ਦਸਮ ਗਰੰਥ । दसम ग्रंथ । |
 |
 |
 |
 |
 |
ਦਸਮ ਗਰੰਥ । दसम ग्रंथ । |
|
|
|
|
|
Page 1091 ਰਾਨਾ ਬਾਤ ਤਬੈ ਯਹ ਮਾਨੀ ॥ राना बात तबै यह मानी ॥ ਭੇਦ ਅਭੇਦ ਕੀ ਰੀਤਿ ਨ ਜਾਨੀ ॥ भेद अभेद की रीति न जानी ॥ ਏਕ ਸ੍ਵਾਰ ਸੰਗ ਲੈ ਤਹ ਗਯੋ ॥ एक स्वार संग लै तह गयो ॥ ਤਾ ਕੌ ਸੰਗ ਅਪਨੇ ਕਰਿ ਲਯੋ ॥੧੩॥ ता कौ संग अपने करि लयो ॥१३॥ ਜੋ ਜੋ ਦ੍ਵਾਰ ਉਤਰਤ ਗੜ ਆਵੈ ॥ जो जो द्वार उतरत गड़ आवै ॥ ਤਹੀ ਤਹੀ ਸਿਰਪਾਉ ਬਧਾਵੈ ॥ तही तही सिरपाउ बधावै ॥ ਸਪਤ ਦ੍ਵਾਰ ਉਤਰਤ ਜਬ ਭਯੋ ॥ सपत द्वार उतरत जब भयो ॥ ਤਬ ਹੀ ਪਕਰਿ ਨਰਾਧਿਪ ਲਯੋ ॥੧੪॥ तब ही पकरि नराधिप लयो ॥१४॥ ਐਸੀ ਭਾਂਤਿ ਸਾਹਿ ਛਲ ਕੀਨੋ ॥ ऐसी भांति साहि छल कीनो ॥ ਮੂਰਖ ਭੇਦ ਅਭੇਦ ਨ ਚੀਨੋ ॥ मूरख भेद अभेद न चीनो ॥ ਜਬ ਲੰਘਿ ਸਭ ਦ੍ਰੁਗ ਦ੍ਵਾਰਨ ਆਯੋ ॥ जब लंघि सभ द्रुग द्वारन आयो ॥ ਤਬ ਹੀ ਬਾਂਧਿ ਤਵਨ ਕੌ ਲ੍ਯਾਯੋ ॥੧੫॥ तब ही बांधि तवन कौ ल्यायो ॥१५॥ ਦੋਹਰਾ ॥ दोहरा ॥ ਜਬ ਰਾਨਾ ਛਲ ਸੌ ਗਹਿਯੋ; ਕਹਿਯੋ ਹਨਤ ਹੈ ਤੋਹਿ ॥ जब राना छल सौ गहियो; कहियो हनत है तोहि ॥ ਨਾਤਰ ਅਪਨੀ ਪਦੁਮਿਨੀ; ਆਨਿ ਦੀਜਿਯੈ ਮੋਹਿ ॥੧੬॥ नातर अपनी पदुमिनी; आनि दीजियै मोहि ॥१६॥ ਚੌਪਈ ॥ चौपई ॥ ਤਬ ਪਦੁਮਿਨਿ ਇਹ ਚਰਿਤ ਬਨਾਯੋ ॥ तब पदुमिनि इह चरित बनायो ॥ ਗੌਰਾ ਬਾਦਿਲ ਨਿਕਟ ਬੁਲਾਯੋ ॥ गौरा बादिल निकट बुलायो ॥ ਤਿਨ ਪ੍ਰਤਿ ਕਹਿਯੋ ਕਹਿਯੋ ਮੁਰਿ ਕੀਜੈ ॥ तिन प्रति कहियो कहियो मुरि कीजै ॥ ਹਜਰਤਿ ਸਾਥ ਜ੍ਵਾਬ ਯੌ ਦੀਜੈ ॥੧੭॥ हजरति साथ ज्वाब यौ दीजै ॥१७॥ ਅਸਟ ਸਹਸ ਪਾਲਕੀ ਸਵਾਰੋ ॥ असट सहस पालकी सवारो ॥ ਅਸਟ ਅਸਟ ਤਾ ਮੈ ਭਟ ਡਾਰੋ ॥ असट असट ता मै भट डारो ॥ ਗੜ ਲਗਿ ਲਿਆਇ ਸਭਨ ਤਿਨ ਧਰੋ ॥ गड़ लगि लिआइ सभन तिन धरो ॥ ਤੁਮ ਹਜਰਤਿ ਸੌ ਐਸ ਉਚਰੋ ॥੧੮॥ तुम हजरति सौ ऐस उचरो ॥१८॥ ਏਕ ਬਸਤ੍ਰ ਹਮਰੋ ਤੁਮ ਲੀਜੈ ॥ एक बसत्र हमरो तुम लीजै ॥ ਪ੍ਰਥਮ ਪਾਲਕੀ ਮੈ ਧਰਿ ਦੀਜੈ ॥ प्रथम पालकी मै धरि दीजै ॥ ਤਾ ਪਰ ਭਵਰ ਗੁੰਜਾਰਤ ਜੈ ਹੈ ॥ ता पर भवर गुंजारत जै है ॥ ਭੇਦ ਅਭੇਦ ਲੋਕ ਨਹਿ ਪੈ ਹੈ ॥੧੯॥ भेद अभेद लोक नहि पै है ॥१९॥ ਤਬ ਗੋਰੈ ਬਾਦਿਲ ਸੋਈ ਕਿਯੋ ॥ तब गोरै बादिल सोई कियो ॥ ਜਿਹ ਬਿਧਿ ਮੰਤ੍ਰ ਪਦੁਮਿਨੀ ਦਿਯੋ ॥ जिह बिधि मंत्र पदुमिनी दियो ॥ ਗੜ ਕੇ ਲਹਤ ਡੋਰਿਕਾ ਧਰੀ ॥ गड़ के लहत डोरिका धरी ॥ ਪਦੁਮਿਨਿ ਅਗ੍ਰ ਪਾਲਕੀ ਕਰੀ ॥੨੦॥ पदुमिनि अग्र पालकी करी ॥२०॥ ਦੋਹਰਾ ॥ दोहरा ॥ ਪਦਮਿਨਿ ਕੇ ਪਟ ਪਰ ਘਨੇ; ਭਵਰ ਕਰੈ ਗੁੰਜਾਰ ॥ पदमिनि के पट पर घने; भवर करै गुंजार ॥ ਲੋਕ ਸਭੈ ਪਦੁਮਿਨਿ ਲਖੈ; ਬਸਤ੍ਰ ਨ ਸਕੈ ਬਿਚਾਰਿ ॥੨੧॥ लोक सभै पदुमिनि लखै; बसत्र न सकै बिचारि ॥२१॥ ਚੌਪਈ ॥ चौपई ॥ ਤਾ ਮੈ ਡਾਰਿ ਲੁਹਾਰਿਕ ਲਯੌ ॥ ता मै डारि लुहारिक लयौ ॥ ਤਾ ਕੌ ਬਸਤ੍ਰ ਤਵਨ ਪਰ ਦਯੌ ॥ ता कौ बसत्र तवन पर दयौ ॥ ਛੈਨੀ ਔਰ ਹਥੌਰਾ ਲਏ ॥ छैनी और हथौरा लए ॥ ਵਾ ਬਢਈ ਕੇ ਕਰ ਮੋ ਦਏ ॥੨੨॥ वा बढई के कर मो दए ॥२२॥ ਦੂਤ ਦਿਲੀਸਹਿ ਬਚਨ ਉਚਾਰੇ ॥ दूत दिलीसहि बचन उचारे ॥ ਗ੍ਰਿਹ ਆਵਤ ਪਦੁਮਿਨਿ ਤਿਹਾਰੇ ॥ ग्रिह आवत पदुमिनि तिहारे ॥ ਰਾਨਾ ਸਾਥ ਪ੍ਰਥਮ ਮਿਲਿ ਆਊ ॥ राना साथ प्रथम मिलि आऊ ॥ ਬਹੁਰਿ ਤਿਹਾਰੀ ਸੇਜ ਸੁਹਾਊ ॥੨੩॥ बहुरि तिहारी सेज सुहाऊ ॥२३॥ ਯੌ ਕਹਿ ਬਢੀ ਤਹਾ ਚਲਿ ਗਯੋ ॥ यौ कहि बढी तहा चलि गयो ॥ ਤਾ ਕੀ ਕਟਤ ਬੇਰਿਯੈ ਭਯੋ ॥ ता की कटत बेरियै भयो ॥ ਤਿਹ ਪਾਲਕੀ ਪ੍ਰਥਮ ਬੈਠਾਯੋ ॥ तिह पालकी प्रथम बैठायो ॥ ਇਹ ਤੇ ਓਹਿ ਡੋਰੀ ਪਹੁਚਾਯੋ ॥੨੪॥ इह ते ओहि डोरी पहुचायो ॥२४॥ ਇਕ ਤੇ ਨਿਕਰਿ ਅਵਰ ਮੋ ਗਯੋ ॥ इक ते निकरि अवर मो गयो ॥ ਅਨਤ ਤਹਾ ਤੇ ਨਿਕਸਤ ਭਯੋ ॥ अनत तहा ते निकसत भयो ॥ ਇਹ ਛਲ ਤਹਾ ਪਹੂੰਚ੍ਯੋ ਜਾਈ ॥ इह छल तहा पहूंच्यो जाई ॥ ਤਬੈ ਦੁਰਗ ਮੈ ਬਜੀ ਬਧਾਈ ॥੨੫॥ तबै दुरग मै बजी बधाई ॥२५॥ ਗੜ ਪਰ ਜਬੈ ਬਧਾਈ ਭਈ ॥ गड़ पर जबै बधाई भई ॥ ਸਊਅਨ ਕਾਢਿ ਕ੍ਰਿਪਾਨੈ ਲਈ ॥ सऊअन काढि क्रिपानै लई ॥ ਜਾ ਪਰ ਪਹੁਚਿ ਖੜਗ ਕਹ ਝਾਰਿਯੋ ॥ जा पर पहुचि खड़ग कह झारियो ॥ ਏਕੈ ਘਾਇ ਮਾਰ ਹੀ ਡਾਰਿਯੋ ॥੨੬॥ एकै घाइ मार ही डारियो ॥२६॥ ਧੁਕਿ ਧੁਕਿ ਪਰੇ ਧਰਨਿ ਭਟ ਭਾਰੇ ॥ धुकि धुकि परे धरनि भट भारे ॥ ਜਨੁਕ ਕਰਵਤਨ ਬਿਰਛ ਬਿਦਾਰੇ ॥ जनुक करवतन बिरछ बिदारे ॥ ਜੁਝਿ ਜੁਝਿ ਮਰੈ ਅਧਿਕ ਰਿਸਿ ਭਰੇ ॥ जुझि जुझि मरै अधिक रिसि भरे ॥ ਬਹੁਰਿ ਨ ਦਿਖਯਤ ਤਾਜਿਯਨ ਚਰੇ ॥੨੭॥ बहुरि न दिखयत ताजियन चरे ॥२७॥ |
|
|
|
|
Dasam Granth |