ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 399 ਆਠੋ ਹੀ ਭੂਪ ਅਯੋਧਨ ਮੈ; ਸਬ ਲੈ ਪ੍ਰਿਤਨਾ ਹਰਿ ਊਪਰਿ ਆਏ ॥ आठो ही भूप अयोधन मै; सब लै प्रितना हरि ऊपरि आए ॥ ਜੁਧ ਕਰੋ, ਨ ਡਰੋ ਹਮ ਤੇ; ਕਬਿ ਰਾਮ ਕਹੈ ਇਹ ਬੈਨ ਸੁਨਾਏ ॥ जुध करो, न डरो हम ते; कबि राम कहै इह बैन सुनाए ॥ ਦੈ ਕੈ ਕਸੀਸਨਿ ਈਸਨਿ ਚਾਪਨਿ; ਲੈ ਸਰ ਸ੍ਰੀ ਹਰਿ ਓਰਿ ਚਲਾਏ ॥ दै कै कसीसनि ईसनि चापनि; लै सर स्री हरि ओरि चलाए ॥ ਸ੍ਯਾਮ ਜੂ ਪਾਨਿ ਸਰਾਸਨਿ ਲੈ; ਸਰ ਸੋ ਸਰ ਆਵਤ ਕਾਟਿ ਗਿਰਾਏ ॥੧੧੯੩॥ स्याम जू पानि सरासनि लै; सर सो सर आवत काटि गिराए ॥११९३॥ ਤਉ ਮਿਲਿ ਕੈ ਧੁਜਨੀ ਅਰਿ ਕੀ; ਜਦੁਬੀਰ ਚਹੂੰ ਦਿਸ ਤੇ ਰਿਸਿ ਘੇਰਿਯੋ ॥ तउ मिलि कै धुजनी अरि की; जदुबीर चहूं दिस ते रिसि घेरियो ॥ ਆਪਸਿ ਮੈ ਮਿਲਿ ਕੈ ਭਟ ਧੀਰ; ਹਨ੍ਯੋ ਬਲਬੀਰ ਇਹੈ ਪੁਨਿ ਟੇਰਿਯੋ ॥ आपसि मै मिलि कै भट धीर; हन्यो बलबीर इहै पुनि टेरियो ॥ ਸ੍ਰੀ ਧਨ ਸਿੰਘ ਬਲੀ ਅਚਲੇਸ ਕਉ; ਅਉਰ ਨਰੇਸਨਿ ਯਾ ਹੀ ਨਿਬੇਰਿਯੋ ॥ स्री धन सिंघ बली अचलेस कउ; अउर नरेसनि या ही निबेरियो ॥ ਇਉ ਕਹਿ ਕੈ ਸਰ ਮਾਰਤ ਭਯੋ; ਗਜ ਪੁੰਜ ਮਨੋ ਕਰਿ ਕੇਹਰਿ ਛੇਰਿਯੋ ॥੧੧੯੪॥ इउ कहि कै सर मारत भयो; गज पुंज मनो करि केहरि छेरियो ॥११९४॥ ਘੇਰਿ ਲਯੋ ਹਰਿ ਕੌ ਜਬ ਹੀ; ਹਰਿ ਜੂ ਤਬ ਹੀ ਸਬ ਸਸਤ੍ਰ ਸੰਭਾਰੇ ॥ घेरि लयो हरि कौ जब ही; हरि जू तब ही सब ससत्र स्मभारे ॥ ਕੋਪਿ ਅਯੋਧਨ ਮੈ ਫਿਰਿ ਕੈ; ਰਿਸ ਸਾਥ ਘਨੇ ਅਰਿ ਬੀਰ ਸੰਘਾਰੇ ॥ कोपि अयोधन मै फिरि कै; रिस साथ घने अरि बीर संघारे ॥ ਏਕਨ ਕੇ ਸਿਰ ਕਾਟਿ ਦਏ; ਇਕ ਜੀਵਤ ਹੀ ਗਹਿ ਕੇਸਿ ਪਛਾਰੇ ॥ एकन के सिर काटि दए; इक जीवत ही गहि केसि पछारे ॥ ਏਕ ਲਰੇ ਕਟਿ ਭੂਮਿ ਪਰੇ; ਇਕ ਦੇਖ ਡਰੇ, ਮਰਿ ਗੇ ਬਿਨੁ ਮਾਰੇ ॥੧੧੯੫॥ एक लरे कटि भूमि परे; इक देख डरे, मरि गे बिनु मारे ॥११९५॥ ਆਠੋ ਈ ਭੂਪ ਕਹਿਓ ਮੁਖ ਤੇ; ਭਟ ! ਭਾਜਤ ਹੋ ਕਹਾ? ਜੁਧੁ ਕਰੋ ॥ आठो ई भूप कहिओ मुख ते; भट ! भाजत हो कहा? जुधु करो ॥ ਜਬ ਲਉ ਰਨ ਮੈ ਹਮ ਜੀਵਤ ਹੈ; ਤਬ ਲਉ ਹਰਿ ਤੇ ਤੁਮ ਹੂੰ ਨ ਡਰੋ ॥ जब लउ रन मै हम जीवत है; तब लउ हरि ते तुम हूं न डरो ॥ ਹਮਰੋ ਇਹ ਆਇਸ ਹੈ ਤੁਮ ਕੋ; ਜਦੁਬੀਰ ਕੇ ਸਾਮੁਹਿ ਜਾਇ ਲਰੋ ॥ हमरो इह आइस है तुम को; जदुबीर के सामुहि जाइ लरो ॥ ਕੋਊ ਆਹਵ ਤੇ ਨਹੀ ਨੈਕੁ ਟਰੋ; ਇਕ ਜੂਝਿ ਪਰੋ, ਇਕ ਧਾਇ ਅਰੋ ॥੧੧੯੬॥ कोऊ आहव ते नही नैकु टरो; इक जूझि परो, इक धाइ अरो ॥११९६॥ ਫੇਰਿ ਫਿਰੇ ਪਟ ਆਯੁਧ ਲੈ; ਰਨ ਮੈ ਜਦੁਬੀਰ ਕਉ ਘੇਰਿ ਲੀਯੋ ॥ फेरि फिरे पट आयुध लै; रन मै जदुबीर कउ घेरि लीयो ॥ ਨ ਟਰੇ ਅਤਿ ਰੋਸਿ ਭਿਰੇ ਜੀਯ ਮੈ; ਅਤਿ ਆਹਵ ਚਿਤ੍ਰ ਬਚਿਤ੍ਰ ਕੀਯੋ ॥ न टरे अति रोसि भिरे जीय मै; अति आहव चित्र बचित्र कीयो ॥ ਅਸਿ ਲੈ ਬਰ ਬੀਰ ਗਦਾ ਗਹਿ ਕੈ; ਰਿਪੁ ਕੋ ਦਲੁ ਮਾਰਿ ਬਿਦਾਰਿ ਦੀਯੋ ॥ असि लै बर बीर गदा गहि कै; रिपु को दलु मारि बिदारि दीयो ॥ ਇਕ ਬੀਰਨ ਕੇ ਪਦੁ ਸੀਸ ਕਟੇ; ਭਟ ਏਕਨ ਕੋ ਦਯੋ ਫਾਰਿ ਹੀਯੋ ॥੧੧੯੭॥ इक बीरन के पदु सीस कटे; भट एकन को दयो फारि हीयो ॥११९७॥ ਸ੍ਰੀ ਜਦੁਬੀਰ ਸਰਾਸਨਿ ਲੈ; ਬਹੁ ਕਾਟਿ ਰਥੀ ਸਿਰ ਭੂਮਿ ਗਿਰਾਏ ॥ स्री जदुबीर सरासनि लै; बहु काटि रथी सिर भूमि गिराए ॥ ਆਯੁਧ ਲੈ ਅਪੁਨੇ ਅਪੁਨੇ; ਇਕ ਕੋਪਿ ਭਰੇ ਹਰਿ ਪੈ ਪੁਨਿ ਧਾਏ ॥ आयुध लै अपुने अपुने; इक कोपि भरे हरि पै पुनि धाए ॥ ਤੇ ਬ੍ਰਿਜਨਾਥ ਕਰੰ ਗਹਿ ਖਗ; ਅਭਗ ਹਨੇ ਸੁ ਘਨੇ ਤਹ ਘਾਏ ॥ ते ब्रिजनाथ करं गहि खग; अभग हने सु घने तह घाए ॥ ਭਾਜਿ ਗਏ ਹਰਿ ਤੇ ਅਰਿ ਇਉ; ਸੁ ਕੋਊ ਨਹਿ ਆਹਵ ਮੈ ਠਹਰਾਏ ॥੧੧੯੮॥ भाजि गए हरि ते अरि इउ; सु कोऊ नहि आहव मै ठहराए ॥११९८॥ ਦੋਹਰਾ ॥ दोहरा ॥ ਭੂਪਨ ਕੀ ਭਾਜੀ ਚਮੂ; ਖਾਇ ਘਨੀ ਹਰਿ ਮਾਰਿ ॥ भूपन की भाजी चमू; खाइ घनी हरि मारि ॥ ਤਬਹਿ ਫਿਰੇ ਨ੍ਰਿਪ ਜੁਧ ਕੇ; ਆਯੁਧ ਸਕਲ ਸੰਭਾਰਿ ॥੧੧੯੯॥ तबहि फिरे न्रिप जुध के; आयुध सकल स्मभारि ॥११९९॥ ਸਵੈਯਾ ॥ सवैया ॥ ਕੋਪ ਅਯੋਧਨੁ ਮੈ ਕਰਿ ਕੈ; ਕਰਿ ਮੈ ਸਬ ਭੂਪਨ ਸਸਤ੍ਰ ਸੰਭਾਰੇ ॥ कोप अयोधनु मै करि कै; करि मै सब भूपन ससत्र स्मभारे ॥ ਆਇ ਕੈ ਸਾਮੁਹੇ ਸ੍ਯਾਮ ਹੀ ਕੇ; ਬਲ ਕੈ ਨਿਜੁ ਆਯੁਧ ਰੋਸਿ ਪ੍ਰਹਾਰੇ ॥ आइ कै सामुहे स्याम ही के; बल कै निजु आयुध रोसि प्रहारे ॥ ਕਾਨ੍ਹ ਸੰਭਾਰਿ ਸਰਾਸਨਿ ਲੈ; ਸਰ ਸਤ੍ਰਨ ਕਾਟਿ ਕੈ ਭੂ ਪਰਿ ਡਾਰੇ ॥ कान्ह स्मभारि सरासनि लै; सर सत्रन काटि कै भू परि डारे ॥ ਘਾਇ ਬਚਾਇ ਕੈ ਯੌ ਤਿਨ ਕੈ; ਬਹੁਰੇ ਅਰਿ ਕੈ ਸਿਰ ਕਾਟਿ ਉਤਾਰੇ ॥੧੨੦੦॥ घाइ बचाइ कै यौ तिन कै; बहुरे अरि कै सिर काटि उतारे ॥१२००॥ |
|
|
|
|
Dasam Granth |