ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 29 ਰੂਪ ਰੇਖ ਨ ਰੰਗ ਜਾ ਕੋ; ਰਾਗ ਰੂਪ ਨ ਰੰਗ ॥ रूप रेख न रंग जा को; राग रूप न रंग ॥ ਸਰਬ ਲਾਇਕ, ਸਰਬ ਘਾਇਕ; ਸਰਬ ਤੇ ਅਨਭੰਗ ॥ सरब लाइक, सरब घाइक; सरब ते अनभंग ॥ ਸਰਬ ਦਾਤਾ, ਸਰਬ ਗਿਆਤਾ; ਸਰਬ ਕੋ ਪ੍ਰਤਿਪਾਲ ॥ सरब दाता, सरब गिआता; सरब को प्रतिपाल ॥ ਦੀਨਬੰਧੁ ਦਯਾਲ ਸੁਆਮੀ; ਆਦਿ ਦੇਵ ਅਪਾਲ ॥੧੦॥੧੯੦॥ दीनबंधु दयाल सुआमी; आदि देव अपाल ॥१०॥१९०॥ ਦੀਨਬੰਧੁ ਪ੍ਰਬੀਨ ਸ੍ਰੀਪਤਿ; ਸਰਬ ਕੋ ਕਰਤਾਰ ॥ दीनबंधु प्रबीन स्रीपति; सरब को करतार ॥ ਬਰਨ ਚਿਹਨ ਨ ਚਕ੍ਰ ਜਾ ਕੋ; ਚਕ੍ਰ ਚਿਹਨ ਅਕਾਰ ॥ बरन चिहन न चक्र जा को; चक्र चिहन अकार ॥ ਜਾਤਿ ਪਾਤਿ ਨ ਗੋਤ੍ਰ ਗਾਥਾ; ਰੂਪ ਰੇਖ ਨ ਬਰਨ ॥ जाति पाति न गोत्र गाथा; रूप रेख न बरन ॥ ਸਰਬ ਦਾਤਾ, ਸਰਬ ਗ੍ਯਾਤਾ; ਸਰਬ ਭੂਅ ਕੋ ਭਰਨ ॥੧੧॥੧੯੧॥ सरब दाता, सरब ग्याता; सरब भूअ को भरन ॥११॥१९१॥ ਦੁਸਟ ਗੰਜਨ, ਸਤ੍ਰ ਭੰਜਨ; ਪਰਮ ਪੁਰਖ ਪ੍ਰਮਾਥ ॥ दुसट गंजन, सत्र भंजन; परम पुरख प्रमाथ ॥ ਦੁਸਟ ਹਰਤਾ, ਸ੍ਰਿਸਟ ਕਰਤਾ; ਜਗਤ ਮੈ ਜਿਹ ਗਾਥ ॥ दुसट हरता, स्रिसट करता; जगत मै जिह गाथ ॥ ਭੂਤ ਭਬ ਭਵਿਖ ਭਵਾਨ; ਪ੍ਰਮਾਨ ਦੇਵ ਅਗੰਜ ॥ भूत भब भविख भवान; प्रमान देव अगंज ॥ ਆਦਿ ਅੰਤ ਅਨਾਦਿ ਸ੍ਰੀਪਤਿ; ਪਰਮ ਪੁਰਖ ਅਭੰਜ ॥੧੨॥੧੯੨॥ आदि अंत अनादि स्रीपति; परम पुरख अभंज ॥१२॥१९२॥ ਧਰਮ ਕੇ ਅਨ ਕ੍ਰਮ ਜੇਤਕ; ਕੀਨ ਤਉਨ ਪਸਾਰ ॥ धरम के अन क्रम जेतक; कीन तउन पसार ॥ ਦੇਵ ਅਦੇਵ ਗੰਧਰਬ ਕਿੰਨਰ; ਮਛ ਕਛ ਅਪਾਰ ॥ देव अदेव गंधरब किंनर; मछ कछ अपार ॥ ਭੂਮਿ ਅਕਾਸ ਜਲੇ ਥਲੇ ਮਹਿ; ਮਾਨੀਐ ਜਿਹ ਨਾਮੁ ॥ भूमि अकास जले थले महि; मानीऐ जिह नामु ॥ ਦੁਸਟ ਹਰਤਾ ਪੁਸਟ ਕਰਤਾ; ਸ੍ਰਿਸਟਿ ਹਰਤਾ ਕਾਮ ॥੧੩॥੧੯੩॥ दुसट हरता पुसट करता; स्रिसटि हरता काम ॥१३॥१९३॥ ਦੁਸਟ ਹਰਨਾ ਸ੍ਰਿਸਟ ਕਰਨਾ; ਦਯਾਲ ਲਾਲ ਗੋਬਿੰਦ ॥ दुसट हरना स्रिसट करना; दयाल लाल गोबिंद ॥ ਮਿਤ੍ਰ ਪਾਲਕ, ਸਤ੍ਰ ਘਾਲਕ; ਦੀਨ ਦਯਾਲ ਮੁਕੰਦ ॥ मित्र पालक, सत्र घालक; दीन दयाल मुकंद ॥ ਅਘਉ ਡੰਡਣ, ਦੁਸਟ ਖੰਡਣ; ਕਾਲ ਹੂੰ ਕੇ ਕਾਲ ॥ अघउ डंडण, दुसट खंडण; काल हूं के काल ॥ ਦੁਸਟ ਹਰਣੰ, ਪੁਸਟ ਕਰਣੰ; ਸਰਬ ਕੇ ਪ੍ਰਤਿਪਾਲ ॥੧੪॥੧੯੪॥ दुसट हरणं, पुसट करणं; सरब के प्रतिपाल ॥१४॥१९४॥ ਸਰਬ ਕਰਤਾ, ਸਰਬ ਹਰਤਾ; ਸਰਬ ਕੇ ਅਨਕਾਮ ॥ सरब करता, सरब हरता; सरब के अनकाम ॥ ਸਰਬ ਖੰਡਣ, ਸਰਬ ਦੰਡਣ; ਸਰਬ ਕੇ ਨਿਜ ਭਾਮ ॥ सरब खंडण, सरब दंडण; सरब के निज भाम ॥ ਸਰਬ ਭੁਗਤਾ, ਸਰਬ ਜੁਗਤਾ; ਸਰਬ ਕਰਮ ਪ੍ਰਬੀਨ ॥ सरब भुगता, सरब जुगता; सरब करम प्रबीन ॥ ਸਰਬ ਖੰਡਣ, ਸਰਬ ਦੰਡਣ; ਸਰਬ ਕਰਮ ਅਧੀਨ ॥੧੫॥੧੯੫॥ सरब खंडण, सरब दंडण; सरब करम अधीन ॥१५॥१९५॥ ਸਰਬ ਸਿੰਮ੍ਰਿਤਨ, ਸਰਬ ਸਾਸਤ੍ਰਨ; ਸਰਬ ਬੇਦ ਬਿਚਾਰ ॥ सरब सिम्रितन, सरब सासत्रन; सरब बेद बिचार ॥ ਦੁਸਟ ਹਰਤਾ, ਬਿਸ੍ਵ ਭਰਤਾ; ਆਦਿ ਰੂਪ ਅਪਾਰ ॥ दुसट हरता, बिस्व भरता; आदि रूप अपार ॥ ਦੁਸਟ ਦੰਡਣ, ਪੁਸਟ ਖੰਡਣ; ਆਦਿ ਦੇਵ ਅਖੰਡ ॥ दुसट दंडण, पुसट खंडण; आदि देव अखंड ॥ ਭੂਮਿ ਅਕਾਸ ਜਲੇ ਥਲੇ ਮਹਿ; ਜਪਤ ਜਾਪ ਅਮੰਡ ॥੧੬॥੧੯੬॥ भूमि अकास जले थले महि; जपत जाप अमंड ॥१६॥१९६॥ ਸ੍ਰਿਸਟਚਾਰ ਬਿਚਾਰ ਜੇਤੇ; ਜਾਨੀਐ ਸਬਿਚਾਰ ॥ स्रिसटचार बिचार जेते; जानीऐ सबिचार ॥ ਆਦਿ ਦੇਵ ਅਪਾਰ ਸ੍ਰੀਪਤਿ; ਦੁਸਟ ਪੁਸਟ ਪ੍ਰਹਾਰ ॥ आदि देव अपार स्रीपति; दुसट पुसट प्रहार ॥ ਅੰਨ ਦਾਤਾ, ਗ੍ਯਾਨ ਗਿਆਤਾ; ਸ੍ਰਬ ਮਾਨ ਮਹਿੰਦ੍ਰ ॥ अंन दाता, ग्यान गिआता; स्रब मान महिंद्र ॥ ਬੇਦ ਬਿਆਸ ਕਰੇ ਕਈ ਦਿਨ; ਕੋਟਿ ਇੰਦ੍ਰ ਉਪਿੰਦ੍ਰ ॥੧੭॥੧੯੭॥ बेद बिआस करे कई दिन; कोटि इंद्र उपिंद्र ॥१७॥१९७॥ ਜਨਮ ਜਾਤਾ, ਕਰਮ ਗ੍ਯਾਤਾ; ਧਰਮ ਚਾਰੁ ਬਿਚਾਰ ॥ जनम जाता, करम ग्याता; धरम चारु बिचार ॥ ਬੇਦ ਭੇਵ ਨ ਪਾਵਈ; ਸਿਵ ਰੁਦ੍ਰ ਅਉ ਮੁਖਚਾਰ ॥ बेद भेव न पावई; सिव रुद्र अउ मुखचार ॥ ਕੋਟਿ ਇੰਦ੍ਰ ਉਪਇੰਦ੍ਰ ਬਿਆਸ; ਸਨਕ ਸਨਤ ਕੁਮਾਰ ॥ कोटि इंद्र उपइंद्र बिआस; सनक सनत कुमार ॥ ਗਾਇ ਗਾਇ ਥਕੇ ਸਭੇ ਗੁਨ; ਚਕ੍ਰਤ ਭੇ ਮੁਖਚਾਰ ॥੧੮॥੧੯੮॥ गाइ गाइ थके सभे गुन; चक्रत भे मुखचार ॥१८॥१९८॥ |
|
|
|
|
Dasam Granth |