ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 420 ਸਵੈਯਾ ॥ सवैया ॥ ਬਾਨ ਚਲੇ ਤੇਈ ਕੁੰਕਮ ਮਾਨਹੁ; ਮੂਠ ਗੁਲਾਲ ਕੀ ਸਾਂਗ ਪ੍ਰਹਾਰੀ ॥ बान चले तेई कुंकम मानहु; मूठ गुलाल की सांग प्रहारी ॥ ਢਾਲ ਮਨੋ ਡਫ ਮਾਲ ਬਨੀ; ਹਥ ਨਾਲ ਬੰਦੂਕ ਛੁਟੇ ਪਿਚਕਾਰੀ ॥ ढाल मनो डफ माल बनी; हथ नाल बंदूक छुटे पिचकारी ॥ ਸ੍ਰਉਨ ਭਰੇ ਪਟ ਬੀਰਨ ਕੇ; ਉਪਮਾ ਜਨੁ ਘੋਰ ਕੈ ਕੇਸਰ ਡਾਰੀ ॥ स्रउन भरे पट बीरन के; उपमा जनु घोर कै केसर डारी ॥ ਖੇਲਤ ਫਾਗੁ ਕਿ ਬੀਰ ਲਰੈ; ਨਵਲਾਸੀ ਲੀਏ ਕਰਵਾਰ ਕਟਾਰੀ ॥੧੩੮੫॥ खेलत फागु कि बीर लरै; नवलासी लीए करवार कटारी ॥१३८५॥ ਦੋਹਰਾ ॥ दोहरा ॥ ਖੜਗ ਸਿੰਘ ਅਤਿ ਲਰਤ ਹੈ; ਰਸ ਰੁਦ੍ਰਹਿ ਅਨੁਰਾਗਿ ॥ खड़ग सिंघ अति लरत है; रस रुद्रहि अनुरागि ॥ ਰਨ ਚੰਚਲਤਾ ਬਹੁ ਕਰਤ; ਜਨ ਨਟੂਆ ਬਡਭਾਗਿ ॥੧੩੮੬॥ रन चंचलता बहु करत; जन नटूआ बडभागि ॥१३८६॥ ਸਵੈਯਾ ॥ सवैया ॥ ਸਾਰਥੀ ਆਪਨੇ ਸੋ ਕਹਿ ਕੈ; ਸੁ ਧਵਾਇ ਤਹੀ ਰਥ ਜੁਧੁ ਮਚਾਵੈ ॥ सारथी आपने सो कहि कै; सु धवाइ तही रथ जुधु मचावै ॥ ਸਸਤ੍ਰ ਪ੍ਰਹਾਰਤ ਸੂਰਨ ਪੈ; ਕਰਿ ਹਾਥਨ ਕੋ ਅਰਥਾਵ ਦਿਖਾਵੈ ॥ ससत्र प्रहारत सूरन पै; करि हाथन को अरथाव दिखावै ॥ ਦੁੰਦਭਿ ਢੋਲ ਮ੍ਰਿਦੰਗ ਬਜੈ; ਕਰਵਾਰ ਕਟਾਰਨ ਤਾਲ ਬਜਾਵੈ ॥ दुंदभि ढोल म्रिदंग बजै; करवार कटारन ताल बजावै ॥ ਮਾਰ ਹੀ ਮਾਰ ਉਚਾਰ ਕਰੈ ਮੁਖਿ; ਯੌ ਕਰਿ ਨ੍ਰਿਤ ਅਉ ਗਾਨ ਸੁਨਾਵੈ ॥੧੩੮੭॥ मार ही मार उचार करै मुखि; यौ करि न्रित अउ गान सुनावै ॥१३८७॥ ਮਾਰ ਹੀ ਮਾਰ ਅਲਾਪ ਉਚਾਰਤ; ਦੁੰਦਭਿ ਢੋਲ ਮ੍ਰਿਦੰਗ ਅਪਾਰਾ ॥ मार ही मार अलाप उचारत; दुंदभि ढोल म्रिदंग अपारा ॥ ਸਤ੍ਰਨ ਕੇ ਸਿਰ ਅਤ੍ਰ ਤਰਾਕ; ਲਗੈ ਤਿਹਿ ਤਾਲਨ ਕੋ ਠਨਕਾਰਾ ॥ सत्रन के सिर अत्र तराक; लगै तिहि तालन को ठनकारा ॥ ਜੂਝਿ ਗਿਰੇ ਧਰਿ ਰੀਝ ਕੈ ਦੇਤ ਹੈ; ਪ੍ਰਾਨਨ ਦਾਨ ਬਡੇ ਰਿਝਿਵਾਰਾ ॥ जूझि गिरे धरि रीझ कै देत है; प्रानन दान बडे रिझिवारा ॥ ਨਿਰਤ ਕਰੈ ਨਟ ਕੋਪ ਲਰੈ; ਭਟ ਜੁਧ ਕੀ ਠਉਰ ਕਿ ਨ੍ਰਿਤ ਅਖਾਰਾ ॥੧੩੮੮॥ निरत करै नट कोप लरै; भट जुध की ठउर कि न्रित अखारा ॥