ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 376 ਯੌ ਸੁਨਿ ਉਤਰ ਦੇਤ ਭਯੋ ਨ੍ਰਿਪ; ਪੈ ਹਰਿ ਕੈ ਸੰਗਿ ਦੂਤਹ ਕੇਰੇ ॥ यौ सुनि उतर देत भयो न्रिप; पै हरि कै संगि दूतह केरे ॥ ਜੇਤਕ ਬਾਤ ਕਹੀ ਹਮ ਸੋਂ; ਨਹੀ ਆਵਤ ਏਕ ਕਹਿਯੋ ਮਨ ਮੇਰੇ ॥ जेतक बात कही हम सों; नही आवत एक कहियो मन मेरे ॥ ਯੌਂ ਕਹਿ, ਪੰਡੁ ਕੇ ਪੁਤ੍ਰਨ ਕੋ; ਪਿਖੁ ਮਾਰਤ ਹੈ ਅਬ ਸਾਂਝ ਸਵੇਰੇ ॥ यौं कहि, पंडु के पुत्रन को; पिखु मारत है अब सांझ सवेरे ॥ ਆਇ ਹੈ ਜੋ ਜੀਯ, ਸੋ ਕਰ ਹੈ; ਕਛੂ ਬਚਨਾ ਨਹਿ ਮਾਨਤ ਤੇਰੇ ॥੧੦੨੧॥ आइ है जो जीय, सो कर है; कछू बचना नहि मानत तेरे ॥१०२१॥ ਦੂਤ ਕਹਿਯੋ ਨ੍ਰਿਪ ਕੇ ਸੰਗ ਯੌ; ਹਮਰੋ ਜੁ ਕਹਿਯੋ ਤੁਮ ਰੰਚ ਨ ਮਾਨੋ ॥ दूत कहियो न्रिप के संग यौ; हमरो जु कहियो तुम रंच न मानो ॥ ਤਉ ਕੁਪਿ ਹੈ ਜਦੁਬੀਰ ਮਨੈ; ਤੁਮ ਕੋ ਮਰਿ ਹੈ ਤਿਹ ਤੇ ਹਿਤ ਠਾਨੋ ॥ तउ कुपि है जदुबीर मनै; तुम को मरि है तिह ते हित ठानो ॥ ਸ੍ਯਾਮ ਕੇ ਭਉਹ ਮਰੋਰਨਿ ਸੋ; ਹਮ ਜਾਨਤ ਹੈ ਤੁਹਿ ਰਾਜ ਬਹਾਨੋ ॥ स्याम के भउह मरोरनि सो; हम जानत है तुहि राज बहानो ॥ ਜੋ ਜੀਯ ਮੈ ਜੁ ਹੁਤੀ ਸੁ ਕਹੀ; ਤੁਮਰੇ ਜੀਯ ਕੀ ਸੁ ਕਹਿਯੋ ਤੁਮ ਜਾਨੋ ॥੧੦੨੨॥ जो जीय मै जु हुती सु कही; तुमरे जीय की सु कहियो तुम जानो ॥१०२२॥ ਯੌ ਕਹਿ ਕੈ ਬਤੀਯਾ ਨ੍ਰਿਪ ਸੋ; ਤਜਿ ਕੈ ਇਹ ਠਉਰ ਤਹਾ ਕੋ ਗਯੋ ਹੈ ॥ यौ कहि कै बतीया न्रिप सो; तजि कै इह ठउर तहा को गयो है ॥ ਕਾਨ੍ਹ ਜਹਾ ਬਲਭਦ੍ਰ ਬਲੀ; ਸਭ ਜਾਦਵ ਬੰਸ ਤਹਾ ਸੁ ਅਯੋ ਹੈ ॥ कान्ह जहा बलभद्र बली; सभ जादव बंस तहा सु अयो है ॥ ਸ੍ਯਾਮ ਕੋ ਚੰਦ ਨਿਹਾਰਤ ਹੀ; ਮੁਖ ਤਾ ਪਗ ਪੈ ਸਿਰ ਕੋ ਝੁਕਿਯੋ ਹੈ ॥ स्याम को चंद निहारत ही; मुख ता पग पै सिर को झुकियो है ॥ ਜੋ ਬਿਰਥਾ ਉਹ ਠਉਰ ਭਈ; ਨਿਕਟੈ ਹਰਿ ਕੇ, ਕਹਿ ਭੇਦ ਦਯੋ ਹੈ ॥੧੦੨੩॥ जो बिरथा उह ठउर भई; निकटै हरि के, कहि भेद दयो है ॥१०२३॥ ਤੁਮ ਸੋ ਇਮ ਪਾਰਥ ਮਾਤ ਕਹਿਯੋ; ਹਰਿ ਦੀਨਨ ਕੀ ਬਿਨਤੀ ਸੁਨਿ ਲੈ ॥ तुम सो इम पारथ मात कहियो; हरि दीनन की बिनती सुनि लै ॥ ਅਤਿ ਹੀ ਦੁਖ ਪਯੋ ਹਮ ਕੋ ਇਹ ਠਉਰ; ਬਿਨਾ ਤੁਮਰੇ ਨ ਸਹਾਇਕ ਕੁਐ ॥ अति ही दुख पयो हम को इह ठउर; बिना तुमरे न सहाइक कुऐ ॥ ਗਜ ਕੋ ਜਿਮ ਸੰਕਟ ਸੀਘ੍ਰ ਕਟਿਯੋ; ਤਿਮ ਮੋ ਦੁਖ ਕੋ ਕਟੀਐ ਹਰਿ ਐ ॥ गज को जिम संकट सीघ्र कटियो; तिम मो दुख को कटीऐ हरि ऐ ॥ ਤਿਹ ਤੇ ਸੁਨਿ ਲੈ ਸੁ ਕਹਿਯੋ ਹਮਰੋ; ਕਬਿ ਸ੍ਯਾਮ ਕਹੈ ਹਿਤ ਸੋ ਚਿਤ ਦੈ ॥੧੦੨੪॥ तिह ते सुनि लै सु कहियो हमरो; कबि स्याम कहै हित सो चित दै ॥१०२४॥ ਇਤਿ ਸ੍ਰੀ ਦਸਮ ਸਿਕੰਧੇ ਬਚਿਤ੍ਰ ਨਾਟਕ ਗ੍ਰੰਥੇ ਕ੍ਰਿਸਨਾਵਤਾਰੇ ਅਕ੍ਰੂਰ ਫੁਫੀ ਕੁੰਤੀ ਪਾਸ ਭੇਜਾ ਸਮਾਪਤਮ ਸਤੁ ਸੁਭਮ ਸਤ ॥ इति स्री दसम सिकंधे बचित्र नाटक ग्रंथे क्रिसनावतारे अक्रूर फुफी कुंती पास भेजा समापतम सतु सुभम सत ॥ ਅਥ ਉਗ੍ਰਸੈਨ ਕੋ ਰਾਜ ਦੀਬੋ ਕਥਨੰ ॥ अथ उग्रसैन को राज दीबो कथनं ॥ ਦੋਹਰਾ ॥ दोहरा ॥ ਸ੍ਰੀ ਮਨ ਮੋਹਨ ਜਗਤ ਗੁਰ; ਨੰਦ ਨੰਦਨ ਬ੍ਰਿਜ ਮੂਰਿ ॥ स्री मन मोहन जगत गुर; नंद नंदन ब्रिज मूरि ॥ ਗੋਪੀ ਜਨ ਬਲਭ ਸਦਾ; ਪ੍ਰੇਮ ਖਾਨ ਭਰਪੂਰਿ ॥੧੦੨੫॥ गोपी जन बलभ सदा; प्रेम खान भरपूरि ॥१०२५॥ ਛਪੈ ਛੰਦ ॥ छपै छंद ॥ ਪ੍ਰਿਥਮ ਪੂਤਨਾ ਹਨੀ; ਬਹੁਰਿ ਸਕਟਾਸੁਰ ਖੰਡਿਯੋ ॥ प्रिथम पूतना हनी; बहुरि सकटासुर खंडियो ॥ ਤ੍ਰਿਣਾਵਰਤ ਲੈ ਉਡਿਯੋ; ਤਾਹਿ ਨਭਿ ਮਾਹਿ ਬਿਹੰਡਿਯੋ ॥ त्रिणावरत लै उडियो; ताहि नभि माहि बिहंडियो ॥ ਕਾਲੀ ਦੀਓ ਨਿਕਾਰਿ; ਚੋਚ ਗਹਿ ਚੀਰਿ ਬਕਾਸੁਰ ॥ काली दीओ निकारि; चोच गहि चीरि बकासुर ॥ ਨਾਗ ਰੂਪ ਮਗ ਰੋਕਿ; ਰਹਿਯੋ ਤਬ ਹਤਿਓ ਅਘਾਸੁਰ ॥ नाग रूप मग रोकि; रहियो तब हतिओ अघासुर ॥ ਕੇਸੀ ਸੁ ਬਛ ਧੇਨੁਕ ਹਨ੍ਯੋ; ਰੰਗ ਭੂਮਿ ਗਜ ਡਾਰਿਯੋ ॥ केसी सु बछ धेनुक हन्यो; रंग भूमि गज डारियो ॥ ਚੰਡੂਰ ਮੁਸਟ ਕੇ ਪ੍ਰਾਨ ਹਰਿ; ਕੰਸ ਕੇਸ ਗਹਿ ਮਾਰਿਯੋ ॥੧੦੨੬॥ चंडूर मुसट के प्रान हरि; कंस केस गहि मारियो ॥१०२६॥ ਸੋਰਠਾ ॥ सोरठा ॥ ਅਮਰ ਲੋਕ ਤੇ ਫੂਲ; ਬਰਖੇ ਨੰਦ ਕਿਸੋਰ ਪੈ ॥ अमर लोक ते फूल; बरखे नंद किसोर पै ॥ ਮਿਟਿਯੋ ਸਕਲ ਬ੍ਰਿਜ ਸੂਲ; ਕਮਲ ਨੈਨ ਕੇ ਹੇਤ ਤੇ ॥੧੦੨੭॥ मिटियो सकल ब्रिज सूल; कमल नैन के हेत ते ॥१०२७॥ ਦੋਹਰਾ ॥ दोहरा ॥ ਦੁਸਟ ਅਰਿਸਟ ਨਿਵਾਰ ਕੈ; ਲੀਨੋ ਸਕਲ ਸਮਾਜ ॥ दुसट अरिसट निवार कै; लीनो सकल समाज ॥ ਮਥੁਰਾ ਮੰਡਲ ਕੋ ਦਯੋ; ਉਗ੍ਰਸੈਨ ਕੋ ਰਾਜ ॥੧੦੨੮॥ मथुरा मंडल को दयो; उग्रसैन को राज ॥१०२८॥ ਇਤਿ ਸ੍ਰੀ ਦਸਮ ਸਿਕੰਧੇ ਬਚਿਤ੍ਰ ਨਾਟਕੇ ਕ੍ਰਿਸਨਾਵਤਾਰੇ ਰਾਜਾ ਉਗ੍ਰਸੈਨ ਕਉ ਮਥਰਾ ਕੋ ਰਾਜ ਦੀਬੋ ॥ इति स्री दसम सिकंधे बचित्र नाटके क्रिसनावतारे राजा उग्रसैन कउ मथरा को राज दीबो ॥ |
|
|
|
|
Dasam Granth |