ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 400 ਦੋਹਰਾ ॥ दोहरा ॥ ਅਜਬ ਸਿੰਘ ਕੋ ਸਿਰ ਕਟਿਯੋ; ਹਰਿ ਜੂ ਸਸਤ੍ਰ ਸੰਭਾਰਿ ॥ अजब सिंघ को सिर कटियो; हरि जू ससत्र स्मभारि ॥ ਅਡਰ ਸਿੰਘ ਘਾਇਲ ਕਰਿਓ; ਅਤਿ ਰਨ ਭੂਮਿ ਮਝਾਰਿ ॥੧੨੦੧॥ अडर सिंघ घाइल करिओ; अति रन भूमि मझारि ॥१२०१॥ ਚੌਪਈ ॥ चौपई ॥ ਅਡਰ ਸਿੰਘ ਘਾਇਲ ਜਬ ਭਯੋ ॥ अडर सिंघ घाइल जब भयो ॥ ਅਤਿ ਹੀ ਕੋਪੁ ਜੀਯ ਤਿਹ ਠਯੋ ॥ अति ही कोपु जीय तिह ठयो ॥ ਬਹੁ ਤੀਛਨ ਬਰਛਾ ਤਿਨਿ ਲਯੋ ॥ बहु तीछन बरछा तिनि लयो ॥ ਹਰਿ ਕੀ ਓਰਿ ਡਾਰਿ ਕੈ ਦਯੋ ॥੧੨੦੨॥ हरि की ओरि डारि कै दयो ॥१२०२॥ ਦੋਹਰਾ ॥ दोहरा ॥ ਬਰਛਾ ਆਵਤ ਲਖਿਯੋ ਹਰਿ; ਧਨੁਖ ਬਾਨ ਕਰਿ ਕੀਨ ॥ बरछा आवत लखियो हरि; धनुख बान करि कीन ॥ ਆਵਤ ਸਰ ਸੋ ਕਾਟਿ ਕੈ; ਮਾਰਿ ਵਹੈ ਭਟ ਲੀਨ ॥੧੨੦੩॥ आवत सर सो काटि कै; मारि वहै भट लीन ॥१२०३॥ ਅਘੜ ਸਿੰਘ ਲਖਿ ਤਿਹ ਦਸਾ; ਦੇਤ ਭਯੋ ਨਹੀ ਪੀਠਿ ॥ अघड़ सिंघ लखि तिह दसा; देत भयो नही पीठि ॥ ਸਮੁਹੇ ਹਰਿ ਕੇ ਆਇ ਕੈ; ਬੋਲਿਯੋ ਹ੍ਵੈ ਕਰਿ ਢੀਠੁ ॥੧੨੦੪॥ समुहे हरि के आइ कै; बोलियो ह्वै करि ढीठु ॥१२०४॥ ਚੌਪਈ ॥ चौपई ॥ ਹਰਿ ਸਨਮੁਖਿ ਇਹ ਭਾਂਤਿ ਉਚਾਰਿਓ ॥ हरि सनमुखि इह भांति उचारिओ ॥ ਅਡਰ ਸਿੰਘ ਤੈ ਛਲ ਸੋ ਮਾਰਿਓ ॥ अडर सिंघ तै छल सो मारिओ ॥ ਅਜਬ ਸਿੰਘ ਕਰਿ ਕਪਟ ਖਪਾਯੋ ॥ अजब सिंघ करि कपट खपायो ॥ ਇਹ ਸਭ ਭੇਦ ਹਮੋ ਲਖਿ ਪਾਯੋ ॥੧੨੦੫॥ इह सभ भेद हमो लखि पायो ॥१२०५॥ ਦੋਹਰਾ ॥ दोहरा ॥ ਅਘੜ ਸਿੰਘ ਅਤਿ ਨਿਡਰ ਹ੍ਵੈ; ਬੋਲਿਯੋ ਹਰਿ ਸਮੁਹਾਇ ॥ अघड़ सिंघ अति निडर ह्वै; बोलियो हरि समुहाइ ॥ ਬਚਨ ਸ੍ਯਾਮ ਸੋਂ ਜੇ ਕਹੇ; ਸੋ ਕਬਿ ਕਹਿਤ ਸੁਨਾਇ ॥੧੨੦੬॥ बचन स्याम सों जे कहे; सो कबि कहित सुनाइ ॥१२०६॥ ਸਵੈਯਾ ॥ सवैया ॥ ਢੀਠ ਹ੍ਵੈ ਬੋਲਤ ਭਯੋ ਰਨ ਮੈ; ਹਸਿ ਕੈ ਹਰਿ ਸੋ ਬਤੀਯਾ ਸੁਨਿ ਲੈਹੋ ॥ ढीठ ह्वै बोलत भयो रन मै; हसि कै हरि सो बतीया सुनि लैहो ॥ ਕ੍ਰੁਧ ਕੀਏ ਹਮ ਸੰਗਿ ਨਿਸੰਗ; ਕਹਾ ਅਬ ਜੁਧ ਕੀਏ ਫਲੁ ਪੈ ਹੋ? ॥ क्रुध कीए हम संगि निसंग; कहा अब जुध कीए फलु पै हो? ॥ ਤਾ ਤੇ ਲਰੋ ਨਹੀ ਮੋ ਸੰਗਿ ਆਇ; ਕੈ ਹੋ ਲਰਿਕਾ ਰਨ ਦੇਖਿ ਪਰੈ ਹੋ ॥ ता ते लरो नही मो संगि आइ; कै हो लरिका रन देखि परै हो ॥ ਜੋ ਹਠ ਕੈ ਲਰਿ ਹੋ ਮਰਿ ਹੋ; ਅਪੁਨੇ ਗ੍ਰਿਹ ਮਾਰਗਿ ਜੀਤਿ ਨ ਜੈਹੋ ॥੧੨੦੭॥ जो हठ कै लरि हो मरि हो; अपुने ग्रिह मारगि जीति न जैहो ॥१२०७॥ ਦੋਹਰਾ ॥ दोहरा ॥ ਜਿਉ ਬੋਲਿਯੋ ਅਤਿ ਗਰਬ ਸਿਉ; ਇਤਿ ਹਰਿ ਐਚਿ ਕਮਾਨ ॥ जिउ बोलियो अति गरब सिउ; इति हरि ऐचि कमान ॥ ਸਰ ਮਾਰਿਯੋ ਅਰਿ ਮੁਖਿ ਬਿਖੈ; ਪਰਿਯੋ ਮ੍ਰਿਤਕ ਛਿਤਿ ਆਨਿ ॥੧੨੦੮॥ सर मारियो अरि मुखि बिखै; परियो म्रितक छिति आनि ॥१२०८॥ ਅਰਜਨ ਸਿੰਘ ਤਬ ਢੀਠ ਹੁਇ; ਕਹੀ ਕ੍ਰਿਸਨ ਸੋ ਬਾਤ ॥ अरजन सिंघ तब ढीठ हुइ; कही क्रिसन सो बात ॥ ਮਹਾਬਲੀ ! ਹਉ ਆਜ ਹੀ; ਕਰਿ ਹੋਂ ਤੇਰੋ ਘਾਤ ॥੧੨੦੯॥ महाबली ! हउ आज ही; करि हों तेरो घात ॥१२०९॥ ਸੁਨਤ ਬਚਨ ਹਰਿ ਖਗੁ ਲੈ; ਅਰਿ ਸਿਰਿ ਝਾਰਿਯੋ ਧਾਇ ॥ सुनत बचन हरि खगु लै; अरि सिरि झारियो धाइ ॥ ਗਿਰਿਓ ਮਨੋ ਆਂਧੀ ਬਚੇ; ਬਡੋ ਬ੍ਰਿਛ ਮੁਰਝਾਇ ॥੧੨੧੦॥ गिरिओ मनो आंधी बचे; बडो ब्रिछ मुरझाइ ॥१२१०॥ ਸਵੈਯਾ ॥ सवैया ॥ ਅਰਜਨ ਸਿੰਘ ਹਨ੍ਯੋ ਅਸਿ ਸਿਉ; ਅਮਰੇਸ ਮਹੀਪ ਹਨਿਓ ਤਬ ਹੀ ॥ अरजन सिंघ हन्यो असि सिउ; अमरेस महीप हनिओ तब ही ॥ ਅਟਲੇਸ ਪ੍ਰਕੋਪ ਭਯੋ ਲਖਿ ਕੈ; ਹਰਿ ਆਪੁਨੇ ਸਸਤ੍ਰ ਲਏ ਸਬ ਹੀ ॥ अटलेस प्रकोप भयो लखि कै; हरि आपुने ससत्र लए सब ही ॥ ਅਤਿ ਮਾਰ ਹੀ ਮਾਰ ਪੁਕਾਰਿ ਪਰਿਓ; ਹਰਿ ਸਾਮੁਹੇ ਆਇ ਅਰਿਓ ਜਬ ਹੀ ॥ अति मार ही मार पुकारि परिओ; हरि सामुहे आइ अरिओ जब ही ॥ ਕਲਧਉਤ ਕੇ ਭੂਖਨ ਅੰਗ ਸਜੇ; ਜਿਹ ਕੀ ਛਬਿ ਸੋ ਸਵਿਤਾ ਦਬ ਹੀ ॥੧੨੧੧॥ कलधउत के भूखन अंग सजे; जिह की छबि सो सविता दब ही ॥१२११॥ ਜਾਮ ਪ੍ਰਮਾਨ ਕੀਓ ਘਮਸਾਨ; ਬਡੌ ਬਲਵਾਨ ਨ ਜਾਇ ਸੰਘਾਰਿਯੋ ॥ जाम प्रमान कीओ घमसान; बडौ बलवान न जाइ संघारियो ॥ ਮੇਘ ਜਿਉ ਗਾਜਿ ਮੁਰਾਰਿ ਤਬੈ; ਅਸਿ ਲੈ ਕਰਿ ਮੈ, ਅਰਿ ਊਪਰਿ ਝਾਰਿਯੋ ॥ मेघ जिउ गाजि मुरारि तबै; असि लै करि मै, अरि ऊपरि झारियो ॥ ਹੁਇ ਮ੍ਰਿਤ ਭੂਮਿ ਪਰਿਯੋ ਤਬ ਹੀ; ਜਦੁਬੀਰ ਜਬੈ ਸਿਰੁ ਕਾਟਿ ਉਤਾਰਿਯੋ ॥ हुइ म्रित भूमि परियो तब ही; जदुबीर जबै सिरु काटि उतारियो ॥ ਧੰਨਿ ਹੀ ਧੰਨਿ ਕਹੈ ਸਬ ਦੇਵ; ਬਡੋ ਹਰਿ ਜੂ ਭਵ ਭਾਰ ਉਤਾਰਿਯੋ ॥੧੨੧੨॥ धंनि ही धंनि कहै सब देव; बडो हरि जू भव भार उतारियो ॥१२१२॥ |
|
|
|
|
Dasam Granth |