ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 393 ਜੋ ਇਹ ਉਪਰ ਆਇ ਪਰੇ; ਭਟ ਕੋਪ ਭਰੇ ਇਨ ਹੂੰ ਸੁ ਨਿਵਾਰੇ ॥ जो इह उपर आइ परे; भट कोप भरे इन हूं सु निवारे ॥ ਬਾਨ ਕਮਾਨ ਕ੍ਰਿਪਾਨ ਗਦਾ ਗਹਿ; ਮਾਰਿ ਰਥੀ ਬਿਰਥੀ ਕਰਿ ਡਾਰੇ ॥ बान कमान क्रिपान गदा गहि; मारि रथी बिरथी करि डारे ॥ ਘਾਇਲ ਕੋਟਿ ਚਲੇ ਤਜਿ ਕੈ; ਰਨ ਜੂਝਿ ਪਰੇ ਬਹੁ ਡੀਲ ਡਰਾਰੇ ॥ घाइल कोटि चले तजि कै; रन जूझि परे बहु डील डरारे ॥ ਯੌ ਉਪਜੀ ਉਪਮਾ ਸੁ ਮਨੋ; ਅਹਿਰਾਜ ਪਰੇ ਖਗਰਾਜ ਕੇ ਮਾਰੇ ॥੧੧੪੭॥ यौ उपजी उपमा सु मनो; अहिराज परे खगराज के मारे ॥११४७॥ ਜੁਧ ਕੀਯੋ ਜਦੁਬੀਰਨ ਸੋ ਉਹ; ਬੀਰ, ਜਬੈ ਕਰ ਮੈ ਅਸਿ ਸਾਜਿਯੋ ॥ जुध कीयो जदुबीरन सो उह; बीर, जबै कर मै असि साजियो ॥ ਮਾਰਿ ਚਮੂੰ ਸੁ ਬਿਦਾਰ ਦਈ; ਕਬਿ ਰਾਮ ਕਹੈ ਬਲੁ ਸੋ ਨ੍ਰਿਪ ਗਾਜਿਯੋ ॥ मारि चमूं सु बिदार दई; कबि राम कहै बलु सो न्रिप गाजियो ॥ ਸੋ ਸੁਨਿ ਬੀਰ ਡਰੇ ਸਬਹੀ; ਧੁਨਿ ਕਉ ਸੁਨ ਕੈ ਘਨ ਸਾਵਨ ਲਾਜਿਯੋ ॥ सो सुनि बीर डरे सबही; धुनि कउ सुन कै घन सावन लाजियो ॥ ਛਾਜਤ ਯੌ ਅਰਿ ਕੇ ਗਨ ਮੈ; ਮ੍ਰਿਗ ਕੇ ਬਨ ਮੈ ਮਨੋ ਸਿੰਘ ਬਿਰਾਜਿਯੋ ॥੧੧੪੮॥ छाजत यौ अरि के गन मै; म्रिग के बन मै मनो सिंघ बिराजियो ॥११४८॥ ਬਹੁਰ ਕਰਵਾਰ ਸੰਭਾਰਿ ਬਿਦਾਰਿ; ਦਈ ਧੁਜਨੀ ਨ੍ਰਿਪ ਕੋਟਿ ਮਰੇ ॥ बहुर करवार स्मभारि बिदारि; दई धुजनी न्रिप कोटि मरे ॥ ਅਸਵਾਰ ਹਜਾਰ ਪਚਾਸ ਹਨੇ; ਰਥ ਕਾਟਿ ਰਥੀ ਬਿਰਥੀ ਸੁ ਕਰੇ ॥ असवार हजार पचास हने; रथ काटि रथी बिरथी सु करे ॥ ਕਹੂੰ ਬਾਜ ਗਿਰੈ, ਕਹੂੰ ਤਾਜ ਜਰੇ; ਗਜਰਾਰ ਘਿਰੇ ਕਹੂੰ ਰਾਜ ਪਰੇ ॥ कहूं बाज गिरै, कहूं ताज जरे; गजरार घिरे कहूं राज परे ॥ ਥਿਰੁ ਨਾਹਿ ਰਹੈ ਨ੍ਰਿਪ ਕੋ ਰਥ ਭੂਮਿ; ਮਨੋ ਨਟੂਆ ਬਹੁ ਨ੍ਰਿਤ ਕਰੇ ॥੧੧੪੯॥ थिरु नाहि रहै न्रिप को रथ भूमि; मनो नटूआ बहु न्रित करे ॥११४९॥ ਏਕ ਅਜਾਇਬ ਖਾਂ ਹਰਿ ਕੋ ਭਟ; ਤਾ ਸੰਗ ਸੋ ਨ੍ਰਿਪ ਆਨ ਅਰਿਯੋ ਹੈ ॥ एक अजाइब खां हरि को भट; ता संग सो न्रिप आन अरियो है ॥ ਭਾਜਤ ਨਾਹਿ ਹਠੀ ਰਨ ਤੇ; ਅਣਗੇਸ ਬਲੀ ਅਤਿ ਕੋਪ ਭਰਿਯੋ ਹੈ ॥ भाजत नाहि हठी रन ते; अणगेस बली अति कोप भरियो है ॥ ਲੈ ਕਰਵਾਰ ਪ੍ਰਹਾਰ ਕੀਯੋ; ਕਟਿਯੋ ਤਿਹ ਸੀਸ ਕਬੰਧ ਲਰਿਯੋ ਹੈ ॥ लै करवार प्रहार कीयो; कटियो तिह सीस कबंध लरियो है ॥ ਫੇਰਿ ਗਿਰਿਯੋ ਮਾਨੋ ਆਂਧੀ ਬਹੀ; ਦ੍ਰੁਮ ਦੀਰਘ ਭੂ ਪਰਿ ਟੂਟ ਪਰਿਯੋ ਹੈ ॥੧੧੫੦॥ फेरि गिरियो मानो आंधी बही; द्रुम दीरघ भू परि टूट परियो है ॥११५०॥ ਦੇਖਿ ਅਜਾਇਬ ਖਾਨ ਦਸਾ ਤਬ; ਗੈਰਤ ਖਾਂ ਮਨਿ ਰੋਸ ਭਰਿਯੋ ॥ देखि अजाइब खान दसा तब; गैरत खां मनि रोस भरियो ॥ ਸੁ ਧਵਾਇ ਕੈ ਸ੍ਯੰਦਨ ਜਾਇ ਪਰਿਯੋ; ਅਰਿ ਬੀਰ ਹੂੰ ਤੇ ਨਹੀ ਨੈਕੁ ਡਰਿਯੋ ॥ सु धवाइ कै स्यंदन जाइ परियो; अरि बीर हूं ते नही नैकु डरियो ॥ ਅਸਿ ਪਾਨਿ ਧਰੇ ਰਨ ਬੀਚ ਦੁਹੂੰ; ਤਹ ਆਪਸ ਮੈ ਬਹੁ ਜੁਧ ਕਰਿਯੋ ॥ असि पानि धरे रन बीच दुहूं; तह आपस मै बहु जुध करियो ॥ ਮਨਿ ਯੌ ਉਪਜੀ ਉਪਮਾ, ਬਨ ਮੈ; ਗਜ ਸੋ ਮਦ ਕੋ ਗਜ ਆਨਿ ਅਰਿਯੋ ॥੧੧੫੧॥ मनि यौ उपजी उपमा, बन मै; गज सो मद को गज आनि अरियो ॥११५१॥ ਗੈਰਤ ਖਾਂ ਬਰਛੀ ਗਹਿ ਕੈ ਬਰ; ਸੋ ਅਰਿ ਬੀਰ ਕੀ ਓਰਿ ਚਲਾਈ ॥ गैरत खां बरछी गहि कै बर; सो अरि बीर की ओरि चलाई ॥ ਆਵਤ ਬਿਦੁਲਤਾ ਸਮ ਦੇਖ ਕੈ; ਕਾਟਿ ਕ੍ਰਿਪਾਨ ਸੋ ਭੂਮਿ ਗਿਰਾਈ ॥ आवत बिदुलता सम देख कै; काटि क्रिपान सो भूमि गिराई ॥ ਸੋ ਨ ਲਗੀ ਰਿਸ ਕੈ ਰਿਪੁ ਕੋ; ਬਰਛੀ ਗਹਿ ਦੂਸਰੀ ਅਉਰ ਚਲਾਈ ॥ सो न लगी रिस कै रिपु को; बरछी गहि दूसरी अउर चलाई ॥ ਯੌ ਉਪਮਾ ਉਪਜੀ ਜੀਯ ਮੈ; ਮਾਨੋ ਛੂਟਿ ਚਲੀ ਨਭ ਤੇ ਜੁ ਹਵਾਈ ॥੧੧੫੨॥ यौ उपमा उपजी जीय मै; मानो छूटि चली नभ ते जु हवाई ॥११५२॥ ਦੂਸਰੀ ਦੇਖ ਕੈ ਸਾਂਗ ਬਲੀ ਨ੍ਰਿਪ; ਆਵਤ ਕਾਟਿ ਕੈ ਭੂਮਿ ਗਿਰਾਈ ॥ दूसरी देख कै सांग बली न्रिप; आवत काटि कै भूमि गिराई ॥ ਲੈ ਬਰਛੀ ਅਪੁਨੇ ਕਰ ਮੈ; ਨ੍ਰਿਪ ਗੈਰਤ ਖਾਂ ਪਰ ਕੋਪਿ ਚਲਾਈ ॥ लै बरछी अपुने कर मै; न्रिप गैरत खां पर कोपि चलाई ॥ ਲਾਗ ਗਈ ਤਿਹ ਕੇ ਮੁਖ ਮੈ; ਬਹਿ ਸ੍ਰਉਨ ਚਲਿਯੋ ਉਪਮਾ ਠਹਰਾਈ ॥ लाग गई तिह के मुख मै; बहि स्रउन चलियो उपमा ठहराई ॥ ਕੋਪ ਕੀ ਆਗ ਮਹਾ ਬਢਿ ਕੈ; ਡਢ ਕੈ ਹੀਯ ਕਉ ਮਨੋ ਬਾਹਰਿ ਆਈ ॥੧੧੫੩॥ कोप की आग महा बढि कै; डढ कै हीय कउ मनो बाहरि आई ॥११५३॥ |
|
|
|
|
Dasam Granth |