ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 26 ਜਿਹ ਫੋਕਟ ਧਰਮ ਸਭੈ ਤਜ ਹੈ ॥ जिह फोकट धरम सभै तज है ॥ ਇਕ ਚਿਤ ਕ੍ਰਿਪਾਨਿਧਿ ਕੋ ਭਜ ਹੈ ॥ इक चित क्रिपानिधि को भज है ॥ ਤੇਊ ਯਾ ਭਵ ਸਾਗਰ ਕੋ ਤਰ ਹੈ ॥ तेऊ या भव सागर को तर है ॥ ਭਵਿ ਭੂਲਿ ਨ ਦੇਹ ਪੁਨਰ ਧਰ ਹੈ ॥੧੯॥੧੫੯॥ भवि भूलि न देह पुनर धर है ॥१९॥१५९॥ ਇਕ ਨਾਮ ਬਿਨਾ ਨਹੀ ਕੋਟਿ ਬ੍ਰਿਤੀ ॥ इक नाम बिना नही कोटि ब्रिती ॥ ਇਮ ਬੇਦ ਉਚਾਰਤ ਸਾਰਸੁਤੀ ॥ इम बेद उचारत सारसुती ॥ ਜੋਊ ਵਾ ਰਸ ਕੇ ਚਸਕੇ ਰਸ ਹੈ ॥ जोऊ वा रस के चसके रस है ॥ ਤੇਊ ਭੂਲਿ ਨ ਕਾਲ ਫੰਧਾ ਫਸ ਹੈ ॥੨੦॥੧੬੦॥ तेऊ भूलि न काल फंधा फस है ॥२०॥१६०॥ ਤ੍ਵਪ੍ਰਸਾਦਿ ॥ ਨਰਾਜ ਛੰਦ ॥ त्वप्रसादि ॥ नराज छंद ॥ ਅਗੰਜ ਆਦਿ ਦੇਵ ਹੈ; ਅਭੰਜ ਭੰਜ ਜਾਨੀਐ ॥ अगंज आदि देव है; अभंज भंज जानीऐ ॥ ਅਭੂਤ ਭੂਤ ਹੈ ਸਦਾ; ਅਗੰਜ ਗੰਜ ਮਾਨੀਐ ॥ अभूत भूत है सदा; अगंज गंज मानीऐ ॥ ਅਦੇਵ ਦੇਵ ਹੈ ਸਦਾ; ਅਭੇਵ ਭੇਵ ਨਾਥ ਹੈ ॥ अदेव देव है सदा; अभेव भेव नाथ है ॥ ਸਮਸਤ ਸਿਧਿ ਬ੍ਰਿਧਿਦਾ; ਸਦੀਵ ਸਰਬ ਸਾਥ ਹੈ ॥੧॥੧੬੧॥ समसत सिधि ब्रिधिदा; सदीव सरब साथ है ॥१॥१६१॥ ਅਨਾਥ ਨਾਥ ਨਾਥ ਹੈ; ਅਭੰਜ ਭੰਜ ਹੈ ਸਦਾ ॥ अनाथ नाथ नाथ है; अभंज भंज है सदा ॥ ਅਗੰਜ ਗੰਜ ਗੰਜ ਹੈ; ਸਦੀਵ ਸਿਧਿ ਬ੍ਰਿਧਿਦਾ ॥ अगंज गंज गंज है; सदीव सिधि ब्रिधिदा ॥ ਅਨੂਪ ਰੂਪ ਸਰੂਪ ਹੈ; ਅਛਿਜ ਤੇਜ ਮਾਨੀਐ ॥ अनूप रूप सरूप है; अछिज तेज मानीऐ ॥ ਸਦੀਵ ਸਿਧਿ ਸੁਧਿ ਦਾ; ਪ੍ਰਤਾਪ ਪਤ੍ਰ ਜਾਨੀਐ ॥੨॥੧੬੨॥ सदीव सिधि सुधि दा; प्रताप पत्र जानीऐ ॥