ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 73 ਦੋਹਰਾ ॥ दोहरा ॥ ਦੈਤ ਕੋਪ ਇਕ ਸਾਮੁਹੇ; ਗਇਓ ਤੁਰੰਗਮ ਡਾਰਿ ॥ दैत कोप इक सामुहे; गइओ तुरंगम डारि ॥ ਸਨਮੁਖ ਦੇਵੀ ਕੇ ਭਇਓ; ਸਲਭ ਦੀਪ ਅਨੁਹਾਰ ॥੩੩॥ सनमुख देवी के भइओ; सलभ दीप अनुहार ॥३३॥ ਸ੍ਵੈਯਾ ॥ स्वैया ॥ ਬੀਰ ਬਲੀ ਸਿਰਦਾਰ ਦੈਈਤ ਸੁ; ਕ੍ਰੋਧ ਕੈ ਮਿਯਾਨ ਤੇ ਖਗੁ ਨਿਕਾਰਿਓ ॥ बीर बली सिरदार दैईत सु; क्रोध कै मियान ते खगु निकारिओ ॥ ਏਕ ਦਇਓ ਤਨਿ ਚੰਡ ਪ੍ਰਚੰਡ ਕੈ; ਦੂਸਰ ਕੇਹਰਿ ਕੇ ਸਿਰ ਝਾਰਿਓ ॥ एक दइओ तनि चंड प्रचंड कै; दूसर केहरि के सिर झारिओ ॥ ਚੰਡ ਸੰਭਾਰਿ ਤਬੈ ਬਲੁ ਧਾਰਿ; ਲਇਓ ਗਹਿ ਨਾਰਿ, ਧਰਾ ਪਰ ਮਾਰਿਓ ॥ चंड स्मभारि तबै बलु धारि; लइओ गहि नारि, धरा पर मारिओ ॥ ਜਿਉ ਧੁਬੀਆ ਸਰਤਾ ਤਟਿ ਜਾਇ ਕੇ; ਲੈ ਪਟ ਕੋ ਪਟ ਸਾਥ ਪਛਾਰਿਓ ॥੩੪॥ जिउ धुबीआ सरता तटि जाइ के; लै पट को पट साथ पछारिओ ॥३४॥ ਦੋਹਰਾ ॥ दोहरा ॥ ਦੇਵੀ ਮਾਰਿਓ ਦੈਤ ਇਉ; ਲਰਿਓ ਜੁ ਸਨਮੁਖ ਆਇ ॥ देवी मारिओ दैत इउ; लरिओ जु सनमुख आइ ॥ ਪੁਨਿ ਸਤ੍ਰਨਿ ਕੀ ਸੈਨ ਮੈ; ਧਸੀ ਸੁ ਸੰਖ ਬਜਾਇ ॥੩੫॥ पुनि सत्रनि की सैन मै; धसी सु संख बजाइ ॥३५॥ ਸ੍ਵੈਯਾ ॥ स्वैया ॥ ਲੈ ਕਰਿ ਚੰਡਿ ਕੁਵੰਡ ਪ੍ਰਚੰਡ; ਮਹਾ ਬਰਬੰਡ ਤਬੈ ਇਹ ਕੀਨੋ ॥ लै करि चंडि कुवंड प्रचंड; महा बरबंड तबै इह कीनो ॥ ਏਕ ਹੀ ਬਾਰ ਨਿਹਾਰਿ ਹਕਾਰਿ; ਸੁਧਾਰਿ ਬਿਦਾਰ ਸਭੈ ਦਲ ਦੀਨੋ ॥ एक ही बार निहारि हकारि; सुधारि बिदार सभै दल दीनो ॥ ਦੈਤ ਘਨੇ ਰਨ ਮਾਹਿ ਹਨੇ; ਲਖਿ ਸ੍ਰੋਨ ਸਨੇ ਕਵਿ ਇਉ ਮਨੁ ਚੀਨੋ ॥ दैत घने रन माहि हने; लखि स्रोन सने कवि इउ मनु चीनो ॥ ਜਿਉ ਖਗਰਾਜ ਬਡੋ ਅਹਿਰਾਜ; ਸਮਾਜ ਕੇ, ਕਾਟਿ ਕਤਾ ਕਰਿ ਲੀਨੋ ॥੩੬॥ जिउ खगराज बडो अहिराज; समाज के, काटि कता करि लीनो ॥३६॥ ਦੋਹਰਾ ॥ दोहरा ॥ ਦੇਵੀ ਮਾਰੇ ਦੈਤ ਬਹੁ; ਪ੍ਰਬਲ ਨਿਬਲ ਸੇ ਕੀਨ ॥ देवी मारे दैत बहु; प्रबल निबल से कीन ॥ ਸਸਤ੍ਰ ਧਾਰਿ ਕਰਿ ਕਰਨ ਮੈ; ਚਮੂੰ ਚਾਲ ਕਰਿ ਦੀਨ ॥੩੭॥ ससत्र धारि करि करन मै; चमूं चाल करि दीन ॥३७॥ ਭਜੀ ਚਮੂੰ ਮਹਖਾਸੁਰੀ; ਤਕੀ ਸਰਨਿ ਨਿਜ ਈਸ ॥ भजी चमूं महखासुरी; तकी सरनि निज ईस ॥ ਧਾਇ ਜਾਇ ਤਿਨ ਇਉ ਕਹਿਓ; ਹਨਿਓ ਪਦਮ ਭਟ ਬੀਸ ॥੩੮॥ धाइ जाइ तिन इउ कहिओ; हनिओ पदम भट बीस ॥३८॥ ਸੁਨਿ ਮਹਖਾਸੁਰ ਮੂੜ ਮਤਿ; ਮਨ ਮੈ ਉਠਿਓ ਰਿਸਾਇ ॥ सुनि महखासुर मूड़ मति; मन मै उठिओ रिसाइ ॥ ਆਗਿਆ ਦੀਨੀ ਸੈਨ ਕੋ; ਘੇਰੋ ਦੇਵੀ ਜਾਇ ॥੩੯॥ आगिआ दीनी सैन को; घेरो देवी जाइ ॥३९॥ ਸ੍ਵੈਯਾ ॥ स्वैया ॥ ਬਾਤ ਸੁਨੀ ਪ੍ਰਭ ਕੀ ਸਭ ਸੈਨਹਿ; ਸੂਰ ਮਿਲੇ ਇਕੁ ਮੰਤ੍ਰ ਕਰਿਓ ਹੈ ॥ बात सुनी प्रभ की सभ सैनहि; सूर मिले इकु मंत्र करिओ है ॥ ਜਾਇ ਪਰੇ ਚਹੂੰ ਓਰ ਤੇ ਧਾਇ ਕੈ; ਠਾਟ ਇਹੈ ਮਨ ਮਧਿ ਕਰਿਓ ਹੈ ॥ जाइ परे चहूं ओर ते धाइ कै; ठाट इहै मन मधि करिओ है ॥ ਮਾਰ ਹੀ ਮਾਰ ਪੁਕਾਰ ਪਰੇ; ਅਸਿ ਲੈ ਕਰਿ ਮੈ, ਦਲੁ ਇਉ ਬਿਹਰਿਓ ਹੈ ॥ मार ही मार पुकार परे; असि लै करि मै, दलु इउ बिहरिओ है ॥ ਘੇਰਿ ਲਈ ਚਹੂੰ ਓਰ ਤੇ ਚੰਡਿ; ਸੁ ਚੰਦ ਮਨੋ ਪਰਵੇਖ ਪਰਿਓ ਹੈ ॥੪੦॥ घेरि लई चहूं ओर ते चंडि; सु चंद मनो परवेख परिओ है ॥४०॥ ਦੇਖਿ ਚਮੂੰ ਮਹਖਾਸੁਰ ਕੀ; ਕਰਿ ਚੰਡ ਕੁਵੰਡ ਪ੍ਰਚੰਡ ਧਰਿਓ ਹੈ ॥ देखि चमूं महखासुर की; करि चंड कुवंड प्रचंड धरिओ है ॥ ਦਛਨ ਬਾਮ ਚਲਾਇ ਘਨੇ; ਸਰ ਕੋਪ ਭਯਾਨਕ ਜੁਧੁ ਕਰਿਓ ਹੈ ॥ दछन बाम चलाइ घने; सर कोप भयानक जुधु करिओ है ॥ ਭੰਜਨ ਭੇ ਅਰਿ ਕੇ ਤਨ ਤੇ; ਛੁਟ ਸ੍ਰਉਨ ਸਮੂਹ ਧਰਾਨਿ ਪਰਿਓ ਹੈ ॥ भंजन भे अरि के तन ते; छुट स्रउन समूह धरानि परिओ है ॥ ਆਠਵੋ ਸਿੰਧੁ ਪਚਾਯੋ ਹੁਤੋ ਮਨੋ; ਯਾ ਰਨ ਮੈ ਬਿਧਿ ਨੇ ਉਗਰਿਓ ਹੈ ॥੪੧॥ आठवो सिंधु पचायो हुतो मनो; या रन मै बिधि ने उगरिओ है ॥४१॥ ਦੋਹਰਾ ॥ दोहरा ॥ ਕੋਪ ਭਈ ਅਰਿ ਦਲ ਬਿਖੈ; ਚੰਡੀ ਚਕ੍ਰ ਸੰਭਾਰਿ ॥ कोप भई अरि दल बिखै; चंडी चक्र स्मभारि ॥ ਏਕ ਮਾਰਿ ਕੈ ਦ੍ਵੈ ਕੀਏ; ਦ੍ਵੈ ਤੇ ਕੀਨੇ ਚਾਰ ॥੪੨॥ एक मारि कै द्वै कीए; द्वै ते कीने चार ॥४२॥ ਸ੍ਵੈਯਾ ॥ स्वैया ॥ ਇਹ ਭਾਂਤਿ ਕੋ ਜੁਧੁ ਕਰਿਓ ਸੁਨਿ ਕੈ; ਕਵਲਾਸ ਮੈ ਧਿਆਨ ਛੁਟਿਓ ਹਰਿ ਕਾ ॥ इह भांति को जुधु करिओ सुनि कै; कवलास मै धिआन छुटिओ हरि का ॥ ਪੁਨਿ ਚੰਡ ਸੰਭਾਰ ਉਭਾਰ ਗਦਾ; ਧੁਨਿ ਸੰਖ ਬਜਾਇ ਕਰਿਓ ਖਰਕਾ ॥ पुनि चंड स्मभार उभार गदा; धुनि संख बजाइ करिओ खरका ॥ ਸਿਰ ਸਤ੍ਰਨਿ ਕੇ ਪਰ ਚਕ੍ਰ ਪਰਿਓ ਛੁਟਿ; ਐਸੇ ਬਹਿਓ ਕਰਿ ਕੇ ਬਰ ਕਾ ॥ सिर सत्रनि के पर चक्र परिओ छुटि; ऐसे बहिओ करि के बर का ॥ ਜਨੁ ਖੇਲ ਕੋ ਸਰਤਾ ਤਟਿ ਜਾਇ; ਚਲਾਵਤ ਹੈ ਛਿਛਲੀ ਲਰਕਾ ॥੪੩॥ जनु खेल को सरता तटि जाइ; चलावत है छिछली लरका ॥४३॥ |
|
|
|
|
Dasam Granth |