ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 55 ਚੌਪਈ ॥ चौपई ॥ ਇਹ ਕਾਰਨਿ ਪ੍ਰਭ ਮੋਹਿ ਪਠਾਯੋ ॥ इह कारनि प्रभ मोहि पठायो ॥ ਤਬ ਮੈ ਜਗਤਿ ਜਨਮੁ ਧਰਿ ਆਯੋ ॥ तब मै जगति जनमु धरि आयो ॥ ਜਿਮ ਤਿਨ ਕਹੀ ਇਨੈ ਤਿਮ ਕਹਿਹੌ ॥ जिम तिन कही इनै तिम कहिहौ ॥ ਅਉਰ ਕਿਸੁ ਤੇ ਬੈਰ ਨ ਗਹਿਹੌ ॥੩੧॥ अउर किसु ते बैर न गहिहौ ॥३१॥ ਜੋ ਹਮ ਕੋ ਪਰਮੇਸੁਰ ਉਚਰਿ ਹੈ ॥ जो हम को परमेसुर उचरि है ॥ ਤੇ ਸਭ ਨਰਕਿ ਕੁੰਡ ਮਹਿ ਪਰਿ ਹੈ ॥ ते सभ नरकि कुंड महि परि है ॥ ਮੋ ਕੋ ਦਾਸੁ ਤਵਨ ਕਾ ਜਾਨੋ ॥ मो को दासु तवन का जानो ॥ ਯਾ ਮੈ ਭੇਦੁ ਨ ਰੰਚ ਪਛਾਨੋ ॥੩੨॥ या मै भेदु न रंच पछानो ॥३२॥ ਮੈ ਹੋ ਪਰਮ ਪੁਰਖ ਕੋ ਦਾਸਾ ॥ मै हो परम पुरख को दासा ॥ ਦੇਖਨਿ ਆਯੋ ਜਗਤ ਤਮਾਸਾ ॥ देखनि आयो जगत तमासा ॥ ਜੋ ਪ੍ਰਭ ਜਗਤਿ ਕਹਾ ਸੋ ਕਹਿ ਹੋ ॥ जो प्रभ जगति कहा सो कहि हो ॥ ਮ੍ਰਿਤ ਲੋਗ ਤੇ ਮੋਨਿ ਨ ਰਹਿ ਹੋ ॥੩੩॥ म्रित लोग ते मोनि न रहि हो ॥३३॥ ਨਰਾਜ ਛੰਦ ॥ नराज छंद ॥ ਕਹਿਯੋ ਪ੍ਰਭੂ, ਸੁ ਭਾਖਿਹੌ ॥ कहियो प्रभू, सु भाखिहौ ॥ ਕਿਸੂ ਨ ਕਾਨ ਰਾਖਿਹੌ ॥ किसू न कान राखिहौ ॥ ਕਿਸੂ ਨ ਭੇਖ ਭੀਜਹੌ ॥ किसू न भेख भीजहौ ॥ ਅਲੇਖ ਬੀਜ ਬੀਜਹੌ ॥੩੪॥ अलेख बीज बीजहौ ॥३४॥ ਪਖਾਣ ਪੂਜਿ ਹੌ ਨਹੀ ॥ पखाण पूजि हौ नही ॥ ਨ ਭੇਖ ਭੀਜ ਹੌ ਕਹੀ ॥ न भेख भीज हौ कही ॥ ਅਨੰਤ ਨਾਮੁ ਗਾਇਹੌ ॥ अनंत नामु गाइहौ ॥ ਪਰਮ ਪੁਰਖ ਪਾਇਹੌ ॥੩੫॥ परम पुरख पाइहौ ॥३५॥ ਜਟਾ ਨ ਸੀਸ ਧਾਰਿਹੌ ॥ जटा न सीस धारिहौ ॥ ਨ ਮੁੰਦ੍ਰਕਾ ਸੁ ਧਾਰਿਹੌ ॥ न मुंद्रका सु धारिहौ ॥ ਨ ਕਾਨਿ ਕਾਹੂੰ ਕੀ ਧਰੋ ॥ न कानि काहूं की धरो ॥ ਕਹਿਯੋ ਪ੍ਰਭੂ, ਸੁ ਮੈ ਕਰੋ ॥੩੬॥ कहियो प्रभू, सु मै करो ॥३६॥ ਭਜੋ ਸੁ ਏਕੁ ਨਾਮਯੰ ॥ भजो सु एकु नामयं ॥ ਜੁ ਕਾਮ ਸਰਬ ਠਾਮਯੰ ॥ जु काम सरब ठामयं ॥ ਨ ਜਾਪ ਆਨ ਕੋ ਜਪੋ ॥ न जाप आन को जपो ॥ ਨ ਅਉਰ ਥਾਪਨਾ ਥਪੋ ॥੩੭॥ न अउर थापना थपो ॥३७॥ ਬਿਅੰਤਿ ਨਾਮੁ ਧਿਆਇਹੌ ॥ बिअंति नामु धिआइहौ ॥ ਪਰਮ ਜੋਤਿ ਪਾਇਹੌ ॥ परम जोति पाइहौ ॥ ਨ ਧਿਆਨ ਆਨ ਕੋ ਧਰੋ ॥ न धिआन आन को धरो ॥ ਨ ਨਾਮੁ ਆਨਿ ਉਚਰੋ ॥੩੮॥ न नामु आनि उचरो ॥३८॥ ਤਵਿਕ ਨਾਮ ਰਤਿਯੰ ॥ तविक नाम रतियं ॥ ਨ ਆਨ ਮਾਨ ਮਤਿਯੰ न आन मान मतियं ਪਰਮ ਧਿਆਨ ਧਾਰੀਯੰ ॥ परम धिआन धारीयं ॥ ਅਨੰਤ ਪਾਪ ਟਾਰੀਯੰ ॥੩੯॥ अनंत पाप टारीयं ॥३९॥ ਤੁਮੇਵ ਰੂਪ ਰਾਚਿਯੰ ॥ तुमेव रूप राचियं ॥ ਨ ਆਨ ਦਾਨ ਮਾਚਿਯੰ ॥ न आन दान माचियं ॥ ਤਵਕਿ ਨਾਮੁ ਉਚਾਰੀਯੰ ॥ तवकि नामु उचारीयं ॥ ਅਨੰਤ ਦੂਖ ਟਾਰੀਯੰ ॥੪੦॥ अनंत दूख टारीयं ॥४०॥ ਚੌਪਈ ॥ चौपई ॥ ਜਿਨਿ ਜਿਨਿ ਨਾਮੁ ਤਿਹਾਰੋ ਧਿਆਇਆ ॥ जिनि जिनि नामु तिहारो धिआइआ ॥ ਦੂਖ ਪਾਪ ਤਿਨ ਨਿਕਟਿ ਨ ਆਇਆ ॥ दूख पाप तिन निकटि न आइआ ॥ ਜੇ ਜੇ, ਅਉਰ ਧਿਆਨ ਕੋ ਧਰਹੀ ॥ जे जे, अउर धिआन को धरही ॥ ਬਹਿਸਿ ਬਹਿਸਿ ਬਾਦਨ ਤੇ ਮਰਹੀ ॥੪੧॥ बहिसि बहिसि बादन ते मरही ॥४१॥ ਹਮ ਇਹ ਕਾਜ ਜਗਤ ਮੋ ਆਏ ॥ हम इह काज जगत मो आए ॥ ਧਰਮ ਹੇਤ ਗੁਰਦੇਵਿ ਪਠਾਏ ॥ धरम हेत गुरदेवि पठाए ॥ ਜਹਾ ਤਹਾ ਤੁਮ ਧਰਮ ਬਿਥਾਰੋ ॥ जहा तहा तुम धरम बिथारो ॥ ਦੁਸਟ ਦੋਖਯਨਿ ਪਕਰਿ ਪਛਾਰੋ ॥੪੨॥ दुसट दोखयनि पकरि पछारो ॥४२॥ ਯਾਹੀ ਕਾਜ ਧਰਾ ਹਮ ਜਨਮੰ ॥ याही काज धरा हम जनमं ॥ ਸਮਝ ਲੇਹੁ ਸਾਧੂ ਸਭ ਮਨਮੰ ॥ समझ लेहु साधू सभ मनमं ॥ ਧਰਮ ਚਲਾਵਨ ਸੰਤ ਉਬਾਰਨ ॥ धरम चलावन संत उबारन ॥ ਦੁਸਟ ਸਭਨ ਕੋ ਮੂਲ ਉਪਾਰਿਨ ॥੪੩॥ दुसट सभन को मूल उपारिन ॥४३॥ ਜੇ ਜੇ ਭਏ ਪਹਿਲ ਅਵਤਾਰਾ ॥ जे जे भए पहिल अवतारा ॥ ਆਪੁ ਆਪੁ ਤਿਨ ਜਾਪੁ ਉਚਾਰਾ ॥ आपु आपु तिन जापु उचारा ॥ ਪ੍ਰਭ ਦੋਖੀ ਕੋਈ ਨ ਬਿਦਾਰਾ ॥ प्रभ दोखी कोई न बिदारा ॥ ਧਰਮ ਕਰਨ ਕੋ ਰਾਹੁ ਨ ਡਾਰਾ ॥੪੪॥ धरम करन को राहु न डारा ॥४४॥ ਜੇ ਜੇ ਗਉਸ ਅੰਬੀਆ ਭਏ ॥ जे जे गउस अ्मबीआ भए ॥ ਮੈ ਮੈ ਕਰਤ ਜਗਤ ਤੇ ਗਏ ॥ मै मै करत जगत ते गए ॥ ਮਹਾਪੁਰਖ ਕਾਹੂੰ ਨ ਪਛਾਨਾ ॥ महापुरख काहूं न पछाना ॥ ਕਰਮ ਧਰਮ ਕੋ ਕਛੂ ਨ ਜਾਨਾ ॥੪੫॥ करम धरम को कछू न जाना ॥४५॥ ਅਵਰਨ ਕੀ ਆਸਾ ਕਿਛੁ ਨਾਹੀ ॥ अवरन की आसा किछु नाही ॥ ਏਕੈ ਆਸ ਧਰੋ ਮਨ ਮਾਹੀ ॥ एकै आस धरो मन माही ॥ ਆਨ ਆਸ, ਉਪਜਤ ਕਿਛੁ ਨਾਹੀ ॥ आन आस, उपजत किछु नाही ॥ ਵਾ ਕੀ ਆਸ, ਧਰੋ ਮਨ ਮਾਹੀ ॥੪੬॥ वा की आस, धरो मन माही ॥४६॥ ਦੋਹਰਾ ॥ दोहरा ॥ ਕੋਈ ਪੜਤਿ ਕੁਰਾਨ ਕੋ; ਕੋਈ ਪੜਤ ਪੁਰਾਨ ॥ कोई पड़ति कुरान को; कोई पड़त पुरान ॥ ਕਾਲ ਨ ਸਕਤ ਬਚਾਇਕੈ; ਫੋਕਟ ਧਰਮ ਨਿਦਾਨ ॥੪੭॥ काल न सकत बचाइकै; फोकट धरम निदान ॥४७॥ |
|
|
|
|
Dasam Granth |