ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 28 ਅਗਾਧ ਆਦਿ ਦੇਵ ਕੀ; ਅਨਾਦਿ ਬਾਤ ਮਾਨੀਐ ॥ अगाध आदि देव की; अनादि बात मानीऐ ॥ ਨ ਜਾਤਿ ਪਾਤਿ ਮੰਤ੍ਰਿ ਮਿਤ੍ਰ; ਸਤ੍ਰ ਸਨੇਹ ਜਾਨੀਐ ॥ न जाति पाति मंत्रि मित्र; सत्र सनेह जानीऐ ॥ ਸਦੀਵ ਸਰਬ ਲੋਕ ਕੋ; ਕ੍ਰਿਪਾਲ ਖਿਆਲ ਮੈ ਰਹੈ ॥ सदीव सरब लोक को; क्रिपाल खिआल मै रहै ॥ ਤੁਰੰਤ ਦ੍ਰੋਹ ਦੇਹ ਕੇ; ਅਨੰਤ ਭਾਂਤਿ ਸੋ ਦਹੈ ॥੨੦॥੧੮੦॥ तुरंत द्रोह देह के; अनंत भांति सो दहै ॥२०॥१८०॥ ਤ੍ਵਪ੍ਰਸਾਦਿ ॥ ਰੂਆਮਲ ਛੰਦ ॥ त्वप्रसादि ॥ रूआमल छंद ॥ ਰੂਪ ਰਾਗ ਨ ਰੇਖ ਰੰਗ ਨ; ਜਨਮ ਮਰਨ ਬਿਹੀਨ ॥ रूप राग न रेख रंग न; जनम मरन बिहीन ॥ ਆਦਿ ਨਾਥ ਅਗਾਧ ਪੁਰਖ; ਸੁ ਧਰਮ ਕਰਮ ਪ੍ਰਬੀਨ ॥ आदि नाथ अगाध पुरख; सु धरम करम प्रबीन ॥ ਜੰਤ੍ਰ ਮੰਤ੍ਰ ਨ ਤੰਤ੍ਰ ਜਾ ਕੋ; ਆਦਿ ਪੁਰਖ ਅਪਾਰ ॥ जंत्र मंत्र न तंत्र जा को; आदि पुरख अपार ॥ ਹਸਤਿ ਕੀਟ ਬਿਖੈ ਬਸੈ; ਸਬ ਠਉਰ ਮੈ ਨਿਰਧਾਰ ॥੧॥੧੮੧॥ हसति कीट बिखै बसै; सब ठउर मै निरधार ॥१॥१८१॥ ਜਾਤਿ ਪਾਤਿ ਨ ਤਾਤ ਜਾ ਕੋ; ਮੰਤ੍ਰ ਮਾਤ ਨ ਮਿਤ੍ਰ ॥ जाति पाति न तात जा को; मंत्र मात न मित्र ॥ ਸਰਬ ਠਉਰ ਬਿਖੈ ਰਮਿਓ; ਜਿਹ ਚਕ੍ਰ ਚਿਹਨ ਨ ਚਿਤ੍ਰ ॥ सरब ठउर बिखै रमिओ; जिह चक्र चिहन न चित्र ॥ ਆਦਿ ਦੇਵ ਉਦਾਰ ਮੂਰਤਿ; ਅਗਾਧ ਨਾਥ ਅਨੰਤ ॥ आदि देव उदार मूरति; अगाध नाथ अनंत ॥ ਆਦਿ ਅੰਤਿ ਨ ਜਾਨੀਐ; ਅਬਿਖਾਦ ਦੇਵ ਦੁਰੰਤ ॥੨॥੧੮੨॥ आदि अंति न जानीऐ; अबिखाद देव दुरंत ॥२॥१८२॥ ਦੇਵ ਭੇਵ ਨ ਜਾਨਹੀ; ਜਿਸ ਮਰਮ ਬੇਦ ਕਤੇਬ ॥ देव भेव न जानही; जिस मरम बेद कतेब ॥ ਸਨਕ ਅਉ ਸਨਕੇਸੁ ਨੰਦਨ; ਪਾਵਹੀ ਨ ਹਸੇਬ ॥ सनक अउ सनकेसु नंदन; पावही न हसेब ॥ ਜਛ ਕਿੰਨਰ ਮਛ ਮਾਨਸ; ਮੁਰਗ ਉਰਗ ਅਪਾਰ ॥ जछ किंनर मछ मानस; मुरग उरग अपार ॥ ਨੇਤਿ ਨੇਤਿ ਪੁਕਾਰਹੀ; ਸਿਵ ਸਕ੍ਰ ਔ ਮੁਖਚਾਰ ॥੩॥੧੮੩॥ नेति नेति पुकारही; सिव सक्र औ मुखचार ॥३॥१८३॥ ਸਰਬ ਸਪਤ ਪਤਾਰ ਕੇ ਤਰਿ; ਜਾਪਹੀ ਜਿਹ ਜਾਪ ॥ सरब सपत पतार के तरि; जापही जिह जाप ॥ ਆਦਿ ਦੇਵ ਅਗਾਧਿ ਤੇਜ; ਅਨਾਦਿ ਮੂਰਤਿ ਅਤਾਪ ॥ आदि देव अगाधि तेज; अनादि मूरति अताप ॥ ਜੰਤ੍ਰ ਮੰਤ੍ਰ ਨ ਆਵਈ ਕਰਿ; ਤੰਤ੍ਰ ਮੰਤ੍ਰ ਨ ਕੀਨ ॥ जंत्र मंत्र न आवई करि; तंत्र मंत्र न कीन ॥ ਸਰਬ ਠਉਰ ਰਹਿਓ ਬਿਰਾਜ; ਧਿਰਾਜ ਰਾਜ ਪ੍ਰਬੀਨ ॥