ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 342 ਕੋਪ ਭਯੋ ਰਿਪੁ ਕੇ ਮਨ ਮੈ; ਤਬ ਪਾਉ ਕੀ ਕਾਨ੍ਹ ਕੋ ਚੋਟ ਚਲਾਈ ॥ कोप भयो रिपु के मन मै; तब पाउ की कान्ह को चोट चलाई ॥ ਦੀਨ ਨ ਲਾਗਨ ਸ੍ਯਾਮ ਤਨੈ; ਸੁ ਭਲੀ ਬਿਧਿ ਸੋ ਜਦੁਰਾਇ ਬਚਾਈ ॥ दीन न लागन स्याम तनै; सु भली बिधि सो जदुराइ बचाई ॥ ਫੇਰਿ ਗਹਿਓ ਸੋਊ ਪਾਇਨ ਤੇ; ਕਰ ਮੋ ਨ ਰਹਿਯੋ, ਸੁ ਦਯੋ ਹੈ ਬਗਾਈ ॥ फेरि गहिओ सोऊ पाइन ते; कर मो न रहियो, सु दयो है बगाई ॥ ਜਿਉ ਲਰਕਾ ਬਟ ਫੈਕਤ ਹੈ; ਤਿਮ ਚਾਰ ਸੈ ਪੈਗ ਪਰਿਓ ਸੋਊ ਜਾਈ ॥੭੭੮॥ जिउ लरका बट फैकत है; तिम चार सै पैग परिओ सोऊ जाई ॥७७८॥ ਫੇਰਿ ਸੰਭਾਰਿ ਤਬੈ ਬਲ ਵਾ ਰਿਪੁ; ਤੁੰਡ ਪਸਾਰਿ ਹਰਿ ਊਪਰਿ ਧਾਯੋ ॥ फेरि स्मभारि तबै बल वा रिपु; तुंड पसारि हरि ऊपरि धायो ॥ ਲੋਚਨ ਕਾਢਿ ਬਡੇ ਡਰਵਾਨ; ਕਿਧੌ ਜਿਨ ਤੇ ਨਭ ਲੋਕ ਡਰਾਯੋ ॥ लोचन काढि बडे डरवान; किधौ जिन ते नभ लोक डरायो ॥ ਸ੍ਯਾਮ ਦਯੋ ਤਿਹ ਕੇ ਮੁਖ ਮੈ ਕਰ; ਤਾ ਛਬਿ ਕੋ ਮਨ ਮੈ ਜਸ ਭਾਯੋ ॥ स्याम दयो तिह के मुख मै कर; ता छबि को मन मै जस भायो ॥ ਕਾਨ੍ਹ ਕੋ ਹੈ ਕਰ ਕਾਲ ਮਨੋ; ਤਨ ਕੇਸੀ ਤੇ ਪ੍ਰਾਨ ਨਿਕਾਸਨ ਆਯੋ ॥੭੭੯॥ कान्ह को है कर काल मनो; तन केसी ते प्रान निकासन आयो ॥७७९॥ ਤਿਨਿ ਬਾਹ ਕਟੀ ਹਰਿ ਦਾਤਨ ਸੋ; ਤਿਹ ਕੇ ਸਭ ਦਾਤ ਤਬੈ ਝਰ ਗੇ ॥ तिनि बाह कटी हरि दातन सो; तिह के सभ दात तबै झर गे ॥ ਜੋਊ ਆਇ ਮਨੋਰਥ ਕੈ ਮਨ ਮੈ; ਸਮ ਓਰਨ ਕੀ ਸੋਊ ਹੈ ਗਰ ਗੇ ॥ जोऊ आइ मनोरथ कै मन मै; सम ओरन की सोऊ है गर गे ॥ ਤਬ ਹੀ ਸੋਊ ਜੂਝਿ ਪਰੋ ਛਿਤ ਪੈ; ਨ ਸੋਊ ਫਿਰ ਕੈ ਅਪੁਨੇ ਘਰ ਗੇ ॥ तब ही सोऊ जूझि परो छित पै; न सोऊ फिर कै अपुने घर गे ॥ ਅਬ ਕਾਨਰ ਕੇ ਕਰ ਲਾਗਤ ਹੀ; ਮਰਿ ਗਯੋ ਵਹ ਪਾਪ ਸਭੈ ਹਰ ਗੇ ॥੭੮੦॥ अब कानर के कर लागत ही; मरि गयो वह पाप सभै हर गे ॥७८०॥ ਰਾਵਨ ਜਾ ਬਿਧਿ ਰਾਮ ਮਰਿਓ; ਬਿਧਿ ਜੋ ਕਰ ਕੈ ਨਰਕਾਸੁਰ ਮਾਰਿਯੋ ॥ रावन जा बिधि राम मरिओ; बिधि जो कर कै नरकासुर मारियो ॥ ਜਿਉ ਪ੍ਰਹਲਾਦ ਕੇ ਰਛਨ ਕੋ; ਹਰਿਨਾਕਸ ਮਾਰਿ ਡਰਿਓ ਨ ਉਬਾਰਿਯੋ ॥ जिउ प्रहलाद के रछन को; हरिनाकस मारि डरिओ न उबारियो ॥ ਜਿਉ ਮਧੁ ਕੈਟ ਮਰੇ, ਕਰਿ ਚਕ੍ਰ ਲੈ; ਪਾਵਕ ਲੀਲ ਲਈ ਡਰੁ ਟਾਰਯੋ ॥ जिउ मधु कैट मरे, करि चक्र लै; पावक लील लई डरु टारयो ॥ ਤਿਉ ਹਰਿ ਸੰਤਨ ਰਾਖਨ ਕੋ; ਕਰਿ ਕੈ ਅਪਨੋ ਬਲ, ਦੈਤ ਪਛਾਰਿਯੋ ॥੭੮੧॥ तिउ हरि संतन राखन को; करि कै अपनो बल, दैत पछारियो ॥७८१॥ ਮਾਰਿ ਬਡੇ ਰਿਪੁ ਕੋ ਹਰਿ ਜੂ; ਸੰਗਿ ਗਊਅਨ ਲੈ ਸੁ ਗਏ ਬਨ ਮੈ ॥ मारि बडे रिपु को हरि जू; संगि गऊअन लै सु गए बन मै ॥ ਮਨ ਸੋਕ ਸਭੈ ਹਰਿ ਕੈ ਸਬ ਹੀ; ਅਤਿ ਕੈ ਫੁਨਿ ਆਨੰਦ ਪੈ ਤਨ ਮੈ ॥ मन सोक सभै हरि कै सब ही; अति कै फुनि आनंद पै तन मै ॥ ਫੁਨਿ ਤਾ ਛਬਿ ਕੀ ਅਤਿ ਹੀ ਉਪਮਾ; ਉਪਜੀ ਕਬਿ ਸ੍ਯਾਮ ਕੇ ਇਉ ਮਨ ਮੈ ॥ फुनि ता छबि की अति ही उपमा; उपजी कबि स्याम के इउ मन मै ॥ ਜਿਮ ਸਿੰਘ ਬਡੋ ਮ੍ਰਿਗ ਜਾਨਿ ਬਧਿਓ; ਛਲ ਸੋ ਮ੍ਰਿਗਵਾ ਕੇ ਮਨੋ ਗਨ ਮੈ ॥੭੮੨॥ जिम सिंघ बडो म्रिग जानि बधिओ; छल सो म्रिगवा के मनो गन मै ॥७८२॥ ਇਤਿ ਸ੍ਰੀ ਬਚਿਤ੍ਰ ਨਾਟਕ ਗ੍ਰੰਥੇ ਕ੍ਰਿਸਨਾਵਤਾਰੇ ਕੇਸੀ ਬਧਹਿ ਧਯਾਇ ਸਮਾਪਤਮ ਸਤੁ ਸੁਭਮ ਸਤੁ ॥ इति स्री बचित्र नाटक ग्रंथे क्रिसनावतारे केसी बधहि धयाइ समापतम सतु सुभम सतु ॥ ਅਥ ਨਾਰਦ ਜੂ ਕ੍ਰਿਸਨ ਪਹਿ ਆਏ ॥ अथ नारद जू क्रिसन पहि आए ॥ ਅੜਿਲ ॥ अड़िल ॥ ਤਬ ਨਾਰਦ ਚਲਿ ਗਯੋ; ਨਿਕਟਿ ਭਟ ਕ੍ਰਿਸਨ ਕੇ ॥ तब नारद चलि गयो; निकटि भट क्रिसन के ॥ ਕਰੀ ਉਦਰ ਪੂਰਨਾ; ਮਨੋ ਹਿਤ ਤਿਸਨ ਕੇ ॥ करी उदर पूरना; मनो हित तिसन के ॥ ਰਹਿਓ ਮੁਨੀ ਸਿਰ ਨ੍ਯਾਇ; ਸ੍ਯਾਮ ਤਰਿ ਪਗਨ ਕੇ ॥ रहिओ मुनी सिर न्याइ; स्याम तरि पगन के ॥ ਹੋ ਮਨਿ ਬਿਚਾਰਿ ਕਹਿਯੋ ਸ੍ਯਾਮ; ਮਹਾ ਸੰਗਿ ਲਗਨ ਕੇ ॥੭੮੩॥ हो मनि बिचारि कहियो स्याम; महा संगि लगन के ॥७८३॥ ਮੁਨਿ ਨਾਰਦ ਜੂ ਬਾਚ ਕਾਨ੍ਹ੍ਹ ਜੂ ਸੋ ॥ मुनि नारद जू बाच कान्ह जू सो ॥ ਸਵੈਯਾ ॥ सवैया ॥ ਅਕ੍ਰੂਰ ਕੇ ਅਗ੍ਰ ਹੀ ਜਾ ਹਰਿ ਸੋ ਮੁਨਿ; ਪਾ ਪਰਿ ਕੈ, ਇਹ ਬਾਤ ਸੁਨਾਈ ॥ अक्रूर के अग्र ही जा हरि सो मुनि; पा परि कै, इह बात सुनाई ॥ ਰੀਝ ਰਹਿਓ ਅਪੁਨੇ ਮਨ ਮੈ ਸੁ; ਨਿਹਾਰਿ ਕੈ ਸੁੰਦਰ ਰੂਪ ਕਨ੍ਹਾਈ ॥ रीझ रहिओ अपुने मन मै सु; निहारि कै सुंदर रूप कन्हाई ॥ |
|
|
|
|
Dasam Granth |