ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 236 ਅਥ ਸੀਤਾ ਨੇ ਸਭ ਜੀਵਾਏ ਕਥਨੰ ॥ अथ सीता ने सभ जीवाए कथनं ॥ ਸੀਤਾ ਬਾਚ ਪੁਤ੍ਰਨ ਸੋ ॥ सीता बाच पुत्रन सो ॥ ਚੌਪਈ ॥ चौपई ॥ ਅਬ ਮੋ ਕਉ ਕਾਸਟ ਦੇ ਆਨਾ ॥ अब मो कउ कासट दे आना ॥ ਜਰਉ ਲਾਗਿ ਪਹਿ ਹੋਊਂ ਮਸਾਨਾ ॥ जरउ लागि पहि होऊं मसाना ॥ ਸੁਨਿ ਮੁਨਿ ਰਾਜ ਬਹੁਤ ਬਿਧਿ ਰੋਏ ॥ सुनि मुनि राज बहुत बिधि रोए ॥ ਇਨ ਬਾਲਨ ਹਮਰੇ ਸੁਖ ਖੋਏ ॥੮੨੦॥ इन बालन हमरे सुख खोए ॥८२०॥ ਜਬ ਸੀਤਾ ਤਨ ਚਹਾ ਕਿ ਕਾਢੂੰ ॥ जब सीता तन चहा कि काढूं ॥ ਜੋਗ ਅਗਨਿ ਉਪਰਾਜ ਸੁ ਛਾਡੂੰ ॥ जोग अगनि उपराज सु छाडूं ॥ ਤਬ ਇਮ ਭਈ ਗਗਨ ਤੇ ਬਾਨੀ ॥ तब इम भई गगन ते बानी ॥ ਕਹਾ ਭਈ ਸੀਤਾ ! ਤੈ ਇਯਾਨੀ? ॥੮੨੧॥ कहा भई सीता ! तै इयानी? ॥८२१॥ ਅਰੂਪਾ ਛੰਦ ॥ अरूपा छंद ॥ ਸੁਨੀ ਬਾਨੀ ॥ सुनी बानी ॥ ਸੀਆ ਰਾਨੀ ॥ सीआ रानी ॥ ਲਯੋ ਆਨੀ ॥ लयो आनी ॥ ਕਰੈ ਪਾਨੀ ॥੮੨੨॥ करै पानी ॥८२२॥ ਸੀਤਾ ਬਾਚ ਮਨ ਮੈ ॥ सीता बाच मन मै ॥ ਦੋਹਰਾ ॥ दोहरा ॥ ਜਉ ਮਨ ਬਚ ਕਰਮਨ ਸਹਿਤ; ਰਾਮ ਬਿਨਾ ਨਹੀ ਅਉਰ ॥ जउ मन बच करमन सहित; राम बिना नही अउर ॥ ਤਉ ਏ ਰਾਮ ਸਹਿਤ ਜੀਐ; ਕਹਯੋ ਸੀਆ ਤਿਹ ਠਉਰ ॥੮੨੩॥ तउ ए राम सहित जीऐ; कहयो सीआ तिह ठउर ॥८२३॥ ਅਰੂਪਾ ਛੰਦ ॥ अरूपा छंद ॥ ਸਭੈ ਜਾਗੇ ॥ सभै जागे ॥ ਭ੍ਰਮੰ ਭਾਗੇ ॥ भ्रमं भागे ॥ ਹਠੰ ਤਯਾਗੇ ॥ हठं तयागे ॥ ਪਗੰ ਲਾਗੇ ॥੮੨੪॥ पगं लागे ॥८२४॥ ਸੀਆ ਆਨੀ ॥ सीआ आनी ॥ ਜਗੰ ਰਾਨੀ ॥ जगं रानी ॥ ਧਰਮ ਧਾਨੀ ॥ धरम धानी ॥ ਸਤੀ ਮਾਨੀ ॥੮੨੫॥ सती मानी ॥८२५॥ ਮਨੰ ਭਾਈ ॥ मनं भाई ॥ ਉਰੰ ਲਾਈ ॥ उरं लाई ॥ ਸਤੀ ਜਾਨੀ ॥ सती जानी ॥ ਮਨੈ ਮਾਨੀ ॥੮੨੬॥ मनै मानी ॥८२६॥ ਦੋਹਰਾ ॥ दोहरा ॥ ਬਹੁ ਬਿਧਿ ਸੀਅਹਿ ਸਮੋਧ ਕਰਿ; ਚਲੇ ਅਜੁਧਿਆ ਦੇਸ ॥ बहु बिधि सीअहि समोध करि; चले अजुधिआ देस ॥ ਲਵ ਕੁਸ ਦੋਊ ਪੁਤ੍ਰਨਿ ਸਹਿਤ; ਸ੍ਰੀ ਰਘੁਬੀਰ ਨਰੇਸ ॥੮੨੭॥ लव कुस दोऊ पुत्रनि सहित; स्री रघुबीर नरेस ॥८२७॥ ਚੌਪਈ ॥ चौपई ॥ ਬਹੁਤੁ ਭਾਂਤਿ ਕਰ ਸਿਸਨ ਸਮੋਧਾ ॥ बहुतु भांति कर सिसन समोधा ॥ ਸੀਯ ਰਘੁਬੀਰ ਚਲੇ ਪੁਰਿ ਅਉਧਾ ॥ सीय रघुबीर चले पुरि अउधा ॥ ਅਨਿਕ ਬੇਖ ਸੇ ਸਸਤ੍ਰ ਸੁਹਾਏ ॥ अनिक बेख से ससत्र सुहाए ॥ ਜਾਨਤ ਤੀਨ ਰਾਮ ਬਨ ਆਏ ॥੮੨੮॥ जानत तीन राम बन आए ॥८२८॥ ਇਤਿ ਸ੍ਰੀ ਬਚਿਤ੍ਰ ਨਾਟਕੇ ਰਾਮਵਤਾਰੇ ਤਿਹੂ ਭਿਰਾਤਨ ਸੈਨਾ ਸਹਿਤ ਜੀਬੋ ॥ इति स्री बचित्र नाटके रामवतारे तिहू भिरातन सैना सहित जीबो ॥ ਸੀਤਾ ਦੁਹੂ ਪੁਤ੍ਰਨ ਸਹਿਤ ਪੁਰੀ ਅਵਧ ਪ੍ਰਵੇਸ ਕਥਨੰ ॥ सीता दुहू पुत्रन सहित पुरी अवध प्रवेस कथनं ॥ ਚੌਪਈ ॥ चौपई ॥ ਤਿਹੂੰ ਮਾਤ ਕੰਠਨ ਸੋ ਲਾਏ ॥ तिहूं मात कंठन सो लाए ॥ ਦੋਊ ਪੁਤ੍ਰ ਪਾਇਨ ਲਪਟਾਏ ॥ दोऊ पुत्र पाइन लपटाए ॥ ਬਹੁਰ ਆਨਿ ਸੀਤਾ ਪਗ ਪਰੀ ॥ बहुर आनि सीता पग परी ॥ ਮਿਟ ਗਈ ਤਹੀਂ ਦੁਖਨ ਕੀ ਘਰੀ ॥੮੨੯॥ मिट गई तहीं दुखन की घरी ॥८२९॥ ਬਾਜ ਮੇਧ ਪੂਰਨ ਕੀਅ ਜੱਗਾ ॥ बाज मेध पूरन कीअ जग्गा ॥ ਕਉਸਲੇਸ ਰਘੁਬੀਰ ਅਭੱਗਾ ॥ कउसलेस रघुबीर अभग्गा ॥ ਗ੍ਰਿਹ ਸਪੂਤ ਦੋ ਪੂਤ ਸੁਹਾਏ ॥ ग्रिह सपूत दो पूत सुहाए ॥ ਦੇਸ ਬਿਦੇਸ ਜੀਤ ਗ੍ਰਹ ਆਏ ॥੮੩੦॥ देस बिदेस जीत ग्रह आए ॥८३०॥ ਜੇਤਿਕ ਕਹੇ ਸੁ ਜੱਗ ਬਿਧਾਨਾ ॥ जेतिक कहे सु जग्ग बिधाना ॥ ਬਿਧ ਪੂਰਬ ਕੀਨੇ ਤੇ ਨਾਨਾ ॥ बिध पूरब कीने ते नाना ॥ ਏਕ ਘਾਟ ਸਤ ਕੀਨੇ ਜੱਗਾ ॥ एक घाट सत कीने जग्गा ॥ ਚਟ ਪਟ ਚਕ੍ਰ ਇੰਦ੍ਰ ਉਠਿ ਭੱਗਾ ॥੮੩੧॥ चट पट चक्र इंद्र उठि भग्गा ॥८३१॥ ਰਾਜਸੁਇ ਕੀਨੇ ਦਸ ਬਾਰਾ ॥ राजसुइ कीने दस बारा ॥ ਬਾਜ ਮੇਧਿ ਇੱਕੀਸ ਪ੍ਰਕਾਰਾ ॥ बाज मेधि इक्कीस प्रकारा ॥ ਗਵਾਲੰਭ ਅਜਮੇਧ ਅਨੇਕਾ ॥ गवाल्मभ अजमेध अनेका ॥ ਭੂਮਿ ਮੱਧ ਕਰਮ ਕੀਏ ਅਨੇਕਾ ॥੮੩੨॥ भूमि मद्ध करम कीए अनेका ॥८३२॥ ਨਾਗਮੇਧ ਖਟ ਜੱਗ ਕਰਾਏ ॥ नागमेध खट जग्ग कराए ॥ ਜਉਨ ਕਰੇ ਜਨਮੇ ਜਯ ਪਾਏ ॥ जउन करे जनमे जय पाए ॥ ਅਉਰੈ ਗਨਤ ਕਹਾਂ ਲਗ ਜਾਊਂ ॥ अउरै गनत कहां लग जाऊं ॥ ਗ੍ਰੰਥ ਬਢਨ ਤੇ ਹੀਏ ਡਰਾਊਂ ॥੮੩੩॥ ग्रंथ बढन ते हीए डराऊं ॥८३३॥ ਦਸ ਸਹੰਸ੍ਰ ਦਸ ਬਰਖ ਪ੍ਰਮਾਨਾ ॥ दस सहंस्र दस बरख प्रमाना ॥ ਰਾਜ ਕਰਾ ਪੁਰ ਅਉਧ ਨਿਧਾਨਾ ॥ राज करा पुर अउध निधाना ॥ ਤਬ ਲਉ ਕਾਲ ਦਸਾ ਨੀਅਰਾਈ ॥ तब लउ काल दसा नीअराई ॥ ਰਘੁਬਰ ਸਿਰਿ ਮ੍ਰਿਤ ਡੰਕ ਬਜਾਈ ॥੮੩੪॥ रघुबर सिरि म्रित डंक बजाई ॥८३४॥ |
|
|
|
|
Dasam Granth |