१३८८॥ ਰਨ ਭੂਮਿ ਭਈ ਰੰਗ ਭੂਮਿ ਮਨੋ; ਧੁਨਿ ਦੁੰਦਭਿ ਬਾਜੇ ਮ੍ਰਿਦੰਗ ਹੀਯੋ ॥ रन भूमि भई रंग भूमि मनो; धुनि दुंदभि बाजे म्रिदंग हीयो ॥ ਸਿਰ ਸਤ੍ਰਨ ਕੇ ਪਰ ਅਤ੍ਰ ਲਗੈ; ਤਤਕਾਰ ਤਰਾਕਨਿ ਤਾਲ ਲੀਯੋ ॥ सिर सत्रन के पर अत्र लगै; ततकार तराकनि ताल लीयो ॥ ਅਸਿ ਲਾਗਤ ਝੂਮਿ ਗਿਰੈ ਮਰਿ ਕੈ; ਭਟ ਪ੍ਰਾਨਨ ਮਾਨਹੁ ਦਾਨ ਕੀਯੋ ॥ असि लागत झूमि गिरै मरि कै; भट प्रानन मानहु दान कीयो ॥ ਬਰ ਨ੍ਰਿਤ ਕਰੈ ਕਿ ਲਰੈ ਨਟ ਜ੍ਯੋਂ ਨ੍ਰਿਪ; ਮਾਰ ਹੀ ਮਾਰ ਸੁ ਰਾਗ ਕੀਯੋ ॥੧੩੮੯॥ बर न्रित करै कि लरै नट ज्यों न्रिप; मार ही मार सु राग कीयो ॥१३८९॥ ਦੋਹਰਾ ॥ दोहरा ॥ ਇਤੋ ਜੁਧ ਹਰਿ ਹੇਰਿ ਕੈ; ਸਬਹਨਿ ਕਹਿਯੋ ਸੁਨਾਇ ॥ इतो जुध हरि हेरि कै; सबहनि कहियो सुनाइ ॥ ਕੋ ਭਟ ਲਾਇਕ ਸੈਨ ਮੈ? ਲਰੈ ਜੁ ਯਾ ਸੰਗਿ ਜਾਇ ॥੧੩੯੦॥ को भट लाइक सैन मै? लरै जु या संगि जाइ ॥१३९०॥ ਚੌਪਈ ॥ चौपई ॥ ਘਨ ਸਿੰਘ ਘਾਤ ਸਿੰਘ ਦੋਊ ਜੋਧੇ ॥ घन सिंघ घात सिंघ दोऊ जोधे ॥ ਜਾਤ ਨ ਕਿਸੀ ਸੁਭਟ ਤੇ ਸੋਧੇ ॥ जात न किसी सुभट ते सोधे ॥ ਘਨਸੁਰ ਸਿੰਘ ਘਮੰਡ ਸਿੰਘ ਧਾਏ ॥ घनसुर सिंघ घमंड सिंघ धाए ॥ ਮਾਨਹੁ ਚਾਰੋ ਕਾਲ ਪਠਾਏ ॥੧੩੯੧॥ मानहु चारो काल पठाए ॥१३९१॥ ਤਬ ਤਿਹ ਤਕਿ ਚਹੂੰਅਨ ਸਰ ਮਾਰੇ ॥ तब तिह तकि चहूंअन सर मारे ॥ ਚਾਰੋ, ਪ੍ਰਾਨ ਬਿਨਾ ਕਰਿ ਡਾਰੇ ॥ चारो, प्रान बिना करि डारे ॥ ਸ੍ਯੰਦਨ ਅਸ੍ਵ ਸੂਤ ਸਬ ਘਾਏ ॥ स्यंदन अस्व सूत सब घाए ॥ ਸੈਨ ਸਹਿਤ ਜਮਲੋਕਿ ਪਠਾਏ ॥੧੩੯੨॥ सैन सहित जमलोकि पठाए ॥१३९२॥ ਦੋਹਰਾ ॥ दोहरा ॥ ਚਪਲ ਸਿੰਘ ਅਰੁ ਚਤਰ ਸਿੰਘ; ਚੰਚਲ ਸ੍ਰੀ ਬਲਵਾਨ ॥ चपल सिंघ अरु चतर सिंघ; चंचल स्री बलवान ॥ ਚਿਤ੍ਰ ਸਿੰਘ ਅਰ ਚਉਪ ਸਿੰਘ; ਮਹਾਰਥੀ ਸੁਰ ਗ੍ਯਾਨ ॥੧੩੯੩॥ चित्र सिंघ अर चउप सिंघ; महारथी सुर ग्यान ॥१३९३॥ ਛਤ੍ਰ ਸਿੰਘ ਅਰੁ ਮਾਨ ਸਿੰਘ; ਸਤ੍ਰ ਸਿੰਘ ਬਲਬੰਡ ॥ छत्र सिंघ अरु मान सिंघ; सत्र सिंघ बलबंड ॥ ਸਿੰਘ ਚਮੂੰਪਤਿ ਅਤਿ ਬਲੀ; ਭੁਜ ਬਲਿ ਤਾਹਿ ਅਖੰਡ ॥੧੩੯੪॥ सिंघ चमू्मपति अति बली; भुज बलि ताहि अखंड ॥१३९४॥ |
|
|
|
|
Dasam Granth |