ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 421 ਸਵੈਯਾ ॥ सवैया ॥ ਭੂਪ ਦਸੋ ਰਿਸਿ ਕੈ ਕਬਿ ਸ੍ਯਾਮ; ਕਹੈ ਖੜਗੇਸ ਕੇ ਊਪਰ ਧਾਏ ॥ भूप दसो रिसि कै कबि स्याम; कहै खड़गेस के ऊपर धाए ॥ ਆਵਤ ਹੀ ਬਲਿ ਕੈ ਧਨੁ ਲੈ ਸੁ; ਨਿਖੰਗਨ ਤੇ ਬਹੁ ਬਾਨ ਚਲਾਏ ॥ आवत ही बलि कै धनु लै सु; निखंगन ते बहु बान चलाए ॥ ਬਾਜ ਹਨੇ ਸਤਿ ਦੁਇ ਅਰੁ ਗੈ ਸਤਿ; ਤ੍ਰੈ ਸਤਿ ਬੀਰ ਮਹਾ ਤਬ ਘਾਏ ॥ बाज हने सति दुइ अरु गै सति; त्रै सति बीर महा तब घाए ॥ ਬੀਸ ਰਥੀ ਅਉ ਮਹਾਰਥਿ ਤੀਸ; ਅਯੋਧਨ ਮੈ ਜਮਲੋਕਿ ਪਠਾਏ ॥੧੩੯੫॥ बीस रथी अउ महारथि तीस; अयोधन मै जमलोकि पठाए ॥१३९५॥ ਪੁਨਿ ਧਾਇ ਹਨੇ ਸਤਿ ਗੈ, ਹਯ ਦੁਇ ਸਤਿ; ਅਯੁਤ ਪਦਾਤ ਹਨੇ ਰਨ ਮੈ ॥ पुनि धाइ हने सति गै, हय दुइ सति; अयुत पदात हने रन मै ॥ ਸੁ ਮਹਾਰਥੀ ਅਉਰ ਪਚਾਸ ਹਨੇ; ਕਬਿ ਸ੍ਯਾਮ ਕਹੈ ਸੁ ਤਹੀ ਛਿਨ ਮੈ ॥ सु महारथी अउर पचास हने; कबि स्याम कहै सु तही छिन मै ॥ ਦਸ ਹੂੰ ਨ੍ਰਿਪ ਕੀ ਬਹੁ ਸੈਨ ਭਜੀ; ਲਖਿ ਜਿਉ ਮ੍ਰਿਗ ਕੇਹਰਿ ਕਉ ਬਨ ਮੈ ॥ दस हूं न्रिप की बहु सैन भजी; लखि जिउ म्रिग केहरि कउ बन मै ॥ ਤਿਹ ਸੰਘਰ ਮੈ ਖੜਗੇਸ ਬਲੀ; ਰੁਪਿ ਠਾਂਢੋ ਰਹਿਓ ਰਿਸ ਕੈ ਮਨ ਮੈ ॥੧੩੯੬॥ तिह संघर मै खड़गेस बली; रुपि ठांढो रहिओ रिस कै मन मै ॥१३९६॥ ਕਬਿਤੁ ॥ कबितु ॥ ਦਸੋ ਭੂਪ ਰਨ ਪਾਰਿਯੋ, ਸੈਨ ਕਉ ਬਿਪਤ ਡਾਰਿਓ; ਬੀਰ ਪ੍ਰਨ ਧਾਰਿਓ, ਨ ਡਰੈ ਹੈ ਕਾਹੂੰ ਆਨ ਸੋ ॥ दसो भूप रन पारियो, सैन कउ बिपत डारिओ; बीर प्रन धारिओ, न डरै है काहूं आन सो ॥ ਏ ਈ ਦਸ ਭੂਪਤਿ, ਰਿਸਾਇ ਸਮੁਹਾਇ ਗਏ; ਉਤ ਆਇ ਸਉਹੇ ਭਯੋ, ਮਹਾ ਸੂਰ ਮਾਨ ਸੋ ॥ ए ई दस भूपति, रिसाइ समुहाइ गए; उत आइ सउहे भयो, महा सूर मान सो ॥ ਕਹੈ ਕਬਿ ਸ੍ਯਾਮ, ਅਤਿ ਕ੍ਰੁਧ ਹੁਇ ਖੜਗ ਸਿੰਘ; ਤਾਨ ਕੈ ਕਮਾਨ ਕੋ, ਲਗਾਈ ਜਿਹ ਕਾਨ ਸੋ ॥ कहै कबि स्याम, अति क्रुध हुइ खड़ग सिंघ; तान कै कमान को, लगाई जिह कान सो ॥ ਗਜਰਾਜ ਭਾਰੇ, ਅਰੁ ਜੁਧ ਕੇ ਕਰਾਰੇ; ਦਸੋ ਮਾਰਿ ਡਾਰੇ, ਤਿਨ ਦਸ ਦਸ ਬਾਨ ਸੋ ॥੧੩੯੭॥ गजराज भारे, अरु जुध के करारे; दसो मारि डारे, तिन दस दस बान सो ॥१३९७॥ ਦੋਹਰਾ ॥ दोहरा ॥ ਪਾਚ ਬੀਰ ਜਦੁਬੀਰ ਕੇ; ਗਏ ਸੁ ਅਰਿ ਪਰ ਦਉਰਿ ॥ पाच बीर जदुबीर के; गए सु अरि पर दउरि ॥ ਛਕਤ ਸਿੰਘ ਅਰੁ ਛਤ੍ਰ ਸਿੰਘ; ਛੋਹ ਸਿੰਘ, ਸਿੰਘ ਗਉਰ ॥੧੩੯੮॥ छकत सिंघ अरु छत्र सिंघ; छोह सिंघ, सिंघ गउर ॥१३९८॥ ਸੋਰਠਾ ॥ सोरठा ॥ ਛਲਬਲ ਸਿੰਘ ਜਿਹ ਨਾਮ; ਮਹਾਬੀਰ ਬਲ ਬੀਰ ਕੋ ॥ छलबल सिंघ जिह नाम; महाबीर बल बीर को ॥ ਲਏ ਖੜਗ ਕਰਿ ਚਾਮ; ਖੜਗ ਸਿੰਘ ਪਰ ਸੋ ਚਲਿਓ ॥੧੩੯੯॥ लए खड़ग करि चाम; खड़ग सिंघ पर सो चलिओ ॥१३९९॥ ਚੌਪਈ ॥ चौपई ॥ ਜਬ ਹੀ ਪਾਚ ਬੀਰ ਮਿਲਿ ਧਾਏ ॥ जब ही पाच बीर मिलि धाए ॥ ਖੜਗ ਸਿੰਘ ਕੇ ਊਪਰ ਆਏ ॥ खड़ग सिंघ के ऊपर आए ॥ ਖੜਗ ਸਿੰਘ ਤਬ ਸਸਤ੍ਰ ਸੰਭਾਰੇ ॥ खड़ग सिंघ तब ससत्र स्मभारे ॥ ਸਬ ਹੀ ਪ੍ਰਾਨ ਬਿਨਾ ਕਰਿ ਡਾਰੇ ॥੧੪੦੦॥ सब ही प्रान बिना करि डारे ॥१४००॥ ਦੋਹਰਾ ॥ दोहरा ॥ ਦੁਆਦਸ ਜੋਧੇ ਕ੍ਰਿਸਨ ਕੇ; ਅਤਿ ਬਲਬੰਡ ਅਖੰਡ ॥ दुआदस जोधे क्रिसन के; अति बलबंड अखंड ॥ ਜੀਤ ਲਯੋ ਹੈ ਜਗਤ ਜਿਨ; ਬਲ ਕਰਿ ਭੁਜਾ ਪ੍ਰਚੰਡ ॥੧੪੦੧॥ जीत लयो है जगत जिन; बल करि भुजा प्रचंड ॥१४०१॥ ਸਵੈਯਾ ॥ सवैया ॥ ਬਾਲਮ ਸਿੰਘ ਮਹਾਮਤਿ ਸਿੰਘ; ਜਗਾਜਤ ਸਿੰਘ ਲਏ ਅਸਿ ਧਾਯੋ ॥ बालम सिंघ महामति सिंघ; जगाजत सिंघ लए असि धायो ॥ ਸਿੰਘ ਧਨੇਸ ਕ੍ਰਿਪਾਵਤ ਸਿੰਘ; ਸੁ ਜੋਬਨ ਸਿੰਘ ਮਹਾ ਬਰ ਪਾਯੋ ॥ सिंघ धनेस क्रिपावत सिंघ; सु जोबन सिंघ महा बर पायो ॥ ਜੀਵਨ ਸਿੰਘ ਚਲਿਯੋ ਜਗ ਸਿੰਘ; ਸਦਾ ਸਿੰਘ ਲੈ ਜਸ ਸਿੰਘ ਰਿਸਾਯੋ ॥ जीवन सिंघ चलियो जग सिंघ; सदा सिंघ लै जस सिंघ रिसायो ॥ ਬੀਰਮ ਸਿੰਘ ਲਏ ਸਕਤੀ; ਕਰ ਮੈ ਖੜਗੇਸ ਸੋ ਜੁਧੁ ਮਚਾਯੋ ॥੧੪੦੨॥ बीरम सिंघ लए सकती; कर मै खड़गेस सो जुधु मचायो ॥१४०२॥ ਦੋਹਰਾ ॥ दोहरा ॥ ਮੋਹਨ ਸਿੰਘ ਜਿਹਿ ਨਾਮ ਭਟ; ਸੋਊ ਭਯੋ ਤਿਨ ਸੰਗਿ ॥ मोहन सिंघ जिहि नाम भट; सोऊ भयो तिन संगि ॥ ਸਸਤ੍ਰ ਧਾਰਿ ਕਰ ਮੈ ਲੀਏ; ਸਾਜਿਯੋ ਕਵਚ ਨਿਖੰਗ ॥੧੪੦੩॥ ससत्र धारि कर मै लीए; साजियो कवच निखंग ॥१४०३॥ ਸਵੈਯਾ ॥ सवैया ॥ ਖੜਗੇਸ ਬਲੀ ਕਹੁ ਰਾਮ ਭਨੈ; ਸਭ ਭੂਪਨ ਬਾਨ ਪ੍ਰਹਾਰ ਕਰਿਓ ਹੈ ॥ खड़गेस बली कहु राम भनै; सभ भूपन बान प्रहार करिओ है ॥ ਠਾਂਢੋ ਰਹਿਓ ਦ੍ਰਿੜ ਭੂ ਪਰ ਮੇਰੁ ਸੋ; ਆਹਵ ਤੇ ਨਹੀ ਨੈਕੁ ਡਰਿਓ ਹੈ ॥ ठांढो रहिओ द्रिड़ भू पर मेरु सो; आहव ते नही नैकु डरिओ है ॥ ਕੋਪ ਸਿਉ ਓਪ ਬਢੀ ਤਿਹ ਆਨਨ; ਤਾ ਛਬਿ ਕੋ ਕਬਿ ਭਾਉ ਧਰਿਓ ਹੈ ॥ कोप सिउ ओप बढी तिह आनन; ता छबि को कबि भाउ धरिओ है ॥ ਰੋਸਿ ਕੀ ਆਗ ਪ੍ਰਚੰਡ ਭਈ; ਸਰ ਪੁੰਜ ਛੁਟੇ ਮਾਨੋ ਘੀਉ ਪਰਿਓ ਹੈ ॥੧੪੦੪॥ रोसि की आग प्रचंड भई; सर पुंज छुटे मानो घीउ परिओ है ॥१४०४॥ |
|
|
|
|
Dasam Granth |