२॥१६२॥ ਨ ਰਾਗ ਰੰਗ ਰੂਪ ਹੈ; ਨ ਰੋਗ ਰਾਗ ਰੇਖ ਹੈ ॥ न राग रंग रूप है; न रोग राग रेख है ॥ ਅਦੋਖ ਅਦਾਗ ਅਦਗ ਹੈ; ਅਭੂਤ ਅਭ੍ਰਮ ਅਭੇਖ ਹੈ ॥ अदोख अदाग अदग है; अभूत अभ्रम अभेख है ॥ ਨ ਤਾਤ ਮਾਤ ਜਾਤਿ ਹੈ; ਨ ਪਾਤਿ ਚਿਹਨ ਬਰਨ ਹੈ ॥ न तात मात जाति है; न पाति चिहन बरन है ॥ ਅਦੇਖ ਅਸੇਖ ਅਭੇਖ ਹੈ; ਸਦੀਵ ਬਿਸੁ ਭਰਨ ਹੈ ॥੩॥੧੬੩॥ अदेख असेख अभेख है; सदीव बिसु भरन है ॥३॥१६३॥ ਬਿਸ੍ਵੰਭਰ ਬਿਸੁਨਾਥ ਹੈ; ਬਿਸੇਖ ਬਿਸ੍ਵ ਭਰਨ ਹੈ ॥ बिस्व्मभर बिसुनाथ है; बिसेख बिस्व भरन है ॥ ਜਿਮੀ ਜਮਾਨ ਕੇ ਬਿਖੈ; ਸਦੀਵ ਕਰਮ ਭਰਮ ਹੈ ॥ जिमी जमान के बिखै; सदीव करम भरम है ॥ ਅਦ੍ਵੈਖ ਹੈ ਅਭੇਖ ਹੈ; ਅਲੇਖ ਨਾਥ ਜਾਨੀਐ ॥ अद्वैख है अभेख है; अलेख नाथ जानीऐ ॥ ਸਦੀਵ ਸਰਬ ਠਉਰ ਮੈ; ਬਿਸੇਖ ਆਨ ਮਾਨੀਐ ॥੪॥੧੬੪॥ सदीव सरब ठउर मै; बिसेख आन मानीऐ ॥४॥१६४॥ ਨ ਜੰਤ੍ਰ ਮੈ ਨ ਤੰਤ੍ਰ ਮੈ; ਨ ਮੰਤ੍ਰ ਬਸਿ ਆਵਈ ॥ न जंत्र मै न तंत्र मै; न मंत्र बसि आवई ॥ ਪੁਰਾਨ ਔ ਕੁਰਾਨ; ਨੇਤਿ ਨੇਤਿ ਕੈ ਬਤਾਵਈ ॥ पुरान औ कुरान; नेति नेति कै बतावई ॥ ਨ ਕਰਮ ਮੈ ਨ ਧਰਮ ਮੈ; ਨ ਭਰਮ ਮੈ ਬਤਾਈਐ ॥ न करम मै न धरम मै; न भरम मै बताईऐ ॥ ਅਗੰਜ ਆਦਿ ਦੇਵ ਹੈ; ਕਹੋ ਸੁ ਕੈਸਿ ਪਾਈਐ? ॥੫॥੧੬੫॥ अगंज आदि देव है; कहो सु कैसि पाईऐ? ॥५॥१६५॥ ਜਿਮੀ ਜਮਾਨ ਕੇ ਬਿਖੈ; ਸਮਸਤ ਏਕ ਜੋਤਿ ਹੈ ॥ जिमी जमान के बिखै; समसत एक जोति है ॥ ਨ ਘਾਟ ਹੈ ਨ ਬਾਢ ਹੈ; ਨ ਘਾਟ ਬਾਢ ਹੋਤ ਹੈ ॥ न घाट है न बाढ है; न घाट बाढ होत है ॥ ਨ ਹਾਨ ਹੈ ਨ ਬਾਨ ਹੈ; ਸਮਾਨ ਰੂਪ ਜਾਨੀਐ ॥ न हान है न बान है; समान रूप जानीऐ ॥ ਮਕੀਨ ਅਉ ਮਕਾਨਿ; ਅਪ੍ਰਮਾਨ ਤੇਜ ਮਾਨੀਐ ॥੬॥੧੬੬॥ मकीन अउ मकानि; अप्रमान तेज मानीऐ ॥६॥१६६॥ ਨ ਦੇਹ ਹੈ ਨ ਗੇਹ ਹੈ; ਨ ਜਾਤਿ ਹੈ ਨ ਪਾਤਿ ਹੈ ॥ न देह है न गेह है; न जाति है न पाति है ॥ ਨ ਮੰਤ੍ਰਿ ਹੈ ਨ ਮਿਤ੍ਰ ਹੈ; ਨ ਤਾਤ ਹੈ ਨ ਮਾਤ ਹੈ ॥ न मंत्रि है न मित्र है; न तात है न मात है ॥ ਨ ਅੰਗ ਹੈ ਨ ਰੰਗ ਹੈ; ਨ ਸੰਗ ਹੈ ਨ ਸਾਥ ਹੈ ॥ न अंग है न रंग है; न संग है न साथ है ॥ ਨ ਦੋਖ ਹੈ ਨ ਦਾਗ ਹੈ; ਨ ਦ੍ਵੈਖ ਹੈ ਨ ਦੇਹ ਹੈ ॥੭॥੧੬੭॥ न दोख है न दाग है; न द्वैख है न देह है ॥७॥१६७॥ ਨ ਸਿੰਘ ਹੈ ਨ ਸ੍ਯਾਰ ਹੈ; ਨ ਰਾਉ ਹੈ ਨ ਰੰਕ ਹੈ ॥ न सिंघ है न स्यार है; न राउ है न रंक है ॥ ਨ ਮਾਨ ਹੈ ਨ ਮੌਤ ਹੈ; ਨ ਸਾਕ ਹੈ ਨ ਸੰਕ ਹੈ ॥ न मान है न मौत है; न साक है न संक है ॥ ਨ ਜਛ ਹੈ ਨ ਗੰਧ੍ਰਬ ਹੈ; ਨ ਨਰੁ ਹੈ ਨ ਨਾਰਿ ਹੈ ॥ न जछ है न गंध्रब है; न नरु है न नारि है ॥ ਨ ਚੋਰ ਹੈ ਨ ਸਾਹ ਹੈ; ਨ ਸਾਹ ਕੋ ਕੁਮਾਰ ਹੈ ॥੮॥੧੬੮॥ न चोर है न साह है; न साह को कुमार है ॥८॥१६८॥ ਨ ਨੇਹ ਹੈ ਨ ਗੇਹ ਹੈ; ਨ ਦੇਹ ਕੋ ਬਨਾਉ ਹੈ ॥ न नेह है न गेह है; न देह को बनाउ है ॥ ਨ ਛਲ ਹੈ ਨ ਛਿਦ੍ਰ ਹੈ; ਨ ਛਲ ਕੋ ਮਿਲਾਉ ਹੈ ॥ न छल है न छिद्र है; न छल को मिलाउ है ॥ ਨ ਤੰਤ੍ਰ ਹੈ ਨ ਮੰਤ੍ਰ ਹੈ; ਨ ਜੰਤ੍ਰ ਕੋ ਸਰੂਪ ਹੈ ॥ न तंत्र है न मंत्र है; न जंत्र को सरूप है ॥ ਨ ਰਾਗ ਹੈ ਨ ਰੰਗ ਹੈ; ਨ ਰੇਖ ਹੈ ਨ ਰੂਪ ਹੈ ॥੯॥੧੬੯॥ न राग है न रंग है; न रेख है न रूप है ॥९॥१६९॥ |
|
|
|
|
Dasam Granth |