ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 385 ਰਨਭੂਮਿ ਮੈ ਜੁਧ ਭਯੋ ਅਤਿ ਹੀ; ਤਤਕਾਲ ਮਰੇ ਰਿਪੁ ਆਏ ਹੈ ਜੋਊ ॥ रनभूमि मै जुध भयो अति ही; ततकाल मरे रिपु आए है जोऊ ॥ ਜੁਧ ਕਰਿਯੋ ਘਨਿ ਸ੍ਯਾਮ ਘਨੋ; ਉਤ ਕੋਪ ਭਰੇ ਮਨ ਮੈ ਭਟ ਓਊ ॥ जुध करियो घनि स्याम घनो; उत कोप भरे मन मै भट ओऊ ॥ ਸ੍ਰੀ ਨਰਸਿੰਘ ਜੂ ਬਾਨ ਹਨ੍ਯੋ; ਹਰਿ ਕੋ, ਜਿਹ ਕੀ ਸਮ ਅਉਰ ਨ ਕੋਊ ॥ स्री नरसिंघ जू बान हन्यो; हरि को, जिह की सम अउर न कोऊ ॥ ਯੌ ਉਪਮਾ ਉਪਜੀ ਜੀਯ ਮੈ; ਜਿਵ ਸੋਵਤ ਸਿੰਘ ਜਗਾਵਤ ਕੋਊ ॥੧੦੯੧॥ यौ उपमा उपजी जीय मै; जिव सोवत सिंघ जगावत कोऊ ॥१०९१॥ ਸ੍ਯਾਮ ਕੇ ਬਾਨ ਲਗਿਯੋ ਉਰ ਮੈ; ਗਡ ਕੈ ਸੋਊ ਪੰਖਨ ਲਉ ਸੁ ਗਯੋ ਹੈ ॥ स्याम के बान लगियो उर मै; गड कै सोऊ पंखन लउ सु गयो है ॥ ਸ੍ਰਉਨ ਕੇ ਸੰਗਿ ਭਰਿਯੋ ਸਰ ਅੰਗ; ਬਿਲੋਕਿ ਤਬੈ ਹਰਿ ਕੋਪ ਭਯੋ ਹੈ ॥ स्रउन के संगि भरियो सर अंग; बिलोकि तबै हरि कोप भयो है ॥ ਤਾ ਛਬਿ ਕੋ ਜਸੁ ਉਚ ਮਹਾ; ਕਬਿ ਨੇ ਕਹਿ ਕੈ ਇਹ ਭਾਂਤ ਦਯੋ ਹੈ ॥ ता छबि को जसु उच महा; कबि ने कहि कै इह भांत दयो है ॥ ਮਾਨਹੁ ਤਛਕ ਕੋ ਲਰਿਕਾ; ਖਗਰਾਜ ਲਖਿਯੋ ਗਹਿ ਨੀਲ ਲਯੋ ਹੈ ॥੧੦੯੨॥ मानहु तछक को लरिका; खगराज लखियो गहि नील लयो है ॥१०९२॥ ਸ੍ਰੀ ਬ੍ਰਿਜਨਾਥ ਸਰਾਸਨ ਲੈ; ਰਿਸ ਕੈ ਸਰੁ ਰਾਜਨ ਬੀਚ ਕਸਾ ॥ स्री ब्रिजनाथ सरासन लै; रिस कै सरु राजन बीच कसा ॥ ਗਜ ਸਿੰਘ ਕੋ ਬਾਨ ਅਚਾਨ ਹਨ੍ਯੋ; ਗਿਰ ਭੂਮਿ ਪਰਿਯੋ ਜਨ ਸਾਪ ਡਸਾ ॥ गज सिंघ को बान अचान हन्यो; गिर भूमि परियो जन साप डसा ॥ ਹਰਿ ਸਿੰਘ ਜੁ ਠਾਂਢੋ ਹੁਤੋ ਤਿਹ ਪੈ; ਸੋਊ ਭਾਜ ਗਯੋ ਤਿਹ ਪੇਖਿ ਦਸਾ ॥ हरि सिंघ जु ठांढो हुतो तिह पै; सोऊ भाज गयो तिह पेखि दसा ॥ ਮਨੋ ਸਿੰਘ ਕੋ ਰੂਪ ਨਿਹਾਰਤ ਹੀ; ਨ ਟਿਕਿਯੋ ਜੁ ਚਲਿਯੋ ਸਟਕਾਇ ਸਸਾ ॥੧੦੯੩॥ मनो सिंघ को रूप निहारत ही; न टिकियो जु चलियो सटकाइ ससा ॥१०९३॥ ਹਰਿ ਸਿੰਘ ਜਬੈ ਤਜਿ ਖੇਤ ਚਲਿਯੋ; ਰਨ ਸਿੰਘ ਉਠਿਯੋ ਪੁਨਿ ਕੋਪ ਭਰਿਯੋ ॥ हरि सिंघ जबै तजि खेत चलियो; रन सिंघ उठियो पुनि कोप भरियो ॥ ਧਨੁ ਬਾਨ ਸੰਭਾਰ ਕੈ ਪਾਨਿ ਲਯੋ; ਬਹੁਰੋ ਬਲਿ ਕੋ ਰਨਿ ਜੁਧੁ ਕਰਿਯੋ ॥ धनु बान स्मभार कै पानि लयो; बहुरो बलि को रनि जुधु करियो ॥ ਉਨ ਹੂੰ ਪੁਨਿ ਬੀਚ ਅਯੋਧਨ ਕੇ; ਹਰਿ ਕੋ ਲਲਕਾਰ ਕੈ ਇਉ ਉਚਰਿਯੋ ॥ उन हूं पुनि बीच अयोधन के; हरि को ललकार कै इउ उचरियो ॥ ਅਬ ਜਾਤ ਕਹਾ? ਥਿਰੁ ਹੋਹੁ ਘਰੀ; ਹਮਰੇ ਅਸਿ ਕਾਲ ਕੇ ਹਾਥ ਪਰਿਯੋ ॥੧੦੯੪॥ अब जात कहा? थिरु होहु घरी; हमरे असि काल के हाथ परियो ॥१०९४॥ ਇਹ ਭਾਂਤਿ ਕਹਿਯੋ ਰਨ ਸਿੰਘ ਜਬੈ; ਹਰਿ ਸਿੰਘ ਤਬੈ ਸੁਨਿ ਕੈ ਮੁਸਕਾਨ੍ਯੋ ॥ इह भांति कहियो रन सिंघ जबै; हरि सिंघ तबै सुनि कै मुसकान्यो ॥ ਆਇ ਅਰਿਯੋ ਹਰਿ ਸਿਉ ਧਨੁ ਲੈ; ਰਨ ਕੀ ਛਿਤ ਤੇ ਨਹੀ ਪੈਗ ਪਰਾਨ੍ਯੋ ॥ आइ अरियो हरि सिउ धनु लै; रन की छित ते नही पैग परान्यो ॥ ਕੋਪ ਕੈ ਬਾਤ ਕਹੀ ਜਦੁਬੀਰ ਸੋ; ਮੈ ਇਹ ਲਛਨ ਤੇ ਪਹਚਾਨ੍ਯੋ ॥ कोप कै बात कही जदुबीर सो; मै इह लछन ते पहचान्यो ॥ ਆਇ ਕੈ ਜੁਧ ਕੀਓ ਹਮ ਸੋ; ਸੁ ਭਲੀ ਬਿਧਿ ਕਾਲ ਕੇ ਹਾਥ ਬਿਕਾਨ੍ਯੋ ॥੧੦੯੫॥ आइ कै जुध कीओ हम सो; सु भली बिधि काल के हाथ बिकान्यो ॥१०९५॥ ਯੌ ਸੁਨ ਕੈ ਬਤੀਆ ਤਿਹ ਕੀ; ਹਰਿ ਜੂ ਧਨੁ ਲੈ ਕਰ ਮੈ ਮੁਸਕ੍ਯੋ ਹੈ ॥ यौ सुन कै बतीआ तिह की; हरि जू धनु लै कर मै मुसक्यो है ॥ ਦੀਰਘੁ ਗਾਤ ਲਖਿਯੋ ਤਬ ਹੀ; ਸਰ ਛਾਡਿ ਦਯੋ ਅਰ ਸੀਸ ਤਕ੍ਯੋ ਹੈ ॥ दीरघु गात लखियो तब ही; सर छाडि दयो अर सीस तक्यो है ॥ ਬਾਨ ਲਗਿਯੋ ਹਰਿ ਸਿੰਘ ਤਬੈ; ਸਿਰ ਟੂਟਿ ਪਰਿਯੋ ਧਰ ਠਾਂਢੋ ਰਹਿਯੋ ਹੈ ॥ बान लगियो हरि सिंघ तबै; सिर टूटि परियो धर ठांढो रहियो है ॥ ਮੇਰੁ ਕੇ ਸ੍ਰਿੰਗਹੁ ਤੇ ਉਤਰਿਯੋ ਸੁ; ਮਨੋ ਰਵਿ ਅਸਤ ਕੋ ਪ੍ਰਾਤਿ ਭਯੋ ਹੈ ॥੧੦੯੬॥ मेरु के स्रिंगहु ते उतरियो सु; मनो रवि असत को प्राति भयो है ॥१०९६॥ ਮਾਰ ਲਯੋ ਹਰਿ ਸਿੰਘ ਜਬੈ; ਰਨ ਸਿੰਘ ਤਬੈ ਹਰਿ ਊਪਰਿ ਧਾਯੋ ॥ मार लयो हरि सिंघ जबै; रन सिंघ तबै हरि ऊपरि धायो ॥ ਬਾਨ ਕਮਾਨ ਕ੍ਰਿਪਾਨ ਗਦਾ; ਗਹਿ ਕੈ ਕਰ ਮੈ ਅਤਿ ਜੁਧ ਮਚਾਯੋ ॥ बान कमान क्रिपान गदा; गहि कै कर मै अति जुध मचायो ॥ ਕੌਚ ਸਜੇ ਨਿਜ ਅੰਗ ਮਹਾ; ਲਖਿ ਕੈ ਕਬਿ ਨੇ ਇਹ ਬਾਤ ਸੁਨਾਯੋ ॥ कौच सजे निज अंग महा; लखि कै कबि ने इह बात सुनायो ॥ ਮਾਨਹੁ ਮਤ ਕਰੀ ਬਨ ਮੈ; ਰਿਸ ਕੈ ਮ੍ਰਿਗਰਾਜ ਕੇ ਊਪਰ ਆਯੋ ॥੧੦੯੭॥ मानहु मत करी बन मै; रिस कै म्रिगराज के ऊपर आयो ॥१०९७॥ |
|
|
|
|
Dasam Granth |