ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 423 ਬਾਨਨ ਸੰਗਿ ਸੁ ਮਾਰਿ ਕੈ ਸਤ੍ਰਨ; ਰਾਮ ਭਨੇ ਅਸਿ ਸੋ ਪੁਨਿ ਮਾਰਿਓ ॥ बानन संगि सु मारि कै सत्रन; राम भने असि सो पुनि मारिओ ॥ ਸ੍ਰਉਨ ਸਮੂਹ ਪਰਿਓ ਤਿਹ ਤੇ; ਧਰਿ ਪ੍ਰਾਨ ਬਿਨਾ ਕਰਿ, ਭੂ ਪਰ ਡਾਰਿਓ ॥ स्रउन समूह परिओ तिह ते; धरि प्रान बिना करि, भू पर डारिओ ॥ ਤਾ ਛਬਿ ਕੀ ਉਪਮਾ ਲਖਿ ਕੈ; ਕਬਿ ਨੇ ਮੁਖਿ ਤੇ ਇਹ ਭਾਂਤਿ ਉਚਾਰਿਓ ॥ ता छबि की उपमा लखि कै; कबि ने मुखि ते इह भांति उचारिओ ॥ ਖਗ ਲਗਿਯੋ ਤਿਹ ਕੋ ਨਹੀ ਮਾਨਹੁ; ਲੈ ਕਰ ਮੈ ਜਮ ਦੰਡ ਪ੍ਰਹਾਰਿਓ ॥੧੪੧੨॥ खग लगियो तिह को नही मानहु; लै कर मै जम दंड प्रहारिओ ॥१४१२॥ ਰਾਛਸ ਮਾਰਿ ਲਯੋ ਜਬ ਹੀ; ਤਬ ਰਾਛਸ ਕੋ ਰਿਸ ਕੈ ਦਲੁ ਧਾਯੋ ॥ राछस मारि लयो जब ही; तब राछस को रिस कै दलु धायो ॥ ਆਵਤ ਹੀ ਕਬਿ ਸ੍ਯਾਮ ਕਹੈ; ਬਿਬਿਧਾਯੁਧ ਲੈ ਅਤਿ ਜੁਧੁ ਮਚਾਯੋ ॥ आवत ही कबि स्याम कहै; बिबिधायुध लै अति जुधु मचायो ॥ ਦੈਤ ਘਨੇ ਤਹ ਘਾਇਲ ਹੈ; ਬਹੁ ਘਾਇਨ ਸੋ ਖੜਗੇਸਹਿ ਘਾਯੋ ॥ दैत घने तह घाइल है; बहु घाइन सो खड़गेसहि घायो ॥ ਸੋ ਸਹਿ ਕੈ ਅਸਿ ਕੋ ਗਹਿ ਕੈ; ਨ੍ਰਿਪ ਜੁਧ ਕੀਯੋ, ਨਹੀ ਘਾਉ ਜਤਾਯੋ ॥੧੪੧੩॥ सो सहि कै असि को गहि कै; न्रिप जुध कीयो, नही घाउ जतायो ॥१४१३॥ ਧਾਇ ਪਰੇ ਸਬ ਰਾਛਸਿ ਯਾ ਪਰ; ਹੈ ਤਿਨ ਕੈ ਮਨਿ ਕੋਪੁ ਬਢਿਓ ॥ धाइ परे सब राछसि या पर; है तिन कै मनि कोपु बढिओ ॥ ਗਹਿ ਬਾਨ ਕਮਾਨ ਗਦਾ ਬਰਛੀ; ਤਿਨ ਮਿਆਨਹੁ ਤੇ ਕਰਵਾਰ ਕਢਿਓ ॥ गहि बान कमान गदा बरछी; तिन मिआनहु ते करवार कढिओ ॥ ਸਬ ਦਾਨਵ ਤੇਜ ਪ੍ਰਚੰਡ ਕੀਯੋ; ਰਿਸ ਪਾਵਕ ਮੈ ਤਿਨ ਅੰਗ ਡਢਿਓ ॥ सब दानव तेज प्रचंड कीयो; रिस पावक मै तिन अंग डढिओ ॥ ਇਹ ਭਾਂਤਿ ਪ੍ਰਹਾਰਤ ਹੈ ਨ੍ਰਿਪ ਕਉ; ਤਨ ਕੰਚਨ ਮਾਨੋ ਸੁਨਾਰ ਗਢਿਓ ॥੧੪੧੪॥ इह भांति प्रहारत है न्रिप कउ; तन कंचन मानो सुनार गढिओ ॥१४१४॥ ਜਿਨ ਹੂੰ ਨ੍ਰਿਪ ਕੇ ਸੰਗਿ ਜੁਧ ਕੀਯੋ; ਸੁ ਸਬੈ ਇਨ ਹੂੰ ਹਤਿ ਕੈ ਤਬ ਦੀਨੇ ॥ जिन हूं न्रिप के संगि जुध कीयो; सु सबै इन हूं हति कै तब दीने ॥ ਅਉਰ ਜਿਤੇ ਅਰਿ ਜੀਤ ਬਚੈ; ਤਿਨ ਕੇ ਬਧ ਕਉ ਕਰਿ ਆਯੁਧ ਲੀਨੇ ॥ अउर जिते अरि जीत बचै; तिन के बध कउ करि आयुध लीने ॥ ਤਉ ਇਨ ਭੂਪ ਸਰਾਸਨ ਲੈ; ਕੀਏ ਸਤ੍ਰਨ ਕੇ ਤਨ ਮੁੰਡਨ ਹੀਨੇ ॥ तउ इन भूप सरासन लै; कीए सत्रन के तन मुंडन हीने ॥ ਜੋ ਨ ਡਰੇ, ਸੁ ਲਰੇ ਪੁਨਿ ਧਾਇ; ਨਿਦਾਨ ਵਹੀ ਨ੍ਰਿਪ ਖੰਡਨ ਕੀਨੇ ॥੧੪੧੫॥ जो न डरे, सु लरे पुनि धाइ; निदान वही न्रिप खंडन कीने ॥१४१५॥ ਬੀਰ ਬਡੋ ਇਕ ਦੈਤ ਹੁਤੋ; ਤਿਨਿ ਕੋਪ ਕੀਯੋ ਅਤਿ ਹੀ ਮਨ ਮੈ ॥ बीर बडो इक दैत हुतो; तिनि कोप कीयो अति ही मन मै ॥ ਇਹ ਭਾਂਤਿ ਸੋ ਭੂਪ ਕਉ ਬਾਨ ਹਨੇ; ਸਬ ਫੋਕਨ ਲਉ ਗਡਗੇ ਤਨ ਮੈ ॥ इह भांति सो भूप कउ बान हने; सब फोकन लउ गडगे तन मै ॥ ਤਬ ਭੂਪਤਿ ਸਾਂਗ ਹਨੀ ਰਿਪੁ ਕੋ; ਧਸ ਗੀ ਉਰਿ ਜਿਉ ਚਪਲਾ ਘਨ ਮੈ ॥ तब भूपति सांग हनी रिपु को; धस गी उरि जिउ चपला घन मै ॥ ਸੁ ਮਨੋ ਉਰਗੇਸ ਖਗੇਸ ਕੇ ਤ੍ਰਾਸ ਤੇ; ਧਾਇ ਕੈ ਜਾਇ ਦੁਰਿਓ ਬਨ ਮੈ ॥੧੪੧੬॥ सु मनो उरगेस खगेस के त्रास ते; धाइ कै जाइ दुरिओ बन मै ॥१४१६॥ ਲਾਗਤ ਸਾਂਗ ਕੈ ਪ੍ਰਾਨ ਤਜੇ; ਤਿਹ ਅਉਰ ਹੁਤੋ ਤਿਹ ਕੋ ਅਸਿ ਝਾਰਿਓ ॥ लागत सांग कै प्रान तजे; तिह अउर हुतो तिह को असि झारिओ ॥ ਕੋਪ ਅਯੋਧਨ ਮੈ ਖੜਗੇਸ; ਕਹੈ ਕਬਿ ਰਾਮ ਮਹਾ ਬਲ ਧਾਰਿਓ ॥ कोप अयोधन मै खड़गेस; कहै कबि राम महा बल धारिओ ॥ ਰਾਛਸ ਤੀਸ ਰਹੋ ਤਿਹ ਠਾਂ; ਤਿਹ ਕੋ ਤਬ ਹੀ ਤਿਹ ਠਉਰ ਸੰਘਾਰਿਓ ॥ राछस तीस रहो तिह ठां; तिह को तब ही तिह ठउर संघारिओ ॥ ਪ੍ਰਾਨ ਬਿਨਾ ਇਹ ਭਾਂਤਿ ਪਰਿਓ; ਮਘਵਾ ਮਨੋ ਬਜ੍ਰ ਭਏ ਨਗੁ ਮਾਰਿਓ ॥੧੪੧੭॥ प्रान बिना इह भांति परिओ; मघवा मनो बज्र भए नगु मारिओ ॥१४१७॥ ਕਬਿਤੁ ॥ कबितु ॥ ਕੇਤੇ ਰਾਛਸਨ ਹੂੰ ਕੀ ਭੁਜਨ ਕਉ ਕਾਟਿ ਦਯੋ; ਕੇਤੇ ਸਿਰ ਸਤ੍ਰਨ ਕੇ ਖੰਡਨ ਕਰਤ ਹੈ ॥ केते राछसन हूं की भुजन कउ काटि दयो; केते सिर सत्रन के खंडन करत है ॥ ਕੇਤੇ ਭਾਜਿ ਗਏ ਅਰਿ ਕੇਤੇ ਮਾਰਿ ਲਏ ਬੀਰ; ਰਨ ਹੂੰ ਕੀ ਭੂਮਿ ਹੂੰ ਤੇ ਪੈਗੁ ਨ ਟਰਤ ਹੈ ॥ केते भाजि गए अरि केते मारि लए बीर; रन हूं की भूमि हूं ते पैगु न टरत है ॥ ਸੈਥੀ ਜਮਦਾਰ ਲੈ ਸਰਾਸਨ ਗਦਾ ਤ੍ਰਿਸੂਲ; ਦੁਜਨ ਕੀ ਸੈਨਾ ਬੀਚ ਐਸੇ ਬਿਚਰਤ ਹੈ ॥ सैथी जमदार लै सरासन गदा त्रिसूल; दुजन की सैना बीच ऐसे बिचरत है ॥ ਆਗੇ ਹੁਇ ਲਰਤ ਪਗ ਪਾਛੇ ਨ ਕਰਤ ਡਗ; ਕਬੂੰ ਦੇਖੀਯਤ, ਕਬੂੰ ਦੇਖਿਓ ਨ ਪਰਤ ਹੈ ॥੧੪੧੮॥ आगे हुइ लरत पग पाछे न करत डग; कबूं देखीयत, कबूं देखिओ न परत है ॥१४१८॥ |
|
|
|
|
Dasam Granth |