ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 224 ਰਾਵਨ ਕੋ ਰਘੁਰਾਜ ਜਬੈ; ਰਣ ਮੰਡਲ ਆਵਤ ਮੱਧਿ ਨਿਹਾਰਯੋ ॥ रावन को रघुराज जबै; रण मंडल आवत मद्धि निहारयो ॥ ਬੀਸ ਸਿਲਾ ਸਿਤ ਸਾਇਕ ਲੈ; ਕਰਿ ਕੋਪੁ ਬਡੋ ਉਰ ਮੱਧ ਪ੍ਰਹਾਰਯੋ ॥ बीस सिला सित साइक लै; करि कोपु बडो उर मद्ध प्रहारयो ॥ ਭੇਦ ਚਲੇ ਮਰਮ ਸੱਥਲ ਕੋ ਸਰ; ਸ੍ਰੋਣ ਨਦੀ ਸਰ ਬੀਚ ਪਖਾਰਯੋ ॥ भेद चले मरम सत्थल को सर; स्रोण नदी सर बीच पखारयो ॥ ਆਗੇ ਹੀ ਰੇਂਗ ਚਲਯੋ ਹਠਿ ਕੈ ਭਟ; ਧਾਮ ਕੋ ਭੂਲ ਨ ਨਾਮ ਉਚਾਰਯੋ ॥੬੨੧॥ आगे ही रेंग चलयो हठि कै भट; धाम को भूल न नाम उचारयो ॥६२१॥ ਰੋਸ ਭਰਯੋ ਰਨ ਮੌ ਰਘੁਨਾਥ; ਸੁ ਪਾਨ ਕੇ ਬੀਚ ਸਰਾਸਨ ਲੈ ਕੈ ॥ रोस भरयो रन मौ रघुनाथ; सु पान के बीच सरासन लै कै ॥ ਪਾਂਚਕ ਪਾਇ ਹਟਾਇ ਦਯੋ ਤਿਹ; ਬੀਸਹੂੰ ਬਾਂਹਿ ਬਿਨਾ ਓਹ ਕੈ ਕੈ ॥ पांचक पाइ हटाइ दयो तिह; बीसहूं बांहि बिना ओह कै कै ॥ ਦੈ ਦਸ ਬਾਨ ਬਿਮਾਨ ਦਸੋ; ਸਿਰ ਕਾਟ ਦਏ ਸਿਵ ਲੋਕ ਪਠੈ ਕੈ ॥ दै दस बान बिमान दसो; सिर काट दए सिव लोक पठै कै ॥ ਸ੍ਰੀ ਰਘੁਰਾਜ ਬਰਯੋ ਸੀਅ ਕੋ; ਬਹੁਰੋ ਜਨੁ ਜੁੱਧ ਸੁਯੰਬਰ ਜੈ ਕੈ ॥੬੨੨॥ स्री रघुराज बरयो सीअ को; बहुरो जनु जुद्ध सुय्मबर जै कै ॥६२२॥ ਇਤਿ ਸ੍ਰੀ ਬਚਿਤ੍ਰ ਨਾਟਕੇ ਰਾਮਵਤਾਰ ਦਸ ਸਿਰ ਬਧਹ ਧਿਆਇ ਸਮਾਪਤਮ ਸਤੁ ॥ इति स्री बचित्र नाटके रामवतार दस सिर बधह धिआइ समापतम सतु ॥ ਅਥ ਮਦੋਦਰੀ ਸਮੋਧ ਬਭੀਛਨ ਕੋ ਲੰਕ ਰਾਜ ਦੀਬੋ ॥ अथ मदोदरी समोध बभीछन को लंक राज दीबो ॥ ਸੀਤਾ ਮਿਲਬੋ ਕਥਨੰ ॥ सीता मिलबो कथनं ॥ ਸ੍ਵੈਯਾ ਛੰਦ ॥ स्वैया छंद ॥ ਇੰਦ੍ਰ ਡਰਾਕੁਲ ਥੋ ਜਿੱਹ ਕੇ ਡਰ; ਸੂਰਜ ਚੰਦ੍ਰ ਹੁਤੋ ਭਯ ਭੀਤੋ ॥ इंद्र डराकुल थो जिह के डर; सूरज चंद्र हुतो भय भीतो ॥ ਲੂਟ ਲਯੋ ਧਨ ਜਉਨ ਧਨੇਸ ਕੋ; ਬ੍ਰਹਮ ਹੁਤੋ ਚਿਤ ਮੋਨਨਿ ਚੀਤੋ ॥ लूट लयो धन जउन धनेस को; ब्रहम हुतो चित मोननि चीतो ॥ ਇੰਦ੍ਰ ਸੇ ਭੂਪ ਅਨੇਕ ਲਰੈ; ਇਨ ਸੌ, ਫਿਰਿ ਕੈ ਗ੍ਰਹ ਜਾਤ ਨ ਜੀਤੋ ॥ इंद्र से भूप अनेक लरै; इन सौ, फिरि कै ग्रह जात न जीतो ॥ ਸੋ ਰਨ ਆਜ ਭਲੈਂ ਰਘੁਰਾਜ; ਸੁ ਜੁੱਧ ਸੁਯੰਬਰ ਕੈ ਸੀਅ ਜੀਤੋ ॥੬੨੩॥ सो रन आज भलैं रघुराज; सु जुद्ध सुय्मबर कै सीअ जीतो ॥६२३॥ ਅਲਕਾ ਛੰਦ ॥ अलका छंद ॥ ਚਟਪਟ ਸੈਣੰ ਖਟਪਟ ਭਾਜੇ ॥ चटपट सैणं खटपट भाजे ॥ ਝਟਪਟ ਜੁੱਝਯੋ ਲਖ ਰਣ ਰਾਜੇ ॥ झटपट जुझयो लख रण राजे ॥ ਸਟਪਟ ਭਾਜੇ ਅਟਪਟ ਸੂਰੰ ॥ सटपट भाजे अटपट सूरं ॥ ਝਟਪਟ ਬਿਸਰੀ ਘਟ ਪਟ ਹੂਰੰ ॥੬੨੪॥ झटपट बिसरी घट पट हूरं ॥६२४॥ ਚਟਪਟ ਪੈਠੇ ਖਟਪਟ ਲੰਕੰ ॥ चटपट पैठे खटपट लंकं ॥ ਰਣ ਤਜ ਸੂਰੰ ਸਰ ਧਰ ਬੰਕੰ ॥ रण तज सूरं सर धर बंकं ॥ ਝਲਹਲ ਬਾਰੰ ਨਰਬਰ ਨੈਣੰ ॥ झलहल बारं नरबर नैणं ॥ ਧਕਿ ਧਕਿ ਉਚਰੇ ਭਕਿ ਭਕਿ ਬੈਣੰ ॥੬੨੫॥ धकि धकि उचरे भकि भकि बैणं ॥६२५॥ ਨਰ ਬਰ ਰਾਮੰ ਬਰਨਰ ਮਾਰੋ ॥ नर बर रामं बरनर मारो ॥ ਝਟਪਟ ਬਾਹੰ ਕਟਿ ਕਟਿ ਡਾਰੋ ॥ झटपट बाहं कटि कटि डारो ॥ ਤਬ ਸਭ ਭਾਜੇ ਰਖ ਰਖ ਪ੍ਰਾਣੰ ॥ तब सभ भाजे रख रख प्राणं ॥ ਖਟਪਟ ਮਾਰੇ ਝਟਪਟ ਬਾਣੰ ॥੬੨੬॥ खटपट मारे झटपट बाणं ॥६२६॥ ਚਟਪਟ ਰਾਨੀ ਸਟਪਟ ਧਾਈ ॥ चटपट रानी सटपट धाई ॥ ਰਟਪਟ ਰੋਵਤ ਅਟਪਟ ਆਈ ॥ रटपट रोवत अटपट आई ॥ ਚਟਪਟ ਲਾਗੀ ਅਟਪਟ ਪਾਯੰ ॥ चटपट लागी अटपट पायं ॥ ਨਰਬਰ ਨਿਰਖੇ ਰਘੁਬਰ ਰਾਯੰ ॥੬੨੭॥ नरबर निरखे रघुबर रायं ॥६२७॥ ਚਟਪਟ ਲੋਟੈਂ ਅਟਪਟ ਧਰਣੀ ॥ चटपट लोटैं अटपट धरणी ॥ ਕਸਿ ਕਸਿ ਰੋਵੈਂ ਬਰਨਰ ਬਰਣੀ ॥ कसि कसि रोवैं बरनर बरणी ॥ ਪਟਪਟ ਡਾਰੈਂ ਅਟਪਟ ਕੇਸੰ ॥ पटपट डारैं अटपट केसं ॥ ਬਟ ਹਰਿ ਕੂਕੈਂ ਨਟ ਵਰ ਭੇਸੰ ॥੬੨੮॥ बट हरि कूकैं नट वर भेसं ॥६२८॥ ਚਟਪਟ ਚੀਰੰ ਅਟਪਟ ਪਾਰੈਂ ॥ चटपट चीरं अटपट पारैं ॥ ਧਰ ਕਰ ਧੂਮੰ ਸਰਬਰ ਡਾਰੈਂ ॥ धर कर धूमं सरबर डारैं ॥ ਸਟਪਟ ਲੋਟੈਂ ਖਟਪਟ ਭੂਮੰ ॥ सटपट लोटैं खटपट भूमं ॥ ਝਟਪਟ ਝੂਰੈਂ ਘਰਹਰ ਘੂਮੰ ॥੬੨੯॥ झटपट झूरैं घरहर घूमं ॥६२९॥ ਰਸਾਵਲ ਛੰਦ ॥ रसावल छंद ॥ ਜਬੈ ਰਾਮ ਦੇਖੈ ॥ जबै राम देखै ॥ ਮਹਾ ਰੂਪ ਲੇਖੈ ॥ महा रूप लेखै ॥ ਰਹੀ ਨਯਾਇ ਸੀਸੰ ॥ रही नयाइ सीसं ॥ ਸਭੈ ਨਾਰ ਈਸੰ ॥੬੩੦॥ सभै नार ईसं ॥६३०॥ ਲਖੈਂ ਰੂਪ ਮੋਹੀ ॥ लखैं रूप मोही ॥ ਫਿਰੀ ਰਾਮ ਦੇਹੀ ॥ फिरी राम देही ॥ ਦਈ ਤਾਹਿ ਲੰਕਾ ॥ दई ताहि लंका ॥ ਜਿਮੰ ਰਾਜ ਟੰਕਾ ॥੬੩੧॥ जिमं राज टंका ॥६३१॥ |
|
|
|
|
Dasam Granth |