੪॥੧੮੪॥ सरब ठउर रहिओ बिराज; धिराज राज प्रबीन ॥४॥१८४॥ ਜਛ ਗੰਧ੍ਰਬ ਦੇਵ ਦਾਨੋ; ਨ ਬ੍ਰਹਮ ਛਤ੍ਰੀਅਨ ਮਾਹਿ ॥ जछ गंध्रब देव दानो; न ब्रहम छत्रीअन माहि ॥ ਬੈਸਨੰ ਕੇ ਬਿਖੈ ਬਿਰਾਜੈ; ਸੂਦ੍ਰ ਭੀ ਵਹ ਨਾਹਿ ॥ बैसनं के बिखै बिराजै; सूद्र भी वह नाहि ॥ ਗੂੜ ਗਉਡ ਨ ਭੀਲ ਭੀਕਰ; ਬ੍ਰਹਮ ਸੇਖ ਸਰੂਪ ॥ गूड़ गउड न भील भीकर; ब्रहम सेख सरूप ॥ ਰਾਤਿ ਦਿਵਸ ਨ ਮਧ ਉਰਧ; ਨ ਭੂਮਿ ਅਕਾਸ ਅਨੂਪ ॥੫॥੧੮੫॥ राति दिवस न मध उरध; न भूमि अकास अनूप ॥५॥१८५॥ ਜਾਤਿ ਜਨਮ ਨ ਕਾਲ ਕਰਮ ਨ; ਧਰਮ ਕਰਮ ਬਿਹੀਨ ॥ जाति जनम न काल करम न; धरम करम बिहीन ॥ ਤੀਰਥ ਜਾਤ੍ਰ ਨ ਦੇਵ ਪੂਜਾ; ਗੋਰ ਕੇ ਨ ਅਧੀਨ ॥ तीरथ जात्र न देव पूजा; गोर के न अधीन ॥ ਸਰਬ ਸਪਤ ਪਤਾਰ ਕੇ ਤਰਿ; ਜਾਨੀਐ ਜਿਹ ਜੋਤਿ ॥ सरब सपत पतार के तरि; जानीऐ जिह जोति ॥ ਸੇਸ ਨਾਮ ਸਹੰਸਫਨਿ ਨਹਿ; ਨੇਤ ਪੂਰਨ ਹੋਤ ॥੬॥੧੮੬॥ सेस नाम सहंसफनि नहि; नेत पूरन होत ॥६॥१८६॥ ਸੋਧਿ ਸੋਧਿ ਹਟੇ ਸਭੈ ਸੁਰ; ਬਿਰੋਧ ਦਾਨਵ ਸਰਬ ॥ सोधि सोधि हटे सभै सुर; बिरोध दानव सरब ॥ ਗਾਇ ਗਾਇ ਹਟੇ ਗੰਧ੍ਰਬ; ਗਵਾਇ ਕਿੰਨਰ ਗਰਬ ॥ गाइ गाइ हटे गंध्रब; गवाइ किंनर गरब ॥ ਪੜਤ ਪੜਤ ਥਕੇ ਮਹਾ ਕਬਿ; ਗੜਤ ਗਾੜ ਅਨੰਤ ॥ पड़त पड़त थके महा कबि; गड़त गाड़ अनंत ॥ ਹਾਰ ਹਾਰ ਕਹਿਓ ਸਭੂ ਮਿਲਿ; ਨਾਮ ਨਾਮ ਦੁਰੰਤ ॥੭॥੧੮੭॥ हार हार कहिओ सभू मिलि; नाम नाम दुरंत ॥७॥१८७॥ ਬੇਦ ਭੇਦ ਨ ਪਾਇਓ; ਲਖਿਓ ਨ ਸੇਬ ਕਤੇਬ ॥ बेद भेद न पाइओ; लखिओ न सेब कतेब ॥ ਦੇਵ ਦਾਨੋ ਮੂੜ ਮਾਨੋ; ਜਛ ਨ ਜਾਨੈ ਜੇਬ ॥ देव दानो मूड़ मानो; जछ न जानै जेब ॥ ਭੂਤ ਭਬ ਭਵਾਨ ਭੂਪਤਿ; ਆਦਿ ਨਾਥ ਅਨਾਥ ॥ भूत भब भवान भूपति; आदि नाथ अनाथ ॥ ਅਗਨਿ ਬਾਇ ਜਲੇ ਥਲੇ ਮਹਿ; ਸਰਬ ਠਉਰ ਨਿਵਾਸ ॥੮॥੧੮੮॥ अगनि बाइ जले थले महि; सरब ठउर निवास ॥८॥१८८॥ ਦੇਹ ਗੇਹ ਨ ਨੇਹ ਸਨੇਹਿ; ਅਬੇਹ ਨਾਕ ਅਜੀਤ ॥ देह गेह न नेह सनेहि; अबेह नाक अजीत ॥ ਸਰਬ ਗੰਜਨ ਸਰਬ ਭੰਜਨ; ਸਰਬ ਤੇ ਅਨਭੀਤ ॥ सरब गंजन सरब भंजन; सरब ते अनभीत ॥ ਸਰਬ ਕਰਤਾ ਸਰਬ ਹਰਤਾ; ਸਰਬ ਦਯਾਲ ਅਦ੍ਵੈਖ ॥ सरब करता सरब हरता; सरब दयाल अद्वैख ॥ ਚਕ੍ਰ ਚਿਹਨ ਨ ਬਰਨ ਜਾ ਕੋ; ਜਾਤਿ ਪਾਤਿ ਨ ਭੇਖ ॥੯॥੧੮੯॥ चक्र चिहन न बरन जा को; जाति पाति न भेख ॥९॥१८९॥ |
|
|
|
|
Dasam Granth |