ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 48 ਤਾ ਤੇ ਪੁਤ੍ਰ ਪੌਤ੍ਰ ਹੁਇ ਆਇ ॥ ता ते पुत्र पौत्र हुइ आइ ॥ ਤੇ ਸੋਢੀ ਸਭ ਜਗਤਿ ਕਹਾਏ ॥ ते सोढी सभ जगति कहाए ॥ ਜਗ ਮੈ ਅਧਿਕ ਸੁ ਭਏ ਪ੍ਰਸਿਧਾ ॥ जग मै अधिक सु भए प्रसिधा ॥ ਦਿਨ ਦਿਨ ਤਿਨ ਕੇ ਧਨ ਕੀ ਬ੍ਰਿਧਾ ॥੩੦॥ दिन दिन तिन के धन की ब्रिधा ॥३०॥ ਰਾਜ ਕਰਤ ਭਏ ਬਿਬਿਧ ਪ੍ਰਕਾਰਾ ॥ राज करत भए बिबिध प्रकारा ॥ ਦੇਸ ਦੇਸ ਕੇ ਜੀਤ ਨ੍ਰਿਪਾਰਾ ॥ देस देस के जीत न्रिपारा ॥ ਜਹਾ ਤਹਾ ਤਿਹ ਧਰਮ ਚਲਾਯੋ ॥ जहा तहा तिह धरम चलायो ॥ ਅਤ੍ਰ ਪਤ੍ਰ ਕਹ ਸੀਸਿ ਢੁਰਾਯੋ ॥੩੧॥ अत्र पत्र कह सीसि ढुरायो ॥३१॥ ਰਾਜਸੂਅ ਬਹੁ ਬਾਰਨ ਕੀਏ ॥ राजसूअ बहु बारन कीए ॥ ਜੀਤਿ ਜੀਤਿ ਦੇਸੇਸ੍ਵਰ ਲੀਏ ॥ जीति जीति देसेस्वर लीए ॥ ਬਾਜ ਮੇਧ ਬਹੁ ਬਾਰਨ ਕਰੇ ॥ बाज मेध बहु बारन करे ॥ ਸਕਲ ਕਲੂਖ ਨਿਜ ਕੁਲ ਕੇ ਹਰੇ ॥੩੨॥ सकल कलूख निज कुल के हरे ॥३२॥ ਬਹੁਤ ਬੰਸ ਮੈ ਬਢੋ ਬਿਖਾਧਾ ॥ बहुत बंस मै बढो बिखाधा ॥ ਮੇਟ ਨ ਸਕਾ ਕੋਊ ਤਿਹ ਸਾਧਾ ॥ मेट न सका कोऊ तिह साधा ॥ ਬਿਚਰੇ ਬੀਰ ਬਨੈਤੁ ਅਖੰਡਲ ॥ बिचरे बीर बनैतु अखंडल ॥ ਗਹਿ ਗਹਿ ਚਲੇ ਭਿਰਨ ਰਨ ਮੰਡਲ ॥੩੩॥ गहि गहि चले भिरन रन मंडल ॥३३॥ ਧਨ ਅਰੁ ਭੂਮਿ ਪੁਰਾਤਨ ਬੈਰਾ ॥ धन अरु भूमि पुरातन बैरा ॥ ਜਿਨ ਕਾ ਮੂਆ ਕਰਤਿ ਜਗ ਘੇਰਾ ॥ जिन का मूआ करति जग घेरा ॥ ਮੋਹ ਬਾਦ ਅਹੰਕਾਰ ਪਸਾਰਾ ॥ मोह बाद अहंकार पसारा ॥ ਕਾਮ ਕ੍ਰੋਧ ਜੀਤਾ ਜਗ ਸਾਰਾ ॥੩੪॥ काम क्रोध जीता जग सारा ॥३४॥ ਦੋਹਰਾ ॥ दोहरा ॥ ਧਨਿ ਧਨਿ, ਧਨ ਕੋ ਭਾਖੀਐ; ਜਾ ਕਾ ਜਗਤੁ ਗੁਲਾਮੁ ॥ धनि धनि, धन को भाखीऐ; जा का जगतु गुलामु ॥ ਸਭ ਨਿਰਖਤ ਯਾ ਕੋ ਫਿਰੈ; ਸਭ ਚਲ ਕਰਤ ਸਲਾਮ ॥੩੫॥ सभ निरखत या को फिरै; सभ चल करत सलाम ॥३५॥ ਚੌਪਈ ॥ चौपई ॥ ਕਾਲ ਨ ਕੋਊ ਕਰਨ ਸੁਮਾਰਾ ॥ काल न कोऊ करन सुमारा ॥ ਬੈਰ ਬਾਦ ਅਹੰਕਾਰ ਪਸਾਰਾ ॥ बैर बाद अहंकार पसारा ॥ ਲੋਭ ਮੂਲ ਇਹ ਜਗ ਕੋ ਹੂਆ ॥ लोभ मूल इह जग को हूआ ॥ ਜਾ ਸੋ ਚਾਹਤ ਸਭੈ ਕੋ ਮੂਆ ॥੩੬॥ जा सो चाहत सभै को मूआ ॥३६॥ ਇਤਿ ਸ੍ਰੀ ਬਚਿਤ੍ਰ ਨਾਟਕ ਗ੍ਰੰਥੇ ਸੁਭ ਬੰਸ ਬਰਨਨੰ ਦੁਤੀਯਾ ਧਿਆਇ ਸੰਪੂਰਨਮ ਸਤੁ ਸੁਭਮ ਸਤੁ ॥੨॥੧੩੭॥ इति स्री बचित्र नाटक ग्रंथे सुभ बंस बरननं दुतीया धिआइ स्मपूरनम सतु सुभम सतु ॥२॥१३७॥ ਭੁਜੰਗ ਪ੍ਰਯਾਤ ਛੰਦ ॥ भुजंग प्रयात छंद ॥ ਰਚਾ ਬੈਰ ਬਾਦੰ ਬਿਧਾਤੇ ਅਪਾਰੰ ॥ रचा बैर बादं बिधाते अपारं ॥ ਜਿਸੈ ਸਾਧਿ ਸਾਕਿਓ ਨ ਕੋਊ ਸੁਧਾਰੰ ॥ जिसै साधि साकिओ न कोऊ सुधारं ॥ ਬਲੀ ਕਾਮ ਰਾਯੰ ਮਹਾ ਲੋਭ ਮੋਹੰ ॥ बली काम रायं महा लोभ मोहं ॥ ਗਯੋ ਕਉਨ ਬੀਰੰ? ਸੁ ਯਾ ਤੇ ਅਲੋਹੰ ॥੧॥ गयो कउन बीरं? सु या ते अलोहं ॥१॥ ਤਹਾ ਬੀਰ ਬੰਕੇ ਬਕੈ ਆਪ ਮਧੰ ॥ तहा बीर बंके बकै आप मधं ॥ ਉਠੇ ਸਸਤ੍ਰ ਲੈ ਲੈ, ਮਚਾ ਜੁਧ ਸੁਧੰ ॥ उठे ससत्र लै लै, मचा जुध सुधं ॥ ਕਹੂੰ ਖਪਰੀ ਖੋਲ ਖੰਡੇ ਅਪਾਰੰ ॥ कहूं खपरी खोल खंडे अपारं ॥ ਨਚੈ ਬੀਰ ਬੈਤਾਲ ਡਉਰੂ ਡਕਾਰੰ ॥੨॥ नचै बीर बैताल डउरू डकारं ॥२॥ ਕਹੂੰ ਈਸ ਸੀਸੰ ਪੁਐ ਰੁੰਡ ਮਾਲੰ ॥ कहूं ईस सीसं पुऐ रुंड मालं ॥ ਕਹੂੰ ਡਾਕ ਡਉਰੂ ਕਹੂੰਕੰ ਬਿਤਾਲੰ ॥ कहूं डाक डउरू कहूंकं बितालं ॥ ਚਵੀ ਚਾਵਡੀਅੰ ਕਿਲੰਕਾਰ ਕੰਕੰ ॥ चवी चावडीअं किलंकार कंकं ॥ ਗੁਥੀ ਲੁਥ ਜੁਥੇ ਬਹੈ ਬੀਰ ਬੰਕੰ ॥੩॥ गुथी लुथ जुथे बहै बीर बंकं ॥३॥ ਪਰੀ ਕੁਟ ਕੁਟੰ ਰੁਲੇ ਤਛ ਮੁਛੰ ॥ परी कुट कुटं रुले तछ मुछं ॥ ਰਹੇ ਹਾਥ ਡਾਰੇ ਉਭੈ ਉਰਧ ਮੁਛੰ ॥ रहे हाथ डारे उभै उरध मुछं ॥ ਕਹੂੰ ਖੋਪਰੀ ਖੋਲ ਖਿੰਗੰ ਖਤੰਗੰ ॥ कहूं खोपरी खोल खिंगं खतंगं ॥ ਕਹੂੰ ਖਤ੍ਰੀਅੰ ਖਗ ਖੇਤੰ ਨਿਖੰਗੰ ॥੪॥ कहूं खत्रीअं खग खेतं निखंगं ॥४॥ ਚਵੀ ਚਾਂਵਡੀ ਡਾਕਨੀ ਡਾਕ ਮਾਰੈ ॥ चवी चांवडी डाकनी डाक मारै ॥ ਕਹੂੰ ਭੈਰਵੀ ਭੂਤ ਭੈਰੋ ਬਕਾਰੈ ॥ कहूं भैरवी भूत भैरो बकारै ॥ ਕਹੂੰ ਬੀਰ ਬੈਤਾਲ ਬੰਕੇ ਬਿਹਾਰੰ ॥ कहूं बीर बैताल बंके बिहारं ॥ ਕਹੂੰ ਭੂਤ ਪ੍ਰੇਤੰ ਹਸੈ ਮਾਸਹਾਰੰ ॥੫॥ कहूं भूत प्रेतं हसै मासहारं ॥५॥ ਰਸਾਵਲ ਛੰਦ ॥ रसावल छंद ॥ ਮਹਾ ਬੀਰ ਗਜੇ ॥ महा बीर गजे ॥ ਸੁਣ ਮੇਘ ਲਜੇ ॥ सुण मेघ लजे ॥ ਝੰਡਾ ਗਡ ਗਾਢੇ ॥ झंडा गड गाढे ॥ ਮੰਡੇ ਰੋਸ ਬਾਢੇ ॥੬॥ मंडे रोस बाढे ॥६॥ ਕ੍ਰਿਪਾਣੰ ਕਟਾਰੰ ॥ क्रिपाणं कटारं ॥ ਭਿਰੇ ਰੋਸ ਧਾਰੰ ॥ भिरे रोस धारं ॥ ਮਹਾਬੀਰ ਬੰਕੰ ॥ महाबीर बंकं ॥ ਭਿਰੇ ਭੂਮਿ ਹੰਕੰ ॥੭॥ भिरे भूमि हंकं ॥७॥ ਮਚੇ ਸੂਰ ਸਸਤ੍ਰੰ ॥ मचे सूर ससत्रं ॥ ਉਠੀ ਝਾਰ ਅਸਤ੍ਰੰ ॥ उठी झार असत्रं ॥ ਕ੍ਰਿਪਾਣੰ ਕਟਾਰੰ ॥ क्रिपाणं कटारं ॥ ਪਰੀ ਲੋਹ ਮਾਰੰ ॥੮॥ परी लोह मारं ॥८॥ |
|
|
|
|
Dasam Granth |