ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 362 ਬਾਰਿਜ ਫੂਲਿ ਰਹੇ ਸਰਿ ਪੁੰਜ; ਸੁਗੰਧ ਸਨੇ ਸਰਿਤਾਨ ਘਟਾਈ ॥ बारिज फूलि रहे सरि पुंज; सुगंध सने सरितान घटाई ॥ ਕੁੰਜਤ ਕੰਤ ਬਿਨਾ ਕੁਲਹੰਸ; ਕਲੇਸ ਬਢੈ ਸੁਨਿ ਕੈ ਤਿਹ, ਮਾਈ ! ॥ कुंजत कंत बिना कुलहंस; कलेस बढै सुनि कै तिह, माई ! ॥ ਬਾਸੁਰ ਰੈਨਿ ਨ ਚੈਨ ਕਹੂੰ ਛਿਨ; ਮੰਘਰ ਮਾਸਿ ਅਯੋ ਨ ਕਨ੍ਹਾਈ ॥ बासुर रैनि न चैन कहूं छिन; मंघर मासि अयो न कन्हाई ॥ ਜਾਤ ਨਹੀ ਤਿਨ ਸੋ ਮਸਕ੍ਯੋ; ਟਸਕ੍ਯੋ ਨ ਹੀਯੋ, ਕਸਕ੍ਯੋ ਨ ਕਸਾਈ ॥੯੨੨॥ जात नही तिन सो मसक्यो; टसक्यो न हीयो, कसक्यो न कसाई ॥९२२॥ ਭੂਮਿ ਅਕਾਸ ਅਵਾਸ ਸੁ ਬਾਸੁ; ਉਦਾਸਿ ਬਢੀ ਅਤਿ ਸੀਤਲਤਾਈ ॥ भूमि अकास अवास सु बासु; उदासि बढी अति सीतलताई ॥ ਕੂਲ ਦੁਕੂਲ ਤੇ ਸੂਲ ਉਠੈ; ਸਭ ਤੇਲ ਤਮੋਲ ਲਗੈ ਦੁਖਦਾਈ ॥ कूल दुकूल ते सूल उठै; सभ तेल तमोल लगै दुखदाई ॥ ਪੋਖ ਸੰਤੋਖ ਨ ਹੋਤ ਕਛੂ; ਤਨ ਸੋਖਤ ਜਿਉ ਕੁਮਦੀ ਮੁਰਝਾਈ ॥ पोख संतोख न होत कछू; तन सोखत जिउ कुमदी मुरझाई ॥ ਲੋਭਿ ਰਹਿਯੋ ਉਨ ਪ੍ਰੇਮ ਗਹਿਯੋ; ਟਸਕ੍ਯੋ ਨ ਹੀਯੋ, ਕਸਕ੍ਯੋ ਨ ਕਸਾਈ ॥੯੨੩॥ लोभि रहियो उन प्रेम गहियो; टसक्यो न हीयो, कसक्यो न कसाई ॥९२३॥ ਮਾਹਿ ਮੈ ਨਾਹ ਨਹੀ ਘਰਿ ਮਾਹਿ; ਸੁ ਦਾਹ ਕਰੈ ਰਵਿ ਜੋਤਿ ਦਿਖਾਈ ॥ माहि मै नाह नही घरि माहि; सु दाह करै रवि जोति दिखाई ॥ ਜਾਨੀ ਨ ਜਾਤ ਬਿਲਾਤਤ ਦ੍ਯੋਸਨ; ਰੈਨਿ ਕੀ ਬ੍ਰਿਧ ਭਈ ਅਧਿਕਾਈ ॥ जानी न जात बिलातत द्योसन; रैनि की ब्रिध भई अधिकाई ॥ ਕੋਕਿਲ ਦੇਖਿ ਕਪੋਤਿ ਸਿਲੀਮੁਖ; ਕੂੰਜਤ ਏ ਸੁਨਿ ਕੈ ਡਰ ਪਾਈ ॥ कोकिल देखि कपोति सिलीमुख; कूंजत ए सुनि कै डर पाई ॥ ਪ੍ਰੀਤਿ ਕੀ ਰੀਤਿ ਕਰੀ ਉਨ ਸੋ; ਟਸਕ੍ਯੋ ਨ ਹੀਯੋ, ਕਸਕ੍ਯੋ ਨ ਕਸਾਈ ॥੯੨੪॥ प्रीति की रीति करी उन सो; टसक्यो न हीयो, कसक्यो न कसाई ॥९२४॥ ਫਾਗੁਨ ਫਾਗੁ ਬਢਿਯੋ ਅਨੁਰਾਗ; ਸੁਹਾਗਨਿ ਭਾਗ ਸੁਹਾਗ ਸੁਹਾਈ ॥ फागुन फागु बढियो अनुराग; सुहागनि भाग सुहाग सुहाई ॥ ਕੇਸਰ ਚੀਰ ਬਨਾਇ ਸਰੀਰ; ਗੁਲਾਬ ਅੰਬੀਰ ਗੁਲਾਲ ਉਡਾਈ ॥ केसर चीर बनाइ सरीर; गुलाब अ्मबीर गुलाल उडाई ॥ ਸੋ ਛਬਿ ਮੈ ਨ ਲਖੀ ਜਨੁ ਦ੍ਵਾਦਸ; ਮਾਸ ਕੀ ਸੋਭਤ ਆਗਿ ਜਗਾਈ ॥ सो छबि मै न लखी जनु द्वादस; मास की सोभत आगि जगाई ॥ ਆਸ ਕੋ ਤ੍ਯਾਗਿ ਨਿਰਾਸ ਭਈ; ਟਸਕ੍ਯੋ ਨ ਹੀਯੋ, ਕਸਕ੍ਯੋ ਨ ਕਸਾਈ ॥੯੨੫॥ आस को त्यागि निरास भई; टसक्यो न हीयो, कसक्यो न कसाई ॥९२५॥ ਇਤਿ ਸ੍ਰੀ ਬਚਿਤ੍ਰ ਨਾਟਕੇ ਗ੍ਰੰਥੇ ਕ੍ਰਿਸਨਾਵਤਾਰੇ ਬ੍ਰਿਹ ਨਾਟਕ ਬਾਰਹਮਾਹ ਸੰਪੂਰਨਮ ਸਤੁ ॥ इति स्री बचित्र नाटके ग्रंथे क्रिसनावतारे ब्रिह नाटक बारहमाह स्मपूरनम सतु ॥ ਗੋਪਿਨ ਬਾਚ ਆਪਸ ਮੈ ॥ गोपिन बाच आपस मै ॥ ਸਵੈਯਾ ॥ सवैया ॥ ਯਾ ਹੀ ਕੇ ਸੰਗਿ ਸੁਨੋ ਮਿਲ ਕੈ; ਹਮ ਕੁੰਜ ਗਲੀਨ ਮੈ ਖੇਲ ਮਚਾਯੋ ॥ या ही के संगि सुनो मिल कै; हम कुंज गलीन मै खेल मचायो ॥ ਗਾਵਤ ਭਯੋ ਸੋਊ ਠਉਰ ਤਹਾ; ਹਮ ਹੂੰ ਮਿਲ ਕੈ ਤਹ ਮੰਗਲ ਗਾਯੋ ॥ गावत भयो सोऊ ठउर तहा; हम हूं मिल कै तह मंगल गायो ॥ ਸੋ ਬ੍ਰਿਜ ਤ੍ਯਾਗਿ ਗਯੋ ਮਥੁਰਾ; ਇਨ ਗ੍ਵਾਰਨ ਤੇ ਮਨੂਆ ਉਚਟਾਯੋ ॥ सो ब्रिज त्यागि गयो मथुरा; इन ग्वारन ते मनूआ उचटायो ॥ ਯੌ ਕਹਿ ਊਧਵ ਸੋ ਤਿਨ ਟੇਰਿ; ਹਹਾ ! ਹਮਰੇ ਗ੍ਰਿਹਿ ਸ੍ਯਾਮ ਨ ਆਯੋ ॥੯੨੬॥ यौ कहि ऊधव सो तिन टेरि; हहा ! हमरे ग्रिहि स्याम न आयो ॥९२६॥ |
|
|
|
|
Dasam Granth |