ਕੀਨੇ ॥ दैत अनेक भए तिह ते; बलवंड कुरूप भयानक कीने ॥ ਚਕ੍ਰ ਧਰੇ ਜਮਦਾਰ ਛੁਰੀ; ਅਸਿ ਢਾਲ ਗਦਾ ਬਰਛੀ ਕਰਿ ਲੀਨੇ ॥ चक्र धरे जमदार छुरी; असि ढाल गदा बरछी करि लीने ॥ ਮੂਸਲ ਔਰ ਪਹਾਰ ਉਖਾਰਿ; ਲੀਏ ਕਰ ਮੈ ਦ੍ਰੁਮ ਪਾਤਿ ਬਿਹੀਨੇ ॥ मूसल और पहार उखारि; लीए कर मै द्रुम पाति बिहीने ॥ ਦਾਂਤਿ ਬਢਾਇ ਕੈ, ਨੈਨ ਤਚਾਇ ਕੈ; ਆਇ ਕੈ ਭੂਪਤਿ ਕੋ ਭਯ ਦੀਨੇ ॥੧੪੬੩॥ दांति बढाइ कै, नैन तचाइ कै; आइ कै भूपति को भय दीने ॥१४६३॥ ਕੇਸ ਬਡੇ ਸਿਰਿ ਬੇਸ ਬੁਰੇ; ਅਰੁ ਦੇਹ ਮੈ ਰੋਮ ਬਡੇ ਜਿਨ ਕੇ ॥ केस बडे सिरि बेस बुरे; अरु देह मै रोम बडे जिन के ॥ ਮੁਖ ਸੋ ਨਰ ਹਾਡਨ ਚਾਬਤ ਹੈ ਪੁਨਿ; ਦਾਂਤ ਸੇ ਦਾਂਤ ਬਜੇ ਤਿਨ ਕੇ ॥ मुख सो नर हाडन चाबत है पुनि; दांत से दांत बजे तिन के ॥ ਸਰ ਸ੍ਰਉਨਤ ਕੇ ਅਖੀਆਂ ਜਿਨ ਕੀ; ਸੰਗ ਕੌਨ ਭਿਰੈ ਬਲ ਕੈ ਇਨ ਕੇ? ॥ सर स्रउनत के अखीआं जिन की; संग कौन भिरै बल कै इन के? ॥ ਸਰ ਚਾਂਪ ਚਢਾਇ ਕੈ ਰੈਨ ਫਿਰੈ; ਸਬ ਕਾਮ ਕਰੈ ਨਿਤ ਪਾਪਨ ਕੇ ॥੧੪੬੪॥ सर चांप चढाइ कै रैन फिरै; सब काम करै नित पापन के ॥१४६४॥ ਧਾਇ ਪਰੇ ਮਿਲ ਕੈ ਉਤ ਰਾਛਸ; ਭੂਪ ਇਤੇ ਥਿਰ ਠਾਂਢੋ ਰਹਿਓ ਹੈ ॥ धाइ परे मिल कै उत राछस; भूप इते थिर ठांढो रहिओ है ॥ ਡਾਢ ਸੁ ਕੈ ਅਪਨੇ ਮਨ ਕੋ ਰਿਸਿ; ਸਤ੍ਰਨ ਕੋ ਇਹ ਭਾਂਤਿ ਕਹਿਓ ਹੈ ॥ डाढ सु कै अपने मन को रिसि; सत्रन को इह भांति कहिओ है ॥ ਆਜ ਸਬੈ ਹਨਿ ਹੋ ਰਨ ਮੈ; ਕਹਿ ਯੌ ਬਤੀਯਾ, ਧਨੁ ਬਾਨ ਗਹਿਓ ਹੈ ॥ आज सबै हनि हो रन मै; कहि यौ बतीया, धनु बान गहिओ है ॥ ਯੌ ਨ੍ਰਿਪ ਕੋ ਅਤਿ ਧੀਰਜ ਪੇਖ ਕੈ; ਦਾਨਵ ਕੋ ਦਲ ਰੀਝਿ ਰਹਿਓ ਹੈ ॥੧੪੬੫॥ यौ न्रिप को अति धीरज पेख कै; दानव को दल रीझि रहिओ है ॥१४६५॥ ਤਾਨਿ ਕਮਾਨ ਮਹਾ ਬਲਵਾਨ; ਸੁ ਸਤ੍ਰਨ ਕੋ ਬਹੁ ਬਾਨ ਚਲਾਏ ॥ तानि कमान महा बलवान; सु सत्रन को बहु बान चलाए ॥ ਏਕਨ ਕੀ ਭੁਜ ਕਾਟਿ ਦਈ; ਰਿਸਿ ਏਕਨ ਕੇ ਉਰ ਮੈ ਸਰ ਲਾਏ ॥ एकन की भुज काटि दई; रिसि एकन के उर मै सर लाए ॥ ਘਾਇਲ ਏਕ ਗਿਰੇ ਰਨ ਮੋ ਲਖਿ; ਕਾਇਰ ਛਾਡਿ ਕੈ ਖੇਤ ਪਰਾਏ ॥ घाइल एक गिरे रन मो लखि; काइर छाडि कै खेत पराए ॥ ਏਕ ਮਹਾ ਬਲਵੰਤ ਦਯੰਤ; ਰਹੇ ਥਿਰ ਹ੍ਵੈ, ਤਿਨ ਬੈਨ ਸੁਨਾਏ ॥੧੪੬੬॥ एक महा बलवंत दयंत; रहे थिर ह्वै, तिन बैन सुनाए ॥१४६६॥ ਕਾਹੇ ਕੋ ਜੂਝ ਕਰੇ? ਸੁਨ ਰੇ ਨ੍ਰਿਪ ! ਤੋਹੂ ਕੋ ਜੀਵਤ ਜਾਨ ਨ ਦੈ ਹੈ ॥ काहे को जूझ करे? सुन रे न्रिप ! तोहू को जीवत जान न दै है ॥ ਦੀਰਘ ਦੇਹ ਸਲੋਨੀ ਸੀ ਮੂਰਤਿ; ਤੋ ਸਮ ਭਛ ਕਹਾ ਹਮ ਪੈ ਹੈ? ॥ दीरघ देह सलोनी सी मूरति; तो सम भछ कहा हम पै है? ॥ ਤੂ ਨਹੀ ਜਾਨਤ ਹੈ ਸੁਨ ਰੇ ਸਠ ! ਤੋ ਕਹੁ ਦਾਤਨ ਸਾਥ ਚਬੈ ਹੈ ॥ तू नही जानत है सुन रे सठ ! तो कहु दातन साथ चबै है ॥ ਤੋਹੀ ਕੇ ਮਾਸ ਕੇ ਖੰਡਨ ਖੰਡ ਕੈ; ਪਾਵਕ ਬਾਨ ਮੈ ਭੁੰਜ ਕੈ ਖੈ ਹੈ ॥੧੪੬੭॥ तोही के मास के खंडन खंड कै; पावक बान मै भुंज कै खै है ॥१४६७॥ ਦੋਹਰਾ ॥ दोहरा ॥ ਯੌ ਸੁਨ ਕੈ ਤਿਹ ਬੈਨ ਕੋ; ਨ੍ਰਿਪ ਬੋਲਿਓ ਰਿਸ ਖਾਇ ॥ यौ सुन कै तिह बैन को; न्रिप बोलिओ रिस खाइ ॥ ਜੋ ਹਮ ਤੇ ਭਜਿ ਜਾਇ; ਤਿਹ, ਮਾਤਾ ਦੂਧ ਅਪਾਇ ॥੧੪੬੮॥ जो हम ते भजि जाइ; तिह, माता दूध अपाइ ॥१४६८॥ ਏਕੁ ਬੈਨ ਸੁਨਿ ਦਾਨਵੀ; ਸੈਨ ਪਰੀ ਸਬ ਧਾਇ ॥ एकु बैन सुनि दानवी; सैन परी सब धाइ ॥ ਚਹੂੰ ਓਰ ਘੇਰਿਓ ਨ੍ਰਿਪਤਿ; ਖੇਤ ਬਾਰ ਕੀ ਨਿਆਇ ॥੧੪੬੯॥ चहूं ओर घेरिओ न्रिपति; खेत बार की निआइ ॥१४६९॥ ਚੌਪਈ ॥ चौपई ॥ ਅਸੁਰਨ ਘੇਰ ਖੜਗ ਸਿੰਘ ਲੀਨੋ ॥ असुरन घेर खड़ग सिंघ लीनो ॥ ਤਬ ਨ੍ਰਿਪ ਕੋਪ ਘਨੋ ਮਨਿ ਕੀਨੋ ॥ तब न्रिप कोप घनो मनि कीनो ॥ ਧਨੁਖ ਬਾਨ ਕਰ ਬੀਚ ਸੰਭਾਰੇ ॥ धनुख बान कर बीच स्मभारे ॥ ਸਤ੍ਰ ਅਨੇਕ ਮਾਰ ਹੀ ਡਾਰੈ ॥੧੪੭੦॥ सत्र अनेक मार ही डारै ॥१४७०॥ ਕ੍ਰੂਰ ਕਰਮ ਇਕ ਰਾਛਸ ਨਾਮਾ ॥ क्रूर करम इक राछस नामा ॥ ਜਿਨ ਜੀਤੇ ਆਗੇ ਸੰਗ੍ਰਾਮਾ ॥ जिन जीते आगे संग्रामा ॥ ਸੋ ਤਬ ਹੀ ਨ੍ਰਿਪ ਸਾਮੁਹੇ ਗਯੋ ॥ सो तब ही न्रिप सामुहे गयो ॥ ਅਤਿ ਹੀ ਜੂਝ ਦੁਹੁਨ ਕੋ ਭਯੋ ॥੧੪੭੧॥ अति ही जूझ दुहुन को भयो ॥१४७१॥ |
|
|
|
|
Dasam Granth |