ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 386 ਆਇ ਕੇ ਸ੍ਯਾਮ ਸੋ ਜੁਧੁ ਕਰਿਯੋ; ਰਨ ਕੀ ਛਿਤਿ ਤੇ ਪਗੁ ਏਕ ਨ ਭਾਗਿਯੋ ॥ आइ के स्याम सो जुधु करियो; रन की छिति ते पगु एक न भागियो ॥ ਫੇਰਿ ਗਦਾ ਗਹਿ ਕੈ ਕਰ ਮੈ; ਬ੍ਰਿਜਭੂਖਨ ਕੋ ਤਨੁ ਤਾੜਨ ਲਾਗਿਯੋ ॥ फेरि गदा गहि कै कर मै; ब्रिजभूखन को तनु ताड़न लागियो ॥ ਸੋ ਮਧਸੂਦਨ ਜੂ ਲਖਿਯੋ; ਰਸ ਰੁਦ੍ਰ ਬਿਖੈ ਅਤਿ ਇਹ ਪਾਗਿਯੋ ॥ सो मधसूदन जू लखियो; रस रुद्र बिखै अति इह पागियो ॥ ਸ੍ਰੀ ਹਰਿ ਚਕ੍ਰ ਲਯੋ ਕਰ ਮੈ; ਭੂਅ ਬਕ੍ਰ ਕਰੀ ਰਿਸ ਸੋ ਅਨੁਰਾਗਿਯੋ ॥੧੦੯੮॥ स्री हरि चक्र लयो कर मै; भूअ बक्र करी रिस सो अनुरागियो ॥१०९८॥ ਲੈ ਬਰਛੀ ਰਨ ਸਿੰਘ ਤਬੈ; ਜਦੁਬੀਰ ਕੇ ਮਾਰਨ ਕਾਜ ਚਲਾਈ ॥ लै बरछी रन सिंघ तबै; जदुबीर के मारन काज चलाई ॥ ਜਾਇ ਲਗੀ ਹਰਿ ਕੋ ਅਨਚੇਤ; ਦਈ ਭੁਜ ਫੋਰ ਕੈ ਪਾਰਿ ਦਿਖਾਈ ॥ जाइ लगी हरि को अनचेत; दई भुज फोर कै पारि दिखाई ॥ ਲਾਗ ਰਹੀ ਪ੍ਰਭ ਕੇ ਤਨ ਸਿਉ; ਉਪਮਾ ਤਿਹ ਕੀ ਕਬਿ ਭਾਖਿ ਸੁਨਾਈ ॥ लाग रही प्रभ के तन सिउ; उपमा तिह की कबि भाखि सुनाई ॥ ਮਾਨਹੁ ਗ੍ਰੀਖਮ ਕੀ ਰੁਤਿ ਭੀਤਰ; ਨਾਗਨਿ ਚੰਦਨ ਸਿਉ ਲਪਟਾਈ ॥੧੦੯੯॥ मानहु ग्रीखम की रुति भीतर; नागनि चंदन सिउ लपटाई ॥१०९९॥ ਸ੍ਯਾਮ ਉਖਾਰ ਕੈ ਸੋ ਬਰਛੀ; ਭੁਜ ਤੇ ਅਰਿ ਮਾਰਨ ਹੇਤ ਚਲਾਈ ॥ स्याम उखार कै सो बरछी; भुज ते अरि मारन हेत चलाई ॥ ਬਾਨਨ ਕੇ ਘਨ ਬੀਚ ਚਲੀ; ਚਪਲਾ ਕਿਧੌ ਹੰਸ ਕੀ ਅੰਸ ਤਚਾਈ ॥ बानन के घन बीच चली; चपला किधौ हंस की अंस तचाई ॥ ਜਾਇ ਲਗੀ ਤਿਹ ਕੇ ਤਨ ਮੈ; ਉਰਿ ਫੋਰਿ ਦਈ ਉਹਿ ਓਰ ਦਿਖਾਈ ॥ जाइ लगी तिह के तन मै; उरि फोरि दई उहि ओर दिखाई ॥ ਕਾਲਿਕਾ ਮਾਨਹੁ ਸ੍ਰਉਨ ਭਰੀ; ਹਨਿ ਸੁੰਭ ਨਿਸੁੰਭ ਕੋ ਮਾਰਨ ਧਾਈ ॥੧੧੦੦॥ कालिका मानहु स्रउन भरी; हनि सु्मभ निसु्मभ को मारन धाई ॥११००॥ ਰਨ ਸਿੰਘ ਜਬੈ ਰਣਿ ਸਾਂਗ ਹਨ੍ਯੋ; ਧਨ ਸਿੰਘ ਤਬੈ ਕਰਿ ਕੋਪੁ ਸਿਧਾਰਿਯੋ ॥ रन सिंघ जबै रणि सांग हन्यो; धन सिंघ तबै करि कोपु सिधारियो ॥ ਧਾਇ ਪਰਿਯੋ ਕਰਿ ਲੈ ਬਰਛਾ; ਲਲਕਾਰ ਕੈ ਸ੍ਰੀ ਹਰਿ ਊਪਰਿ ਝਾਰਿਯੋ ॥ धाइ परियो करि लै बरछा; ललकार कै स्री हरि ऊपरि झारियो ॥ ਆਵਤ ਸੋ ਲਖਿਯੋ ਘਨ ਸ੍ਯਾਮ; ਨਿਕਾਰ ਕੈ ਖਗ ਸੁ ਦੁਇ ਕਰਿ ਡਾਰਿਯੋ ॥ आवत सो लखियो घन स्याम; निकार कै खग सु दुइ करि डारियो ॥ ਭੂਮਿ ਦੁਟੂਕ ਹੋਇ ਟੂਟ ਪਰਿਯੋ ਸੁ; ਮਨੋ ਖਗਰਾਜ ਬਡੋ ਅਹਿ ਮਾਰਿਯੋ ॥੧੧੦੧॥ भूमि दुटूक होइ टूट परियो सु; मनो खगराज बडो अहि मारियो ॥११०१॥ ਘਾਉ ਬਚਾਇ ਕੈ ਸ੍ਰੀ ਜਦੁਬੀਰ; ਸਰਾਸਨੁ ਲੈ ਅਰਿ ਊਪਰਿ ਧਾਯੋ ॥ घाउ बचाइ कै स्री जदुबीर; सरासनु लै अरि ऊपरि धायो ॥ ਚਾਰ ਮਹੂਰਤ ਜੁਧ ਭਯੋ; ਹਰਿ ਘਾਇ ਨ ਹੁਇ, ਉਹਿ ਕੋ ਨਹੀ ਘਾਯੋ ॥ चार महूरत जुध भयो; हरि घाइ न हुइ, उहि को नही घायो ॥ ਰੋਸ ਕੈ ਬਾਨ ਹਨ੍ਯੋ ਹਰਿ ਕਉ; ਹਰਿ ਹੂੰ ਤਿਹ ਖੈਚ ਕੈ ਬਾਨ ਲਗਾਯੋ ॥ रोस कै बान हन्यो हरि कउ; हरि हूं तिह खैच कै बान लगायो ॥ ਦੇਖ ਰਹਿਯੋ ਮੁਖ ਸ੍ਰੀ ਹਰਿ ਕੋ; ਹਰਿ ਹੂੰ ਮੁਖ ਦੇਖ ਰਹਿਯੋ ਮੁਸਕਾਯੋ ॥੧੧੦੨॥ देख रहियो मुख स्री हरि को; हरि हूं मुख देख रहियो मुसकायो ॥११०२॥ ਸ੍ਰੀ ਜਦੁਬੀਰ ਕੋ ਬੀਰ ਬਲੀ; ਅਸਿ ਲੈ ਕਰ ਮੈ ਧਨ ਸਿੰਘ ਪੈ ਧਾਯੋ ॥ स्री जदुबीर को बीर बली; असि लै कर मै धन सिंघ पै धायो ॥ ਆਵਤ ਹੀ ਲਲਕਾਰ ਪਰਿਯੋ; ਗਜਿ ਮਾਨਹੁ ਕੇਹਰਿ ਕਉ ਡਰਪਾਯੋ ॥ आवत ही ललकार परियो; गजि मानहु केहरि कउ डरपायो ॥ ਤਉ ਧਨ ਸਿੰਘ ਸਰਾਸਨੁ ਲੈ; ਸਰ ਸੋ ਤਿਹ ਕੋ ਸਿਰ ਭੂਮਿ ਗਿਰਾਯੋ ॥ तउ धन सिंघ सरासनु लै; सर सो तिह को सिर भूमि गिरायो ॥ ਜਿਉ ਅਹਿ ਰਾਜ ਕੇ ਆਨਨ ਭੀਤਰ; ਆਨਿ ਪਰਿਯੋ ਮ੍ਰਿਗ ਜਾਨ ਨ ਪਾਯੋ ॥੧੧੦੩॥ जिउ अहि राज के आनन भीतर; आनि परियो म्रिग जान न पायो ॥११०३॥ ਦੂਸਰ ਸ੍ਰੀ ਜਦੁਬੀਰ ਕੇ ਬੀਰ; ਸਰਾਸਨੁ ਲੈ ਸਰ ਕੋਪ ਭਯੋ ਹੈ ॥ दूसर स्री जदुबीर के बीर; सरासनु लै सर कोप भयो है ॥ ਧੀਰ ਬਲੀ ਧਨ ਸਿੰਘ ਕੀ ਓਰ; ਚਲਾਵਤ ਬਾਨ ਨਿਸੰਕ ਗਯੋ ਹੈ ॥ धीर बली धन सिंघ की ओर; चलावत बान निसंक गयो है ॥ ਸ੍ਰੀ ਧਨ ਸਿੰਘ ਲੀਓ ਅਸਿ ਹਾਥਿ; ਕਟਿਓ ਅਰਿ ਮਾਥਨ ਡਾਰ ਦਯੋ ਹੈ ॥ स्री धन सिंघ लीओ असि हाथि; कटिओ अरि माथन डार दयो है ॥ ਕਾਛੀ ਨਿਹਾਰਿ ਸਰੋਵਰ ਤੇ ਪ੍ਰਫੁਲਿਓ; ਮਾਨਹੁ ਬਾਰਿਜ ਤੋਰ ਲਯੋ ਹੈ ॥੧੧੦੪॥ काछी निहारि सरोवर ते प्रफुलिओ; मानहु बारिज तोर लयो है ॥११०४॥ |
|
|
|
|
Dasam Granth |